اليكم سالفة العرس من اول

[راعي العجراء]

السلام علاكم ورحمة الله وبركاته
هذه سالفه من عمتي منيفه طلبها النبهاني يباها تقولها لكم
واليكم هذه السالفه
كان من اول العرس ماهو مثل الحين تشريعه وكوشه وكيك وعصير موسيقى
والبنت من اول ماتعرف وش العرس او وش معنى العرس
والطق من اول بتنك وصحون ماعندهم طبول ولا هنا طقاقات والعريس يدخل على البنت في حجرة في البيت يحطون فيها دوشق ومطرحه والوساده وكنبل اليا شفته تقول خرقة تمسيح من صغره
لازم تقطع رجليك وتحطهن عند الباب حتى تقدر تتغطى زين
تقعد البنت بالحجيره عليها عباته من الحيا واذا دخل العريس جتها نفضه يبطل فيها سلكين بواجي وتقعد بالزاويه تنظر مصيرها
والرجال يقعد يقابلها طول هالليل يحكي معها حتى تنتهي السواليف اللي عنده وهي ماتهرج
ماغير تناظر لا يطلع منها شي بهالعباة السوداء تقول كفر عند باب بنشري وماغير دموع
ونشق ونشيق ماتسمع الانفسها تقول صوت مزيته مابها زيت ولو شال عباتها يبي للرجال اسبوع ماشال خط البلده
اللي واصل اصابع رجليها من طوله يبي له شرخ ابو ديك الاصلي كود يحدث فيه ممسك
والرجال من اول وسيع صدر مايبي يروع ابنية الحلال يقابلها حتى صلاة الفجر واذا طلع يصلي تفرح حتى تشرب ماء اوتاكل تمر وتشرب لبن والاجريشه عليها لحمة ماتكفي البس والياسمعته جاي تلبس عباته
وترجع الى قواعدها سالمه قصدتي زاويتها وتصبر على هالحال يوم يومين ثلاثه
والرجال يتحايل معها بزين الكلام شوي شوي حتى تحسب العرس انتهى على كذا
ماتعرف غيره
وبعض الرجاجيل اقشر مايهمه شي ومعلق برطب يبي كل شي هذه الليله
والبنت جاهله بعض الامور
المهم هذا رجال دخله على بنت والبنت هذي نشيطه بالحيل يوم دخل عليها حاول يسحب عباتها عنها ماعطته فرصه من نشاطها ولا قرب يمها قلت له اعقل اثقل شوي
المهم اهل المعاريس مبسوطين يطقون بالصحون ويغنون واليا قعدوا لهم فتره يجون عند
باب الغرفه يطقون للمعرس ثم يفتح الباب ويحلت عليهم تمر صقعي يتلاقطونه مناهب
واذا كانت اموره زينه يجدع عليهم قريشات هلل المهم وهم يطقون عند الباب الرجال يحاول
بالبنت تشيل عباته وهات اشوف اسحب لاتسحب لما طلع السانه عند سره لاشفت لسانه
تقول فتيله اتريك توه طافي
المهم البنت ما اعجبها تصرف هالزوج والبنت نشيطه وهي تقوم وتمسك الرجال وتمهده بالكنبل تقل صغير وهي تربطه بالشرشف والحريم عند الباب يتحرون فتحت الباب يبون التمرالصقعي وهي تفتح الباب شايله الرجال الممهود وهي تحلته على اهله قال دوكم ولدكم عقلوه علموه الادب والرجال هالضعيف ممهود مابقى الا وتحط بفمه مصاصه
وينه هالرجال عند نفسه داخل عريس واخر شي ممهود وهي تقفل الباب وتدخل تنام
والرجال انوع الخجل والحيا ولا يرده الا بيته من الفشيله
انتهت السالفه وان اشاءالله اعجبتكم



http://dc07.arabsh.com/i/01022/j5u5e3dgv3y5.jpg

[محمد الظاهري]

الله عليك يا راعي العجراء
ويا زين سؤليفك وطاريك
عوتنا على الاسلوب الجميل
قصه حلوه اظحكتني مرره
وما شالله النبهاني يبي سؤالف عرس وما عرس
اتوقع انه يعشق ومخطط عقب العيد على ام العيال
ههه صار عاشق النبهاني
ابيه يعرس والبشت علي
بس اذا درت ام العيال انا مالي دخل
ولا يقول جاني دعم ههه

اشكرك جزيل الشكر
تحيااتي لك
محبك

[راعي العجراء]

