رسالة إلى السنيدي : ياليت تفتح فرع في حفر الباطن

[اورنس الشمري]

بسم الله الرحمن الرحيم .


من خلال منتديات مكشات الغراء أبعث رسالة إلى صاحب المحلات الشهيرة "السنيدي" للوازم البرية , وأدعوه فيها إلى دراسة جدوى لافتتاح فرع في حفر الباطن المدينة التي لا تهدأ في فصل الشتاء , لها صيتها الذائع , فهي عاصمة الربيع , مكان جيد للصقارين , وللكشاتة , ولمحبي الفقع .


حقيقة السنيدي بات حاجة ملحة في حفر الباطن , فمنتجات السنيدي تصل إلينا بأسعار غالية جداً مما يضطرنا الذهاب للقصيم أو الرياض للبحث عن أغراض موجودة لدى السنيدي , وهرباً وعدم تشجيع لبعض المغالين .



الفكرة قائمة وأتمنى توصيلها , فإسم السنيدي مشهور , ونحن نود أن يكون في حفر الباطن فرع لهذه السلسلة البرية الجميلة .

[الرحال2222]

وخذ معك الغربية مكة او جدة او الطائف لا تكل بجميع الفصول ونفس المشكلة تاتي باسعار نار ومغالاة مالها مبرر اجل محول غاز عند السنيدي 15 ريال وهنا 35 ريال والله الجشع بعينة

[فايز60]

ياليت واتمنى ن يفتح عندنا ذبحنا كشته يجيب اغراض السنيدي ويبيعها دبل وثري وياليت ياصل الخبر للسنيدي وحفرالباطن افضل موقع لهم من جميع المدن مع احترامي

[فرحان بن عيد]

والله يا ليت يفتح له فرع بالحفر الصراحة المحلاات الثانيه تبيع منتجاته بالدبل ومحل الرمايه ما تحصل عنده كل الي تبيه

[فرحان بن عيد]

ياليت واتمنى ن يفتح عندنا ذبحنا كشته يجيب اغراض السنيدي ويبيعها دبل وثري وياليت ياصل الخبر للسنيدي وحفرالباطن افضل موقع لهم من جميع المدن مع احترامي

صادق أخوي بالأخص وقت الشتاء والربيع ووقت مزاين أم رقيبه وأنا الي أشوفه ناس واجد تجي من دول مجاوره بالأخص وقت الربيع

[Red falcon]

ياليت ينقلون فرع الرياض الفاشل لكم
كلة منتجات مقلدة وخطره على الحياة
خامات رديئة شغل الصين وتايوان
ينطبق عليها قول القائل
خلاخل والبلاء من داخل
راحت أيام السنيدي والبضاعة الطيبة
الأن ماعاد أحد يبيه ويبي قراشيعة المغشوشة

[عطيب ومايغيب]

ياصحب الموضوع معك حق واتمنا من الاخوان ايصال الرساله

تنبيه اتمنا تصل الى السنيدي

ياخوان عندي فكره التخلص من الثعبين والعقارب بتاتن في الصحراى

كيف اوصله الى السنيدي او غيره من اليقوم بلاوازم المكاشيت

[nejjer]

يارجال وش تبي بالسنيدي وخرابيط الورعان اللي يبيعها كلها مغشوشه صدقني وانا من القصيم واحب اشتري منه لأن كل اللي عنده خرابيط بخرابيط

[Mohammed_S]

يارجال وش تبي بالسنيدي وخرابيط الورعان اللي يبيعها كلها مغشوشه صدقني وانا من القصيم واحب اشتري منه لأن كل اللي عنده خرابيط بخرابيط

يا ليت تقول لنا وش هالخرابيط والغش
وعلى فكرة السنيدي ما هو كامل علشان ما يخطي يمكن صدفت معاك وحدة يعني منتج شريته معطوب لكن تلقى ألف منه شغالة تمام التمام

الحق يقال ولا يسكت عنه لو سمحت تقول لنا وش المغشوش اللي جاك وهم ما راح يقصرون

لما يكون اللي عنده خرابيط في خرابيط فخلاص ريحك مخك ولا تشتري منه

أستغفر الله وأتوب اليه

[nejjer]

يا ليت تقول لنا وش هالخرابيط والغش
وعلى فكرة السنيدي ما هو كامل علشان ما يخطي يمكن صدفت معاك وحدة يعني منتج شريته معطوب لكن تلقى ألف منه شغالة تمام التمام

