الحرررر يبي فزعتكم لاهنتم

[الحر النداوي1]

سلام عليكم
بغيت استفسر منكم كم يسوى سوبر موديل 93 مرهم ال اس 1 استخدام يومي مكيفي ثلاجه الموتر نظيف ماشاء الله ولاعندي خلفيه عن المرهمات الي يعرف كم يسوى يفيدني بالسعر والي مايعرف الله يجزاه خير لايعطي من راسه ويوهقني
الموتر توه مرشوش بدون معجون

[راكب الوجناء]

اخوي اسعارة حسب النضافة ومن الي شاد المكينة وهل هي فيها عمر او لا ولون الموتر والكمبيوتر والتعديلات الاخرى لاكن اذا كان بدون تعديلات فقط مكينة والموتر شغال 15 الى 20 الف واذا كان الموتر مجهز ومخفف ومعدل والون طيب يسوى 25 الى 45 مع الشكر والافضل لك تفحصة عند اصحاب التزويد

[abo naser 1]

السلام عليكم لك رسالة على الخاص...........

[الحر النداوي1]

الموتر صالون تعديل الحمد راكب عليه هدرز وفلاتر
وقفت الموتر وقفت شيخ
رشته حلوه وداخليته نظيفه كانه طالع من الوكاله
والرجال مبين ماهو من النوع الي رجله حاره على الموتر
يالربع انا خاطري بالموتر بس خايف من الخربات
والموتر ماهو مخفف
الرجال حده علي بـ38 يستاهلها ولالا

[الحر الموحد]

مكبر السالفه ليش ؟ ؟ عنوانك وش فيه كذا ؟ ؟

[أبو سعران]

تبي شوري وانا اخوك ( ادري انك بتزعل بس انا ناصح لك والرائي لك )

ابعد عن المرهمات ، لا قدر الله وخرب عليك بتبلش ما لقيت احد يزبطه لك مثل اول واذا وديته ل اي ورشه بيحوسه لك حوس واخرها بشيله بسطحه وتوديه للي طبق لك المكينه لانه هو اخبر واحد في الرهيم وقد مر عليه كم موتر واذا جاه وهو فاكه احد قبله بيجلس المسكين يحوس فيه ويعطلك لان الشغل تغير عليه ( اقصد مو على حطيت يده و تزبيطاه )

والحل الثانيه انه كل ما خرب شله بسطحه للرجال اللي ركب لك المكينه وترتاح


انا حبيت ابين لك وجهة نظري واعتذر منك على طولة الهرج والخروج عن صلب الموضوع

[الحر النداوي1]

ابو ناصر1 مشكور على كلامك والله يكثر من امثالك

ابو سعران كلامك على متمه ولا كتبت الموضوع الى ابي رايكم مابي اخذه واندم قلت باخذ شوركم فيه وبالعكس كلامك صحيح وهذا الي خلاني اتردد والله مالي بالمرهمات بس الموتر اعجبني وتمنيت انه ماهو معدل لان مامر علي مثل نظافة الموتر
على العموم تم صرف النظر وعسى الله يرزقني باطيب منه

والله يعطيكم الف عافيه على ردودكم