فيتامينات لتقوية عضلات الصقور

[مكرم الضيف]

هل تدريب الطير وحده يكفي لتقويته بالرغم ان هناك فيتامينات تعطى للطير وتعوض نقص بعض العناصر. وفيه ناس تقول اعط الطير بيض بلدي يقويه هل الكلام هذا صحيح.


وماهي الاشياء الرئيسية للعناية بالطير عناية تامة وصحيحة


ومارأيكم بهذا الفيتامين لتقوية عضلات الطير


اسمه


falcon power


وهل احد جربه لطيره


http://www.mekshat.com/pix/upload05/images225/mk138009_falcon power.jpg



ارجو التفاعل

[حامد الحنيني]

السلام عليكم ورحمة الله وبركاته
حياك الله اخوي مكرم الضيف
تدريب الطير يكفي لتقوية عضلاته لاكن في بداية الدعو
يفضل تعطي الطير فيتامين مع اني لم اجربه لاكن لي تجربه
في الموميان والشب الابيض اذا الطير لاحظة انه ارتخى جناحه او صابه
ملع لاسمح الله تعطيه من الموميان او الشب الابيض على راس اصبعك كميه قليله
جدا مع علف الطير لمدة اسبواع او اسبوعين لما تشوف جناح الطير رجع مثل اول
وهو ممتاز جدا وفعال
اما البيض البيض ممتاز لريش الطير يخلي الريش قوي مظهره ممتاز
وله فوائد ثانيه وهو اما تغمس علف الطير بصفار البيض
او بعض الطيور تشيل القشر من اعلى البيض ويبدى الطير بشرب الصفار
اما الفيتامين بور اسمع به ولا جربته يفيدونك الاخوان عنه
اتمنى اني افدتك......
تقبل تحياتي.

[مكرم الضيف]

ماشاءالله عليك مشكور اخوي حامد على هذه المعلومات والله يجزاك خير ويكثر من امثالك

[طير الهقاوي]

السلام عليكم ورحمة الله

ان قلت زين الفتامين فهو زين
ون افتكيت منه فهو ابرك
وكتف بالبيض والعلاج الشعبي افضلك من الكيماوي
مثلك عارف الطير ادنا ما غير عليه
تقبل تحياتي طير الهقاوي

[مكرم الضيف]

والله ياخوان الطير جفيان وماردت حالته بالرغم اني اعلفه صوص حي بالصبح والمسا

[راعي الدويمع]

يفدونك الاخوان

[ابوبندر2012]

اتلا العهد به يوم ياخذ بعالي
اخفاه سباره ونا قبل مخفيه

[أبو جسار]

والله ياخوان الطير جفيان وماردت حالته بالرغم اني اعلفه صوص حي بالصبح والمسا


تأكد يالغلا من صحه الطير لايكون فيه دود

وعليك بالسمان

[شليويح511]

اخوي لازم تنوع للطير بالعلف تعطيه حمام سمان وان حصل جرابيع تمام مهوب بس صيصان اكيد بيحصله نقص واذا تعطيه فيتامين زين او زيت كبد الحوت اسمه سفن سيز

[راعي هباش]

عليك بفخوذ الدجاج المبرد صبح وليل ودعلي

[هاوي بر و صيد]

ربي يوفقكم للخير يا رب

[أبو أمين]

بالنسبه للعضلات وقت الدعو

ترا فيه عصار عن مستشفى الأمير فهد بن سلطان

ممتاز جداً جداً

وهذا من اسرار المهنه لكن تستاهل دامك تكرم ضيفك

______________________________

اما بالنسبه للطير شف وانت بكرامه لون مرشه + صنعته + افتح بوزه وشيك من الداخل حتى تتأكد من خلو القلاع

ولا تكثر عليه الصوص 3 مرات في الأسبوع يكفي ونوع في العلف والله الله بالنظافه فالمكان والماء الذي يشرب منه .

تحياتي .

[دعاس]

الطير ياطلعته طلقه كم يوم ياما نتحل عضلاته وبعدها اكيد يبي يتملع
والافضل الموميان ثلاث ايام وبعدها تعطيه الشب مع بيض ثلاث الى خمس ايام وان شاء الله تفيده وابتعد عن الفيتامينات والابر
لان في بعض الصقاقير كانت تعطي الموميان والشب مع بعض
ومعروف ان الموميان يرخي والشب يشد وكلهن مع بعض اكيد مايفيد الطير’’او اللي يخاف من الموميان يعطي حلب بدله منه.

[مسعورر]

فيه عصار في مستشفى الأمير فهد بن سلطان

ممتاز للملوع واول طلوع الطير من الربطه حلو لعظلات الطير

[jamal111]

وش اسم العصار عساك وشيبانك الجنة ممكن نلقاه عندنا في الكويت

[أبو فااارس]

الموضوع له ثلاث سنوات

[عابر الموج]

صحيح يابوفارس ولابد من قفله للجميع تحياتي