مشكله في جهاز الجارمن الصيني [الأرشيف]

Tech1

21/08/2011, 08:57 AM

السلام عليكم ورحمه الله وبركاته
:r يالله يالله يالله تنزل الغيث وترحمنا برحمتك

الاخوة الكرام
عندي جهاز صيني جارمن وعلي كيفكم ولا به ذعروب ابد وجربته ومستخدمه مثل العسل ولا خيبني ابد لا في توصيف ولا تحديد رصيف (حلوة رصيف):D

الزبدة كنت في الامارات وكان هو الرفيق ولا فشلني حاطه على يمناي ومركب الورعان ورا:D وبعد ما لفينا الامارات كلها مع الرفيق (يازين سواليفه ابد ما يسكت) رجعنا بسلامه للوطن الغالي واول مدخلنا دخلت الرفيق وروشته بعد المشوار(:D يستاهل) اقصد نضفته ومسحت عليه وقريت عليها:D وطبقته في كرتونه.

ومني المقصود ومنكم الردود:D

الزبدة اني طلعت الرفيق ابي اعشيه واسمنه قبل الطلعه حقه اجازة العيد والله يوم شغلته وادخل على الملاحه والله اتفاجا برساله يقول فيها( وراس مالي ذكريات وحلم وامال وطموح**لا صديق ولا رفيق ولا طريق اتبعه) اعقب انا اخو فلان وشسالفه
كاتب لا يوجد مسار ملاحي وابي ادخل على برنامج i go ماهو راضي ابد تطلع نفس الرساله.
حطينا الجيهان ونبي نراضيه تكفى يا الرفيق مالي احد بعد الله غيرك وابد مهنا احد يسمع.
حذفت البرنامج كامل ونزلته من جديد ولا به فايدة. وبعده رديت عليه
وقلت
مختلط في عبرتي حبر الشقى ودم الجروح***ومستوي في نظرتي غرب الوجود ومطلعه

والحين يا الاخوان وش السوات مع رفيق ما وده بالرفاقه نبي الفزعه منكم وجيهانكم مرفوعه ومحشومه.وسلامتك وهذا علمنا وزان علمك.;);)

محمد2012

21/08/2011, 07:27 PM

طيب سو به اعادة ظبط المصنع
لو ما تعرف اكتب اسم الجهاز كامل يمكن نساعدك بالطريقة

Tech1

22/08/2011, 01:07 AM

tammam

22/08/2011, 04:30 AM

صاحبك ياذا يبي له من يقوده للمسار *** وانت يا صاحبه والله مابك منفعه

Tech1

22/08/2011, 09:39 PM

اهلا اخوي

صاحبه كفو وسوا اللي عليه بختصار****وكان عندك شى يا خوي هاته لا تمنعه
انتظر الفرج من ناس بشورهم كبار****شورهم وافي واراهم ياخوي مقنعه

tammam

22/08/2011, 11:16 PM

اهلا اخوي

صاحبه كفو وسوا اللي عليه و بختصار****وكان عندك شى يا خوي هاته وحذرا ا تمنعه
انتظر وارجي الفرج من ناس باشوار كبار****شورهم وافي واراهم يا عميلي مقنعه

صح الله لسانك وجعلك من طويلين العمار ***** جاك شوري مير عجزت هجوسك تتبعه
دله على درب الملاحة جعل دارك للعمار ***** في الشريحة وين حطيت الملفات اتبعه

محمد2012

23/08/2011, 07:47 AM

هلا بك اخوي

سويت لها ضبط مصنع ولا به فايدة.
موديله ما اعرفه بس هو مثل الاجهزة الصينيه المنتشرة شاشه صغيرة وتراه ما هو جاهز اللي يركب بالسيارة. المشكله بس في برنامج الملاحه البرامج الثانيه شغاله مافيها مشاكل.

