للبيع جهاز تغيير الاصوات بووس

[أبو إرسال]

للبيع جهاز بووس موديل vt-1 البرتقالي ..

صناعة يابانية .


مميزاته :
1- صدى .
2- تغيير الصوت ..
3- وصلة للتركيبة على جهاز الايكوم .

يغير الاصوات ويعطيك تقريباً اربع اصوات مختلفة ..

وبإ مكانك ان تختار الصوت المناسب لك بتحكمك بالمكسر .

أ - صوت الطفل .
ب - صوت الشايب .
ج - صوت الرجل الآلي .
د - صوت المراءة (الناعم) .

الجهاز لم يتم صيانته وبحالة جيده مع العلم ان فرارات الجهاز البلاستيكية فيها حرق كما هو موضح بالصورة ..

هذا الرابط :

http://store1.up-00.com/Jun11/m8f03386.jpg (http://www.up-00.com/)

و

<img src="http://store1.up-00.com/Jun11/m8f03386.jpg">

انتظر سوماتكم ..

[عاشق حقيل]

راح 200 ريال

[مهجد717]

500 ريال....

[محامي وراط]

هلا بك ابو ارسال ...

كم حدك في الجهاز ؟؟؟

كان جاز لي شريته ...

[أبو إرسال]

مع كثرة الاتصالات على الجوال ..

انا احد الجهاز 1500ريال الصامل يدق علي وارسله له ..

او يجي يجربه ..

ولكم تحياتي 73 .

[ذيب شمر2]

ايه طيب تمسك من كثر الاتصالات اجل ...

والله ما عندك الا الضعوي ...

اجل جهاز تغيير اصوات ومحترق ازراره تقولي ب 1500 صاحي انت ولا مجنون ...

[حزم نجد]

الله يرزقك البيعه الي تسرك

الجهاز معروف وقوي والي يشكك بقيمته يبحث عنه في اليوتيوب

وسعره في ايباي 650 دولار بدون شحن

بالتوفيق

[أبو إرسال]

صدقت ياحزم نجد ..

وجزاك الله خير على التوضيح ..

ولكم تحياتي 73 .

[صقر نجد99]

الله يرزقك البيعه اللي تسرك

[كساار]

راح بـ 1000

اذا عزمت راسلني على الخاص

[أبو إرسال]

انا حاده 1500ريال ببيع ..

للجاديين ..


ولك تحياتي .

[هاوي لاسلكيات]

حدث العاقل بما يعقل


اتوقع الجهاز مطلي بالذهب اللي عندك يالطيب ابو ارسال 1500 ريال مره وحده ههههههههههههههههه
ياخوي سعره في محل الدوليه جديد 800 ريال
وانت مستعمل محروق 1500 ريال
وسعره بالنت تقريبا 200 دولار
وهذا موقعه النت
http://www.vintagesynth.com/roland/vt1.php
يعني بسعرك هذا اشتري فيه 5 حبات جديده


حدث العاقل بما يعقل يا ابو ارسال
وعلى قولة خوينا ماعندك الا الضعوي .....

[أبو إرسال]

شكراً على التوضيح يا هاوي لا سلكيات ..
:s :s
الله عزوجل اعطاك الذهانة والتفكير لا انت ولا ذيب شمر2 ..
:good2: :good2:
الموضوع بسيط مايحتاج انك تتنرفز ولا تضيق صدرك عليه ولا تطول السانك ..
:D :D
الدعوى كلها عرض وطلب مو بالقوة ولا العباطه ..
:good:
هذا جهاز وحديته جاب لي هالقيمة بعته وإذا ماجب شيء خله يولي ..
بس يكون عندنا حسن التعامل وحسن الخلق إقتداً بنبيننا محمد صلى الله عليه وسلم .
:f :f
ولكم تحياتي .

[الحطيشي]

الله يرزق الجميع
وش فيهم يابو رسال عليك عسى ماشر حاد الجهاز 1500 او 200
ياجماعه الله يهدي النفوس الرجال حاده 1500 لكم شف اشترو مالكم شف اطلبو من الموقع
1- الجهاز كان ينباع في الدوليه 1150 قبل 6سنوات الوقت الحاضرالشركه وقفت خط الانتاج
2- 200 دولار كم سعودي وحسب مصاريف الشحن وحسب سعر الوصله
3-والله اني اعرف واحد من الشباب شراه 2000 ريال قبل شهرين ومستعمل
الله يرزق الجميع

[أبو إرسال]

اشكرك يا الحطيشي على الرد ..
:good2: :good2:
النفوس زينه ابشرك ..
:p :p
لكن ما ودي اتطاول انا وياهم بالزغاغيل ..
:s :s
ويعلم الله اني اعرف كم بيكلف لاطلبته من الخارج ..
;) ;)
اللي عندي داخلية نظيف ..
:good:
وأيضاً معه توصيلة لجهاز الايكوم ومحوله بوس من الشركة نفسها ..
:eek: :eek: :eek:
وانا لم ارد عليهم لان المثل يقول :
(( بعض الِحاء حشمها والبعض منها حشم نفسك عنها )) ..
:f :f :f
ولكم تحياتي .

