مطلوب إبريق ياباني مثل الموجود بالصورة ,, ولكم الشكر ..

[الشلفا]

السلام عليكم ورحمة الله وبركاته ,,,

إخواني مطلوب مثل هالإبريق ياباني ,, لأنه يجي منه صيني وسوري

والمطلوب ياباني ,, الحجم الصغير والوسط

إن حصل جديد فغاية المطلوب ,, أو مستعمل نظيف وسليم

وجزاكم الله كل خير ...

http://www.mekshat.com/pix/upload05/images225/mk133198_ytgygt.jpg

[تناهيت]

عز الله انك راعي كيف عندي اخوه لونه كحلي

كادينه كد في المخيم وله سنين عندي علية طعم شاهي في المخ

اتمنى تحصل مطلوبك

تحـــياتي

[ابو ريآن]

الله يرزقك من واسع فضله

[الشلفا]

ما عرف راعي الكيف يا تناهيت إلا الكيّيف !!


اللي عندك الظاهر إنه سوري ,, وهذا ياباني ورثته من أهل المكدة بالسكوس قديما


وخدرة الشاهي فيه تطق بعرق الخطوط بالمخ !!!


وعسى الله ما يحجب دعاك ..


ألف شكر لك يا أبو ريان


وعسى الله يرزقنا من واسع فضله ..

[الشلفا]

عسى الله يرزقنا وجميع المسلمين

[الهديف]

ياسلام وين جبته منه
لاتحاول لي 10 سنوات ادوره مالقيته
هذا منقطع تقريبا قبل 25 سنة
آخر مره شفته في محل بخميس مشيط
عقب ازمة الخليج بسنة تقريبا 1992
هذا المفضل للدوافير وراعين التقاسي والسكوس
والحماليات والمقانيص يسمونه مبطي
أبو حكره و شاهيه يسبب ادمان

[رشا بقعا]

عزا الله انه بريق يبرد الكبد
وبعد اذنك اخوي الشلفا اذا لقيت تكفى يا عم ابي لي واحد

[nashy]

هذا وكيله كان السيف وقيمة الطقم كانت ب 250 ريال وذكر لي واحد حجم كبير عام 1417 بمية ريال في محل بالخبر ووصيت عليه هاك الحين وجابه لي واحد من الربع الله يطول بعمره
والآن يوجد منه تقليد سوري لكن حديده ضعيف ... أما اللي يقولون شاهي الابريق هذا غير ومدري كيف فأقول سلامتكم لكن الشاهي من اللي يضبطه والله لو هو ببريق خشب ....خخخخخخخخخخ

[الشلفا]

هلا بك أخوي الهديف وشرفت الموضوع

أخوي قل خير ويأذن به الله بإذنه تعالى ,, تكفى لا تسد الباب بيني وبين أبو خدره :good2: :p

لعل وعسى نحصل لنا طقم وإلا حبة ولك مني سنة كاملة ,, مخمخ على كيفك بالطقم كامل وسنة ثانية بمخمخ على حسابك وبنيتك ,, واجحدها عاد !!

...........

رشا بقعا ,, مرحبتين وثلاث بعمي ,,,

أبشر بعزك البريق هذا هو قدامي ما باقي به إلا شوي وتامر عليه أمر هو وراعيه ..

ولو حصلت شئ مالك إلا اللي يسر خاطرك :good2::good2:

.................
أخوي ناشي شرفت ويا هلا بك ..

كلامك عين العقل والشاهي على اللي يحكره ,, لكن يا ناشي ما نطبق الكلام بالواقع ,,

لازم النفسيات تتدخل غصب علينا ,, وأنت أول واحد أثرت فيك النفسية ,, والدليل تعبك ورى هالنوع

كان المفروض أطرف إبريق هندي يقوم بالواجب وزيادة ,, لكن نفسيا ما ترتاح إلا بشئ يملأ نظرك

وصدقني هالإبريق صعب تضبطه وعن تجربه ,, لكن الله مولعنا فيه ,, والحمد لله

أشكرك على طرحك وما دونته من تأريخ لهذا الدرة ..

[الهديف]

حياك الله أخي الكريم

وأنا سابحث معك وأن وجدت ساقدمك على نفسي

وتصبير لك عندي أبريق ياباني أبو خيول 10/18

نفس حجم الموجود أعلاه أرجوا قبوله هدية ..

أرسل رقمك وعنوانك وساشحنه لك بأي مكان

[سرهيد]

الشاهي من اللي يضبطه والله لو هو ببريق خشب ....خخخخخخخخخخ

:good2::good2::good2::good2:

بلا شك لكن النفسية لها دور اكثر ، فيه ناس ما يجوز لها الشاي الا في بريق الغضار ، او المعدن ابو تاج .. او الاستيل

انا اعرف لك واحد من الاخوان تصلح الشاهي في اي ابريق اذا ما تصبه له في بيالة بادريق ما يشربه :) يعني المسألة مزاج مع الحكرة

اما انا فبريقي المفضل في البر هو هالبرررررررررررررريق

https://blufiles.storage.live.com/y1pm4_p6IDR2_gH-OcrUL1XBblV8TysXW8_kZS4pus3QVi29hp4odyIXYrOJNDlTFA iQbhAcm5TRM8/anigif3.gif?psid=1

طعم الشاهي فيه ما يروح تحت للبطن يروح فووووووووووق للراس من كيفته

فالمسألة كيفة مع حكرة الشاي بلا شك

البريق اللي تسأل عنه فيه شبيه له نوعه غضار يباع الى هذه اللحظة وهذي صورته وآخر مرة شفته من اسبوع عند برق الحيا بس مثل ما قلت نوعه غضار

http://www.mekshat.com/pix/upload02/images91/mk40450_img_0382%20[1280x768].jpg

تقبل احترامي

[الهديف]

أما اللي يقولون شاهي الابريق هذا غير ومدري كيف فأقول سلامتكم لكن الشاهي من اللي يضبطه والله لو هو ببريق خشب



بروح للنجار يصلح أبريق خشب لك
وأجيك بأبريق أستيل نتحدى بعض :)
أمزح معك


مشكلة المعدن القديم أنه ممتاز
في توزيع الحرارة
في حماية السائل من طعم المعدن


وفية طال عمرك مهارة القهوجي


وفية نوعية الشاهي


أنا أفضل نوع أسمه القمة
بصراحة أفضل من ربيع وليبتون وبوجبل
الذي اصبحت تورد لنا مغشوشة مؤخرا


لكن شاهي القمة نفس ربيع القديم
وسعره ارخص منها

وبوجبل كويس بس عيبة حموضته زائدة وقوية