تصفية المكينه بطريقه سهله جدا ...

[ابوكشتات]

السلام عليكم ورحمة الله وبركاته .
فيه طريقه سهله لتصفية المكينه وتنظيف البخاخات وطبقته الفكره على موتري الفورد ونجحت الفكره وهذي الطريقه طرحه واحد من الشباب الله يجزاه خير . وبدال ماتروح للورشات ويمسحون جيبك من هالدراهم فقلت اطرح الموضوع للأعضاء وانشاءالله انهم يستفيدون . ... والطريقه :-
1- يكون التانكي فيه بنزين 95 من الأساس .
2- تخلي البنزين على النص .
3 - تعبي ( قاز ) من محطة البنزين بمقدار 5 لتر او 6 لتر .
4- تعبى على القاز بنزين 95 .
5- على طول تمسك خط اقل شي 100 كيلو علشان يصفى الموتر.
6- لاتتعدى سرعة 120 والأفضل ان تتمشي على سرعة 115 . لوجود ساهر .
7- انشاء الله تبتلاحظ فرق بصرفية البنزين انه اقل وتلاحظ ايضا ان الشكمان من جوا السواد خف سواده .
... واقسم بالله اني طبقته على موتري وتغير بصرفية البنزين . وللعلم لحد يعبي 91 .
ملاحظه :- طبق الكلام كل شهرين افضل شي ....

[ابو تركيf]

الله يجزاك خير الجزاء بس ما ياثر على المكينه اخوي مستقبلا

[عناز الحره]

جزاك الله خير يالغالى

[هايل العتيبي]

جزاك الله خير
ماتقصر

سمعت ان تخلي التانكي يصفر ثم تعبي قاز 1 لتر
ثم تعبي 20ريال بانزين

[باترول.]

وشو ياشباب القاز؟؟؟

القاز ماغيره الي يباع عند محلات السباكة والكهرباء

[نـجم الـشمال]

جزاك الله خير
بس والله ماعندي استعداد
لهالتجربة
تقبل احترامي.....

[جلمود الحره]

السلام عليكم ورحمة الله وبركاته .
فيه طريقه سهله لتصفية المكينه وتنظيف البخاخات وطبقته الفكره على موتري الفورد ونجحت الفكره وهذي الطريقه طرحه واحد من الشباب الله يجزاه خير . وبدال ماتروح للورشات ويمسحون جيبك من هالدراهم فقلت اطرح الموضوع للأعضاء وانشاءالله انهم يستفيدون . ... والطريقه :-
1- يكون التانكي فيه بنزين 95 من الأساس .
2- تخلي البنزين على النص .
3 - تعبي ( قاز ) من محطة البنزين بمقدار 5 لتر او 6 لتر .
4- تعبى على القاز بنزين 95 .
5- على طول تمسك خط اقل شي 100 كيلو علشان يصفى الموتر.
6- لاتتعدى سرعة 120 والأفضل ان تتمشي على سرعة 115 . لوجود ساهر .
7- انشاء الله تبتلاحظ فرق بصرفية البنزين انه اقل وتلاحظ ايضا ان الشكمان من جوا السواد خف سواده .
... واقسم بالله اني طبقته على موتري وتغير بصرفية البنزين . وللعلم لحد يعبي 91 .
ملاحظه :- طبق الكلام كل شهرين افضل شي ....

الاخ العزيز
لاتدخل شي في ذمتك الدعوه فيها خساير الله يجزاك خير واترك عنك سمعت واحد من الشباب ويقولون وبعدين هذا منتدى يشاهده الكثير من الاخوان فلا تضع نفسك في موقف محرج
والمواضيع هذه يبغالها ادله وشرح وصور ...... ارجوا تقبل نقدي بصدر رحب والله يحفظك

[nono77]

جربتها على موتري ولكن فقط تقريب اللتر وفعلا شعرت بالاختلاف

[هايل العتيبي]