شكرا. علي سعه صديرك

طيب اخوي انت بس عندك ال igo فقط اللي ما اشتغل؟
البرامج الثانيه شغاله ، وش قصدك ؟ اي برامج؟؟؟

الظاهر ان لو تحمل البرنامج من جديد او نسخه محدثه
انت من وين جبت البرنامج؟؟

The Prince1

23/08/2011, 10:59 AM

Tech1

23/08/2011, 05:09 PM

صح الله لسانك وجعلك من طويلين العمار ***** جاك شوري مير عجزت هجوسك تتبعه
دله على درب الملاحة جعل دارك للعمار ***** في الشريحة وين حطيت الملفات اتبعه

:good2: هههههههههههههههه. اتاريني ماني بهين خليتك ترد ;) لا يبين جلسه بس بعد ما يصلح الرفيق:f

Tech1

23/08/2011, 05:14 PM

طيب اخوي انت بس عندك ال igo فقط اللي ما اشتغل؟
البرامج الثانيه شغاله ، وش قصدك ؟ اي برامج؟؟؟

الظاهر ان لو تحمل البرنامج من جديد او نسخه محدثه
انت من وين جبت البرنامج؟؟

هلا محمد

بنسبه للبرامج الاخرى برامج ترفيهيه ماهي برامج ملاحه

بنسبه برامج الملاحه كان فيه i go و garmin و برنامج ثالث ما ارعف وش اسمه

كانت كلها تشتغل اذا ضغطت على واحد منها لكن الحين ما اقدر ادخل على اي واحد منهم

مثل ما قلت تطلع لي رساله مكتوب فيه لا يوجد مسار ملاحي.

البرنامج موجود فيه من يوم اصنعوه الصينيين
سويت له حذف واعاده تحميل لاني كنت مسوي له باك اب اول ما اشتريته ورجعت الباك اب بس ما فيه فايدة

وفديتك مع على الخط:D

Tech1

23/08/2011, 05:20 PM

ماني فاهم شيء من الموضوع!

يسمن الجهاز ويروشه؟!!

المهم ان البرنامج ما اشتغل! طيب جرب تدخل على برنامج igo عن طريق متصفح الويندوز وليس عن طريق ضغط ايقونة البرنامج. شوف تجيك الرسالة ولا لأ؟

وبعد لما تجيك الرسالة هل البرنامج يشتغل بس مايعمل ملاحة ولا هو من الأساس مايشتغل؟

هلا بك يا برنس (تذكرت الافلام المصريه):D

ماعليك من تسمين وترويش خله علي انا:D

بختصار

اول لما دخلت على مجلد الملاحه تجيني 3 برامج ملاحه اختار اي واحد منهم ويشتغل

الحين اذا ضغطت مجلد الملاحه ما يفتح وتطلع لي رساله ( لا يوجد مسار ملاحي)

بالنسبه عن طريق الوندز حاولت بس مالقيت طريقه ادخل على برنامج الملاحه

اذا عندك طريقه ولا علىيك كلافه لبني بها وانا اخوك

العيد قرب :D وكل عام وانتم بخير

tammam

23/08/2011, 07:21 PM

هلا محمد

بنسبه للبرامج الاخرى برامج ترفيهيه ماهي برامج ملاحه

بنسبه برامج الملاحه كان فيه i go و garmin و برنامج ثالث ما ارعف وش اسمه

كانت كلها تشتغل اذا ضغطت على واحد منها لكن الحين ما اقدر ادخل على اي واحد منهم

مثل ما قلت تطلع لي رساله مكتوب فيه لا يوجد مسار ملاحي.

البرنامج موجود فيه من يوم اصنعوه الصينيين
سويت له حذف واعاده تحميل لاني كنت مسوي له باك اب اول ما اشتريته ورجعت الباك اب بس ما فيه فايدة

وفديتك مع على الخط:D

الان اتضحت مشكلتك شوف يا طويل العمر اذا انت تبيها تشتغل كالسابق فاول خطوة رجع الملفات في الشريحة كالسابق وانا افهم من كلامك انك فعلت ذلك الباقي عليك ان توجه الجهاز الى مسار الملاحة الصحيح وهو في الحالة التي وصفت ملف تنقيذي اسمه عادة SystemInformation.exe وقد يكون باسم اخر . وقد تكون البداية بملف mortscript وهو الذي يشغل الملف السابق .
اذا كانت الحالة الاخيرة فان اوامر الـmortscript مكتوبه بملف نصي اسمه xxx.mscr حيث ان xxx هي اسم لملف اخر تنفيذي هو الذي يشغل هذه الاوامر واسمه بهذه الصورة xxx.exe فهذا الملف يشغل الاوامر السكربتية التي في الملف السكريبتي المشابه لاسمه .

