المساعد الشخصي الرقمي

مشاهدة النسخة كاملة : سوال عن قارمن 3790t


أم كيان
13/08/2011, 11:58 PM
السلام عليكم ..http://i1.makcdn.com/m002/travel/images/smilies/link2/14b2a.gif

احنا شرينا جهاز قارمن نوفي t3790 وجبت الاحدثيات ... وتوهقنا:( ما عرفنا ندخل الاحدثيات وابي منكم طريقة تدخيل الاحداثيات في الجهاز ويعطيكم العافية ...
علما بأني..
ابي ادخل احداثيات سويسرا...
وابي ادخل احداثيات لندن ..
وابي ادخل احداثيات ايطاليا...
ابو عمر النوح
14/08/2011, 12:35 AM
هل قصدك أنك ما عرفت من أين ادخال الاحداثيات و الا عارف موقع ادخال الاحداثيات و لا عرفت ادخالها على العموم بأوضح لك الكل :

1 . بعد تشغيل الجهاز و استقبال الأقمار الضغط على إلى أين
2 . النزول أسفل إلى و اختر ( أحداثيات ) ( شعاره دائرة كأنها الكرة الأرضية ) بخطوط الطول و دوائر العرض
3 . لمس الشريط العلوي الذي تكون فيه احداثيات الشمال و الجنوب ( N S )
4 . ادخال الاحداثيات الموجودة عندك ثم تم .
5 . لمس الشريط السفلي الذي تكون فيه احداثيات الشرق و الغرب ( E W )
6 . ادخال الاحداثيات الموجودة عندك ثم تم .
بعد ذلك يطلب منك عرض على الخريطة ثم اذهب

آمل إن الشرح واضح
أم كيان
14/08/2011, 12:48 AM
الله يوفقك ابو عمر النوح ...هذي عرفت لها ...
اللي ماعرفته موضوع الشرطات _والنقط _والشرطتين اللي فوق _والدرجه

لما اوصل للشريط العلوي والشريط السفلي ...
فيه على الزاويه رمز >> ثلاث خطوط فوق بعض صغار ... لما اضغطه يطلع تنسيق >> ويجيك ثلاث خيارات ..
اي واحد انا اختار >>> علما انو الاحداثيات اللي عندي >>ماتشبه لواحد من هالتنسيقات>>
وبعدين اذا حطيت اذهب >> يحدد لي اللي كتبته بالخريطه ((الاحداثيات اللي كتبتها انا))بس مايقول اسمه >>(((حسبته يطلع الاسم للمكان اللي ابي >>ماطلع شي ))
وعايدي انا اكتب بالعربي اسمه >>والا لازم هو يطلعلي اسم اللي ابي اذا جبت الاحداثيا ت..
ابو عمر النوح
14/08/2011, 07:35 PM
حياك الله اختي
بالنسبة لهذي تختارين الثانية اللي هي : h dddْ mm.mmm
و طبعا هذي تختلف من احداثيات القارمن أو القوقل ايرث بالنسبة للي كتبتها لك فوق هذي خاصة بالقارمن و حسب الاحداثيات اللي عندك و شوفي لي موضوع اسمه طريقة سهلة لتحويل الاحداثيات من القارمن والقوقل ايرث على هالرابط :
http://www.mekshat.com/vb/showthread.php?t=151295

و إذا ما عرفت تحويلها ممكن تكتبين لي واحدة بس من الاحداثيات اللي عندك عشان أعطيك طريقة تحويلها . علما اني حاط مثال في الموضوع على طريقة التحويل .
أم كيان
14/08/2011, 11:21 PM
الله يوفقك ابو عمر النوح...
والحين اضرب واقسم بالاله الحاسبه .. بعدين اكتب الاحداثيه .. بمكانها
بجرب واشوف لي عوده لكم ...واذا عرفت وضبطت خبرتكم..
أم كيان
16/08/2011, 01:43 AM
جربت وضربت وقسمت .. بس مافاد >>>
تيب الحين انا اذا كتبت الاحداثيه تروح حول المكان اللي ابي بس ماينكتب اسمها ...
ايش السبب؟؟؟ يعني مكاني خطا .. والا كيف ..
ابو عمر النوح
16/08/2011, 10:08 PM
حياك الله اختي

أولا كم الفرق بين موقع الاحداثية و الموقع اللي تبينه يعني هل هو بالأمتار و إلا بالكيلووات . إذا بالأمتار فشغلك عدل أما إذا كان بعيد ففيه مشكلة في الإحداثية ما سُجلت صح

ثانيا يمكن الموقع اللي تبينه غير مسجل في القارمن بكذا ما يطلع اسمه في القارمن و الله أعلم .

و إذا احتجت أي شيء أنا جاهز .