الله عليك يا راعي العجراء

ويا زين سؤليفك وطاريك
عوتنا على الاسلوب الجميل
قصه حلوه اظحكتني مرره
وما شالله النبهاني يبي سؤالف عرس وما عرس
اتوقع انه يعشق ومخطط عقب العيد على ام العيال
ههه صار عاشق النبهاني
ابيه يعرس والبشت علي
بس اذا درت ام العيال انا مالي دخل
ولا يقول جاني دعم ههه


اشكرك جزيل الشكر
تحيااتي لك

محبك


هلابك ياخوي محمد الظاهري
اشكرك على تواجدك وحسن ردك وافتخر ان يكون محمد الظاهري في سالفه من سواليفي
وبعدين ياخوك النبهاني لازم ابريئه من هذه التهمه النبهاني يطلب سالفه عن اي شي ولم يطلب قصه عن العرس ولكن على الخاص طالب يد عمتي منيفه بس مايباكم تدرون يخشى العين حتى يتملك علاها

[ابو الشبرميات]

هههههههههههههههههههه
ان كان البشت من الظاهري فانا مني المطرحة والكنبل

يا مال العافية ياراعي العجرا
تقبل مروري
,,,

[راعي العجراء]

هههههههههههههههههههه

ان كان البشت من الظاهري فانا مني المطرحة والكنبل


يا مال العافية ياراعي العجرا
تقبل مروري

,,,


الله يعافيك يابو الشبرميات
هه عسى السالفه زانه حتى ماتفشل منكم
وبعدين الكنبل من هو له عساه لي انا
الله يحفظك

[الشيخ قوقل]

موضوع جميل
وناهيك عن ربط المآزر بالحبال
ننتظر القادم وفقك الله

[راعي العجراء]

موضوع جميل
وناهيك عن ربط المآزر بالحبال
ننتظر القادم وفقك الله

هلابك يالشيخ قوقل
حضورك اجمل
ولا توصي حريص هذاك فيه ثلاثة الاف عقده وعقده

[روق الشرقيه]

الله يعطيك العافيه ياراعي العجرا على هذه السالفه الشيقه,,
والله احسنت الوصف للمعرسه ,, اما خط البلده هههههههههههه
واما المعرس ..... ماتوقع ينوي العرس مره ثانيه؟؟
واسمحلي باسميك (الممثل) لآن كل وصفك كأنني اشوفه على الطبيعه,
وتستاهل (خمس نجوم)
واشكرك على حسن سردك للقصه ...وخلك على هالوزنه....
وتقبل مداعبة وتحيات اخوك ابو نايف

[وردة النفل]

:p
الله يعافيك راعي العجرا
وسلملي على العمه منيفه
نبي منها قصص عن قوة حريم أول وشجاعتهم
:p

[راعي العجراء]

الله يعطيك العافيه ياراعي العجرا على هذه السالفه الشيقه,,

والله احسنت الوصف للمعرسه ,, اما خط البلده هههههههههههه
واما المعرس ..... ماتوقع ينوي العرس مره ثانيه؟؟
واسمحلي باسميك (الممثل) لآن كل وصفك كأنني اشوفه على الطبيعه,
وتستاهل (خمس نجوم)
واشكرك على حسن سردك للقصه ...وخلك على هالوزنه....

وتقبل مداعبة وتحيات اخوك ابو نايف


هلابك يابو نايف والله يعطيك العافيه على هذا الحضور المشرف
والخمس نجوم كثيره علي الله يجمل حالك
هذا من زود كرمك وطيبك
يابعد قلبي

[راعي العجراء]

:p



الله يعافيك راعي العجرا
وسلملي على العمه منيفه
نبي منها قصص عن قوة حريم أول وشجاعتهم


:p


ياهلا بالنفل كله اللي بالبر والبحر
وبعدين وش نبا بقشارة الحريم يكفي عمتي
منيفه تاكل الضب وهو حي يقعد اسبوع وهويخترش في بطنها ولايهمها
والقعود تاكل كبده وهو حي ومن خوفه من عمتي يصبر مايموت الا اذا نامت عمتي
يدور له مكان ذاري ويموت

[قوافي ( أم نهار )]

وعليكم السلام ورحمة الله وبركاته
الله يحييك ياراعي العجراء
وشلون العمه منيفه عسى ماتعبت مع الصيام
سالفه زينه وتستاهل عميمتنا العود الازرق سلم عليها
تحياتي.اختك
..قوافي..

