المساعد الشخصي الرقمي

مشاهدة النسخة كاملة : نريد قز بريموس السويدي أو الهندي


zohir
18/01/2006, 10:51 PM
السلام عليكم

نريد أحد يدلنا على مكان بيع قز (( بريموس )) الاصفر القديم المعروف الي يكون له ذريان .. السويدي .. ويقولون الان نزل هندي بريموس ايضا ممتاز فإذا فيه احد يعرف مكان يباع فيه ياليت احد يدلنا عليه
غيّام
19/01/2006, 04:01 PM
والله وانا اخوك انا عندي القز الهندي الازرق من حوالي 4 سنوات وهو معي الى الحين زين الالف جاه كرف لو يجي غيره مااتوقع انه يتحمل

وشافه معي واحد من الربع وسأل عنه ووعدته بمثله وطلع الشيب في راسي وانا ادوره وعاد خلاص انا وعد خويي وعطيته كلمه ولاهيب زينه اقوله والله مالقيت

الشاهد اني رحت الى محل في مخرج 15 واشوى لقيت عنده حبه وحده لكن راعي المحل الله يهديه كنه داري اني مظطر ورفعه الى 350 وعاد انا يوم شفته قلت ولو يقول بالف والله لاخذه ولا اعود على رفيقي صفر اليدين والحمد لله اني اوفيت لكن المقصد ان راسي شاب وانا مالقيت

واتوقع انك بتتعب وانت تدور وخصوصا انك انت تدور الاصفر القديم مره وهذا منقطع من زمان لكن انا اوعدتك اني اذا لقيت شئ اني اعرضه عليك

الله يوفقك وانا اخوك

غيّام
فتى اليمامة
19/01/2006, 05:12 PM
وعليكم السلام ورحمة الله وبركاتة
أخوي zohir وكيل القز بريموس (با دحمان ) في الرياض
العنوان / عند أسواق مكة طريق الملك فهد ير حمة الله بعد الأسواق فية شارع يطلع يمين وأعتقد أنه شارع عسير ، هذا الوصف مذكورلي
واءل ماني متأكد لأني من خارج الرياض ول كان خدمتك بفسي وترى السعر بحدود ال 180 ريال والنوع السويدي وأتمنى لك التوفيق
أخوك فتى اليمامه من الخرج
اخروداع
20/01/2006, 02:30 PM
ياليت تنزلون صورة للبريموس
غيّام
20/01/2006, 07:01 PM
فتى اليمامه بيض الله وجهك على ما كتبت وماكان يجهلني مكان الوكيل وانا اخوك لكن علمك عن الوكيل قديم

الوكيل مخلص منه قبل ما يخلص من غيره
اتمنى انك تتأكد انت من الوكيل قبل ما يروح الرجال ويطق مشوار

وشكرا
وثّاب
20/01/2006, 09:07 PM
وينكم عن اليوم بعت واحد جديد اليوم وقد أعلنت عنه في مكشات بعد صلاة الجمعة وجان اتصال وشراه المتصل لكن ترى عندي واحد مستعمل بريموس هندي ما استعملته إلا مره وحده واللي يبيه انا مستعد ابيعه
وثّاب
20/01/2006, 09:24 PM
الروضة ترى رفيقك ما يديره والله ما أدري وش أسوي شخمت ولخبت وما أدري وصلك ولا لا
الرقيبه
20/01/2006, 10:06 PM
السلام عليكم ورحمة الله وبركاته ::


مساكم الله بالخير يالمكاشيت ..................... ابي اوصفلكم محل شايب يبع البريمس وغير من

الدوافير والامو اللتنفع للعزب ..
المهم محله في شارع الثميري اللي مقابل مجمع المحاكم بالرياض ..اذا دخلت مع الشارع وجهك شمال يجي على يدك اليمين تقريبا مقابل البنك والماريه هو اخر محل فالعماره اضن اسمة الراضي اذاماني غلطان واللي بالمحل باكستاني لهجته نجديه ميح ..........ولايطرح ولا رييال .واذا طرح تراك غلطان بالمحل................... وبالله التوفيق
الروضة
21/01/2006, 08:39 PM
هلا والله أخ وثاب وترى ماوصل شي

لكن إذا كان مثل هذا تراي شراي وحده



http://www.mekshat.com/pix/upload/images13/mk4257_dafor.jpg

والسلام عليكم ورحمة الله وبركاته
ابو فص فص
21/01/2006, 10:06 PM
الرقيبة حلوه منك ( ولايطرح ولا رييال .واذا طرح تراك غلطان بالمحل )
صراحة دقة في الوصف


ولكن ما بعد عرفنا المحل زين هل هو حق رحلات او غاز وقزوز
nahham
22/01/2006, 12:55 PM
هلا والله بالشباب
المحل اللي يقول عنه اخونا الرقيبه : محل بيع ادوات الغاز قزوز ومقارص وما شاكلها والمحل في شارع محمد بن براهيم مقابل سوق الزل من جهة الشرق والمحل يفتح غرب والشارع هذا فيه اكثر من اربع محلات في نفس التخصص

وعلى كلام اخونا الرقيبه : فعلا المحل مقابل البنك الاهلي

اللي ما عرف شارع محمد بن براهيم اقو له : هو الشارع المقابل لمجمع الدفاع المدني اللي في دخنه ويتجه شمالا للمسجد الجامع الكبير وقصر الحكم وشارع الثميري

وشكرا للجميع