و ودي تعلمينا وش صار عليك
ابو عمر النوح
16/08/2011, 10:20 PM
و على فكرة

ترا لازم تختارين خريطة اوروبا عشان تفيدك في اوروبا
و طريقة اختيار الخرائط كما يلي :

تختارين أدوات ـ اعدادات ـ my maps ـ و بعدين يكون المؤشر صح على خريطة اوروبا فقط و تشيلين الصح من الخرائط الباقية . و على حسب الخرائط في جهازك يمكن فيه خريطة الشرق الأوسط أو خريطة الصحراء أو دار موجة ، المهم يكون الصح على خريطة اوروبا فقط . و لا تنسين التأكد من استقبال الأقمار .
أم كيان
18/08/2011, 06:00 AM
..بالنسبه للامتار والكليومترات .. ماعرف كيف اطلعها ..
واذا كتبت الاحداثيه وانا ابيها بسويسرا >>تطلع بسويسرا ..بس ماينكتب الاسم اللي ابي ... وما ادري هو صح والا خطاء..
ولا عليك امر ابيك تعلمني طريقه كيف اعرف احسبها بلامتار والكليو مترات...

وبعد بالنسبه للخرايط اللي عندي هي

الاولى
Europe DEM

الثانيه
CN Europe NT 2011.10 3D
الثالثه
CN MIddle & N Africa NT 2012.10
الرابعه
CN Europe NT 2011.10 ALL traffic Trends Europe 3.00

ايش اختار باضبط وايش معانيهم؟؟

و لما ابي ايطاليا وسويسرا ولندن؟؟ ايش اختار اي خريطه فيهم ..
والله يوفقك .. دنيا واخره..
أم كيان
19/08/2011, 12:58 PM
السلام عليكم
اين التفاعل ايهما الاعضاء وخاصة ابو نوح
ابو عمر النوح
19/08/2011, 05:01 PM
حياك الله ام كيان
كنت مسافر الخميس و الجمعة ولا عندي نت

بالنسبة لاختيار الخرائط اختاري خرائط اوربا فقط Europe اللي هي الأولى و الثانية و الرابعة فقط عندك في جهازك أما الثالثة لا يكون عليها صح لأنه لو فيه اشارة عند الخريطة الثالثة بتشوش و تخرب على كل الخرائط

بالنسبة إذا بغيت شي بالاسم هذا ما هو عن طريق الاحداثية و انما عن طريق نقاط الاهتمام كالتالي :
1 . إلى أين
2 . نقاط اهتمام
3 . تختارين منها المناسب لك مثلا مطاعم ـ سكن ـ تسوق ... الخ و تراها كثيرة و يطلع لك الأقرب فالأبعد

إذا ما طلع لك اللي تبين اختاري تهجئة بالإسم و اكتبي الاسم بالإنجليزي طبعا و ان شاء الله بيطلع لك اللي تبين

و أتمنى تعلمينا وش صار عليك .
أم كيان
20/08/2011, 04:57 AM
الله يعافيك ويوفقك ابو عمر النوح ..ومعليش تعبتك معي
ضبطت الخرايط وحطيتها كلها زي ماتقول ...
ورحت الي اين وماخليت شي ...مطاعم _سكن_تسوق_تهجئه الاسم...
......ويقول لاتوجد مطابقه .. لازم اروح لاوروبا عشان يبين يعني .. والا مافيه مشكله يبين في السعوديه >> الاماكن اللي ابي باوروبا..
وجربت عده طرق لحفظ الاحداثيات...منها قوقل ماب وارسال الي gps>>> بعدين اختيار نوع قارمن .. وبعد ماضبط..
ومنها المقارنه بين قوقل ايرث والتاكد
ومنهاحساب بالضرب والقسمه من قوقل ايرث للقارمن..


ومنها كتابه الاحداثيات بنفسي ,,,كتبتها عندي بس ماحس انها ضبطت ...
لانو ماطلع الاسم بس عرفت انه بالمنطقه اللي ابي من الخريطه..وش عرفني اضغط علامه السالب لما تطلع الكره الارضيه اوقف واشوف انا باي مدينه .. واعرف انو بالمدينه اللي ابي بس ماينكتب المعلم ..لافندق.. ولا مطار..ينكتب الاحداثيه اللي كتبت ولما اسوي حفظ انا اللي اسميه بعدين ينحفظ عندي...
>> هل جهازي فيه عيب والا انا ماعرفت له .. علما انو الجهاز جديد والخرايط اصليه..
ابو عمر النوح
20/08/2011, 05:06 PM
حياك الله اختي أم كيان
أنا متوقع انك في اوروبا ولكن إذا كنت هنا و تبغين مكان آخر اليك الطريقة :
1 . إلى أين
2 . اضغطي الثلاث شرطات اللي فوق على اليسار اذا كان القارمن بالعرض
3 . اضغطي بالقرب من
4 . مدينة مختلفة بعدين حفظ
5 . اضغطي المكبر اللي فوق يسار ( شعار البحث )
6 . ثم حولي اللغة إلى انجليزي عن طريق الدائرة تشبه الكرة الأرضية تحت يمين
7 . اكتبي اسم المدينة اللي تبين وبعدين اختاري من الخيارات الأولة اللي هي مطاعم ـ سكن ـ تسوق أو غيرها و ان شاء الله يطلع لك اللي تبين .

أيضا علمينا وش صار عليك طلعت و إلا لا
ابو عمر النوح
05/09/2011, 10:24 PM
ما قلتي لنا أختنا أم كيان وش صار عليك مشت أمورك والا لا

قصدي عشان نستفيد و يستفيد أكبر عدد ممكن من هذه التجارب