محمد2012

23/08/2011, 07:31 PM

هلا محمد

بنسبه للبرامج الاخرى برامج ترفيهيه ماهي برامج ملاحه

بنسبه برامج الملاحه كان فيه i go و garmin و برنامج ثالث ما ارعف وش اسمه

كانت كلها تشتغل اذا ضغطت على واحد منها لكن الحين ما اقدر ادخل على اي واحد منهم

مثل ما قلت تطلع لي رساله مكتوب فيه لا يوجد مسار ملاحي.

البرنامج موجود فيه من يوم اصنعوه الصينيين
سويت له حذف واعاده تحميل لاني كنت مسوي له باك اب اول ما اشتريته ورجعت الباك اب بس ما فيه فايدة

وفديتك مع على الخط:D
طيب
اللحين هالعبارة تجيك متى ؟ مثل ما قلت تطلع لي رساله مكتوب فيه لا يوجد مسار ملاحي.
اذا فتحت برنامج الملاحة و لا اذا فتحت الجهاز
ابغى اعرف البرنامج يشتغل و لا لا ؟ برنامج الملاحة

احسن حل اللحين انك تسويله اعادة ظبط مصنع بعدين تنزل ايقو جديد
او برنامج جديد
هذا برنامج الروت حمله وجربه
http://depositfiles.com/en/files/9rd2jw9v3

وعلمنا وش يصير معك يا "الشـــاعر"
:good2:

Tech1

24/08/2011, 07:02 AM

الان اتضحت مشكلتك شوف يا طويل العمر اذا انت تبيها تشتغل كالسابق فاول خطوة رجع الملفات في الشريحة كالسابق وانا افهم من كلامك انك فعلت ذلك الباقي عليك ان توجه الجهاز الى مسار الملاحة الصحيح وهو في الحالة التي وصفت ملف تنقيذي اسمه عادة SystemInformation.exe وقد يكون باسم اخر . وقد تكون البداية بملف mortscript وهو الذي يشغل الملف السابق .
اذا كانت الحالة الاخيرة فان اوامر الـmortscript مكتوبه بملف نصي اسمه xxx.mscr حيث ان xxx هي اسم لملف اخر تنفيذي هو الذي يشغل هذه الاوامر واسمه بهذه الصورة xxx.exe فهذا الملف يشغل الاوامر السكربتية التي في الملف السكريبتي المشابه لاسمه .

هلا وسهلا ومستهلا بخويا على ادرب مطرباني****قرما وفزاع وفعايله للخير سباقه:D(ادري البيت فيه حذفه ويبيله ترصيص):D

والله وانا اخوك ان تفكيري مطابق لتفكيرك***
لكن انت جبتها احسن مني باخذ بشوارك ان شاء الله واطبقه.وبيجيك العلم :)

Tech1

24/08/2011, 07:09 AM

طيب
اللحين هالعبارة تجيك متى ؟ مثل ما قلت تطلع لي رساله مكتوب فيه لا يوجد مسار ملاحي.
اذا فتحت برنامج الملاحة و لا اذا فتحت الجهاز
ابغى اعرف البرنامج يشتغل و لا لا ؟ برنامج الملاحة

احسن حل اللحين انك تسويله اعادة ظبط مصنع بعدين تنزل ايقو جديد
او برنامج جديد
هذا برنامج الروت حمله وجربه
http://depositfiles.com/en/files/9rd2jw9v3

وعلمنا وش يصير معك يا "الشـــاعر"
:good2:

هلا محمد (يا اخي والله مدري ليه انا احبك):) احس انك انسان صادق و تبي المساعدة فديتك :good2: ولا يهون الباقين (ولا tammam هذا ما يحتاج شاعر وقلبه ربابه:D:l يقدح من زوره)

