يآ أهل الشاص تعالوآ ابيكم ضروري :(

[ابو خآالد]

آألسسلام عليكم ورحمة الله وبركآته

آول شي بسسم الله الرحمن الرحيم

ممبرووك عليكم الشهر والله يتقبل منآ ومنكم صالح الاعمال

انا عند اخوي شآص ومسروق قبل سنتين الا كم شهر والحمد لله رجع لنآ قبل آربع شهور

بس يبيله كم تزبييط ويطلع تممام

الوكااد بسألكم كم سؤال وآبي افادتكم :)

بعض المراات وانا آمشي يرج الموتر رج مهب طبيعي مدري ورأأه >> فيه نآآس تقول ترصيص وفيه نآس تقول مساعد درقسسون وانا مدري وش الصصح


وثاني شئ بسألكم بكم الخطوط الاصليه لان اللي عليه مركب تجاري وآبركب 2005 أصلي

ويـآليت اللي عنده جنووط وكآله ولآ هلل ولآ فراشه 17 فضي مع كفرااتهن طبعآ يععلمن لآني آدور ومآلقيت

حتى الحراامي سسرق الكفرات اللي عليهن وركب جنوط الشاص ابو رفارف

طآآلبكم يآلششقردييه آنا مآجييت لهآ المنتدى الا آني آدري آن اللي ببه رجآآل وعآآرفيين للاشياء ذي

آنتظركم

[التعـ King ـديل]

الحمدلله على رجعه الموتر اما بالنسبه لطلباتك مالي علم فيها

[ابو خآالد]

مشكوور على رددك والله يخلييك لعين ترجييك

بس غريبه للحين محد آفآدني

[Hwer]

الخطوط الاصليه للخليجي عند البازعي والسعودي عند ابوجميل والضحيان

[gx-low]

بالنسبة للرجه اسبابها كثيره
لكن ليتك تفيدنا الرجه على سرعة كم ؟ وهل الرجه في الدركسون يعني على جنب - يعني تحس الكفرات ترقل -

او الرجه على فوق؟

ترى الكفرات لها دور في الرجه انا كان عندي رجه وغيرت الكفرات وراحت الرجه نهائيا

وممكن الرجه من الجنوط او الترصيص او عمود الكردان او مساعد الدركسون

الخطوط الاصليه اتوقع الطقم 700 - 1000

مر الوكاله وانشدهم اذا تبي السعر بالضبط

بالنسبة للجنوط ركب تجاري تراها ممتازة وما فيها مشاكل

[إحساس يتيم]

أهنيكم العقلان

والحمدلله ع كل حال

بالنسبه للرجه

مثل ماقالوا الإخوان

تأكد من الكفرات _ الترصيص _ عمود الكردان _ الصليبات للأعمده

ونصيحة محب في الله

عليك بميزان العضيب _ اليرموك _ نجد بالصناعية القديمه بالرياض

وأسأل الله أن تجد العطل والحل ....

[راعي سهوه]

الحمدلله عاى العقلان وحسبي على من سرقه لكن سوال هو الي بالتوقيع

[الصــرح]

إحمد الله على رجوع سيارتك

وبالنسبة للرجة إذا كانت الجنوط شنبر وكالة

والكفرات بالون نحيفة والرجة تكون خفيفة

وتأتي أحياناً خصوصاً في بداية القيادة (فهذا أمر طبيعي)

لا تهتم به أكثر من اللازم إلا إذا كانت الرجة مستمرة

وقوية فغالباً بسبب تآكل الكفرات أو تحبيلها أو من الترصيص

[ابو خآالد]

اللي تقول هو اللي بالتوقيع

لآ مهب هو

وآآشكركم على المعلوومآت

[علي العساف]

اسمع الرجه هذي انا عانيت منها كثير وموجوده بأكثر الشاصات
وتراه مو رجه الا زلزال لما توصل لحدود الثمانين والميه
المهم ترا اذا كانن الكفرات جدد ماراح تعاني منها أما اذا الكفرات
نص عمر تبدأ الرجه ... شف اللي يصلح هالرجه الصمعاني ببريده
واحد بالزلفي ... ويرجع الموتر طبيعي .. تجربه وخبره وبالتوفيق

[وبل نجد]

اولا/ حمد الله على السلامه والحلال مايضيع يعقله الله سبحانه

وبالنسبه للرجه هنالك عدة اسباب :
-مساعد الدركسون يكون خربان وذلك بخروج الزيت منه او حتى مع مرور زمن طويل وانت ماغيرته

-رمانات العكوس من اليمين ومن اليسار تكون غير مشدوده

((وطريقة معرفة انها غير مشدوده : ترفع الكفر ومن دون ماتفك الكفر
ضع احد يديك تحت الكفر واليد الأخرى فوق الكفر
ثم تسحب الكفر بيدك اللي تحت الى الخارج
واليد اللي فوق تكون تدف الكفر للداخل
اذا حصل حركه ولو بسيطه فهناك ارتخاء في الرمانات))

-عمود الدبل يحتاج ترصيص او تغيير
-صليبات عمود الدبل تكون خربانه
-عمود الكردان يكون يحتاج ترصيص اوتغيير
-صليبات عمود الكردان تحتاج تغيير
-العمدان تكون تحتاج للتشحيم
-الكفرات تحتاج تغيير اذا كانت قديمه او تحتاج ترصيص
-الجنوط اذا كانت تجاريه تحتاج تغيير او انك تذهب لمخراط الجنوط بالصناعيه ويضبطونها لك

والأهم من ذلك انك تعلمنا متى تجي الرجه للسياره (يعني على سرعة كم؟؟)

وأي استفسار انا حاضر

تقبل مروري

[قناص علية]

أولا : الحمد لله على عقلان الموتر

وبالنسبة للخطوط تلقاها في الغرابي أصلية تقريبا بـ 700

والجنوط كذلك في الغرابي أريح لك من التدوير في النت