الحق يقال ولا يسكت عنه لو سمحت تقول لنا وش المغشوش اللي جاك وهم ما راح يقصرون

لما يكون اللي عنده خرابيط في خرابيط فخلاص ريحك مخك ولا تشتري منه

أستغفر الله وأتوب اليه


اخوي هدي هدي لاينقطع بك عرق
اقسم بالله ماقلت هالكلام حسد لهم وعسى الله يرزقنا ويرزقهم
اول شي كل من قرى ردي يتفق معي هذا اذا كان يعرف السندي قديم لان بضاعتهم تغيرت بنسبت 100%
ثاني شي كلاً يمدح اللي يواجه قولي بالله عليك القماش الكوري الخايس من اول من جابه للمملكه والكاتم الصيني اللي سبب حوادث كثيرة من ضمنها زميلي اللي الحين نايم بالمستشفى بسب حروق سببها له انفجارة ومره قريت موضوع من نائب المدير يحذر فيه من استخدامه لانه انفجر فيهم والشرهه ماهي عليه على الدفاع المدني اللي يعرف وساكت
ثالثً اتحداك تشتري جميع تجهيزاتك وتطلع فيها للبر وتاخذ اسبوع وترجع من غير مايخرب معك شي من اللي اشتريته
رابعاً مره من المرات شريت من عندهم تانكي ماء كان سعره 630 ريال وكان مكتوب على الورقه اللي معه 145لتر واقسم بالله العضيم اني ما كتبت لك الا اللي شاهدته بعد سنه بغيت اعدل التانكي واخليه واقف وديته لورشه عندنا ببريده بالساده وبالصدفه سالت العامل كم لتر هالتانكي واخذ مقاساته وطلع حوالي 80 لتر انا الصراحه انصدمت كيف 80 لتر وهو مكتوب عليه 145لتر طبعً رحت انا بنفسي وجبت عداد لترات وقمت اصب فيع الين وصلت 86لتر المهم اني رجعت لهم وكلمتهم وعلمتهم باللي صار وقالوا لي بدون فاتورة مانقبل شي والمشكله انهم يعرفون انهم غاشين لاني رجعت بعد فترة وحصلتهم مغيرين الاستكرات اللي على التانكي وحاطين 110 لتر ومن بعد اللي صار لي ماعمري مريت عليهم ولا شريت من عندهم شي
على العموم انا طولت بالكلام والا اللي صار لنا من السنيدي مايكفيه الكلام لانهم باعوا جودتهم وسمعتهم على حساب مكسبهم فقط وملى بطونهم

[Red falcon]

لو سمحت تقول لنا وش المغشوش اللي جاك



بقولك وش المغشوش


1ـ أقمشته وجميع الاشياء المخيطة أول كانت ممتازة والآن تقطع من أدنى لمسه.
2ـ الاواني وجميع أدوات الشرب من ردائتها وخطرها ودك تبرع بها لليهود.
3ـ المواقد والدوافير تصنف في خانة المتفجرات والقنابل الحارقة.
4ـ جميع الاشياء عنده تستخدم مره واحدة ومن ثم ترمى وقد تجدها خربانه أصلا.
5ـ عنده جرابات سلاح يازين شكلها تخرب سحاباتها من أول معطه وفيه واحد
تسكرت على بندقه وماطلعها الا عقب عمليه جراحية جانبيه.
يتبع

[اورنس الشمري]

القراشيع تنباع عندنا بدبل سعرها ..

السنيدي محل قوي وبالنسبة للبضاعة الرديئة ما نبيها , عند السنيدي
شغلات حلوة , ولا هي متوفرة بالحفر .

والرماية مثل ما تفضل أحد الأخوان ماهو بالمستوى المطلوب , ما يجيب بضاعة

أشكركم على مروركم وتأييدكم .

[Red falcon]

وش نقول و وش نخلي القائمة طويله كخط الحجاز

الحق يقال عنده أفكار حلوه أحيانا خصوصا في الاقمشة

أنا أشوفها وانفذها بمحل آخر للاستخدام الشخصي

بمواصفات ارقى وقماش ممتاز وخياطه بذمة

[nejjer]

وش نقول و وش نخلي القائمة طويله كخط الحجاز

الحق يقال عنده أفكار حلوه أحيانا خصوصا في الاقمشة

أنا أشوفها وانفذها بمحل آخر للاستخدام الشخصي

بمواصفات ارقى وقماش ممتاز وخياطه بذمة
كلامك سليم عنده افكار كثيرة ولكن مصدرها احنا وعلى قولتك فيه محلات كثيرة عندنا ببريده مثل غنام والمطرودي ومبارك والمحيمد للاواني مشكلة الناس اللي برى القصيم يسمعون بالسنيدي ولا يعرفون انه فيه بدائل افضل منه بكثيررررررر مره

[باشا]

ياصحب الموضوع معك حق واتمنا من الاخوان ايصال الرساله

تنبيه اتمنا تصل الى السنيدي

ياخوان عندي فكره التخلص من الثعبين والعقارب بتاتن في الصحراى

كيف اوصله الى السنيدي او غيره من اليقوم بلاوازم المكاشيت

يا بعدي ليش تبي تقضي على الثعابين ( بتاتن )!!
المسأله بسيطة أقرأ وردك ويحفظك ربي إن شاءالله وما عليك الا العافيه بحول الله..!!

[باشا]

[QUOTE=coleman;7200871]


.

3ـ المواقد والدوافير تصنف في خانة المتفجرات والقنابل الحارقة.