[هاوي لاسلكيات]

كل واحد يطبل لثاني :good2:

[الحطيشي]

بعض الناس الطبل وبعض الناس يهز وسط ؟
والله لا تعرفني ولا اعرفك ياابن الاجود
الاسعار بجميع مناطق المملكه ودل الخليج تغيرت ولا هي مثل اول
الاجهزه اسعارها اختلفت مثل لياسو 3000 كان سعره جديد 1600 ريال جديد بالكرتون الوقت الحاضر كم سعره وهومستخدم ؟
انشد اهل الشمال كم ينباع المستخدم
والي بكرتونه كم ينباع
ياخي الباور 300 الازرق كم كان سعره في السابق كان ينباع 1500 ابي عشره ادا لقيتلي بسعر نفسه
حتى اسعار الاحهزه في المحلات شوف كم كان سعرها قبل 5الى6 سنوات وةالحين شوف سعرها
2100جديد ةقبل 10 سنوات كان ينباع 850 اصلي بكرتونه كم سعر المستخدم الوقت الحاضر
حتى الشعير ارتفع صار ينباع 80 و90
شكلك توك طايح في الاجهزه ولا تدري وش السالفه
الله يعنك على نفسك

[هاوي لاسلكيات]

ياخي مشكلتك طاير بالعجه انت وقاعد تطبل حق خويك وانا قلت رايي في السلعه اللي عارضها
ياخي بعقلك الجهاز اللي عارضه مابقى زقاره ماطفاها في الجهاز ويقول نظيف لا وطالب 1500 ريال
وانا قلت حدث العاقل بما يعقل وانا ماني جديد على الأجهزه ياسلطان اعرفك وتعرفني زين وعلى فكره في فرق بين الشعير والطفايه الي عارضه خويك بـ 1500 ريال ويقول جهاز ارجو انك ماتخلط الأمور وتطير بالعجه .

[أميرالعشاق]

الله يرزقك البيعة الطيبة:) و..وسعوا صدوركم يالربع
الرجال حاده بسعره..اللي يناسبه السعر يشتري واللي مايعجبه يشتري من أي مكان يناسبه..ويدعي لصاحبه بالبركة..وفق الله الجميع

[الحطيشي]

يعني انت قلت رايك في السلعه الي عارضه الرجال سوى كانت طفايه ولا شعير ولا ومشعاب
1- الشعير سلعه للبيع ترتفع وتنزل في السعر حسب الطلب والحاجه وفيه فرق بينها وبين الجهاز الي عارضه الرجال الشعير تاكله الغنم والحيونات والجهاز يستخدمه الانسان العاقل .
2- الجهاز الي عارضه الرجال سلعه من السلع له قيمه مو كرتون .يحط السعر الي يعجبه ان لك نضره في الجهاز اشتر ما عجبك السعر اطلب من الخارج
ياخي انت تقول اني انا طاير في العجه واطبل وسوي موويل هدى رايي في الجهاز لي الحق افاصل الرجال على السعر باسلوب البائغ والمشتري ولا يعني اطبل وانا ارفع والثالث يكبس لازم امشي على رايك وكلامك
بتشتري سوم سومه ارجال

بعدين لو على كلامك اني اعرفك وانت تعرفني زين (ياسلطان) تبي اطبل معك ولا كيف يعني
لي اكثر من 15 سنه اراسل واستخدم الجهاز تعرفت فيها على ارجال تسوى وتعرفنا على ناس ماتسوى
100 دولار تسوي 375 ريال سعودي يعني 200دولار كم تساوي =-+ كيف تجيب1500ريال خمسه اجهزه من نفس الجهازمن دون الشحن ؟
حدث العاقل بما يعقل وخل في جيبك اله حاسبه عشان تطرح وتجمع و تقسم
والخلط الوراق مادري خلطنا الزيت في الماء ياخي الاسعار مو مثل الوقت والسنين الي فاتت خش على الموضيع في نفس المنتدى وشوف الاسعار للاجهزة للباورات للكيابل مادري انت تبي كل شي على كيفك وانت الصح والباقي ماعندهم سالفه
تحيتي للقديم راعي شرق الدمام

[ملشطهم]

لاتعليق :rolleyes:

[ذيب شمر2]

يا الحطيشي انت بنفسك تقول ان الامبي الازرق يسوى 2500 الى 3000 لكن واقع السوق يقول لالا والحين نشوفها تنباع ب 1000 الى 1700 ريال هذا وش معناه ان الاشياء بعضها نزل للارض لان الناس خلاص بطلت منها ...

وهذا اتوقع اللي يقصده هاوي لاسلكيات ...

