المساعد الشخصي الرقمي

مشاهدة النسخة كاملة : (......؛؛؛؛؛ قصة الهدد ؛؛؛؛؛......)


* الـكـشّـات*
20/01/2006, 03:05 PM
السلام عليكم ورحمة الله وبركاته

ما ودي أطول عليكم بخش في الموضوع مباشرة

كنت جالس مع مجموعة من الرجال شرواكم، وجا طاري الجيوب ، وبذات الجيب الهدد GX ... يا قلبيه...

المهم قام واحد من الربع وقال ليش الناس يقولن هدد على الجيب ال GX وارد قطر ،

قام كل واحد يعطينا رايه،، وش يعرف عنه،، والسبب في ذلك

في نهاية الجلسة ما طلعنا بنتيجة

فالسؤال إلي يطرح نفسه ... بس ما تعور...

ما علاقة كلمة (( هدد)) بالجيب ال GX وارد قطر ؟ ولماذا أطلقت هذه الكلمة على هذا النوع بذات؟

وما هي قصة تسمية الهدد بهذا الاسم؟




انتظر من إخاواني الكشاتة مشاركتهم وطرح آرائهم


.................................




وجزاكم الله خيرا
حرباش
20/01/2006, 04:04 PM
بصفه عامه بالشرقيه خصوصا المناطق الواقعه شمال الدمام ( سيهات ، النابيه ، عنك ، رحيمه ، رأس تنوره ، الجبيل ، النعيريه ) تطلق كلمه هدد او سلق على وصف جيب خالي من الرفارف والجنوط ،

يعني لمن تدور على جنوط او كفرات او تبي تسأل عن احداها فتقول عندك جنوط هدد او كفرات سلق !!!

والجنوط الهدد ( هي الجنوط العاديه ، ومايسميه البعض هنا بمكشات الهلل)
والكفرات السلق ( هي الكفرات النحاف اللي تجي شد بلد مع الجي )

وعلى حسب علمي ان ماكنت غلطان ان vx جا بدون جنوط ، اي جنوط عاديه ، من كذا يسمووه هدد ،
وبرضه تطلق كلمه هدد في الموديلات الحديثه من الجي اكس الخليجي لأنه جا بمواصفات شبيهه بمواصفات الفي اكس.


وأيضا أصبحت تطلق كلمه هدد على جيب التويوتا G والباترول الخالي من المواصفات



وهذا ماعندي وننتظر ردود الاخوه
حرباش
فتى الدهناء
20/01/2006, 04:39 PM
اللي أعرفه .. ان الهدد .. خاص بالاندكروزر ... وخاص بــ ( جي اكس ) فقط .. وخاص ( بالقطري أو الخليجي ) .. يعني ماقد سمعنا ان عبداللطيف يجيب هدد ( ابتسامة صفراء )

وسموه على ( هدد ) الصقور ..

وأطلق عليه هذا الإسم من سنوات .. فكان مشتهر في الجي اكس 93 .. على ظني

فهذه التسمية قديمة وليست حديثة ..

وهو فعلا يأتي بمواصفات ( عالية ) .. ولكنه من الخارج يوحي اليك بالقوة والصلابة والخشونة << دعاية توكس خخخخخ

وبإذن الله قريبا .. أنزل موضوع عن الهدد .. ومواصفاته وأسعاره .. وصوره ..
abdulrahmanfd
20/01/2006, 08:04 PM
على حد علمي إن هالكلمة تطلق فقط على الـgx القطري .. أما سبب التسميه بالهدد فيعود لكونه جاهز لكل شئ
وجاهز لكل مكان
ولكل أرض ووين ما بغيته تلقاه
مثل الصقور.. ترابط وتشابه
والغرض الاول والاخير تدليعه للجيب
مثل قولهم السلقه اسم ارتبط بالنيسان الربع فقط
العشه التويوتا القديم
او شنب الشاص القديم
وكله تدليع مواتر
واتمنى يكون كل ما كتبته سليم وخالي من الخطا
ومع ذلك انتظر اراء البقية
* الـكـشّـات*
21/01/2006, 08:12 AM
يا مرحبا يالله حيهم
جزاكم الله خير يالإخوان
يعطيك العافية أخوي=====(( حرباش))===== على التعليق والتفاعل


تسلم وماقصرت أخوي ====(( فتى الدهناء))==== اتشرف بمرورك على الموضوع


أشكرك أخوي ====((عبد الرحمن))==== على التوضيح

وننتظر مشاركات الإخوان وآرائهم