[الدافور 1430]

هههههههههههههههههههههههه


ربي يسعدك وين ماكنت

[Al3rands]

الله لا يفضحنا هذي ليلة العرس اجل شلون بعدسنه

[حمد69]

تسلم ياراعي العجراء.....قصص العمة منيفة قصص تراثية وايد حلوة...
لما طلع السانه عند سره لاشفت لسانه
تقول فتيله اتريك توه طافي
ههههههههههه

[راعي العجراء]

وعليكم السلام ورحمة الله وبركاته

الله يحييك ياراعي العجراء
وشلون العمه منيفه عسى ماتعبت مع الصيام
سالفه زينه وتستاهل عميمتنا العود الازرق سلم عليها
تحياتي.اختك

..قوافي..


عمتي منيفه تسلم علاك سلام كثير
وقول يامال العافيه ياقوافي ليه مامرت علانا تسلم
والصيام ماعلاها خلاف
تصوم يوم وتفطر يومين

[راعي العجراء]

هههههههههههههههههههههههه


ربي يسعدك وين ماكنت

وانت اسعد وين ماتروح

[راعي العجراء]

الله لا يفضحنا هذي ليلة العرس اجل شلون بعدسنه


ارحب يااخي العزيز Al3rands اسعدني مرورك
تحييييييييياتي

[ابو نايف 111]

السلام عليكم
اضحك الله سنك قصه جميله كاعااااادتك
الله يسلام (العمه) من كل مكروه
لما طلع السانه عند سره لاشفت لسانه
تقول فتيله اتريك توه طافي
ههههههههههههههههه:good2:

[رهيب الرهيب]

اضحك الله سنك على ها السالفه ياراع العجرا لاكن والله لو صاير لي مثل ماصار لها العريس لعطيها بشوزن ويحيده ضغط عالي

[بن جاسي]

هههههههههههههههه
الله يعطيك العافيه على القصه الحلوه
وسلم على عمتك منيفه ولاتحرمنا من قصصها

[النبهاني]

وعليكم السلام ورحمة الله وبركاته
الله مير يحييك ويسلمك ويرفع قدرك ويعزك بطاعته ويسلم عمتك منيفه بس لغيري
الله الله عليك ياراعي العجراء ايه هذا اللي ندور عز الله انك كفيت وفيت وابتل على هالنمونه
الله يسعدك ويوسع صدرك وعز الله اني غزيت كراعي من الضحك
ما شاء الله تبارك الله سالفه حروفه ملبسه بالحلا
مابه شك في اعلى قائمة المفضله على شان نويق عليه بدل حبة الاسبرين مع حبة الظغط
صراحه كأني ارى فلم وثائقي يحكي صوره من صور الحياه في الماضي الجميل وليتعرف الجيل الجديد على ماضي ابائهم واجدادهم ( تصوير ادبي قصصي ولا أروع )
ومدامي انا اللي طالبها وانا السبب لوجود هذه السالفه بهالخيمه الكريمه فلي الفخر والله
وآسف على الاطاله مع العلم ان ودي
(ولا احلى من هالتوقيع الخاص 000خاصة وان خط البلده في المقدمه)
اخيرا تقبل شكري الجزيل والله يحفظك ويرعاك

[تلميذ]

لوكل معرس بيسير معه مثل ماصاركان سرنا مهددين بالانقراض
يعني ماكو بزوره
سالفه جميله تحكي واقع مر على من سبقونا
امتناني وتقديري

[راعي العجراء]

السلام عليكم
اضحك الله سنك قصه جميله كاعااااادتك
الله يسلام (العمه) من كل مكروه
لما طلع السانه عند سره لاشفت لسانه
تقول فتيله اتريك توه طافي
ههههههههههههههههه:good2:

هلابك يابونايف
والله يسعد اوقاتك بالمسرات
عمتي منيفه مبسوطه من امبساطك حتى راعي العجراء كذلك
اجل اعجبتك فتيلة التريك

[راعي العجراء]

اضحك الله سنك على ها السالفه ياراع العجرا لاكن والله لو صاير لي مثل ماصار لها العريس لعطيها بشوزن ويحيده ضغط عالي

هلابك يالرهيب الرهيب
وليش تعطيها طلق اطلع وخل الدار لها

[سليمان الربيعان]

جزاك الله خير ما قصرت
هههههه بس حلوه يوزع تمر صقعي
الله يتقبل من الجميع الصيام والقيام
تقبل تحياتي...

