زيت القير للفتك بفلتر او بدون فلتر؟؟؟؟

[موآدع]

السلام عليكم ورحمة الله وبركاته
ندخل في الموضوع على طول:
هالسنه وانا متمشي في الامارات الحبيبه كان معنا باترول فتك 2009 قلنا ليش مانعدي على الوكاله هناك وبالتحديد في الشارقه طبعا الوكيل مو المسعودي الثاني ناسي اسمه اذا الاخوان هنا يذكروونه
طبعا كان الهدف من الزياره تغيير زيت القير لأنه قالوا عنا عند الحمراني غالي وطبعا فرق بالسعر هناك بحوالي 455 درهم وهنا ولد عمي يقول فوق ال 1000 ريال
بس اللي مستغربه هناك بوكالة الامارات قالوا لنا زيت القير مايجي له فلتر ولمن كلمت ولد عمي هنا بالسعوديه قالي الحمراني يقول له فلتر
يااهل الفتك اللي لديه معلومه ممكن يفيدنا لكي يستفيد الاخوان جميع
ولكم جزيل الشكر وخالص الدعاء انشالله

[رااعي الفزعات]

الموتر تماتيك ولا عاادي ؟ ؟

[موآدع]

الموتر طال عمرك 2009 اتماتيك

[راعي الفتك 9]

كان تماتيك له فلتر

[ABO AL-HESH]

موتري 2005 تماتيك مافيه فلتر .. الظاهر الفلتر بال 2004 وتحت

[صباح القايله]

الفتك كله مافيه فلتر

[محب الطيبين]

انا معي فتك 2005
ومريت الحمراني اكثر من مرة(متفرقة للصيانة) وسألتهم قالوا التماتيك له فلتر لاكن مايغير إلا إذا جاه تلف بضربه أو أو أو
لاكن الزيت لاتاخذه إلا من عندهم لأنة يمشيك 100,000

[VTC 2002]

انا معي فتك 2002 مريت الوكالة التي بالقصيم وقالوا لي فلتر الفتك ما يغير بس كل 40 الف كم تشيك على الزيت اذا كان ناقص تزوده. وشكراً

[escape_man]

قير الفتك له فلتر حديد مو بلاستك

في الوكالة زيت القير يتم تعييره اي زيادته كل 40 الف و يغير كل 80

في الورش مثل ورشة الثنيان بصناعية الدائري يفك الفتر ويغسله بالبنزين ثم يركبه ويترس القير زيت

هذي هي القصة ياطويل العمر

سعر الفلتر على فكره حوالي 240 ريال قبل ازمة اليابان :)

[موآدع]

الله يعطي الجميع الصحة والعافية
خلصنا يالربع انه فيه فلتر بس مو مثل باقي المواتر فلتر بلاستيك او ربل او غيره يجب تغييره
فلتر الفتك حديد مو لازم يتغير مع الزيت يكفي تنظيفه
واذا غلطان يالربع ممكن تصححون الكلام

[وليد46]

بالنسبه لي انا فتك الفين وسبعة ورحت للوكاله مرتين ودايم يقولووون الفتك ماله فلتر قيييرررر

بس يغير بعد مية ألف وفعلاا غيرته بس بعد 200000 ألف ولا غير فلتر ونصيحه

كل واحد يغيره بعد 100000 افضل شي الوكاله الي رحت له وكالة القصيم

[عين حصنان]

الفتك( تماتيك ) له طريقه خاصه في تغيير زيت القير

عند الحمراني جهاز خاص يشبك في القير من الجنب جهت الراكب ( فتحات خاصه ) لها مسامير

تفك هذه المسامير و يشبك الجهاز مكانها ... ويقوم هذا الجهاز بشفط زيت القير كاملا ... وكذلك تعبئة الزيت الجديد

ثم يتم فتح غطاء كرتير القير من اسفل القير ... ويتم غسل القير بماده خاصه للغسيل ( علبة بخاخ ) ما ادري وش هي

ويتم تنظيف قطعة المغناطيس الثابته على غطاء الكرتير من الداخل ... من الرايش ( برادة حديد )

يتم بعد ذلك تركيب وجه جديد للغطاء ويتم ربطه جيدا و بوزنيه معينه ( ربط بالتتالي ) مسمار مسمار

السعر 1100 ريال سعودي

انا حضرت هذي العمليه كامله لمدة ساعتين تقريبا ولم اشاهد اي نوع من الفلاتر داخل القير

ولم يتطرق له احد بالذكر ... وعند السؤال عن الفلتر قال المهندس ( ليس له فلتر ) كما رأيت بنفسي

(( ليس تقصيرا بحق احد أو تكذيبا لقول احد او تشكيكا بهم ... قد يكون ما ذكر سابقا من بعض الاخوان الكرام صحيحا بوجود فلتر حديدي مخفي او غير مرئي ... وانا لم ادرك ذلك .. ))

الموتر سفاري فتك 4800 موديل 2006 سعودي العداد 95000 كيلو

هذا العلم وسلامتكم ... والعلم عند الله

[محسن اليامي]

أنا عندي 2003 والوكاله بالكويت يقولون بدون فلتر بس زيت

[escape_man]

الفتك( تماتيك ) له طريقه خاصه في تغيير زيت القير

عند الحمراني جهاز خاص يشبك في القير من الجنب جهت الراكب ( فتحات خاصه ) لها مسامير

تفك هذه المسامير و يشبك الجهاز مكانها ... ويقوم هذا الجهاز بشفط زيت القير كاملا ... وكذلك تعبئة الزيت الجديد

ثم يتم فتح غطاء كرتير القير من اسفل القير ... ويتم غسل القير بماده خاصه للغسيل ( علبة بخاخ ) ما ادري وش هي

ويتم تنظيف قطعة المغناطيس الثابته على غطاء الكرتير من الداخل ... من الرايش ( برادة حديد )

يتم بعد ذلك تركيب وجه جديد للغطاء ويتم ربطه جيدا و بوزنيه معينه ( ربط بالتتالي ) مسمار مسمار

السعر 1100 ريال سعودي

انا حضرت هذي العمليه كامله لمدة ساعتين تقريبا ولم اشاهد اي نوع من الفلاتر داخل القير

ولم يتطرق له احد بالذكر ... وعند السؤال عن الفلتر قال المهندس ( ليس له فلتر ) كما رأيت بنفسي

(( ليس تقصيرا بحق احد أو تكذيبا لقول احد او تشكيكا بهم ... قد يكون ما ذكر سابقا من بعض الاخوان الكرام صحيحا بوجود فلتر حديدي مخفي او غير مرئي ... وانا لم ادرك ذلك .. ))

الموتر سفاري فتك 4800 موديل 2006 سعودي العداد 95000 كيلو

هذا العلم وسلامتكم ... والعلم عند الله

يمكن كلامك اقرب للصواب يابو فارس .. وعلى العموم الموديلات تختلف .. اقدم من 2005 و احدث .. وين الي ماله فلتر والي له فلتر ؟
شخصياً مدري

[~EmPeRor~]

اي قير تماتيك او بالاصح اي دائرة تزيت فيها مضخة ( ركزو فيها مضخة ) لابد من وجود فلتر

القير فية فلتر لاكن على حسب

اذا حديد ينظف

اذا ورق زي الفلاتر العادية يغير

والافضل اذا فية مجال يغير يغير

بالتوفيق

[حمد808]

نبي واحد في الرياض يغير الزيت بسعر معقول

[sharpvtc]

الفتك مايجي بي فلتر
تَقبل مروري