فيدوني جازاكم الله

[ولد مساكن]

السلام عليكم و رحمة الله تعالى و بركاته

اليوم يا خواني عشّيت الطير قبل المغرب بشوي

بعد ما كمّل عشاه بدقيقة تقريبا زلّط ( مرّش ) حاشاكم

الزلطه الأولى كانت عادية و بعدها بخمس ثواني نزلت زلطه أخرى صغيره بحجم الضفر و كان فيها دم

http://hh7.net/Aug/13/hh7.net_13132602001.jpg

حجم الزلطه ( حاشاكم ) مبين باللون الأزرق

فيها شي ؟؟؟؟ و هل الطير مريض

علما أنها أوّل مرّه تجيه الحاله هذي

[راعي الطييب]

السلام عليكم ورحمه الله وبركاته

والله اول مره تمر علي الحاله هذي

ولاكن احتمال وماهو اكيد احتمال يكون معاه التهاب افحصه بالبيطري او يجي من الاخوان يعطيك العله بالكامله الي ماره عليه

والسلام عليكم ورحمه الله

[الحمش1]

السلام عليكم

اخوي هاذي عظم جارح معلف الطير

[ربع خالي]

وعليك السلام ورحمة الله وبركاته

اخوي ولد مساكن : أنا أشك بأن الطير تعرض لملع قوي ، ولكن لايمنع أن تعطينا سيرة الطير قبل يومين ولحد ماوصل للحاله هذي .
مثلا : هل الطير تعرض لضربه ؟ أو هل الطير خفاق على الكف ؟ وش هو العلف اللي تعلفه الطير سابقا ؟ و وشهو العلف اللي عطيته الطير وبعدها صارت له هذه الحاله .
يعني عطنا علومه بالتفصيل حتى نقدر نساعدك .
تحياتي

[راعي هباش]

وعليكم السلام ورحمت لله وبركاته يخوك صارت معاي هلحاله بشيهانه وديته للمستشفه وقال التهاب بلمعاه وعطاني ابر وحبوب فترت سبوعين متقطه ولله الحمد راح الدم ولاكن قالي في طير حر نفس الشي صارله ومات ولله يست علا طيرك وده بسرعه لايزيد معاه

[ولد مساكن]

الطير يخفق شوي على الكف و من 4 أيام أعطي فيه فخذ ديك رومي

و الحالة هذي أوّل مرّة تصير

الطير صرف جزأ من عشاه و الزلط عادي ما به دم

أخوي ربع خالي , السماح , ما شفت رسالتك لأن واحد من الصغار حوّلها من الرّسايل الواصله إلى المفضله و ما نتبهت لها

[هاوي بر و صيد]

ربي يعينك وييسر لك امرك

[راعي الدويمع]

الطير عنده الاتهاب حاد في الامعاء انصحك اقرب مستشفى لصقور

[مسعورر]

لازم تفحصه با المستشفى احسن عشان تتاكد هذا الحل؟

[ربع خالي]

شف وناخوك إن كان الطير عينه حيّه ولاتلاحض فيها نوع من الارهاق ؟ إن شاءالله مافيه باس
أهم شي تراقب عينه ولما تبرقعه راقبه إذا كان يشد بجسمه ويرخي . وراقب إذا كان يكثر من اللف على حوصلته وخاصه إذا ماعنده اكل.

احوك ابو سيف

[ولد مساكن]

يا خوي أموره 10 على 10 و يعلف بشراهه و نشيط و عينه عاديه و لا به أي بلا

و إذا تريد نصور لك وجه الطير و شوف عينه و أحكم

[ربع خالي]

بحيل الله طيرك مافي باس وإحتمال يكون وقت خفقانه شد بالحيل وصابه ملع وهذا بسيط إن شاءالله ,,
وإذا كان ملع رح تشوف الدم مرتين او ثلالث وبعدها يصبح محط الطير طبيعي ,,, ويكوم من يقرأ.
ولكن من وقت مشاهدتك للدم لحد الان هل تكرر ؟

[اقدم صقار]

السلام عليكم
اخوي ولد مساكن
طيرك والله اعلم فيه التهاب بالامعاء وانصحك وده للدكتور وخذ علاج بسرعه لا يزيد الالتهاب وهذا رايي وانت بكيفك
الله يعافيه
وتقبل مروري

[طيرالحمــــاد]

السلام عليكم

اخوي ولد مساكن
طيرك والله اعلم فيه التهاب بالامعاء وانصحك وده للدكتور وخذ علاج بسرعه لا يزيد الالتهاب وهذا رايي وانت بكيفك
الله يعافيه

وتقبل مروري

كلامك سليم 100 %

[سنجااار]

شلون صنعة الطير اخوي ماتحس به اي نزول اذا كانت صنعته تمام له ايام

فإن شاء الله مابه اكسيديا

الاكسيديا من اثارها مرش بالدم القلاع القوي والالتهاب الحاد مثل ماذكرو الاخوان

كان ماحولك مستشفى تحصل بالصيدليه البيطريه حبوب ام بسلين مضاد حيوي لأمعاء الطير

عطه حبتين قبل العلف لمدة خمس ايام

والله يشفي الطير

[@السيف@]

الله يشفي طيرك

[رامى السيد]

اخى حفظك الله هذى اعراض كوكسيديا وهذا المرض يجى الطير من تناوله علف فاسد وهو مرض بكتيرى يشبه الدسونتاريا عند البشر وعلاجه بسيط انشاء الله