المساعد الشخصي الرقمي

مشاهدة النسخة كاملة : بشرى بخصوص التصاريح


اخونوره
18/01/2006, 11:48 PM
السلام عليكم جميعا أعضاء وزوار مكشات
ابشركم بأن تصاريح الاسلحه جاهزه واللي طالب تصريح يقدر يستلمه انا طالب تصريح عن طريق واحد من الشباب ودق علي من شوي قال تصريحك معي تعال خذه
الخراز-22
19/01/2006, 12:30 AM
الله يبشرك بالخير اخو نوره وانشاء الله عقبال ما نلحق على نفسنا ونرخص الي عدنا على الله يمدينا انشاء الله
خالد20
19/01/2006, 12:32 AM
الله يبشرك بالخير
.
hosam144
19/01/2006, 01:57 PM
بسم الله الرحمن الرحيم



السلام عليكم ورحمة الله وبركاته .....؛ وبعد:-
وبزيادة الخير خيرين ، أبشركم يالربع أنه تم تمديد مهلة ترخيص الأسلحة حتى 19/3/1427هـ بدلاًمن 25/1/1427هـ .

http://up3.w6w.net/upload/19-01-2006/w6w_20060119105337b6bd21c4.jpg
حنيجر
19/01/2006, 02:31 PM
ياحبــــــــــــــيبي هذا الاخبار اللي توسع الصدر
بيض الله وجهــــــــــــك


hosam144 (http://www.mekshat.com/vb/member.php?u=18752) والله انك جيت بوقتك انت واخبارك الزينه
ابوماضي
19/01/2006, 04:38 PM
يا مال العافبه با شباب هذي لاخبار الطيبه والله بيشركم في الشهاده
hosam144
19/01/2006, 04:53 PM
الله لا يهينك(ولا يهونون الربع)،ولا يحرمك الأجر،لاأن والربع......؛

الصورة اللي قبل كبيرة بعض الشيء،لكن صغرناها لكم؛ والله يثيبكم......؛



http://up3.w6w.net/upload/19-01-2006/w6w_20060119135231b2934262.JPG (http://http://up3.w6w.net/upload/19-01-2006/w6w_20060119135231b2934262.JPG)
ابوقاسم
19/01/2006, 07:36 PM
اجل يخوك نروح نستلم التصاريح يوم السبت 0000000000000
والف شكر لك على الموضوع والتنبيه على التمديد
hosam144
19/01/2006, 09:59 PM
لاشكر على واجب
ولـد الدوادمي
19/01/2006, 10:22 PM
اخوي الكريم اخو نوره

طيب انا معي فرد اقدر ارخصه وكيف ؟
ابوقاسم
20/01/2006, 03:37 AM
بعد اذن كاتب الموضوع000000 الاخ حسام
اخوي ولد الدوادمي التصريح ما يبي له اي شي تودي معاك صورة البطاقة وتعريف من جهة العمل بحسن السيرة والسلوك واربع صور شمسية 2*3 والسلاح
وبعد فترة يطلع التصريح
الصل الأسود
21/01/2006, 07:03 PM
يا اخواااااااااااااااااااان

أنا معي شوزن وخرازة .
السؤال الأول :
هل يصرحون أكثر من سلاح ؟
السؤال الثاني :
هل التصريح امتلاك وحمل أم امتلاك فقط ؟
أفيدوووونا في أسرع وقت الله يعطيكم العافية
ابن بدران
21/01/2006, 08:06 PM
السلام عليكم

بعد اذنك أخوي أخو نورة

اخوي 4500 التصريح الواحد يكتب فيه خمس بنادق
اخوك مصرح رشاش +خرازة + شوزن كلها اقتناء
والفرد تصريحه حمل ..
ولو صرحت مسدسين يخيرونك واحد يصير تصريحه حمل والثاني اقتناء
الصل الأسود
21/01/2006, 09:58 PM
مشكـ :eek: :eek: :eek: :eek: ر أخوي ابن بدران