محمد
البرنامج ما يشتغل بتاتا البته.
الجهاز يفتح عادي ولا فيه مشكله بس المشكله لمن جيت ابي افتح ملف الملاحه اللي فيه برامج الملاحه ما يفتح تطلع الرساله سالفه اذكر(لبيييه حط تحتها خطين):D

بسوي اللي قلته لاني شاعر بحساسك الصادق(:D) لبي قلبي صدق اني شاعر

محمد2012

24/08/2011, 08:01 AM

هلا محمد (يا اخي والله مدري ليه انا احبك):) احس انك انسان صادق و تبي المساعدة فديتك :good2: ولا يهون الباقين (ولا tammam هذا ما يحتاج شاعر وقلبه ربابه:D:l يقدح من زوره)

محمد
البرنامج ما يشتغل بتاتا البته.
الجهاز يفتح عادي ولا فيه مشكله بس المشكله لمن جيت ابي افتح ملف الملاحه اللي فيه برامج الملاحه ما يفتح تطلع الرساله سالفه اذكر(لبيييه حط تحتها خطين):D

بسوي اللي قلته لاني شاعر بحساسك الصادق(:D) لبي قلبي صدق اني شاعر
حياك يالشاعر:) واحرجتني والله وعسى اي احد يجيب الحل

طيب انت مركب لجهازك مموري ؟ لانه من الممكن ان الملفات اللي انت مركبها تكون على اللموموري ويكون المموري طايح او خربان؟
http://ecx.images-amazon.com/images/I/41DznHXmoUL._AA300_.jpg

كانك ماركبت مموري تاكد من الفتحات اللي بالجهاز

كان مافيه مموري وتاكدت ابيك تعطيني وش يكتب لك لما تفتح الملف بس بالانجليزي
هذي الجملة

مثل ما قلت تطلع لي رساله مكتوب فيه لا يوجد مسار ملاحيحول الجهاز انجليزي وشف
منتظرك:good2:

The Prince1

24/08/2011, 08:09 AM

هلا بك يا برنس (تذكرت الافلام المصريه):D

ماعليك من تسمين وترويش خله علي انا:D

بختصار

اول لما دخلت على مجلد الملاحه تجيني 3 برامج ملاحه اختار اي واحد منهم ويشتغل

الحين اذا ضغطت مجلد الملاحه ما يفتح وتطلع لي رساله ( لا يوجد مسار ملاحي)

بالنسبه عن طريق الوندز حاولت بس مالقيت طريقه ادخل على برنامج الملاحه

اذا عندك طريقه ولا علىيك كلافه لبني بها وانا اخوك

العيد قرب :D وكل عام وانتم بخير

شوف يالغالي:

شغل الجهاز ثم لما تطلع لك الأيقونات روح للصفحة التحتية (يعني حرك الصفحة علشان تظهر الايقونات الي تحت).
بتلاقي آخر أيقون للويندوز Wince شغله ثم اختار My Device ثم اختار الذاكرة الخارجية وهي اسمها SDMMC بعدين أدخل على مجلد Igo وشغل الملف الازرق (شعار آيجو) وشوف يشتغل ولا لأ.

Tech1

24/08/2011, 05:26 PM

حياك يالشاعر:) واحرجتني والله وعسى اي احد يجيب الحل

طيب انت مركب لجهازك مموري ؟ لانه من الممكن ان الملفات اللي انت مركبها تكون على اللموموري ويكون المموري طايح او خربان؟
http://ecx.images-amazon.com/images/I/41DznHXmoUL._AA300_.jpg

كانك ماركبت مموري تاكد من الفتحات اللي بالجهاز

كان مافيه مموري وتاكدت ابيك تعطيني وش يكتب لك لما تفتح الملف بس بالانجليزي
هذي الجملة
حول الجهاز انجليزي وشف
منتظرك:good2:

هلا محمد

محمد الجهاز معه مموري 2 غيغا من مصنعه ولا اعتقد فيها مشكله لاني اخذت المموري وركبتها على لاب توب وتفتح معي واشوف الملاعين برامج الملاحه :D جالسين مع بعض ينتظرون يكتملون اربعه:D.
حولت الجهاز انجليزي وطلعت الرساله بالعربي:D هههههههه فديتك امزح معك حبيبي
طلعت رساله يقول فيها
please set gps path first

