المساعد الشخصي الرقمي

مشاهدة النسخة كاملة : كان tps والحين ارتفع الريس وتعريف اون لاين


مكشتاني
17/08/2011, 02:55 AM
السلام عليكم ورحمة الله وبركاته
الاخوان ماون كانز والاخ emperor صار معانا سالفه ثانيه اليوم رحت لاخصائي بكمبيوترات السيارات واصلاح اعطال البخاخ بناء على نصيحة احد الاصدقاء
الرجال شبك السسياره بجهاز GM TACK 2 ومره ثانيه شاف العطل اللي انا عارفه من الاول انه THROTTELE POSITION SENSOR وبعدين فتح الثروتل بودي ولما سألته عن السنسور قال لي ان السنسور بداخل الثروتل بودي يعني هو قطعه واحده ويا اخوان تراه يختلف عن الصوره اللي حطها الاخ ماون وقام ونظف الثروتل باستخدام منظف كربريتور ورجعه مره ثانيه وبدأيشتغل على التاك تو بس اللي صار ان السياره فجأه ارتفع فيها الريس HIGH IDLE SPEED وهذا الشيئ ماكان موجود من الاول وجلس الاخ يحوس ويتصبب عرق الشاهد بغييت اعطيه علقه ساخنه بس تعوذت بالله من الشيطان الرجيم
الشاهد انه اتصل بصديق بصناعية الدمام واسمعه يقول له انا خلصت من السياره بفيس ون وماعندي الفيس تو المهم انه جلس يشرح لي وفهمت منه انه بيأخذ السياره بكره من صناعية الخبر للدمام لانه راح يعمل شغلة وهي تعريف اون لاين
تكفون اخواني شرايكم وهل كلامه صحيح والا اشكيه انه خرب علي السياره
لاحول ولاقوة الا بالله وحسبي الله ونعم الوكيل
~EmPeRor~
17/08/2011, 04:26 AM
هلا فيك يالغالي

الثروتل بدي الي عندك هذا صورتة من الكتلوج ( مقاربة له حقت 6 لتر )




http://repairguide.autozone.com/znetrgs/repair_guide_content/en_us/images/0900c152/80/24/91/7c/small/0900c1528024917c.jpg


المشكلة الي سواها الرجال انه حرك الثروتل بيدة وهو مايرحرك باليد نهاااااااااائي اذا جاء ينظفة لازم احد يدعس بنزين الى الاخر

وبعدها ينظف بالبخاخ بدون مايلمسة بيدة ( لانه يخلف وزنيتة )

الحل ,

الطريقة الاولى :

الاول : يفصل البطارية < ويسكر الثروتل بيدة تسكير كامل < ثم يشبك البطارية ويشغل ويجرب وان شاءالله يزين

2 ) ينظف حساس قربة الهواء mass

صورة تقريبية لموقعه

http://easyautodiagnostics.com/gm_maf_van/images/image_1.jpg


وطريقة تنظيفة يرشة بالبخاخ وراح يصير في السيارة تقطيع قوي اول التشغيل + دخان من ساعه الى يومين

وباذن الله تصير والطريقة هذي جربناها على كادلك cts والكابرس الستة سلندر ونجحت 100%

الطريقة الثانية :

اعادة برمجة الثروتل بدي بالكمبيوتر عن طريق برنامج ال hp tuner < ولو تراسني على الخاص ارسلت لك كتاب متكامل عن طريق برمجته للمحرك ,

بالنسبة لوضعك الان :

1- لاتحاسبة نهائيا لان 100% حرك الثروتل بدي بيدة وهذا مشكلة كبيرة ( لانة الكتروني )

2- سو الطريقة الي قلتها لك , ويفضل انك تترك البطارية بعدها مفصولة + تولع المبات الداخلية وانوار السيارة والبطارية مفصولة + السوتش مفتوح ( لكي يتم سحب الكهرباء بالكامل من الاسلاك والاجهزة الاكترونية في السيارة )

3- التجربة مدة يومين كاحد اقى

اذا مانجحت < فرجع للرجال وخلة يتحملها ويعيد برمجة للسيارة < وانصحك تبرمج عند هشام الملا في راس تنورة

ونتظر تعلمنا وش يصير معاك ,

----------------------

تكملة

بالنسبة للتحديث عن طريق ال اون لاين

هذا ماهو تحديث

هذا للكشف عن الاعطل عن طريق الشبكة بالاتصال بالشركة الام ( واحتمال ينزل لها برمجه عن طريق الشركة المصنعه ) < احتمال ماهو اكيد

وننتظر تخبرنا وش يصير معاك
ماون ماركز
17/08/2011, 05:11 PM
ما شاء الله .. ~EmPeRor~ (http://www.mekshat.com/vb/member.php?u=119504)

كفيت و وفيت .. ما عقبك أحد يعقب

بالنسبة لفصل البطارية .. أفصل السالب فقط دائما يكفي ..
في كل شغلة نشتغلها بالسيارات الجديدة اللألكترونية

والله يعين أخونا مكشتاني

وموفق تلقى خير بأذن الله
مكشتاني
17/08/2011, 07:24 PM
صدقت اخوي امبيرور هذا اللي انت حاطه هو نفس الثروتل بودي اللي عندي وانت صادق بعد هو فكه بيده وحطه في طشت وهات رش بالبخاخ وتنظيف بخرقه ذكرني بالوالد الله يطول بعمره زمان لما كان يفك الكبريتور حقت الامبالا الـ 73
الشاهد انه اخذ السياره للدمام لواحد ينقاله ابويوسف وقالي انهم اعادوا برمجته بجهاز نفس اللي عنده بس بمواصفات شوي مختلفه
السياره حاليا صارت طبيعيه وال ار بي ام على 500 تقريبا وكأن تبديلة القيرعلى الاول صارت انعم من الاول
الشاهد انه طلب مني فوق حسابه 200 ريال للورشه الثانيه وانا رفضت بأعتبار انه تسبب بمشكله ماكانت موجودة بسيارتي من قبل وكذلك كونه انسان غير كفؤ بالتعامل مع الاجهزه الالكترونيه مع الاسف الشديد
على فكره هو ترك السياره طول الليل والبطاريه مفصوله وانتبهت له نظف حاجه زي الشبك بالهوز اللي يتصل بفلتر الهواء
اتمنى ان مشكلتي انتهت وماقصرتوا اخواني emperor وماون ماركز
اخوكم د/ ابووليد
~EmPeRor~
17/08/2011, 07:54 PM
لاهنت اخوي ماون ماركز

العفو اخوي ابو وليد

لاسف ان اغلب الفنين متعاملين معا القطع الاكترونية على انها عمل ميكانيكي فقط بدون الانتباه ان لك قطعه تايمنق محدد وبلنس محدد

وفي الفترة المقبلة ( 2-5 سنوات ) راح ندخل في نظام الدايركت انجكشن وراح تزيد مصايب الناااااس بسبب افتقار اهل الخبرة لانظمة الحديثة باللمحركات

الي نظفة وعليه شك هذا اسمة mass flow sensor او يختصر ويطلق عليه maf

على كل حال اتمنا لك التوفيق يالغالي
ماون ماركز
17/08/2011, 08:00 PM
اتمنى ان مشكلتي انتهت وماقصرتوا اخواني emperor وماون ماركز
اخوكم د/ ابووليد

بأذن الله تكون أنتهت . وما دامك حسيت أن الموتر صار للأحسن
فـ إن شاء الله كل شيء تمام

بفضل الله وتوفيقه ثم بخبرة أخونا emperor اللي ما قصر معك

الله يحفظكم جميعا