عن الذي دعواي ينجيك مِنِّه ( جديد ) ............ حله ( برق القصيم ) .. الحل ( الكرب )

[ابو ماجد 2]

بسم الله الرحمن الرحيم

السلام عليكم ورحمة الله وبركاته

ياللي صعيب اللغز دايم تقنّه =غطوه ومامن ياصحيبي صعوبه
عن الذي دعواي ينجيك مِنِّه=عدة حروفه بالثلاث امحسوبه
اليافتحت الوسط جمعٍ حونّه=كم كافرٍ فيهن تهادت دروبه
ان صار ذيله راس مابه مظنه=اسم لعذراء والعوارف دروبه
وان صار راسه ذيل ماني امكنّه=الياولج بالنفس تصبح عطوبه
وليانقلب لو تنشد الناس عنه =كلٍ طرا له بل يابن العروبه


بل 0 المقصود ابل

مع تحيات ابو ماجد

منتديات مكشات 0 خيمة الالغاز

[أبو رافع الظاعن]

صح لسانك يا زعيمنا على هالمزيون ...

هذا يبي له جركل سوبيا ....من فضلة الهيل والهلالي ....

وعسى الخيال ينطلق !!!

[الدوسرية]

صح السانك ياخوي ماشاء الله عطاء متزايد تبارك الله
لي رجعة ورمعه

[ابو ركاد]

ابو ماجد
صح لسانك
وش رايك
بالجبن (الجبان)

[الدوسرية]

وش رايك بالبخل

[ابو ماجد 2]

صح لسانك يا زعيمنا على هالمزيون ...



هذا يبي له جركل سوبيا ....من فضلة الهيل والهلالي ....



وعسى الخيال ينطلق !!!


ههههههههههههههههههه
حلوووووه ياعميدنا
صح بدنك يالغالي
وشرفني مرورك
الهلالي يمكن والا الهيل يبتل يلب ماله فضله
لو قدامه اللي بالصورة لبهن

http://dc02.arabsh.com/i/00423/9hwy7tpvmv60.jpg

[ابو ماجد 2]

صح السانك ياخوي ماشاء الله عطاء متزايد تبارك الله


لي رجعة ورمعه


صح بدنك اختنا العزيزه
شرفنا مرورك
وفي انتظار مرماعك

[ابو ماجد 2]

ابو ماجد



صح لسانك
وش رايك


بالجبن (الجبان)


هلا بك يابو ركاد
صح بدنك يالغالي
مابعد صدته يالغلا
انتظر مرماعك القادم
تحيتي لك وتقديري

[ابو ماجد 2]

وش رايك بالبخل



مابعد صدتيه اختنا العزيزه

[الدوسرية]

سمك واذا صار ذيله براسه يصير مسك اسم بنت

[SHAHEAN]

أبو ماجد
تسلم على هذا اللغز الكبير

أنا مبطي عن ألغازكم لكن عندي رمعة

وش رايك بـــ درب من دروب

[الدوسرية]

وش رايك كفر فكر

[ابو ماجد 2]

سمك واذا صار ذيله براسه يصير مسك اسم بنت
هلا بك اختنا
لايزال طليق
انتظر مرماعك القادم

[ابو ماجد 2]

أبو ماجد

تسلم على هذا اللغز الكبير


أنا مبطي عن ألغازكم لكن عندي رمعة



وش رايك بـــ درب من دروب


تسلم يالغالي
ومرحبا فيك اليوم وكل يوم
والرمعه ماصادت يالغالي

[ابو ماجد 2]

وش رايك كفر فكر


لايزال طليق
اختنا العزيزه

[برق القصيم]

صح لسانك زعيمنا
رميعه طال عمرك
والله يفرج كربة كل مسلم
كرب !! اللي هن كرب النخل وهن درب لمن يرقى النخله
وبكر عذراء....وربك من الارباك
وبرك من بروك الابل

[الكنور]

صح لسانك يبو ماجد

وش رئيك فى (بار)

تحياتى

[الثريّا]

صباح الخير

وشرايك بكلمة جنه هجن جن

[ابو ماجد 2]

صح لسانك زعيمنا

رميعه طال عمرك
والله يفرج كربة كل مسلم
كرب !! اللي هن كرب النخل وهن درب لمن يرقى النخله
وبكر عذراء....وربك من الارباك
وبرك من بروك الابل


هلا ومليون هلا
هلا بك يابو عبدالرحمن
نبي نبدأ نكثر من المتلولسات من شان يكثر دخولك
لله درك
نعم
كرب
بسكون الوسط اي شده وعسر
اذا فتحنا الوسط اصبحت
كرَب
وهي كرب النخل وتسهل طريق الكافر اي المزارع لصعود النخله
ولو صار ذيله راس
بكر وهي العذراء من النساء
ولو صار راسه ذيل
ربك والارتباك لو حل بالنفس يعيبه
الياقلبته
برك وبالغالب يقال للابل بركت
بيض الله وجهك يابو عبدالرحمن

[أبو رافع الظاعن]

صح لسانك زعيمنا

رميعه طال عمرك
والله يفرج كربة كل مسلم
كرب !! اللي هن كرب النخل وهن درب لمن يرقى النخله
وبكر عذراء....وربك من الارباك
وبرك من بروك الابل




صح لسانك يا برق:l

ننتظر ختم الزعيم :good2:

[ابو ماجد 2]

صح لسانك يبو ماجد



وش رئيك فى (بار)



تحياتى


هلا بك يابو منصور
والحل عند برق القصيم
وبالمناسبه ترى برق القصيم مراميعه وطريقة تفكيره تذكرني برفيقنا أول نديم طويق الله يذكره بالخير وسلم لنا عليه ان كان لك فيه اتصال

