مشاهدة النسخة كاملة : سؤال لصاحب الخبره عن الربع نيسان
بسم الله الرحمن الرحيم
مساكم الله بالخير او صبحكم الله بالخير كلن حسب وقته ..
أبي انشدكم يا الوجيه الطيبه عن ربع نيسان موديل 1992 حكومي تجي تندته عريضه ومرتفعه والموتر وكاله وعلى رشه الحكومه وبويه الوكاله موجوده تحت رشه الحكومه ..
وماشي 270 ألف وعليها .. الموتر ماعليه كلام ..
كم يسوه وكم تنصحووني أسومه ..
والله لا يهينكم لا تطوولون علي بالرد ..
أنتـظر ردودكم
الصحراءءء
16/08/2011, 07:22 AM
15 ألف اذا كان على كلامك
موفق اخوي
هاوي بندق
16/08/2011, 09:22 AM
17الف
الله يوفقك
الله يعطيكم العافية والله لا يهينكم يالرجال
بس على فكره الموتر من جد وكاله جميع ربالات الوكاله موجوده
وستكرات الوكاله موجوده الموتر سلوقي وكاله بمعنى الكلمه والاني مبالغ.
على العموم بالرياض مسمكر وتصيد عليه اكثر من شغلة ويقولون مسيوم اكثر من 25ألف ريال
الله لايهينكم انا بسومه 20الف وانا ادري يجيب اكثر بس هذا مقدوري
جزاكم خير على ردكم
ابو مناخ
18/08/2011, 07:22 AM
ب24 تكفى اذا مالك خاطر اوحسيت انه غالي عليك لا تنساني انا ادور من فترة هالنوعية
abo naser 1
19/08/2011, 11:19 PM
وانا اخوك قدام عيني بيع قبل شهرين ربع 91 ابو قبة مرشوش ابيض سابقاً حكومي ممشاة 160000كيلو محركات وديكورات جديد ما شاء الله عليه بيع 16000 صافي واعتبره رخيص يسوى 18000 لو انه بدون قبه يسوى 25 الى 27 الف
سلام عليم
الله لايهينكم جميع سألت عن تغير التندة بتشليح الحاير قالولي راكبه جاهزه ب3ألف ريال
وشرط انها موواضح اانه مغير التنده؟
وبعدين يابو نسر انت تقول قبل شهرين صح كلامك صح بس الحين غير حنى بشهر9 هجري وبشهر8ميلادي
يعني المقناص بانواعه على البواب.
والا انا غلطان يربع
شاكر مروركم الله لايهينكم
سلام
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir