الى من يهمه الامــــــر

[قناص الديسه]

السلام عليكم ورحمة الله وبركاته

حبيت اطرح الموضوع هذا بعد اذن من الاداره

الموضوع سلمكم الله اني قبل قبل كم يوم طالع من سوق الجرده طبعا مشهور هالسوق وانا طالع طبعا اخذت معي اربع دستات للشوزن وهي مصرحه
لما اقبلت على وجهتي استوقفني تفتيش واخذوا البارود والفشق وهن مصرحات طيب احاول فيهم منا ولا منا
الرجال عيا يقول بنحولك على المركز طيب مصرحات

طيب مدام اني ابتخسر على السوق ولما اطلع راح تمسكوني وتحويل ولا اطلع الا بكفاله ليش ما تسكرون السوق ؟؟؟؟؟؟؟؟؟

و اذا قلت البارود مصرحه يقول ما لي شغل كلم الظابط المناوب
والظابط المناوب يقول ليش تنقلها معك ؟؟؟
طيب احطها فالبيت واراعيلها بس !!!!

ارجو ان تصل كلماتي الى من يهمه الامر

[alwaili]

الله يعوضك
السلاح تصريحه اقتناء ولنقلها تطلب تصرح نقل يعطونك لمدة شهر فقط في حال نقلك لها بسبب الانتقال لمسكن اخر

[الوافي 2007]

يخوي هذا سلاح صيد مهو سلاح حرب المفروض زي الدول المجاوره تفح محلات للفشق والشوازل
اه بس اه

[بندر تبوك2011]

وعليكم السلام
اخوي قناص الله يهديك كان لم شفت التفتيش ما صديت عنهم يمين ولا شمال
وبعدين انت رايح تشتري فشق وش جاب الشوزن معك كان حطيتها بالبيت
وياليت توضح وين بالضبط صادوك لم طالعت على طوال وقفوك ولا بنقطه واضحه
ياليت ترد
ومشكوررر

[قناص الديسه]

وعليكم السلام
اخوي قناص الله يهديك كان لم شفت التفتيش ما صديت عنهم يمين ولا شمال
وبعدين انت رايح تشتري فشق وش جاب الشوزن معك كان حطيتها بالبيت
وياليت توضح وين بالضبط صادوك لم طالعت على طوال وقفوك ولا بنقطه واضحه
ياليت ترد
ومشكوررر

ياخوي بندر الواحد من يقبل على التفتيش بـ 10 كيلوا يشوفونه وين اروح
والشوزن سلمك الله كانت معي رايح البسها عند احد المحلات
التفتيش سلمك الله دون حايل جاه القصيم عند محافظة الشنان

[عقيد حرب]

بيغثونك فتره وبيرجعونة يرسلونة للجنائية هي عليها قضيه مثل كذا ويتصلون عليك ويرجعونة بس لاتسكت وتروح عليك لان المحفظات الصغيره تخبر وضعهم لعب

[قناص الديسه]

بيغثونك فتره وبيرجعونة يرسلونة للجنائية هي عليها قضيه مثل كذا ويتصلون عليك ويرجعونة بس لاتسكت وتروح عليك لان المحفظات الصغيره تخبر وضعهم لعب

ياولد لي ايام لا راجعتهم يقولون راجع قسم الاسلحه والذخيره ولا ادري وينه اللي يحكون عنه هذا

[بندر تبوك2011]

هل قناص الديسه ان على باللي بنفس المنطقة القصيم
الله يعوضك خير
لا تسكت راجعهم وطفشهم

[الوافي 2007]

سبحان الله وبحمده سبحان الله العظيم

[فارس الحربي1]

القسم اللي انت تبيه موجود بكل ادارة شرطة
روح وراجعهم لاتروح عليك البندق

[منصور القريشي]

يالربع هل سوق الجردة هذا مفتوح هالايام ؟ لاني سمعت انهم سكروه وكيف وضعه اللي بيروح ياخذ له فشق ؟
تحياتي لكم

[راشد الخلاوي]

اخوي ما عندك واسطه اتطقع العسكر ما يمشون الا بالواسطة والله لاهمهم نظام ولا غير فاضيين اذا ما عندك

الله يعينك على قلة السنع والأمور البعثرة ما يدرون بشيئ الا رح وتعال لين ايتوهقون فيها ويرسلونها للأمارة وألامارة ترسلها لك الله للمباحث وبعدها ترجع للأمارة وبعدها لمكتب العمل والأمر بالمعروف والجوازات بالغلط ايشوفون انت من وين يمكن انك من التخلفين وبعدها ايقولون لك جب كفيل ويحولونها للشيخ واتصدق اعترافاتك ولازم تعترف انك اللي ذبحت شارون وراح على القضية3 سنوات والناس قانصين والسوق شغال والبيع بالغالي ولا يشوفون غير الضعيفين اللي مثلنا وعلى الموال أيلين تطلع براءة ان شاء الله

الله ايعينك لكن لازم تعرض قصتك اللي بتصير معك على طاش ما طاش ويمثلونها يمكن يفهمون اشوي

[قناص الديسه]

اخوي ما عندك واسطه اتطقع العسكر ما يمشون الا بالواسطة والله لاهمهم نظام ولا غير فاضيين اذا ما عندك

الله يعينك على قلة السنع والأمور البعثرة ما يدرون بشيئ الا رح وتعال لين ايتوهقون فيها ويرسلونها للأمارة وألامارة ترسلها لك الله للمباحث وبعدها ترجع للأمارة وبعدها لمكتب العمل والأمر بالمعروف والجوازات بالغلط ايشوفون انت من وين يمكن انك من التخلفين وبعدها ايقولون لك جب كفيل ويحولونها للشيخ واتصدق اعترافاتك ولازم تعترف انك اللي ذبحت شارون وراح على القضية3 سنوات والناس قانصين والسوق شغال والبيع بالغالي ولا يشوفون غير الضعيفين اللي مثلنا وعلى الموال أيلين تطلع براءة ان شاء الله

الله ايعينك لكن لازم تعرض قصتك اللي بتصير معك على طاش ما طاش ويمثلونها يمكن يفهمون اشوي



والله يا خيي على ما قلت الله يعيينن ما من واسطات
هههههههههههههههههههههههه
عز الله صدقت
او ان عدي اشوف الظابط المناوب ماد شوزني على القميريه

ما اقول الا حسبي الله ونعم الوكيل

[قناص الديسه]

القسم اللي انت تبيه موجود بكل ادارة شرطة
روح وراجعهم لاتروح عليك البندق

بيض الله وجهك اخوي فارس على المشاركه والرساله اللي بالخاص

لكن اراجع نفس المركز اللي مسكن ولا مركز ثاني