[escape_man]

اسلوب رائع ومشوق جداً

يعني لو تكتب الف ليلة وليلة اكيد بنقراه قراءة متواصلة

يضاف الموضوع للمفضلة

بل راعي الجراء بكبرة يضاف للمفضلة .. يستاهل المتابعة وبلغ سلامنا للعمة

[مريقب العيفار]

الله يعطيك العافية على جهدك الطيب في هالخيمة

بخصوص سالفة المعرس

صار عندنا بالمذنب مثلها اكثر من مرة على ما يذكر الوالد الله يطول بعمره

لكن هذاك زمن ولى يوم البنت من الصبح الى المغرب وهي تكد

هالحين تلقاه ليلة عرسها لابسة الانجيري ومتحرية المقسوم

قبل الخروج وحدة جدعت الرجال من ورا الجدار - السور

[راعي العجراء]

هههههههههههههههه

الله يعطيك العافيه على القصه الحلوه

وسلم على عمتك منيفه ولاتحرمنا من قصصها


هلابك يابن جاسي
وعمتي منيفه تسلم علاك
افرحني حضورك يالغالي

[فهد الهلالي]

هلابك يارع العجراء
والله يعطيك العافيه
انا من المتابعين لكل ماتكتب واحرص على ذلك
فقلمك يعجبني
ابداع جيد بالقصص والرويات امل استمرارك
وتقبل تخياتي

[اورنس الشرق]

قصه جميله بارك الله فيك

[راعي العجراء]

قصه جميله بارك الله فيك
هلابك يا اورنس الشرق

والجميل حضورك لاحرمنا هذا الحضور

[أبوعابد 22]

الله لايهينك أخوي راعي العجراء سالفه تراثيه وتشرح الخاطر

[راعي العجراء]

الله لايهينك أخوي راعي العجراء سالفه تراثيه وتشرح الخاطر

هلابك يابو عابد
ماشفت من التراث الا هذه السالفه
انا كلي تراثي شفني بالجنادريه من يوم شافوا شكلي
حطوني مع السواني
http://3.bp.blogspot.com/-TRwjp_RBjnE/Tbr0wLPkNQI/AAAAAAAAADY/hWa6xiPP7mU/s1600/%25D8%25AC%25D9%2586%25D8%25A7%25D8%25AF%25D8%25B1 %25D9%258A%25D9%25876.png

[ابو صفوق]

رهيب رهيب منتب سهل ياراعي العجراء
والله يامن واحد وواحد اندبج هاك الليله
قل آمين جعلك تعرس على اربع ههههههههه
الدعوه ذي عندي زينه ومدري عنك
المهم الوجه من الوجه ابيض
ابو صفوق الثنيان

[راعي العجراء]

رهيب رهيب منتب سهل ياراعي العجراء
والله يامن واحد وواحد اندبج هاك الليله
قل آمين جعلك تعرس على اربع ههههههههه
الدعوه ذي عندي زينه ومدري عنك
المهم الوجه من الوجه ابيض
ابو صفوق الثنيان

اقول ياعم ابو صفوق
انت تباني اتزوج ثانيه مقدر ياخوك
لايلدغ المؤمن من الجحر مرتين
واحده ومن عقبه قلت التوبه
سبحانك الله وبحمدك لااله الا انت
استغفرك واتوب اليك

[الجش]

هههههههههههههههههههههههههه مشكوور على القصه

[راعي العجراء]

لاشكرا على قصه

[الشاذلية]

قواااك الله والله انك وسعت صدووورناا الله يملى صدرك يالايمان
هذا ثااني مووضووع لك عن العرس شكلك ناااوي عليه !!!خخخخ

[راعي العجراء]

قواااك الله والله انك وسعت صدووورناا الله يملى صدرك يالايمان
هذا ثااني مووضووع لك عن العرس شكلك ناااوي عليه !!!خخخخ

الله يرحم الحال ويني وين العرس
حتى بالحلم ما احلم الا بمطاق افغانيه
ماعمري حلمت اني داخل عريس
ولا حتى الطق بصحون وقدور
ماغار مقاضب شوش
ومسحات وكريك

[نجم000الشمال]

ما شاء الله ياراع العجراء
انا من اشد المعجبين بقصصك واسلوبك الفريد
واصل على هالابداع وربي يسعدك كثر ما اسعدتنا .
ومن ناحيت العرس منول اووووه والله يا فيه قصص
مخوش وضرب بعمدان الخيمة والمشكلة لازم تصلي مع الجماعة الفجر
وتشوف المعرس متلطم يا عين امه تقول قالب البارح بالموتر وكل وجهه قزاز
من اضافر شهر زاد ، واسئل عمتك منيفة !;)


كل الحبة والتقدير .