وترى اخر بيعه للامبي الازرق في منتدى مكشات كان ب 1700 ريال والامبي كان نظيف ...

وبعدين تطبيل وكذا وش تطبيل ترى حنا في رمضان مهب مرقص الله يهديك يا الحطيشي ...

[الحطيشي]

حياك الله ياذيب شمر أنا والله ماودي اكثر من الكلام والنقاش الي مايقدم ولا ياخر عل العموم كل شخص له وجه نظر وهو حر في رأيه ماحد يقدر يجبره عل شي امابنسبه لسعر الباور اوالامبي فكل شخص يعرف أسعارها في. الوقت الحاضر والسابق اما بنسبه التطبيل الحمد لله أني قد تعاملت مع اكثر الشباب سوا بالبيع والمشترا ولا اعرف اجامل احد عل حساب نفسي او عل حساب شخص اخر عل العموم ماصار الا الخير ×

[ذيب شمر2]

انا ما قول شي فيك والله انا تعاملت معك يا الحطيشي وانت ومليون نعم فيك وفي الموجودين من اهل مكشات وعلى ما قلت وجهت نظر تخص كل واحد ...

[مهجد717]

بالتوفيق لك اخوي بوارسال بالبيعه الطيبه اللي تعجبك

[ملشطهم]

رمضان كريم وكل واحد يصلح سيارته :good2:

[الحطيشي]

اقول ماعندك ورشه قريبه من عندك تعدل الونش حق الوايت ×

[ابوانس1]

الله يرزقك من واسع فضله

[الاسكريم]

السلام عليكم
ممكن شبكه على تلفون المنزل
وجزاكم الله خير

[قطري999]

باتوووفييييييييييييييييييييييق

[أبو إرسال]

اشكر الجميع على ردودهم ..

اخوي الايسكريم ..

مرحبا فيك .. لا اعتقد انه بإمكانك توصيلة بالهاتف ..

لكني شغل على السماعات الخارجية الكبيره ويستخدم للحفلات او ماشابة ذلك ..
لانه مكسر للصوت وبإمكانك اللعب بصوتك بتفخيمه أو تصخيفه ..
وقد تم تمديد له وصله خاصه منه الى جهاز الايكوم ..

شكراً لكم جميعاً .

[ملشطهم]

اقول ماعندك ورشه قريبه من عندك تعدل الونش حق الوايت ×

التعبير صفر عند الحطيشي :D

[صقار الوحش]

ياخوي بعض الناس مدري وش يحس فيه يدخل على الموضوع واذا شاف ان سعر السلعه غاالي ولا يقدر يطولها قام ينزل من قيمتها ويسبها ويخلي الي يبي يشرتي يتردد


يااابشر الرجاال عاارض سلعته بحد معين الي يبي يشري يشتري ماتبي تشتري ياخوي رح اشتر واحد جديد بكرتووونه ولا تقعد تنزل من قيمة السلعه وانت منت شاري


بعض البشر الحسد لاعب فيه لعب ...

[الاسكريم]

جزاااااااااااااااااااااااااااااااااااااااك الله خير

[أبو إرسال]

اشكر اخوي صقار و الايسكريم ..

شكراً للمروركم والتعليق على الموضوع ..

ولكم تحياتي .

[ابو ريآن]

الله يرزقك من واسع فضله

[مثنى]

حدث العاقل بما يعقل




اتوقع الجهاز مطلي بالذهب اللي عندك يالطيب ابو ارسال 1500 ريال مره وحده ههههههههههههههههه
ياخوي سعره في محل الدوليه جديد 800 ريال
وانت مستعمل محروق 1500 ريال
وسعره بالنت تقريبا 200 دولار
وهذا موقعه النت
http://www.vintagesynth.com/roland/vt1.php
يعني بسعرك هذا اشتري فيه 5 حبات جديده


حدث العاقل بما يعقل يا ابو ارسال


وعلى قولة خوينا ماعندك الا الضعوي .....


ياخوي الله يسلمك بالموقع الي انت مرفقه يقولك السعر ما بين 300 الى 400 دولار في الولايات المتحده الامريكيه

يعني مع الشحن ما يقل عن 1400

وعلى فكره هم ما عندهم شي للبيع فقط معلومات عنه


ومعروض في ebay اقل شي 500 دولار

يعني 500 * 3.75= 1875 ريال بدون شحن

[سطام العازمي]

الله يرزقك بالببيعه الطيبه اللي تسسرك

ب التوفيق ي غالي

[aljar7e]

بالتوفيق لك اخوي بوارسال بالبيعه الطيبة

[الشرقاوي 99]

ياابو ارسال ارسلي رقم جوالك انا شراي اذا كان الجهاز علي الفحص

[أبو إرسال]

تم بيع الجهاز ..

[ابوكراع]

مطلوب ترخيص جهاز لاسلكي ايكوم