مشاهدة النسخة كاملة : استشاره من جميع الاعضاء
عصير اثل
14/08/2011, 09:58 PM
السلام عليكم ورحمة الله وبركاته
كاول موضوع لي حبيت اسال
عندي هايلوكس 2010 دفرنس
وودي بنفساه 2010 دفرنسين
هل تصلح في المكاشيت والا لا
عيوبها ومميزاتها خصوصا الدبل هل مشاكله كثيره
هل تنصحوني بها ولا ابقى على هايلوكسي الدفرنس وبس
اوجو التفاعل معي ولا تخيبون ظني يالربع
وكل واحد يشارك له مني دعوه
انا في انتظار الردود يالاجواد
جلمود الحره
14/08/2011, 10:25 PM
للامانه ماقد استعملتها لاكن اشوفها في مشاويري دايم في البر ولا داخل البلد
وبجنب الديره في مشروع انشاء طريق للمدينه الصناعيه كل سياراتهم هايلكس غماره وغمارتين دفرنسين 10 و11
ولاعبين فيهن لعب لان الديره نفود وجلد ولا قد شفت وحده متعطله
واستشر واهم شي الاستخاره والله يوفقك .
بعد اذنك حبيت اسألك هو عصير الاثل حلو ولا مر وتقبل تحياتي........
عصير اثل
14/08/2011, 10:55 PM
للامانه ماقد استعملتها لاكن اشوفها في مشاويري دايم في البر ولا داخل البلد
وبجنب الديره في مشروع انشاء طريق للمدينه الصناعيه كل سياراتهم هايلكس غماره وغمارتين دفرنسين 10 و11
ولاعبين فيهن لعب لان الديره نفود وجلد ولا قد شفت وحده متعطله
واستشر واهم شي الاستخاره والله يوفقك .
بعد اذنك حبيت اسألك هو عصير الاثل حلو ولا مر وتقبل تحياتي........
الله يبيض وجهك يالغالي
ما قصرت وصدق والله اني ناسي الاستخاره
الله يذكر الشهاده
وبالنسبه لعصير الاثل ما ادري عنه علمي علمك
عصير اثل
17/08/2011, 03:18 AM
ياااارب احد يعطيني وجه
تراني متحزم بالله ثم بكم يالنشاما
راعي المجهم
17/08/2011, 03:58 AM
والله وانا خوك الدبل على سيارة 4 سلندر ماهو ذاك الزود يمشي الحال
لكن نفود ورمال قوية ماينفع أبد
كان معي واحد 2008
الموتر ممتاز في الشعبان والاماكن الحجرية والجروف وينفعك رفعه ودبله
اما النفود نسم الكفرات الى 10 ولا يرده شي باذن الله
عصير اثل
17/08/2011, 11:00 PM
والله وانا خوك الدبل على سيارة 4 سلندر ماهو ذاك الزود يمشي الحال
لكن نفود ورمال قوية ماينفع أبد
صادق والله وان شاء الله تويوتا بتحطها 6 سلندر في القريب البعيد
مشكووور والدعوه جاتك
عصير اثل
17/08/2011, 11:02 PM
كان معي واحد 2008
الموتر ممتاز في الشعبان والاماكن الحجرية والجروف وينفعك رفعه ودبله
اما النفود نسم الكفرات الى 10 ولا يرده شي باذن الله
الله يجزاك خير ويبارك فيك
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir