موضوع مهم للغاية .. كم عمر الاطارات (الكفرات)

[anas]

السلام عليكم
اسئلة تجول بخاطري كثيرا ؟
كم عمر الكفرات من تاريخ صناعتها قبل شرائها ؟ واثناء استخدامها ؟

احيانا الواحد يكون عنده سيارتين واحدة للبلد وواحدة للسفر فتجد المخصصة للسفر كفراتها بعد مضي 4 سنوات كأنها جديدة
وبلدنا بالصيف نار والسفر في هذا الوقت تجد الكثيرين اثناء السفر وقد بنشر عليهم الكفر
لذا ارجو من عنده اي معلومة علمية قرأها عن عمر الاطارات سواء قبل الاستخدام والشراء او بعد استخدامها ان يتحفنا بها ؟
المعذرة اذا كان الموضوع مكرر ..
وشكرا لكم ،،،

[الباثفندر 3.5]

الكفرات حدها سنتين و نص بالكثير سواء استخدام سفر او داخل المدينه لانه الكفر تنتهي صلاحيته و يصير يابس و يشهل انسلاخه يعني يبنشر حتى لو نقشته نظيفه يبنشر من الجنب و الله يكفينا شر الحوادث

[الكلاسك]

الكفرات حدها سنتين و نص بالكثير سواء استخدام سفر او داخل المدينه لانه الكفر تنتهي صلاحيته و يصير يابس و يشهل انسلاخه يعني يبنشر حتى لو نقشته نظيفه يبنشر من الجنب و الله يكفينا شر الحوادث
:good2::good2::good2::good2::good2:

[~EmPeRor~]

الكفرات حدها سنتين و نص بالكثير سواء استخدام سفر او داخل المدينه لانه الكفر تنتهي صلاحيته و يصير يابس و يشهل انسلاخه يعني يبنشر حتى لو نقشته نظيفه يبنشر من الجنب و الله يكفينا شر الحوادث


كلام سليم

واذا عن التخزين بدون تركيب < مصرح يكون سنيتن لاكن احس انها واجد بالكثير 8 شهور بعدها لاتاخذه خذ تاريخ جديد

والاستخدام من سنتين اقل شي الى اكثر شي سنتين ونصف او ثلالث بالكثيرر

بشرط مايكون الكفر صيني او احدى الشركات التعبانة

بالتوفيق

[ماون ماركز]

سيارتي فيها كفرات برجستون لها تقريبا 6 سنوات .. ولا فيها الأ العافية
اسافر وأرجع .. وروحة وجيه للدوام 60 كيلوا رايح جاي

أنا أعتمد على المقاس المعتمد لقياس الكفرات 2.5 ملم للنقشة وأغيره بعدها

تحياتي

[anas]

جزاكم الله خير وما قصرتوا
لكن سنتين احس انها قليلة خاصة لا صار الكفر جديد تقريبا وما تمسحت نقشته
كلام اخونا (ماون مركز) فيه نوع من الوجاهة

[ابوضيف الله]

انا بالنسبة لي الكفر لااثق فيه نهائيا حتى لو اني مركبة امس من موقف صار لي والحمد لله ومن بعدها سنه بالضبط تزود او تنقص شي بسيط واغير الطقم كامل مافيه اغلا من سلامتك وسلامة عيالك
اللي انا اعرفة ان عمر الكفر 50الف كيلو وييبس وينشف ويكون معرض للانفجار او الانصلاخ لاقدر الله

[ياسلام]

يا إخوان الكل منا يشتكي من غلاء اسعار الإطارات

بس الروح غالية وسياراتنا تمشي على قنابل موقوتة الله يكفينا الشر





نتيجة عدم الاهتمام بعمر الإطارات خسرت والدي وثلاثة من اعمامي بحادث واحد رحمهم الله جميعاً

[عبدالله المطيري]

الكفرات تخرب وتهمد اذا كانت مخزنة

اما اذا ركبتها على الموتر ماعليها خوووووووف لوتجلس 5 سنين والموتر واقف عاااااااااااادي

[سمير]

مرحبا بالجميع

عن نفسي اشتري نوعيه عادية يعني رخيصة

واغير الكفرات كل سنه ونص يعني شتا صيف شتا تغيير

والحمد لله الله يتمم علي وعلى المسلمين ويكفينا واياكم شر الحوادث

[كثير السؤال]

اذا كنت راعي خطوط لاتواكل
اما اذا كنت تستخدم السياره بالديره اكرفه لمان تطلع روحه

[}{التميمي}{]

عمر الكفر الاقصى ٣ سنوات

[abo aryam]

السلام عليكم
من خلال تجربة شخصية لاحظت ان عمر الكفر في حدود 70 الف كيلو في مدة زمنية لا تتجاوز السنتين ونصف وفي حال تجاوز احد المعيارين يبدأ الكفر ييبس (ينشف) ويقل تماسكه في الاسفلت بحيث يزحف معك .
ملاحظة : مدة التجارب تجاوز 14 سنة وعدد سيارات اربع اثنان منها نوع دفع رباعي في مسافة تقدر تقريباً بـ 600 الف كيلو وبجميع انواع الكفرات المتواجدة في السوق. ولله الحمد لم اضطر يوما لتغيير الكفر بسبب اهترائه وهذا من فضل ربي ولم اتعرض لبنشر .تحياتي للجميع,,,

[ابوراكان تبوك]

مع ان الموضوع قديم بس حبيت اعلق عليه

اكثر كفرات طولت بموتري هانكوك 4 سنوات واستخدام يومي ونجحت في الفحص وبعت الموتر وهي عليه ( السياره فورد 97 )
وزن السياره له دور وضغط الهواء لازم تحافظ عليه

اهم شيء انه عند تركيب الكفرات تأكد إنك اخذت أجدد تاريخ بالسوق