المساعد الشخصي الرقمي

مشاهدة النسخة كاملة : عندي مشكله بالنيسان ابغي خبرتكم لاهنتو..؟؟


دكواااان
21/08/2011, 08:09 PM
السلام عليكم ورحمة الله وبركاته.... مساكم الله بكل خير.


عندي مشكله بعزم النيسان 94 مكينة 4500 بخاخ .

المشكله عزمه ضعيف شوي ومايتعدى 135!!!

ناس قالو وزن \ديلكو وغير طرمبة البانزين حقة كابرس.!!

مدري وش احسن طرمبه للي ركبو طرمبات لاهنتو..
مع العلم ان الكلتش فيه ضعف شووي ..

انتظر ردودكم لاهنتو والله يوفق الجميع..
دكواااان
23/08/2011, 03:22 AM
جزاكم ربي كل خير...


وزنة الديلكو وغيرت الطرمبه وماتعدى 125 وبالخامس الموتر يبررد مررره.!!؟؟

همتكم لاهنتو هل الخبره ..
ابوالولد
23/08/2011, 03:50 AM
اخوي اذا الشكمان عند يترتررر يعني مهوب صافي والموتر حاار شيك على الديلكوو ثم الطرمبه
You Like Me
23/08/2011, 03:54 AM
وعليكم السلام ورحمه الله

الله يعينك يخوي
لكن شيك على البواجي واسلاكها
وشيك على الدزق والكلتش والصفاية
والدبه الافضل تفرغها او تركب دبه مفرغه
وإن شاء الله تنحل امورك

بالنسبة للطرنبه انا عندي ربع 2000 ومركب له طرمبة فتك
ولا احلى منها بس يفيدونك الاخوان والمجربين
بالتوفيق لك يارب
دكواااان
23/08/2011, 03:59 AM
ابوالولد واخوي YOU Like me اشكركم لاهنتو

كلش جديد لاهنتو اليوم بس الكلتش والدزق مابدلتهم واشووفه ضعيف ..
ولاكن الطرمبه الاوليه كان يمشي بالرابع لحد 160 واذا ريحته بخامس بررررد ورد لحد 125!!!
واليوم ماتعدى بالرابع 135وبالخامس 120!!!
دكواااان
23/08/2011, 04:01 AM
نسيت اقوولكم الموتر كان كاربريتر وحولته بخاخ مكينة4500

وماحصلنا صفاية البنزين ولاركبتها الوقت ماساعدني هقوتكم من الصفاي.!!
ابوالولد
23/08/2011, 04:53 AM
مشكلتك بنزين لاتقرب الكهرب خلك بين الطرمبه والصفايه واليات البخاخ من كلامك ان
عندك ضعف في دفع البنزين للبخاخ ..
ابوالولد
23/08/2011, 04:55 AM
نسيت اقوولكم الموتر كان كاربريتر وحولته بخاخ مكينة4500

وماحصلنا صفاية البنزين ولاركبتها الوقت ماساعدني هقوتكم من الصفاي.!!

هذي مشكلتك وحتى لو تلاحظ ان اول ماركبت المكينه كان عزمه نشيط ثم ضعف من
الوسخ الي في التانكي !!!!
دكواااان
23/08/2011, 05:45 AM
نعم صدقت اول ماركبتها كنت اجرب الموتر مع فتك ومشيت معه لحد 200

والحين برد عزمه مع ان الطرمبه جديده اليوم ومشيت مسافر 300كيلو اشووف الموتر مرااات بفتح معي ويمشي ومراااات او اغلب يضعف كأن حد يسحبه..!!!

بنظف التانكي بكرا ان شاءالله واكب صفاااي وربك يعين ونجرب ..

بيض الله وجهك والاخوان لاهنتو..
خيال الكودا
23/08/2011, 05:53 AM
الله يهديك بس تحوله بخاخ عموما مر على ورشة العثيم ببريدة أو ورشة التركي بالرياض الصناعية القديمة
ابوالولد
23/08/2011, 05:55 AM
لاتنظف التانكي ماله دخل لاتخسر نفسك ركب صفايه بنزين بس وبخاخ اسي ديلكوو نظف البخاخات ويضبط انشاء الله
دكواااان
23/08/2011, 07:02 AM
خيال الكودا جزاك ربي كل خير لاهنت ..احب البخاخ افضل من الكبريتر ..

ابوالولد جزاك ربي كل خير ..بس كيف انظف البخاخات بخاخ اسي ديلكو كيف الطريقه لاهنت..
ابوالولد
23/08/2011, 07:25 AM
ادخل على الرابط هذا وطبق نفس الطريقه
http://www.mekshat.com/vb/showthread.php?p=1914068
دكواااان
24/08/2011, 03:15 AM
لاهنت ابوالولد

ركبت اليوم صفاي بنزين ومشيت بالموتر وقصر عن 140 والموتر كأن فيه نتعه خفيفه مرررره وللعلم اخر الدعسه!!

اتوقع ان البخاخات مليانه ووصخ لأن لي شهرين امشي عليه.!!!

مدري كيف انظف البخاخااات مع اني دخلت الرابط ماحصلت تنظيف بخاخاات.!!!
دكواااان
24/08/2011, 03:16 AM
لاهنت ابوالولد

ركبت اليوم صفاي بنزين ومشيت بالموتر وقصر عن 140 والموتر كأن فيه نتعه خفيفه مرررره وللعلم اخر الدعسه!!

اتوقع ان البخاخات مليانه ووصخ لأن لي شهرين امشي عليه.!!!

مدري كيف انظف البخاخااات مع اني دخلت الرابط ماحصلت تنظيف بخاخاات.!!!
طرقي 555
24/08/2011, 03:43 AM
دمرت موترك الناس يدورون الكاربريتروانت تحوله بخاخ الله يعينك
دكواااان
24/08/2011, 04:08 AM
حياالله طرقي555

بالعكس افضل البخاخ على الكربريتر واول مره يصير معي هالشي لأني مركب مكينة 4500 قويه على القديم بدون ترهيم

ومشكور على مرورك لاهنت..