بعض الاخوان يقول 1 لتر
وبعضهم يقول 5 لتر
نبي العلم الاكيد
حتى تكون التجربه ناجحه

[شاص نيسان 93]

يارجال ماقد عبينا الا 91 والموتر مهنا باصفى منه

95 للي دراهمه واجد ولا كلها تؤدي نفس الغرض

بلا قاز بلا شي

[ابو تركي المطيري]

اذا تبي موترك يضبط وانا اخوك التزم بالكتلوج غير مصفي البنزين كل 40 الف كيلو وفلتر هواء المكينه كل 40 الف ولاتخلي البنزين ينزل تحت الربع

[مخاوي النت]

وعليكم السلام ورحمة الله وبركاته


هالطريقة منتشرة بكثير من الموقع ،، وأشك بصحتها


قبل 10 سنين تقريباً ( ماكنت موظف ) كان معي سيارة 200 إل قديمة وعلى قدها
ولأني مفلس ولا هنا راتب ، ، والبنزين غالي
كنت أعبيها بــ 20 ريال بنزين وبـ 5 ريال قاز
والمقصد هو التوفير فقط
يعني علشان يتعبأ التانكي بأقل ملبغ ممكن


وصارت ريحة السيارة مثل دفاية القاز القديمة الحمراء
وطبعاً طلع فيها تفتفه خفيفة وتأثرت المكينة وصارت تهتز


لكن ولا همني منها ، ، واستمريت على كذا لين بعتها
والحمد لله ماخبطت ولا تغير فيها شيء إلا . . . الصفاوة


الشاهد على كلامي ومن تجربتي
إن إضافة القاز مع البنزين يأثر على صفاء المكينة عكس الكلام المنتشر الآن !!

[كشف الغريب]

انا انصح بعدم وضع القاز لانة يخرب جلد البخاخات ويهرب بعدين وايضا ممكن يشف جلد البلوف خذ افضل شي منظف مستبيشو من الوكالة دمت بود

[الأستعمار]

وشو ياشباب القاز؟؟؟

القاز ماغيره الي يباع عند محلات السباكة والكهرباء


الكوروسين ويسمى بالعامية قاز

لونه ( يشبه الماء ) ويستخدم للتدفئة لأن الدفايات سابقاً لا تعمل إلا به

سريع الأشتعال

[الجال الطويل]

وشو ياشباب القاز؟؟؟

القاز ماغيره الي يباع عند محلات السباكة والكهرباء
القاز يقصد به --الكاز--اللي نعبي الدفايات بالشتاء منه--فيه ناس يسمونه قاز حنا نسميه كاز

[عشق بدوي 454]

من واقع تجربه شخصيه وكانت حركه في وحده من محطات طريق مكه

المهم أنا معي جمس 84 صافي ولا آحلى منه

وشيكت بنزين من المحطه وكان مغشوش طبعاً للإستفاده من اللترات تحسب علي وهم مايخسرون بنزين

الشاهد وأنا أخوكم حركت من عند المحطه ماخذيت 4 كيلو إلا السياره كأنها بدأت تفتفه وريح وغير صافيه

ولما طالعت المرايه الجانبيه الشكامين تطلع دخان ابيض وإستغربت حقيقه المهم واصلت ولبقت في البيت لأن

الوقت متأخر وصبحت الصناعيه وفي الأخير طلع البنزين اللي عبيت منه مخلوط بالقاز !!

