ما الفرق العملي بين الايكوم الاصلي والتقليد

[ابو صاالح]

السلام عليكم ورحمة الله وبركاته


بعد ما وضح الأخوان جزاهم الله خير عن الفروقات بين اجهزة الايكوم الأصليه والمقلد من ناحية الشكل
وكلنا نعلم ان ما يجلب من الامارات بأسعار ارخص من الأصلي هي اجهزه مقلدة ، ودنا نعرف ما الذي يعيب المقلد من ناحية الاستخدام ، الأعطال ، تجارب الأعضاء من له تجربه سابقه ،اصلاح الأعطال بعد الخراب ، هل يبدل بقطع أصليه بدل التالفه .

وكل يجود بالمعلومات اللي عنده لكي نستفيد جميعا

[خط المقناص]

وعليكم السلام ورحمة الله وبركاته

بصراحة توي ادري انه فيه ايكوم تقليد
ما عمري سمعت به ابد ،
وما دام انه فيه تقليد اكيد ما فيه جودة او ان الجودة متدنيه

لكن اللي عنده ايكوم تقليد يعرض علينا شكله
عشان نفرق بينها
الله يستر ما ننغش به

شكرا ابو صالح على الموضوع
تحياتي

[ابو صاالح]

وعليكم السلام ورحمة الله وبركاته

بصراحة توي ادري انه فيه ايكوم تقليد
ما عمري سمعت به ابد ،
وما دام انه فيه تقليد اكيد ما فيه جودة او ان الجودة متدنيه

لكن اللي عنده ايكوم تقليد يعرض علينا شكله
عشان نفرق بينها
الله يستر ما ننغش به

شكرا ابو صالح على الموضوع
تحياتي
-----------------------
شف هالموضوعين لخوي العضو اجهزة يدوية للتفريق بين الجهاز الاصلي من المقلد

ايكوم 2200

http://www.mekshat.com/vb/showthread.php?t=429489


وهذا موضوع جهاز للايكوم 8000

http://www.mekshat.com/vb/showthread.php?t=428467

--------------
ما زلنا نتمنى الإفاده عن الموضوع

[اجهزة يدوية]

السلام عليكم ورحمة الله وبركاته
موضوع طيب اخوي ابوصالح

من خلال اطلاعي على الجهاز المقلد تبين لي بعض الاشياء فيه الغريبه صراحه
الجهاز يعاب عليه انه ممكن في اي وقت يتوقف فجاءه
مشكلة الجهاز انه لو يتعطل من المستحيل الصيانه له لان لوحته تختلف تماما عن الاصلي
التشكيل الغريب ممكن يشكل معك وتتغير الوانه او الاشياء المحفوظه وخلافه وكأنك عملت فورمات
قوة الارسال ممكن مع مرور الوقت يضعف ارساله تدريجيا ولو كان في بداية الاستعمال ممتاز لكن ما تضمن جودة اداءه بعد الاستعمال المستمر
درجة الحرارة ممكن لو يرتفع يسبب عطل له
والاهم من ذلك انك لاتعلم متى واين ممكن يتوقف معك الجهاز وهذي هي المصيبه الكبرى قد تكون في امس الحاجه للجهاز في وقت او في مكان وفجاءه يتوقف عن الارسال
والله يوفق الجميع
اخوكم

[حزم نجد]

من ناحية اجهزة شركة ايكوم

الفرق العملي شاسع وخارج الحدود

وبالتأكيد اقولك ان الاجهزة المقلده تحلق خارج السرب

طبعاً مثل ما ذكرت يالغالي اكثر الاخوان الي يبيعون ايكوم ثابت او يدوي الغير اصلي يجلبونها من دولة الإمارات

مثلاً الايكوم اليدوي v87 قيمته في الامارات تقريباً 180 ريال على كلام زميل لي يشتري من الإمارات

بضرب لك مثال من ناحية ايكوم 8000 مقلد :

ومشكلته على حسب تشخيص العضو ابوفهد2007 جزاه الله خير ..هي/

يحتاج لإعادة معايرة التردد
فجهازك فيه انحارف في التردد
يعني زايد 10khz

اشتراه احد الزملاء من الإمارات قبل سنه والجهاز جديد بكرتونه وطبعاً هو يجهل انه مقلد ,لكن بعد تشغيل الجهاز حصلت فيه مشكله يبدو لا يوجد حل لها !!

وسبق وطرحت موضوع هنا في القسم عن المشكله وهذا اقتباس:


السلام عليكم ورحمة الله وبركاته

عندي ايكوم 8000 فيه مشكله بالبرمجه والمشكله غريبه شوي

في حالة الاستقابل :

إذا قمت بتشغيل الجهاز وذهبت مثلاً لأي قناة مثلا لتردد 144.000

لا استطيع سماع احد من المراسلين

إلا إذا غيرت التردد إلى 144.005 أو144.010

يعني المراسلين هم فعلاً على 144.000 واذا غيرت قناة الايكوم لـ144.000 تطلع عندي ابراج بدون صوت والابراج 3 او 4 فقط

والارسال بعد نفس الحكايه:

اذا بغيت اتكلم على قناة 144.000 اضغط الريشه ما تطلع ابراج لازم اروح على 144.010 علشان يسمعوني الي في قناة 144.000 :(

عملت له ريسيت اعادة برمجه هذي الطريقتين :

الاولى:
من وضع الاطفاء اعمل التالي اضغط على الازرار
[V/MHz (scan)]

وشغل الجهاز اثناء ضغطك على الازرار.

الثانيه:
من وضع الاطفاء ايضاً ابدء بالعملية اضغط الازرار
[set(lock)] و[mw(s.mw)]
ومن ثم شغل الجهاز اثناء ضغطك على الازرار.


وبدون فائدةوهذا رابط الموضوع

http://www.mekshat.com/vb/showthread.php?t=351035


==============

من ناحية أجهزة الياسو

طبعاً الصناعه قديماً ياباني لأنه كان عندي ft90 وصناعته ياباني
وشغال زي الحلاوه بدون اي مشاكل لمده 9 سنوات او اكثر ..

وحالياً الياسو يأتي usa امريكي

مثل الي موجود عندي Yaesu ft-2900r


والحقيقه الجهاز ممتاز ويتحمل لدرجة اني اراسل فيه بدون مروحه تبريد لوقت طويل على HI

وله عندي تقريبا 8 شهور

[اجهزة يدوية]

ماقصرت اخوي حزم نجد
لكن بالنسبه لعدم توافق الترددات ما اتوقع لان عندنا مقلدات مبرمجمه على ربيترات مافيها اي مشكله
ممكن فقط الجهاز الي معك كانت فيه هذي المشكله

[حزم نجد]

ماقصرت اخوي حزم نجد
لكن بالنسبه لعدم توافق الترددات ما اتوقع لان عندنا مقلدات مبرمجمه على ربيترات مافيها اي مشكله
ممكن فقط الجهاز الي معك كانت فيه هذي المشكله


هلا بك يالغالي

والله عاد بالفايت كنت بجيبه لك بالمحل غديك تشوف له حل لكن انشغلت عنه والجهاز اخذه راعيه والضاهر للحين متوهق :good2:

[اجهزة يدوية]

الله يحييك انت وراعيه في اي وقت
هههههههه الله يعينه
ولو فيه اي مشكله نعين ونعاون واناخوك
الله يحفظك

[الحربي حاتم]

بسم الله الرحمن الرحيم
للفائدة

[ابوسعودmoh]

سؤال ممتاز يفيد الجميع