وش رايك يا معلم

Tech1

24/08/2011, 05:28 PM

شوف يالغالي:

شغل الجهاز ثم لما تطلع لك الأيقونات روح للصفحة التحتية (يعني حرك الصفحة علشان تظهر الايقونات الي تحت).
بتلاقي آخر أيقون للويندوز Wince شغله ثم اختار My Device ثم اختار الذاكرة الخارجية وهي اسمها SDMMC بعدين أدخل على مجلد Igo وشغل الملف الازرق (شعار آيجو) وشوف يشتغل ولا لأ.

هلا يا برنسس
سويت اللي قلت بس طلع معي
resiendental card
اللي قلت عليها ما طلعت تتوقع فيه مشكله

المموري طلعتها وركبتها على الاب توب وتفتح معي عادي

وش السوات

Tech1

24/08/2011, 05:55 PM

سلاااااااااااااااااااااااااام ابششششششششششششششششششششششركم

والله وعاد الرفيق وهو متسسنع وضبط البرنامج:D:D:D

وسويت حاجه جديدة وهي اني خذت المموري وسويت لها فورمات كامل مسحت كل اللي فيها
والحركه الثانيه رحت للباك اب فيلز اللي منزلها من الجهاز اول ما شريتها وهنا الحركه الحريفه سويت لللمف ضغط بعدين رحت للملف المضغوط وسويت له استراكت بس في المموري.

الحين بعد ما خلص الاستراكت بلكامل

رحت وفتحت الملف وسويت نسخ كامل للملفات الملاحه وسويت لها لصق على المموري.

وبعدين ركبت المموري على الجهاز واشتغل البرنامج

وقلت وانا الشاعر

من الفرحه نسيت اني عليك البارحه زعلان+++نسيت اقول لو تسمح تكرم لا تكلمني.:D:D:D:D:D لبييييييييييييه

اخواني

محمد
البرنس

tammam

الله لا يهينكم ومشكورين حبايبي على المساعدة
والله لا يقصر فيكم ابد:good2::):):l:l:l

محمد2012

24/08/2011, 07:06 PM

الحمد لله على السلامة
والله فرحتني
نزل البرنامج اللي انا حاطه لك "الروت تراه حلو وفيه برامج ثانية بعد النافتيل و لو تبي بعد التوم توم
كان بغيت منهم شيء قل بس
الله يوفقنا وياك

tammam

24/08/2011, 07:14 PM

مبروك ما حك جلدك مثل ضفرك ما نفعك الا الله ثم النسخ الاحتياطي

Tech1

24/08/2011, 11:20 PM

الحمد لله على السلامة
والله فرحتني
نزل البرنامج اللي انا حاطه لك "الروت تراه حلو وفيه برامج ثانية بعد النافتيل و لو تبي بعد التوم توم
كان بغيت منهم شيء قل بس
الله يوفقنا وياك

تسلم يا ابو حميد. ولا استغني عنك. خلك حولي بس

Tech1

24/08/2011, 11:21 PM

مبروك ما حك جلدك مثل ضفرك ما نفعك الا الله ثم النسخ الاحتياطي

انا اشهد. وانت ما نسى جميلك. تسلم

The Prince1

25/08/2011, 08:14 AM

The Prince1

25/08/2011, 08:18 AM

الحمد لله على السلامة
والله فرحتني
نزل البرنامج اللي انا حاطه لك "الروت تراه حلو وفيه برامج ثانية بعد النافتيل و لو تبي بعد التوم توم
كان بغيت منهم شيء قل بس
الله يوفقنا وياك

أخوي برنامج الورت سيء جداً, والسبب هو أنه لايمكنك الخروج منه. يعني مافيه خيار الخروج من البرنامج مثل أي برنامج محترم آخر.
وأنا ثبتت البرنامج سابقاً ثم ألغيته.

