المساعد الشخصي الرقمي

مشاهدة النسخة كاملة : لاهل الرياض استفسار تكفون طالبكم


الgافي
14/08/2011, 04:42 AM
بسم الله الرحمن الرحيم
السلام عليكم ورحمة الله وبركاته
اخواني لا هنتم بغيت استفسر عن موقع وزارة العدل بالرياض وين تقع وبأي حي لاني عندي مراجعه فيها بعد كم يوم ؟
وكمان الله لا يهينكم ياليت اللي يعرف شقق وغرف مفروشه قريبه منها يضع لي ارقامها مشكوراً ,,,
وهل اجاراتها غاليه أم لا ؟
تكفون يالربع طالبكم أبي الرد بأسرع وقت لاني قاعد أحاتي الموعد ولا أدل بالرياض شي ؟

أنتظركم ’’’’’’’’’’ وفي أمان الله .
ابولولو
14/08/2011, 05:09 AM
اخوى الوافى
الله يحياك الف
بمدينه الزحام
سلمك الله موقع وزاره العدل
شارع الجامعه (الملز) جنب رعايه الشباب او المعهد المهنى او بنك الاهلى اووكاله العيسى للسيارات كلهن بجنب بعض لا تنسى شارع الجامعه
اذا انت جاى طيران اللموزين مسعر اتوقع ب 60ريال يوصلك واذا تبى ارخص فيه سواقين خاصين
والسكن باالملز سعره متوسط واقل لان برمضان فاضين يهشون ذبان الله يكرمك
والعنوان واضح مايضع اذا انت جاى عن طريق البر بسيارك
نصيحه اقرب مكتبه واطلب خريطه الفارسى اتوقع 15ريال تبى تريحك جدا
او ان كان معك جوال وفيه برامج قارمن حمل عليه خارطه الرياض وتبى ترتاح جدا جدا
ملاحظه هامه
اذا جاى تقدم على وظيفه
التقديم يصير بشارع الستين (صلا الدين الايوبى)قبل مستشفى قوه الامن وانت متجه جنوب وكل الكلام بحى الملز يعنى ماهى بعيده عن شارع الجامعه
الله يوفق هاالوجه
وتجى وترجع لاهلك سالم غانم مقضيه حاجه باذن الله قولو امين
أبو حسين 3837
14/08/2011, 05:13 AM
عطاك العلم اخونا ابو لولو
الgافي
14/08/2011, 04:40 PM
أبو لولو يعطيك العافيه ياصاحبي
ما قصرت ,كفيت ووفيت
جزاك الله خير

ابو حسين
مشكور يا بعدي
شقراء 24
16/08/2011, 09:01 AM
رأيي أنك تتجه مباشرة الى جامعة الملك سعود للبنات في الملز... و هو معروف و وزارة العدل جنبه

بس علشان لا يحسبونك الناس اللي تسألهم أنك رايح تغازل... أقترح أنك تسأل عن التقاطع الشهير (تقاطع طريقة الجامعة + شارع الستين) تقاطع كبير جداً

و إذا رحت للتقاطع اتجه صوب غرب على طريق الجامعة ( طريق الجامعة شرق غرب و شارع الستين شمالاً جنوباً)

و بتشوف وزارة العدل على يسارك عند الإشارة (إشارة ثلاثية إما تذهب قدام أو تلف يمين أو تسوي U turn.. بس ما فيه يسار)

بالنسبة للسكن.... كل شارع الستين شقق مفروشة طب و تخير