الله يقلع المنتجات الصينية ما وراها الا المشاكل
يا ريت يحولون الموردين على اوروبا وامريكا منتجات غالية لكن مضمونه.

[Red falcon]

مثل غنام والمطرودي ومبارك والمحيمد

لا هذولي معروفين بس شغلهم ومحلي وممتاز
جابوا خياطين وباشرافهم وفي ديرتهم وحرصوا
على سمعتهم وحمدوا ربهم الذي رفع السماء بغير عمد ترونها

[Red falcon]

المشكلة السنيدي أشتهر لانه طب الصين وهات يابضائع رديئه
وأغرق العالم بها من محلات رحلات الى محطات طرق
وأغلب الناس معتمدين على سمعته الاوله
لكن الان بدت الناس تنتبه

ولكن بعض الناس لازال في غفله

[عطيب ومايغيب]

يا بعدي ليش تبي تقضي على الثعابين ( بتاتن )!!
المسأله بسيطة أقرأ وردك ويحفظك ربي إن شاءالله وما عليك الا العافيه بحول الله..!!

لااعلم هل ستقراء ردي على كلامك ولاكن برسله لك على الخاص

اخي الكل يكره ويخاف من العقارب والثعابين في الصحراء وخاصه وقت النوم والحامي الله
الباديه ينمون في الرمال والجبال التي تحتضن تلك الافاعي والحامي الله لهم

ولاكن لعي كتب ورديت على الموضوع وانا في عجلاه

ياخوان انا عندي فكره اود اطرحه وهي الحمايه من الثعابين والعقارب اثنا النوم ولاكن لايقد ر يطبقها غير واحد عنده استعداد مثل السنيدي وغير من اصحاب المحلاات المكشاتيه

يقولي واحد

في بعض الاماكن والمناطق في المملكه توجد تكاثر للعقارب والثعابين

ماذا يفعلون اغلاب الناس
قبل الغروب بدقايق يحفرون حفره بمقدار قوطي النيدو يدفنون القوطي بمستواء الارض

ويضعون جنبه سراج (فانوس) ويتركونه طول اليل شعال حتى الصباح

المعروف عن الدواب تحب الزحف الى الضو وخاصه في الضلاام وياتون في الصباح وقد امتلاء القوطي من العقارب وغيره وتم قتل السوام

اتمناء تقراء ردي وفالك الجنه

[جمس z71]

أخوي nejjer الله لايهينك
ودنا بوصف محل المحيميد والمطرودي ومبارك وغنام....

الله يرفع مقدارك .........

[nejjer]

اسهل وصف لغنام هو شارع الخبيب مقابل النقل الجماعي
والمطرودي والباقين بالجرده حول شركة الهاتف اسأل هناك ويدلونك

[Mohammed_S]

العرق ما يقطعه الا ربه خلقه


خلاص وصل كلامكم لهم ان شاء الله والمشاكل اللي واجهتوها


ما قصرتوا


وش كان المغزي من ردي لكم يالوجيه الطيبة أن ردكم الأول مجرد عذاريب لكن لما طلبت منكم التوضيح وضحتوها لنا وما قصرتوا هذا الهدف اللي أبيي أوصله مو لي بس لكل واحد وخصوصا لما جبنا سيرة محلات السنيدي أنه يوصل لهم هالكلام مو بس بهالموضوع بكل موضوع والا ما صار هالمكان أسمه منتدى


ولعلمك يالطيب أنا وأنت وغيرنا شرينا وواجهنا أشياء مغشوشة ورجعنا وتفاهمنا معهم وتفاهموا معانا والحمد لله أما طلبه للفاتورة هو مجرد موظف على باب الله محاسب ما أشتغل ولا غز أبرة في فراش ولا مركى علشان نحاسبه ( مجرد عبد مأمور )


أرجو أن الفكرة وصلت خصوصا خوينا أبو عرق :D

[الطرس ممدوح]

والله يا ليت يفتح

[كوفيا]

السنيدي اخذ سمعه على الفاضي

[سليمان 10]

عندكم ماشاء الله محل كشته ومحطة الكويت بالرقعي تكفيكم 0تراي امزح لاتزعل سوف اقوم بتوصيل طلبك ان شاء الله تعالى يامن سكن عاصمة الربيع 000

[قناص1975]

الله يسترعللليهم

[فهد الخالدي]

يارجال وش تبي بالسنيدي وخرابيط الورعان اللي يبيعها كلها مغشوشه صدقني وانا من القصيم واحب اشتري منه لأن كل اللي عنده خرابيط بخرابيط


ياخو احمد ربك واسأل الله انه يخلي لنا السنيدي وبضاعته

لولا الله ثم السنيدي كان تضربو فيك صغار التجار وجشعهم

كانو قديما يسبون دجاج الوطنية وكثر اللغط والسب حول جودة دجاج الوطنية

ولما توقف خط الانتاج يومين فقط لعطل اصابه عرفت الناس ان الله حق وعرفو قدر

دجاج الوطنيه وحله للازمات

تحيتي