بس هل تصريح الحمل يسمح به في الصيد ولا لا
المسافر
21/01/2006, 10:24 PM
بالنسبة للمعلم هل ياتي بحسن السيرة من المدرسة او ادارة التعليم
وسؤال آخر وين مكانهم في الرياض
ذيب الطبيق
21/01/2006, 11:35 PM
علومكم زينه بالحيل بس اللي ماهو موجود بالسعوديه ولا يجي الا بعد انتهاء المهله المحدده وش يسوي هل الوكاله تنفع او لازم الشخص نفسه وشكرا
ابن بدران
22/01/2006, 03:16 AM
بعد اذنك أخوي أخو نورة


مشكـ :eek: :eek: :eek: :eek: ر أخوي ابن بدران

بس هل تصريح الحمل يسمح به في الصيد ولا لا

ما فهمت سؤالك ياخوك
تصريح الحمل للمسدس (الفرد) بس .. تروح به وتجي على كيفك
وتصريح الاقتناء لباقي الأنواع ..... والغالب إنهم حبايب ما يخالفون
مادام معك تصريح حمل والا اقتناء الغالب انهم يمشونك .......

لكن لو سألوك قبل تصرح كم تبي من (فشقة) قل 100 وهذا اكثر شيء يكتب بالتصريح ..




بالنسبة للمعلم هل ياتي بحسن السيرة من المدرسة او ادارة التعليم
وسؤال آخر وين مكانهم في الرياض

اللي من المدرسة يكفي ياخوك واسأل مجرب .....





علومكم زينه بالحيل بس اللي ماهو موجود بالسعوديه ولا يجي الا بعد انتهاء المهله المحدده وش يسوي هل الوكاله تنفع او لازم الشخص نفسه وشكرا

والله ما ادري عن التوكيل ياخوك
لكن إذا مافيه إمكانية توكيل وص أحد تعرفه يشتري ويصرح باسمه هو
وإذا رجعت بالسلامة إن شاء الله تقدر تنقلها باسمك....
المسافر
22/01/2006, 06:22 AM
مشكور اخوي
هل التصاريح في الرياض فقط ام يوجد مدن اخرى
ثم هل ياخذون المسدس منك الى ان يخرج التصريح
وهل يسالون من وين جبته ومن هل الامور والا لا وشكرا
الصل الأسود
22/01/2006, 04:31 PM
مشكور أخوي بن بدران وما قصرت
أبو أديب التميمي
22/01/2006, 04:51 PM
اسمحولي يا شباب :

لو وديت معي مجموعة اسلحة مثل خرازة + شوزن + رشاش + مسدس خرازة + مسدس نصف ؟ هل يصرحون عليها وإلا الدعوى مصادرة !!
وهل اشيلهن واحولهن من السيارة واتجه للجهة اللي تعطي تصاريح بس !! (يعني الوضع عادي)
aflaj12
22/01/2006, 08:29 PM
اخوي ابو فارس أحضر ماتشاء من الأسلحه للتصريح وهم لايسألونك من أين جت ولا راحت أنت خذلك ملف علاقي وحط فيه صورة بطاقتك وتعريف من عملك أنك حسن السيره والسلوك وخمس صور 2 في 3 وخذ اسلحتك وتوجه الى احد هاالمراكز وبالتوفيق
ابن بدران
22/01/2006, 08:38 PM
بعد اذنك أخوي أخو نورة


اسمحولي يا شباب :

لو وديت معي مجموعة اسلحة مثل خرازة + شوزن + رشاش + مسدس خرازة + مسدس نصف ؟ هل يصرحون عليها وإلا الدعوى مصادرة !!
وهل اشيلهن واحولهن من السيارة واتجه للجهة اللي تعطي تصاريح بس !! (يعني الوضع عادي)

اخو ابو فارس محاكيك رايح للداخلية بـ شوزنين ورشاشين وخرازتين (ست بنادق) أنا ورفيقي
ولا زينوا بهن شي الا أخذوا أرقامهن بعدين طلعنا بهن معنا ...

هالكلام من فترة التصريح اللي قبل ماهيب هذي يعني له اربع سنين تقريبا ..
والله أعلم بهالفترة ,,, لكن ما أظن فيه فرق ..

أنت وأنا اخوك سير عليهم وأنشدهم وهم يفيدونك أكثر
سواق الوايت
23/01/2006, 12:53 PM
الله يعطيكم العافية
أبو أديب التميمي
23/01/2006, 01:06 PM
والله شي طيب وماقصرتو يالنشاما !!
أبو أديب التميمي
23/01/2006, 01:15 PM
سؤال : قبل فترة نزل تعميم من وزارة الداخلية يطلب بتسليم أي سلاح للوزارة أو الجهات المختصة وفي حال انتهاء الفترة المحددة سوف يتم تطبيق العقوبات على المخالفين (غير المتجاوبين) .

الآن نزل تعميم على مالكين الأسلحة وهو القيام بتصريح جميع الأسلحة المملوكة لدى كل شخص وبدون أي عوائق !!

ماهو سبب التناقض في التعميمين السابقين؟
عرندس
23/01/2006, 01:16 PM
هل يأخذون السلاح مني حتى ينتهي ينتهي التصريح؟
النداوي HZ2AF
23/01/2006, 01:59 PM
سؤال : قبل فترة نزل تعميم من وزارة الداخلية يطلب بتسليم أي سلاح للوزارة أو الجهات المختصة وفي حال انتهاء الفترة المحددة سوف يتم تطبيق العقوبات على المخالفين (غير المتجاوبين) .
الآن نزل تعميم على مالكين الأسلحة وهو القيام بتصريح جميع الأسلحة المملوكة لدى كل شخص وبدون أي عوائق !!
ماهو سبب التناقض في التعميمين السابقين؟









أخوي أبو فارس السلام عليكم ورحمة الله وبركاته<O:p



أخي العزيز صح عن النبي صلى الله عليه وسلم انه كان يقسم على الأمر فيرى غيره خير منه فيكفر عن يمينه<O:p

فلعل حكومتنا الرشيدة رأت ان في التصاريح خير للمواطنين فسمحت بها<O:p

ولله الفضل والمنة والشكر الجزيل<O:p

وجزاء الله حكومتنا الرشيدة كل خير وحفظها من كل شر<O:p
وانا قد قمت بالتصريح ولله الحمد<O:p
وان طلبوها اعطيتهم اياه وعليها حبة على الخشم<O:p

ولكن احب اطمئنك انه وفي فترة المنع لم نسمع انهم طلبوا من احد لديه سلاح مصرح ان يسلمه وسلامتك.



<O:p





أخوك ابو عبدالله
أبو أديب التميمي
23/01/2006, 02:07 PM
ماقصرت يا النداوي (ابو عبدالله ) وكلامك مقنع الحقيقة !!

أخوك

أبو فارس
خالد20
28/01/2006, 01:43 AM
اولله حاله ياشبااااااااب

عقب ماقريت الموضوع طرت للاماره
وقلت انا مقدم من رمضان
قال وش اسمك وقلت خالد
ودور با وراق الي عنده
وقال ايه بس راجعنا بشهر سته
قلت يعني التصريح بيقعد9 شهور ؟؟؟؟؟؟؟
قال ايه عندنا زحمه


نصيحه للقصمان فقط
اذا كنت مستعجل على تصريحك
رخص برياض
الخراز-22
28/01/2006, 10:59 AM
طيب الحين الي يصرح شوزن وخرازه بس اقتناء يعني ولا كيف صيد
طيب وكيف يعني مافي ترخيص صيد
ريش القطا
30/01/2006, 02:05 AM
طيب دامكم فاتحين موضوع التصريح

انا عندي طلب / انا قاعد ادورلي على مسدس خرازة مشط للبيع قبل انتهاء التصاريح فمن وجد فليراسلني على الخاص ولكم جزيل الشكر


على شرط ان يكون جديد وانا مستعد وشرااااااي...
عا شق الربيع
30/01/2006, 02:14 AM
ا لف شكر لك على الموضوع والتنبيه على التمديد
مداوي
30/01/2006, 07:45 AM
مشكور اخوي على الأخبار الحلوه وابشرك تصريحي مستلمه أول شوال أما سؤالك يالمسافر عن حسن السيره للمعلم تعبي نموذج تاخذه من الداخليه ويختم من العمل يعني من مدرستك
تحياتي لكم