[راعي العجراء]

ما شاء الله ياراع العجراء



انا من اشد المعجبين بقصصك واسلوبك الفريد
واصل على هالابداع وربي يسعدك كثر ما اسعدتنا .
ومن ناحيت العرس منول اووووه والله يا فيه قصص
مخوش وضرب بعمدان الخيمة والمشكلة لازم تصلي مع الجماعة الفجر
وتشوف المعرس متلطم يا عين امه تقول قالب البارح بالموتر وكل وجهه قزاز
من اضافر شهر زاد ، واسئل عمتك منيفة !;)



كل الحبة والتقدير .


اررررررررررحب بانجم الشمال
والله اني افرح اليا شفت معرفك في متصفحي
واعجابك بقصصي محل تقديري
وبعدين ياليت من يعرس لو يقطعون اصابعي ماهو بس مخوش ويلحقون على اذاني يمصعونها مصع يخلونه مكانها تقول مقلاع رمثه لا وتلطم بعد بفروه ماهو بشماغ
ولا شفت خدي تقول هذا حاك برصيف
والله انك ذكرتني بالعرس
وصرت مثل الهرش المهجور
ماغار احن من اقصى معاليق قلبي
ياقلبي

[فهد الهلالي]

قصه جميله بارك الله فيك

والله ياهي قصه ياراعي العجراء
باين عليك اننك مخضرم
اشكرك على هذه القصه

[فارس الحربي1]

واذا دخل العريس جتها نفضه يبطل فيها سلكين بواجي وتقعد بالزاويه تنظر مصيرها
احلى كلام قريته بالقصه

[راعي العجراء]

واذا دخل العريس جتها نفضه يبطل فيها سلكين بواجي وتقعد بالزاويه تنظر مصيرها
احلى كلام قريته بالقصه

هلابك يااخينا الغالي فارس الحربي
اشكر حضورك
وانت ماشاء الله مكانيكي على طول لقطتها
او عندك موتر مبطلات بواجيه ومضيق خاطرك

[راعي العجراء]

اشكر جميع الاخوان على ردودهم الطيبه وتواصلهم مع سوالف راعي العجراء

[غرور انثى007]

حلوه القصه اعجبتني ... اهم شيء خط البلده هههههههههههه هذاك اول والحين يا لله الستيره ...
راعي العجرااء سلمت اناملك والله انك احسن من الشرهان في السرد..

[راعي العجراء]

حلوه القصه اعجبتني ... اهم شيء خط البلده هههههههههههه هذاك اول والحين يا لله الستيره ...
راعي العجرااء سلمت اناملك والله انك احسن من الشرهان في السرد..

هلا وغلا ياغرور
وبعدين
ماكل خط بلده خط بلده ماهو اللي يكد للبطحاء هذا يكد يدور الستر
ينلبس من اول ويقعد حول مافسخ
حتى تطيح ركبه
واشكرك على لطفك واعجابك
وبعدين ويني وين الشرهان
شاكر مجاملتك

[غرور انثى007]

أنت حيل عووود مالحقنا على ذي ولا أخبرها.. بس اسم أعرفها..
من ناحية المجامله صدقني هذا واقع مو مجامله،،

لي رد آخر وطويل مو الحين..لأني خاشه من جوالي وعيوني تبققت..
يعطيك العاااافيه..

[راعي العجراء]

أنت حيل عووود مالحقنا على ذي ولا أخبرها.. بس اسم أعرفها..
من ناحية المجامله صدقني هذا واقع مو مجامله،،

لي رد آخر وطويل مو الحين..لأني خاشه من جوالي وعيوني تبققت..
يعطيك العاااافيه..

طبعا المجامله زينه ياغرور انثى تضفي روح المحبه بين الناس
وبعدين انا ماني عود ولكن سنيني واجد الله يعطينا وياكم طول العمر وحسن العمل
وانتظر ردك وانتبهي لعويناتك
من الجوال

[غرور انثى007]

راعي العجرا.. ترى بديت أخاف منك..ما نت عود..لكن سنينك طويله..
وأنت. من أيام النتائج عالاذاعه.. وأيام الريال يسوى عشره الحين ترا بديت أشك انك سكني،، جد جد والله،،
وأخاف بعد أنا الآنسان الوحيد هنا،،ترى يمدي أحرقك،،

أعوذ بكلمات الله التامات من شر مآ خلق،،
وبعد لك عمه كبيره،،ياشيخ ابصم بال10 انك جني ...

