مشكه في قير الفتك واكبر مهندس ماعرفها حتي الوكاله ماعرفوها

[دحو الراشيد]

السلام عليكم ورحمه الله وبركاته
اخواني في منتديات مكشات حصلت لي مشكله في قير فتك 2005 تماتيك+عادي وهي ان القير اذا حمت السياره مايبدل ويعلق علي الرابع او الثاني وديته للوكالهوقالو لازم توضيب كامل:eek: ورحت للورش وماخليت ورشه الا وديته لها وكل واحد يقعد يتفنن في السياره وقالو لازم توضيب قير وقلت لا احسن اغير القير وفعلا غيرت القير الاول ونفس المشكله وماتغير شي:( وقلت يمكن القير خربان ورحت للكويت وجبت قير حق 2008 فكه قدامي وركبته ونفس المشكله ورديه للوكاله وفحص مره ثانيه وسرقه فلوس وقالو توضيب
والله وقفت السياره حول السنه وما ادري وش اسوي فيها وبعد المحاولات وتغير الكومبيوترات والكتاوتان ونفس المشكله:(:(
واخر شي فكرنا في تغير الظفير وفعلا غيرنا الظفيره حقت القير كامله وسعرها 400 ريال
والمفاجأه (( السياره مافيها اي شي نفس اول واحسن ))والحمد الله
وهذي معاناتي مع الفتك :good2::good2:

[اابوكايد]

ياخوي انا مرت على مشكلة مع احد الزملاء وكانت انة اذا ضرب مطب طفت السيارة المهم مر على اكثر من ورشة وكلن يتفلسف علية الي يقول لازم تغير الضفيرة كاملة والي يقول طربمة وغيرها المهم طلعت كنا في طلعة يوم وعلمني بالمشكلة فتحنا الكبوت وقمنا نتفحص الاسلال بالاخر طلع سلك منحل يركب بجنب المكينة اذا تحرك طفت السيارة يعني شي بسيط ماكلف على مفتاح رقم عشرة وشد علية وانتهت المشكلة
يعني دائما الواحد قبل ايفك او يغير شي يتاكد من الاسلاك وتفحص الضفيرة وقد تكون المشكلة بسيطة
والله يعوضك وانا اخوك على الخساير الي دفعتها

[ALBDRANE]

بالمناسبة كم سعر القير الي شريته من الكويت وهل القطع أرخص عندهم
والله يجزاك خير لانك تحب الخير لاخوانك وهذ أول موضوع تكتبه وموضوعك يثبت ما قلته واي خدمة بخصوص الفتك ما نقصر معك وتحياتي لك

[~EmPeRor~]

احتمال كبير تكون المشكلة من احدى الحساسات او من الظفيرة

لاكن مدام الوضع كذا انصحك تقلبة عادي او تدخلة الوكالة وخلهم يوضبونة واذا ماصلح < يتحملونه هم

وللمعلومية اذا حمى القير ولا عشق الموتر 90% تكون كلتشات