بعد ماأفتح غط البانزين يطفي الفتك

[moad3]

السلام عليكم
السياره فتك ٢٠٠٦

بانزين ٩١
مشكلتي لاحطتها اليوم وانا ماسك خط تقريباً 400 ك

لما وقفت عند محطة بانزين. ولما فتح غطااء البانزين حسيت ان التانكي كاتم هوا والفتك طفى من الكتمه او من شي ثاني!

بعد التعبيه لازم اكرر التشغيل كانه مشرق


ولاحظت عن الوقوف الطويل شوي تطلع ريحت البانزين. طبعن بوقت الظهر

طبعاً بعد تكرار التشغيل يشتغل وسليم
ارجووو حل المشكلتين وشكرا

[يريور عيمان]

يبدو لي ان المشكلة في لي التبخير
شكله منسد عندك

[شحرور الدهنا]

نفس الكلام حصل نعي بالضبط والظهر وراجع من مكه للرياض وحر
وقفت اعبي بنزين قلت ماراح اطفي السياره حر والاهل بالسياره
فتحت غطا البنزين بنفسي كالعاده احب اسوي كل شي بنفسي وكان مليان هوا لدرجة اني خفت افتحه بسرعه شوي شوي لين خلص الهوا فجأه تفتف الموتر وطفا تعوذت من الشيطان وطفيت السلف وسحبت المفتاح قلتله يعبي فل وخليته شوي وسميت بالله وشغلت واشتغل تمام وتقوقعاتي ان طرمبة البنزين شفطت هوا وطفى لاني مالاحظت شي على الموتر ولله الحمد وهالشي طبيعي جدا
ياكثر كلامي صح ههههههههه×

[خالد الزومان]

اتوقع من غطاء التانكي
لانه لايعمل على معادلة الضغط الجوي بالضغط داخل التانكي
ونصيحه اذا وقفت عند محطه او غيره بعد مسافه طويله انتظر دقيقتين الى خمس دقايق بعدين طف الموتر ولاتعبي التانكي و السياره شغاله وبالتوفيق انشاء الله

[moad3]

الله يجزاكم خبرررر وشكرررراً


راح اجربه بالمشوار الثاني بكرا رايح لمكه

دعواتكم

[ahmdoooh]

هلا اخوي موادع
عانيت من نفس مشكلتك
وقلت ابجرب طريقه اختبر فيها علبة تبخير البخاخات لا يكون فيها سدد
قمت قبل ما امسك خط فتحت غطاء البنزين بحيث يكون فيه تنسيم للتانكي
واول ما وصلت الحمدلله ماحسيت بأي كتمه ولاتفتفه
وعرفت ان المشكله في علبة التبخير
وغيرتها والموتر ماشاءالله عليه رجع طبيعي
طبعاً العلبه لونها اسود مكانها اذا فتحت الكبوت تلقاها على يمناك خلف الشمعه مباشره
ويوجد فيها ثلاث ليات: اثنين فوق وواحد تحت

[وليد46]

اخوووي الغالي احمدووه كم سعر علبة التبخير الله لايهييينك الي تقوول غيرته

[كحل 4800]

السلام عليكم ورحمه الله وبركاته
انا صارت معي المشكله هذي وانا معي فتك 2007 و حصلت بلف للتانكي يجي في الجانب الايمن للتانكي منسد
اشتريته من الحمراني ب 150 ريال وغيرته والحمد لله الموتر ضبط

[ابرق نثيل]

شف ترا يمكن بعد غير البلف ايضا بسبب غطاء التانكي نفسه
هو يجي من قطعتين والخراب من القطعه اللي لونها ابيض
حاول تتاكد انه راكب صح على الغطى لان عمال المحطه هم اللي يخربونه
بالعباطه ،،،

وامرن ثالث
فك دبة التلوث لانها تساهم بشكل كبير في رفع الحرارة في الخزان
شف الشكمان قريب من الخزان
ذا الصيف ماشميت ريحت البنزين بعد مافكيت دبة التلوث والا قبل كانت الدبه تحبس حرارة في بطن الموتر وتخلي الخزان يخلي في عزالصيف

[moad3]

الله يعطيكم العافيه

وين احصل دبت التلوث وبكم تغييرها ياليت اذا فيه صور

وياليت اخوي احمدووو تقولي بكم علبت التبخير وطريقت تغييرها

وجزاكم الله خير

[ابرق نثيل]

دبة التلوث تحت السايق اول دبه صغيره
رح الى قايد في الصناعيه القديمه ويفكها لك
وهذا موضوع يفيدك
http://www.mekshat.com/vb/showthread.php?t=355256

[moad3]

الله يعطيك العافيه اخوي ابرق نثيل. مشكوور وماقصرت
جزاك الله خير

[عين حصنان]

والله انا عندي مشكلة التانكي لا صار فاضي

وبغيت افك غطاء البانزين ... يشفط هواء بقوه الى داخل التانكي

وأفكه شوي شوي ... لو فكيته بقوه تقال قنبله منفجره

على ايش يدل هذا الشي ..؟ موتري فتك 2006

[moad3]

الله يعينك والله نفس المشكله

لكن جاري التجربه للحل مثل ماقالوو الاخوان ماقصرورو

[باث2001]

انا عندي نفس المشكلة سيارتي باثفندر 2001
العام قبل رمضان سويت تنظيف للفحم ولا فاد

وش الحل ؟؟

[ahmdoooh]

اخوي موادع اعتذر عن التاخير في الرد
بالنسبه لعلبة بلف البخاخ اللي قلت لك عنها سعرها ٤٢٠ريال
وحاول تاخذها من بالخير وكيل الحمراني هوارخص واحد
ومايجتاج تركبها عند ورشه لانها سهله تركيبها
اول ماتفتح الكبوت تلقاها علبه دائريه اسطوانيه خلف الشمعه اللي على يمناك لونها اسود
فيها ثلاث ليات/// اثنين فوق وواحد تحت فك الليات وركبها على الجديده وشغل وتوكل على الحي القيوووم
×

[ahmdoooh]

اخوي موادع اعتذر عن التاخير في الرد
بالنسبه لعلبة بلف البخاخ اللي قلت لك عنها سعرها 420ريال
وحاول تاخذها من بالخير وكيل الحمراني هوارخص واحد
ومايجتاج تركبها عند ورشه لانها سهله تركيبها
اول ماتفتح الكبوت تلقاها علبه دائريه اسطوانيه خلف الشمعه اللي على يمناك لونها اسود
فيها ثلاث ليات/// اثنين فوق وواحد تحت فك الليات وركبها على الجديده وشغل وتوكل على الحي القيوووم
×

[كويس]

الشكر موصول للجميع

[الهكسان6]

شيك على لي الراجع