[ابو ماجد 2]

صباح الخير

وشرايك بكلمة جنه هجن جن

صباح النور اختنا العزيزه
والحل عند برق القصيم

[ابو ماجد 2]

صح لسانك يا برق:l



ننتظر ختم الزعيم :good2:


تأكيد بمحله
صح لسانك انت واياه
واكاد اجزم انك معنا بالالغاز ولكن تفكيرك مشغول

[الحناوي]

صح لسانك يالزعيم،،

وصح لسانك يابرق كفو والله،،

بس عندي استفسار ، عن "كافر" و "ربك"

ودمتم بابداع،،

[ابو اسامه 2]

وعليكم السلام ورحمة الله وبركاته

صح لسانك زعيمنا ما شاء الله عليك :good2:

وصح لسان البرق ما شاء الله عليه :good2:

تحياتي للجميع

[برق القصيم]

هلابك يابوماجد وماعليك زود طال عمرك
وانا والله اتمي اويق على المنتدى لكن كل ماجيت لغز لقيته من صيد امس
ماشاء الله لاقوة الابالله الذيابه بهالخيمه رميهم طيار
وادري انك ما تحب المدح يازعيم ولكن لك دور كبير للمستوى الذي تتميز به هذه الخيمه
فمنك تعلمنا الكثير ومازلنا كذلك

[الأديب]

صح لسان ابو ماجد بصراحه لغز رائع وقدر يودينا بعيد بالكفار وفعلا ورد بالقران الكريم لفظ الكفار على المزارعين
وصح لسان برق تفكير رائع ماشاء الله

[ابو ماجد 2]

صح لسانك يالزعيم،،



وصح لسانك يابرق كفو والله،،


بس عندي استفسار ، عن "كافر" و "ربك"


ودمتم بابداع،،


صح بدنك ياحفيد
وهلا بك يالغلا
بالنسبة للكافر بمعنى مزارع اليك ماقتبسته
اعْلَمُوا أَنَّمَا الْحَيَاةُ الدُّنْيَا لَعِبٌ وَلَهْوٌ وَزِينَةٌ وَتَفَاخُرٌ بَيْنَكُمْ وَتَكَاثُرٌ فِي الْأَمْوَالِ وَالْأَوْلَادِ كَمَثَلِ غَيْثٍ أَعْجَبَ الْكُفَّارَ نَبَاتُهُ ثُمَّ يَهِيجُ فَتَرَاهُ مُصْفَرًّا ثُمَّ يَكُونُ حُطَامًا وَفِي الْآخِرَةِ عَذَابٌ شَدِيدٌ وَمَغْفِرَةٌ مِّنَ اللَّهِ وَرِضْوَانٌ وَمَا الْحَيَاةُ الدُّنْيَا إِلَّا مَتَاعُ الْغُرُورِ{الحديد:20}.
قال الشوكاني في تفسيره: والمراد بالكفار هنا الزراع لأنهم يكفرون البذر: أي يغطونه بالتراب ، ومعنى نباته: النبات الحاصل به </SPAN>ثم يهيج </SPAN>أي يجف بعد خضرته وييبس </SPAN>فتراه مصفراً </SPAN>أي متغيراً عما كان عليه من الخضرة: والرونق إلى لون الصفرة والذبول </SPAN>ثم يكون حطاماً </SPAN>أي فتاتاً هشيماً متكسراً متحطماً بعد يبسه ... والمعنى: أن الحياة الدنيا كالزرع يعجب الناظرين إليه لخضرته وكثرة نضارته ثم لا يلبث أن يصير هشيماً تبناً كأن لم يكن.

واليك ايضا

معني الكفر هو التغطية وبما أن المزارع يغطي البذرة فإنه يسمي كافراً . ومن هذا المعني سُمي الجاحد بأوامر الله تعالي والجاحد بوجوده سبحانه وتعالي .... كافراً لإنه يغطي الفطرة التي فُطر عليها وهي الإيمان بوجود الله تعالي , ولإنه أيضا يغطي الحق بالباطل .


اما ربك
فقصدت فيها من الارتباك ويقال عندنا ربك وارتبك

[ابو ماجد 2]

وعليكم السلام ورحمة الله وبركاته



صح لسانك زعيمنا ما شاء الله عليك :good2:


وصح لسان البرق ما شاء الله عليه :good2:



تحياتي للجميع


هلا بك يابو اسامه
صح بدنك يالغلا وسرني تشريفك

[ابو ماجد 2]

هلابك يابوماجد وماعليك زود طال عمرك

وانا والله اتمي اويق على المنتدى لكن كل ماجيت لغز لقيته من صيد امس
ماشاء الله لاقوة الابالله الذيابه بهالخيمه رميهم طيار
وادري انك ما تحب المدح يازعيم ولكن لك دور كبير للمستوى الذي تتميز به هذه الخيمه

فمنك تعلمنا الكثير ومازلنا كذلك


هلا بك يابو عبالرحمن
والله انك صادق ماشاء الله تبارك الله
قليل اللغز يمر عليه يوم ماانذبح وهذا مصدر فخر ولو انه متعب للغازين
واما بالنسبة لي انا مثل الربع طالما فيه رماعين لابد نحاول الهروب منهم وهكذا العمليه

تتطور شيء فشيء بدون ان تحس فيها

[ابو ماجد 2]

صح لسان ابو ماجد بصراحه لغز رائع وقدر يودينا بعيد بالكفار وفعلا ورد بالقران الكريم لفظ الكفار على المزارعين
وصح لسان برق تفكير رائع ماشاء الله

صح بدنك يالغالي وتوظيف هالمسمى في لغز ليس من بدعي سبقني فيه الكثيرين
الف شكر للتوضيح