هههههههههاااائ أرجو التوضيح..فقد بدأ الاعضاء بالوسوسه،،^_^

[راعي العجراء]

راعي العجرا.. ترى بديت أخاف منك..ما نت عود..لكن سنينك طويله..
وأنت. من أيام النتائج عالاذاعه.. وأيام الريال يسوى عشره الحين ترا بديت أشك انك سكني،، جد جد والله،،
وأخاف بعد أنا الآنسان الوحيد هنا،،ترى يمدي أحرقك،،

أعوذ بكلمات الله التامات من شر مآ خلق،،
وبعد لك عمه كبيره،،ياشيخ ابصم بال10 انك جني ...

هههههههههاااائ أرجو التوضيح..فقد بدأ الاعضاء بالوسوسه،،^_^

هلابك ياغرور انثى
وانا ابصم بـــــ 17 ان كلامك صحيح انتم اصابعكم عشره وحنا اصابعنا 17
بس لاتخافين من راعي العجراء تراي رجال طيب
حتى وان صرت لاحق على اسماء الناجحين بالرادو والريال ميه هلله واصابعي 17
تراي حبيب بالحيل ولكن اللي يزعلني يجونه اهلي بالليل خاصه عند النوم
ترا اهلي مدلعيني مايبون شي يضيق صدري
انتبهي لاتنامين الا وانت ٍ قاريه وردك ومغطيه راسك بالوساده حتى ماتشوفين شي

[مغامر بحر]

ماهذا الاسلوب يارجل ...
تحياتي لك من كل قلبي
محبك : مغامر بحر

[راعي العجراء]

ماهذا الاسلوب يارجل ...
تحياتي لك من كل قلبي
محبك : مغامر بحر

اشكرك على شعورك الطيب
يارجل
ان شاءالله بس اعجبك هذا الاسلوب
تسلم يالغالي ويسلم قلبك من حب عمتي منيفه
تحيتي

[راعي العجراء]

http://img266.imageshack.us/img266/5599/imgp0097n.jpg
http://up.z7mh.com/upfiles/ppw61422.jpg

[الجرح الحزين]

وعليكم السلام ورحمة الله وبركاتته
اسعد الله اوقاتكم بكل خير
اضحك الله سنك
ههههههههههههههههههههههههههههه
والله يعطيك العافيه ع السالفه الطيبه
وبصراحه صارت هذا السالفه مع احد شيابنا بس مدري اذا العروس مهده ولا
الي سمعناه انه نشيطه ولا قواها وهو وحيد اهله
طلقوه منه وقالوا انه بعد اكبر منه
والله عوضن عنه بثلاث حريم

[راعي العجراء]

وعليكم السلام ورحمة الله وبركاتته

اسعد الله اوقاتكم بكل خير
اضحك الله سنك
ههههههههههههههههههههههههههههه
والله يعطيك العافيه ع السالفه الطيبه
وبصراحه صارت هذا السالفه مع احد شيابنا بس مدري اذا العروس مهده ولا
الي سمعناه انه نشيطه ولا قواها وهو وحيد اهله
طلقوه منه وقالوا انه بعد اكبر منه
والله عوضن عنه بثلاث حريم


الله يعطيك العافيه على حضورك يالجرح الحزين
وسالفتك طيبه ياليت تكتبينها لنا بالكامل
شكرا لك

[بدر20]

الله يوفقك

[راعي العجراء]

الله يوفقك



جزاك الله خير

[ذخر الصديق]

قصه جميله
وسرد رائع
اما صورة الملابس غييييير
الله يعطيك العافيه

[راعي العجراء]

قصه جميله
وسرد رائع
اما صورة الملابس غييييير
الله يعطيك العافيه

هلابك ياذخر الصديق
حضورك الاجمل
تحيتي لشخصك

[عابر سبيل 1]

رائع رائع رائع ...
سلمت لنا ياراعيها (العجراء والسوالف الطيبه )
تحياتي لك ...

[راعي العجراء]

رائع رائع رائع ...


سلمت لنا ياراعيها (العجراء والسوالف الطيبه )

تحياتي لك ...


هلابك ياعابر سبيل
لقد عبرت في سبيلك حتى وصلت صحراء قلبي فعزمت المبيت فيه