المساعد الشخصي الرقمي

مشاهدة النسخة كاملة : الباترول خبط وش الحل ...؟


بندرالعتيبي
18/08/2011, 05:53 AM
السلام عليكم ورحمة الله وبركاته

انا معي باترول 97 بخاخ فل كامل الموتر ماشي مافيه الاالعافيه لين جاء اليوم ورحت عليه مشوار وكتم علي بالخط وقمت ادسله واخليه يتفتف علشان يصفا دايم اسويها ويصفا المهم وامشي عادي شوي تغير صوت الموتر وصار يالله يمشي ويكتم بزود ويالله يقبل الدعسه المهم وقفت وافتح الكبوت واشوف زيت ينزل من المكينه دريت انها تخبيطه ارفع العيار القاه زد خلط ماء وزيت وش الحل وكم اسعار القطع والتوظيب والمكاين بالتشليح ....؟ ياليت تردون علي ضروري
ولدحمد
18/08/2011, 05:56 AM
السلام عليكم ورحمة الله وبركاته ..
اخوي بندر نصيحه لاتوضب ..
رح للتشاليح وخذ لك مكينه وركبه احسن لك وتراهن ياكثرهن ..
خاصه بتلقاء بخاخ وانظاف ..
ان كانك بالقصيم بدلك ع واحدن وابشر بسعدكـ ..
بندرالعتيبي
18/08/2011, 06:33 AM
ولد حمد مشكور على الرد السريع لاوالله انا بالرياض ماتقصر وفكرت اني ارهم مكينة لكزس عليها والي كاتبه الله بيجي
فارس المدى
18/08/2011, 08:44 AM
فعلا توضيييب لاتوضب فيه مكاين يبانيه نظااااف انصحك بهن .
فارس الحربي1
18/08/2011, 09:54 AM
لا لا يالطيب اذا هي مكينة الوكاله سويلها توظيب كامل اذا ماهي حقت الوكاله بدلها
للمعلوميه من ميكانيكي عامود الكرنك اللي يحرك البساتم لو تروح للوكاله مااراح تحصل مثل اللي بالمكينه اللي جايه من اليابان مثل القوه والجوده والتحمل
شاص نيسان 93
18/08/2011, 03:14 PM
وضب احسن من التشليح

لان اللي في التشليح يمكن تمشيك سنه وبعدين تخبط
بندرالعتيبي
19/08/2011, 08:29 AM
مشكورين على الرد يالربع وبيض الله وجيهكم

اليوم رحت لواحد قد ركبت عنده مكينتين وشغله نظيف مره وقالي مكينة الباترول 97 قيمتها 4000 صافي مع التركيب وضمان شهر ونص وانا اعرفه شغله نظيف بس المكينه موظبه قطع اصلي الا الشنبر والوجيه ياباني وانا عارف الرجال ثقه مايحتاج ومايعلم الا بالصح وشرايكم يالربع ....؟ ابي مشورتكم
محرين باالخير
19/08/2011, 08:41 AM
إذا انت بتستخد وضب لو كلفك الموتر كثير اضمن لك وتعرف وش حطيت باالموتر
وبعدين وش له تدوس علي المكينه تصفيها وهي بخاخ هذا الشغل راح مع زمان اول ايام الكربريتر
بندرالعتيبي
19/08/2011, 09:00 AM
إذا انت بتستخد وضب لو كلفك الموتر كثير اضمن لك وتعرف وش حطيت باالموتر
وبعدين وش له تدوس علي المكينه تصفيها وهي بخاخ هذا الشغل راح مع زمان اول ايام الكربريتر

معي ددسن كربريتر لادعستلها صفت ومتعود الاخ<<<<:D

مشكور على النصيحه اخوي محرين بالخير اشكرك لمرورك
~EmPeRor~
19/08/2011, 02:27 PM
خوي الغالي

انت تقول خلط ماء وزيت < يعني الراس او وجه الراس

ولاكن قلت هرب زيت .!

من وين هرب من جنب السلندر ولا من وين ؟

لاد تتاكد قبل تبدى بالفك والتركيب
كسير الحظ
19/08/2011, 02:53 PM
السلام عليكم


تأكد من مشكلة المكينة عندك

هل الراس مشعور فقط

اذا الراس مشعور فقط فهذي بسيطة و ما تكلفك كثير

.....
وسالفة التوضيب او تغيير المكينة هاذي راجعه لك انت و نظرتك للموتر هل هو الموتر الرسمي لك والا حق طربه
وهل انت مستخدم والا بتكده وبتبيعه بعد الموسم الجاي
وهل عندك استطاعه على قطع التوضيب الاصليه ( لانه حرام توضب تجاري)
وحط في بالك انك اذا فتحت المكينة للتوضيب راح تطلب كثير روس بساتم بلوف طرمبة زيت جنزير كراسي مكينة و دزق وكلتش و فحمه وانت رايح
وكل شوي بيقولك الميكانيكي دامك بتغير غير مره وحده

جربت التوضيب من قبل
وكلفتني المكينة فوق السته الاف ريال قطع غيار اصلي مع المخرطه و شغل اليد
بناخي عتيبه
19/08/2011, 03:34 PM
عليك بمكينة تيوتا طيع شووووووري
بندرالعتيبي
19/08/2011, 08:03 PM
مشكورين يالربع وبيض الله وجيهكم وماقصرتو الموتر تم بيعه اليوم بعد العصر على واحد من الاحساء الله يرزقه ويرزقنا ويرزقكم ماتقصرون لكم مني اجمل تحيه
باترول.
22/08/2011, 02:47 PM
الله يعينك