ولكن إذا النسخة الي عندك عربية وبتوجيه عربي ولوحة مفاتيح عربية ومافيها تلك المشكلة فأسعفني بها بارك الله فيك.
أيضاً برنامج التوم توم مع خرائط المنطقة لاهنت؟ وياريت تعطيني نبذة عنه لأني ماسبق أن استخدمته. هل هو عربي؟ الخرائط عربية؟ التوجيه والكتابة؟

وآسف على الاطالة.

Tech1

25/08/2011, 03:05 PM

الحمد لله وألف ألف مبروك أخوي على سلامة الرفيق ههههههه

فكرتك حلوة وكانت على البال بس المثل يقول: الكي آخر العلاج . وكذلك في مسطلح التكنولوجيا الفورمات هو آخر الحلول.

بس الحمد لله ضبط في الوقت المناسب تهانينا.

هلا بك يا برنس:D

انا اشهد الكي اخر العلاج ولو انه يشوي الجلد شوي انا بعد انشويت يوم سويت فورمات تكفى طارت الاحداثيات المخزنه بالجهاز الله يعين بس:D

لكن المثل يقول

العوض ولا القطيعه ولا فيه عز الا به نقيصه:D:)

على فكرة اشوفك راز خشتك:D في موضوع الاخ مدري وش اسمه اللي منزل i go الجديد
انا نزلته وبجربه ;)

The Prince1

25/08/2011, 07:52 PM

اخوي لو انك قايل بأنك ناوي على الفورمات كان افدتك بنسخ ملفات الاحداثيات.
بس وش انقول، قدر الله وما شاء فعل
والحمد لله على سلامة الرفيق ولو انه فقد الذاكرة

محمد2012

25/08/2011, 08:40 PM

أخوي برنامج الورت سيء جداً, والسبب هو أنه لايمكنك الخروج منه. يعني مافيه خيار الخروج من البرنامج مثل أي برنامج محترم آخر.
وأنا ثبتت البرنامج سابقاً ثم ألغيته.

ولكن إذا النسخة الي عندك عربية وبتوجيه عربي ولوحة مفاتيح عربية ومافيها تلك المشكلة فأسعفني بها بارك الله فيك.
أيضاً برنامج التوم توم مع خرائط المنطقة لاهنت؟ وياريت تعطيني نبذة عنه لأني ماسبق أن استخدمته. هل هو عربي؟ الخرائط عربية؟ التوجيه والكتابة؟

وآسف على الاطالة.
ليه بالعكس الروت ممتاز وعربي بعد
هذا رابطه
http://depositfiles.com/en/files/9rd2jw9v3

بس التوم توم انجليزي وينفع مره برا السعودية رهيب ، لا وله طبعا خرائط للسعودية بس اسماء الشوارع انجليزي وكلش انجليزي
لو تبيه قلي لانه شغله شوي

The Prince1

26/08/2011, 06:11 AM

مافهمتني أخوي محمد,
الروت يمكن ممتاز وعربي بس مشكلته لما تشغله مافيه خيار الخروج من البرنامج. هل هذا صحيح؟

لأن النسخة الي كانت عندي مافيها خروج, وهذا أسوء شيء فيه. يعني ماتقدر تطفي البرنامج ولا حتى الجهاز (لاتوجد استجابة) ولازم تترك الجهاز يشتغل الى أن تفضى البطارية.

فهل نفس الشيء في النسخة التي عندك؟

Tech1

26/08/2011, 11:04 AM

اخوي لو انك قايل بأنك ناوي على الفورمات كان افدتك بنسخ ملفات الاحداثيات.
بس وش انقول، قدر الله وما شاء فعل
والحمد لله على سلامة الرفيق ولو انه فقد الذاكرة

هلا وغلا

والله وانا اخوك ما عاد فيني صبر==ضاق فيني الحال وعزمت عالرحيل:D فديت روحي طلع البيت من نفسه اتاريني شاعر ياولد:D وينك يا tammam تشووووف المكتوب

والله مادريت يا برنس لكن ما اقول جعلك ذخر وسند نعتزي به ( اخاف استمر واكتب قصيدة معلقة):good2: