المساعد الشخصي الرقمي

مشاهدة النسخة كاملة : كلمتينٍ ياردن لحظة حمـق ......... اللغز حله ( راعي العجراء ) .. الحل ( قلعة وادرين )


ابو ماجد 2
19/08/2011, 01:20 PM
بسم الله الرحمن الرحيم

السلام عليكم ورحمة الله وبركاته


اسأل اللي ماوقف قدمه عوّق=لاانفتل لغزٍ على نقضه شفوح
فكرةٍ بالبال بارقها برق=ثم سقته لغز عن ذبوح
كلمتينٍ لغزنا الهن طرق=ماجهلهن فذ للغطوه نطوح
كلمتينٍ ياردن لحظة حمـق=من عجوز تزجر الغث اللحوح
ماعرفت القصد في ماضي سبق=بس هذا اليوم بادي لي وضوح
والسبب بنت صِوّرها بالورق=من دخلها صعبة عنها يـروح


مع تحيات ابو ماجد

منتديات مكشات 0 خيمة الالغاز
راعي العجراء
19/08/2011, 01:26 PM
صح السانك يابوماجد
http://www.rofof.com/img5/9iamkn17.jpg
http://dc03.arabsh.com/i/01108/pomo65yl0obm.jpg
برق القصيم
19/08/2011, 01:38 PM
صح لسانك زعيمنا


ورمعة اخونا راعي العجراء خطيره
وبيني وبينك من يشوف صورة راعي العجراء وشنبه لازم يأيد مرماعه
راعي العجراء
19/08/2011, 01:42 PM
صح لسانك زعيمنا



ورمعة اخونا راعي العجراء خطيره

وبيني وبينك من يشوف صورة راعي العجراء وشنبه لازم يأيد مرماعه


انت تعطينا من رخص الكلام لجل انك تبا عمتي منيفه
قبل الهال
والهال ماغر يحكك صابره وينام على الدركسون عند الاشارات
برق القصيم
19/08/2011, 01:45 PM
لا والله ياخوي راعي العجراء منيفه مالي بها شف
يجيها اللي اطيب مني ان شاء الله
وبعدين خابرين الهيل يبيه من زمان ويقول به قصيد من العام
ليه ما اعرس عليه الى الحين ؟؟؟؟؟
ابو ماجد 2
19/08/2011, 02:01 PM
صح السانك يابوماجد

http://www.rofof.com/img5/9iamkn17.jpg
http://dc03.arabsh.com/i/01108/pomo65yl0obm.jpg




هلا بك ياراع العجراء
صح لسانك ملايين
نعم
قلعة وادرين
وكنا نسمع من العجايز اذا بغت تفتك من لحوح
انقلع قلعة وادرين او ياقلعة وادرين
وكنا لانعرف قلعة وادرين وحتى هم لااعتقد يعرفونها
قلعة وادرين
بناها الاتراك في تبوك ابان سيطرتهم على الحجاز
واصبحت سيئة السمعه والسبب انها صارت معتقل من دخلها لايرجع
اما اعدام او ترحيل لتركيا
واللغز قديم واليكم رد اخ عزيز وهو اول من حله
يقول الشاعر كاتم الونه

مرحبا ياعودن ازرق واحترق=وانتشر في الجو طيبك يالطموح
مقصدك كلمة و من ماضي غرق=في القدامة يوم تفتيق الجـروح
وادرين الظلم والتركي سـرق=ارض فيها للعرب قمة صروح
مرحبا يافـارسٍ سيفـه بـرق=يامروض قاف لو كانت جموح
ابو ماجد 2
19/08/2011, 02:12 PM
صح لسانك زعيمنا



ورمعة اخونا راعي العجراء خطيره

وبيني وبينك من يشوف صورة راعي العجراء وشنبه لازم يأيد مرماعه


صح بدنك يابو عبدالرحمن
نعم راع العجراء
صابه بالكبد ماشاء الله عليه
اما الصوره والشنب
مع احترامي لراعي العجراء لااقصده فهو نعم المشارك وما شفنا منه الا اللي يرفع الراس
ولكن القصد عن الانخداع بالمظاهر
تذكرت ايام الكنود كانت تدخل فتاة وصوتها وطريقة كلامها اغرت اللي قلوبهم ترقل
المهم بدأو بمحاولات تحديد المكان عن طريق الاتصالات وكنود السياره مع نزع الاريل لغاية ماحددوه بعد ايام من العناء
والخاتمه يطلع زميل لهم على قولتهم كفر الرشاش ابيض منه
برق القصيم
19/08/2011, 02:27 PM
اضحك الله سنك يازعيم
ومقدي بهم اللي قلد صوت البنت ويستاهلون ماجاهم :D
يعني تتوقع يابوماجد صورة راعي العجراء الحقيقيه غير اللي بالتوقيع !
يمكن يطلع شاب وديع ووسيم
اسمح لنا ياراعي العجراء اذا طيحنا الميانه بزود بس والله يعحبني اسلوبك ومداعباتك
خصوص لا قلت (الهال)
ابو ماجد 2
19/08/2011, 03:06 PM
اضحك الله سنك يازعيم

ومقدي بهم اللي قلد صوت البنت ويستاهلون ماجاهم :D
يعني تتوقع يابوماجد صورة راعي العجراء الحقيقيه غير اللي بالتوقيع !
يمكن يطلع شاب وديع ووسيم
اسمح لنا ياراعي العجراء اذا طيحنا الميانه بزود بس والله يعحبني اسلوبك ومداعباتك

خصوص لا قلت (الهال)


ممكن تلقاه شاب شعره طويل مثل شباب اليوم والثوب ضيق وليامشى بالسياره تسمع هالاغاني ترزح
ههههههههههههههههههه
ماعليش ياراعي العجراء مزوح وانت عودتنا المزوح
وتبي الصراحه اتخيله شخصيه ميال للجد والحزم على عكس مايظهر عليه بيننا
علي العساف
20/08/2011, 10:41 PM
تسلمون وصح السانك يالعميد
والسان راعي العجراء وكفو والله
لكن يابوماجد أحس هالشطر فيه شي ناقص
ثم سقته لغز عن ذبوح
والف شكر
ابو ماجد 2
20/08/2011, 11:32 PM
تسلمون وصح السانك يالعميد
والسان راعي العجراء وكفو والله
لكن يابوماجد أحس هالشطر فيه شي ناقص
ثم سقته لغز عن ذبوح
والف شكر

صح بدنك يالغالي
ماشاء الله عليك كلامك صح وهو بالاصل
ثم سقته لغز يبحث عن ذبوح
وهذا طال عمرك كنت كاتبها
ثم سقته لغز يدور عن ذبوح
فرايت ان يبحث احسن من يدور فسويت تعديل
فلا صارت يدور ولا صارت يبحث شايب ؟؟؟؟
بارك الله فيك
وليت ابو اسامه كعادته يعدل الشطر