شفتوا وشلون وصل بنا الحال , طبعاً عرفت العله وخليت البنزين لما فضى مره وعبيت 95 مع علبة منظف الكلبلريتر

هذا من واقع تجربه لي أنا شخصياً ( مابي حد يقول لي ولا اسمع )

[ابوالولد]

يااااخواان انتبهوو من القازز ترى يقطع جلد البلوووووف

[ابوالولد]

انا انصح بعدم وضع القاز لانة يخرب جلد البخاخات ويهرب بعدين وايضا ممكن يشف جلد البلوف خذ افضل شي منظف مستبيشو من الوكالة دمت بود
كلامك فيه محله عزالله انك تجيب العلم نفس الكلام صار معي قبل عشر سنوات

[WWS]

مااافيه ازين من بخااااخ الكبليتر .. اي سي ديلكؤ ..البخاااخ السحري ب 15ريال ... ؤ بيدك تنظف الكبليتر اؤ البخااخ اذا السيااااره بخااخاات ،،
ؤ شؤؤؤفت ابؤؤؤي الله يطؤل بعمره يغسل الكبليتر حق الشاااص ؤ الؤانيت الجمس بمزيل الصدا ،، ؤله سنين بهالطريقه ؤ يقؤل الحمدلله الؤضع طبيعي ..

ؤ الله يؤفق الجميع لما يحب ؤ يرضى

[بروق الخريف]

القاز يخرب جميع الجلد

[أبو غدي1432]

يمكن هذا يشبه اللي بالمحطات نوعه امريكي

اللي يقولون نعبي لك بعشرين عبوة يمكن فيها واحد لتر..

هل هذه تؤدي نفس الطريقة اللي تقولها؟!!

[فتاح الجواد]

طيب الماء يمدحونه في قربة المساحات

[القانوص]

طريقه مجربه بنسبه 2لتر كاز الى 30 لتر بنزين. من غير ما تفضي التانكي وتبدأ بالطريقه.
وتوفر في استهلاك البنزين(قطع مسافه اطول) هذا الي لاحظته.

[DeltaMax]

مشكور يعطيك العافيه

[ابوراكان تبوك]

والله خايف على جلد البلوف واخاف بعد يذوب البستم ما عندي استعداد اجربها

[pass2love]

انا كان معي كابريس 93 واسافر عليه كثير الين بعته

كل سنه اشتري منظف يحط مع تانكي البنزين اشتري الاصلي من الوكاله سعره 50 ريال GM

امريكي

واسافر من يوم اوصل تحس فرق كبيييييييييييييييير في السياره

الان صار غالي

قيه اي سيديلكو سعره 15 ريال


ممتاز

[باترول.]

ياخي فيه عند المحطات علبة 15 ريال او 10 مادري عادتفرق من حيث الشركة وتحطه مع البنزبن ويصفيه لك

ولا يخرب ولا شئ

[ابوضيف الله]

انا ماقد جربتها وسمعت فيها ولااقتنعت بها التفتفه امرها بسيط بواجي اسلاك بواجي صفاية بنزين فلتر هوا وتصفى السيارة بالنسبة للسواد اللي بالشكمان داخل المدينة ماتلقا سيارة شكانها مهو اسود واذا مسكت خط وانت تمشي بسرعه معتدلة تلقا السواد اللي بالشكمان طالع كله
لسبب اللي معهم سيارات ديزل واذا جا يمسك خط يعبي ديزل فل وقاروة ماصحة فاضيه ام ريال يعبيها بنزين ويصبها بالتانكي وتطير السيارة بالخط بس بعد فترة تعدم المكينة عليه واكثر من يسويها حقين الباصات

[ابوكشتات]

الأخ (جلمود الحره ) طرحت الموضوح من باب الفائده وانا ماقلت الموضوع من فراغ انا جربته شخصيا والحمدلله فرق معي

[Sea0devil]

انا اشتغل في تكرير النفط
للعلم
ينصح باستخدام الوقود العالي الاوكتين القاز ماهو نظيف يعتبر وثقيل
عن نفسي استخدم وقود 98 يعني الاوكتين اعلى من 95 استخدم منظف الانجكترات وماله داعي قاز لانه راح يسكر الانكترات

[صاروخ الغطغط]

تبغي تصفية الموتر غير بواجي وغيرصفاية بنزيم والقاز ماجربته موتري جديد ولا ودي اجربه

[patrol-fa]

وللعلم لحد يعبي 91 .

وش فيه 91 يضر ؟؟