المساعد الشخصي الرقمي

مشاهدة النسخة كاملة : خبرتكم ياهل المعرفه معي طير حيرني


Bashaaar
15/08/2011, 09:58 AM
مبروك عليكم الشهر و تقبل الله منا و منكم صالح الاعمال. شريت لي طير ولا حضت انالطير مايهدمن مسافه بعيده ومن قريب ما شافه هد عليه ما اذكر اني علمته على صيده. فحصت الطير في اكثر من مستشفى والنتيجه يقولون ان الطير عيونه سليمه مع العلم انه يصعد للطياره الورقيه وعلى مسافه 500 متر وازود واحترت معه اول مره تمرعلي حاله مثل حالته.
راعي الدويمع
15/08/2011, 02:43 PM
نقص في عدة الطير وانشاء الله بيهد طيرك سمين صح
Bashaaar
15/08/2011, 04:27 PM
غريبه لاكن ان شاء الله يفيدونك الاخوان



صحيح انها غريبه ....في البدايه قلت يمكن ان الطير مازال عديد بس ماهو سنع عده حاولت انزل وزنه بس ما تغير شي.
ربع نت
15/08/2011, 04:52 PM
طيرك يبيله شناذر تخليه يهد عليك لو بعد عشره كيلو
مازن الصعب
15/08/2011, 04:54 PM
السلام عليكم

فيه طيور ماتطلب الهدد على الشي البعيد وخصوصا القرانيس البيتية الكبيرة بالعمر

يمكن يكوون للوزن دور ولكن بعضها لو سويت ماسويت ماراح تهد وتطلب البعيد

طيرك سليم انشالله

اتمنى اني فهمت مشكلتك بالوجه الصحيح كما اتمنى اني افدتك
Bashaaar
15/08/2011, 05:27 PM
المشكله ان الطير ماله نفس والطيرفرخ ما عليه كبر سن و جربت الشناذر مافادت معه.
راعي شلفاء
15/08/2011, 05:48 PM
اتصلبي علئ جوال 0599012112 وبعلمك العلاج
ربع خالي
15/08/2011, 06:40 PM
اخوي بشار : إسمعني وناخوك
طيرك يالغالي مافيه الا العافيه ، مشكلة طيره بأنه يعشى ساعة ماتفرع عنه .
وهذي الحاله تكون في بعض الطيور .
عندي طيور إثنينه فيهن الحاله هذي ، يوم عرفت السبب ! أصبحت قبل لا أهده افرعه قبلها بدقيقتين او ثلاث .
ومن يومها وهذي طريقتي معاه حتى في المدعى .
تحياتي
مهوووي
16/08/2011, 03:41 AM
كلامي من كلام ربع الخالي
طير طويق
16/08/2011, 04:56 AM
ممكن اتفلسف عليكم شوي هههههه
اسمع وانا اخوك الطير كانه تفريخ فهو يبي من يعوده بالتدريج مسئلت وقت يعني
اما كانه وحش فهو شوفه ضعيف لنقص فيتامين a ولكن العين تبدو سليمه للاطباء
انت تقول تهده على بعد 500متر على الطياره قوة شوف الطير للسماء اكيد تكون اصفى من الارض
نقص فيتامين a ينطبق على الحالتين سواء وحش او تفريخ
Bashaaar
16/08/2011, 07:09 AM
ممكن اتفلسف عليكم شوي هههههه
اسمع وانا اخوك الطير كانه تفريخ فهو يبي من يعوده بالتدريج مسئلت وقت يعني
اما كانه وحش فهو شوفه ضعيف لنقص فيتامين a ولكن العين تبدو سليمه للاطباء
انت تقول تهده على بعد 500متر على الطياره قوة شوف الطير للسماء اكيد تكون اصفى من الارض
نقص فيتامين a ينطبق على الحالتين سواء وحش او تفريخ

الطير تفريخ و كلامك سليم مع انه اخذ مني تدريبه موسم كامل وحتى اني اخرت موعد الربطه لاخرشهر مارس واكتشفت انه نسي التدريب و رجعت ادربه من اول وجديد .
ولد السبع
16/08/2011, 07:23 AM
أخوي راعي شلفاء أتمنى إنكان عندك حل تطرحه قداااام الشباب
حتاء نستفيد من خبرت بعض

م
طير طويق
16/08/2011, 08:41 AM
الطير تفريخ و كلامك سليم مع انه اخذ مني تدريبه موسم كامل وحتى اني اخرت موعد الربطه لاخرشهر مارس واكتشفت انه نسي التدريب و رجعت ادربه من اول وجديد .

اجل هانت ونا اخوك الطير يهد على الطياره لانه متعود يشبع منها حتى لو كانت بعيد .
انا كان معي تفريخ كان الحمامه هديتها من قريب ابشرك بسعدك وكاني وريته اياها من 100متر وفوق تقول الطير اعمى ولا كنه يشوفها جنني بصراحه شوي اقول الطير اعمى بس لا لوحتله لو من كيلويين مايشاور على طول يطلب الملواح لانه يشبع منه عارف الشي هذا هو صرت وانا اخوك اهد له حمام طياره ضعيف شوي وافكها من قريب وافرعله على طول يتل بس ما افكه الا اذا ابعدت الحمامه واذا صاد ربطته بوكره وخليت لين يسمح من العلف لدرجه اخر شي اذا روحت الحمامه على الطيور احذفه ومن يوم احذفه يدري ان صيدته قدامه .
وسلامتك اخوي
ارجو اني قد افدتك
حامد الحنيني
16/08/2011, 01:54 PM
السلام عليكم ورحمة الله وبركانه
طيرك وانا اخوك تفريخ يبيله تدريب
دربه بالتدريج وزود كل يوم 50 متر اذا جاك
لوحله وعطه من العلف لما يسمح خاطره
وعلى هالحال عني مايتم شهر الى يجيك لو انك بالديره
تحياتي لك