اختلاف في موضوع حباري الاسر وحباري الروض ????

[alrshedi]

السلام عليكم ورحمة الله وبركاته
نسال الله يتقبل منا ومنك صالح الاعمال ان شاء الله
اخواني اعضاء ومشرفين منتدا مكشات
فيه موضوع حصل قبل فتره لواحد من ربعي الرجال معاه طير فرخ وصاد فيه حباره يوم لحقه طير وصاده لقا علي الحباره حجل واسم محميه المهم انهم اختلفو عليه البعض فيه ناس قالت الحباره تعتبر قفريه البعض قالو انه مفرخه بالاسر او لاتنحسب لطير المهم انهم اتصلو علي الرقم ونشدو عنه ماعرفو عنه شي والسؤال هل الحباره تعتبر مفرخه بالاسر او تنحسب لرصيد الطير وتعتبر من الحباري المهاجره????
نرجوا من الجميع التفاعل ويعطينا الي عنده

[جو الشيخ]

وعليكم السلام ورحمه الله وبركاته
طيب هل المنطقه اللي صاد الطير الحبارى فيها قريبه من
مكان اطلاق حباري مفرخه او بدوله ثانيه
اذا بدوله بعيده والحبارى هاجرت انا اقول انها تنحسب لطير صيده
هذا راي
ونشوف الاخوان

[@السيف@]

السلام عليكم ورحمة الله وبركاته
نسال الله يتقبل منا ومنك صالح الاعمال ان شاء الله
اخواني اعضاء ومشرفين منتدا مكشات
فيه موضوع حصل قبل فتره لواحد من ربعي الرجال معاه طير فرخ وصاد فيه حباره يوم لحقه طير وصاده لقا علي الحباره حجل واسم محميه المهم انهم اختلفو عليه البعض فيه ناس قالت الحباره تعتبر قفريه البعض قالو انه مفرخه بالاسر او لاتنحسب لطير المهم انهم اتصلو علي الرقم ونشدو عنه ماعرفو عنه شي والسؤال هل الحباره تعتبر مفرخه بالاسر او تنحسب لرصيد الطير وتعتبر من الحباري المهاجره????
نرجوا من الجميع التفاعل ويعطينا الي عنده

برايي الشخصي تعتبر مهاجره لانها عبرة اليكم عليها حجل او جهاز ولا يفرق شي لكن لو انت في الامارات مثلا اعتبرها اسر لانهم اطلقو حباري السنه هذه

[ربع خالي]

وعليك السلام ورحمة الله وبركاته

الحبارى هذي ان كانت مفرخه في الاسر ؟ فهي تعتبر تفريخ
ولكن
ان كانها مبطي فلويه وخارج الشبك ! فهي حبارى قفريه وتحسب للطير بما انها استاحشت .
ياخوي القرناس البيتي واللي مضت عليه السنين وهو عندك ! لو يضيع اسبوع ، ماعاد تصيده الا بشبكه ،
فكيف على حبارى لانقلت ولا تروضت .
تقبل مروري

[alrshedi]

يامرحبا باخواني كلامكم صحيح اخوي جو الشيخ
لاكن الحباره الي انصادة ماحوله شي من المحميات والرقم الي كان عليه
رقم كويتي واسم محميه اخوي السيف انا من رايكم لاكن الحباره من تفريخ شخص او محميه او مااعتقد انه هاجرة او طارت نفس المهاجره
اخوي ابوسيف صدقت في كلامك ×

[mr-r]

لا مافيها كلام تحسب ميه بالميه سوا صادها طيار ولا دبسها بالارض
ذكرتني بسالفت واحد من الربع لقاله احباره وهد عليها وصادها وعزلها على طول ماجاها شي
ويدق على شايبه معه فرخ قال تعال وخلك مجهز طيرك ترى الحبار تطير من بعيد
ويوم شاف الموتر مقبل وهو يقطها مع الدريشه وهي تطير ويلحقونها ويهد علي الشايب وصاده واحسبوها الربع له

[هاوي بر و صيد]

وعليك السلام ورحمة الله وبركاته



الحبارى هذي ان كانت مفرخه في الاسر ؟ فهي تعتبر تفريخ
ولكن
ان كانها مبطي فلويه وخارج الشبك ! فهي حبارى قفريه وتحسب للطير بما انها استاحشت .
ياخوي القرناس البيتي واللي مضت عليه السنين وهو عندك ! لو يضيع اسبوع ، ماعاد تصيده الا بشبكه ،
فكيف على حبارى لانقلت ولا تروضت .

تقبل مروري



مع هالراي
ويعطيكم العافية

[راعي مرعوب]

السلام عليكم ورحمة الله وبركاته
ان راي. يا بو وليد كل شي يفعله الطير من شجاعه وكل شي يصيده الطير في يده ينحسب من فعله ورصيده
وراي راعي الطير يقول تحتسب من رصيده وخل الي يقول ماتحتسب يستريح
اما راي الاخوان ميه ميه
وراي اخوي ربع خالي مليون في مليون
تحتسب من رصيد الطير ولافيها كلااااااااام

تحياتي للجميع
ولاتنسى تمرني هاليام تشوف البلشه الي عندي وش حله
اسلم وسلم×

[عابر الموج]

وعليك السلام ورحمة الله وبركاته

الحبارى هذي ان كانت مفرخه في الاسر ؟ فهي تعتبر تفريخ
ولكن
ان كانها مبطي فلويه وخارج الشبك ! فهي حبارى قفريه وتحسب للطير بما انها استاحشت .
ياخوي القرناس البيتي واللي مضت عليه السنين وهو عندك ! لو يضيع اسبوع ، ماعاد تصيده الا بشبكه ،
فكيف على حبارى لانقلت ولا تروضت .
تقبل مروري
انا مع راى اخوي ابو سيف

[حامد الحنيني]

السلام عليكم ورحمة الله وبركاته
صباح الخير
اخوي اقصر المسافه عليك الموضوع مافيه
تفصيل دامك ماهديتها من كرتون او مخلصها من طير
تحسب للطير لو بها عشرين حجل
يعني الطير يبي يفحص الحبارى ويهد على اللي فيها حجل فقط
ومبروك الصيد .

[اجااا]

انت اجبه ويسهل الله
ولا صاد اعلمك الحين فيه بعض الناس
يحسبون الحمام وش عاد حبارى وسلم
على خويك يالغالي

[طير الهقاوي]

وعليكم السلام ورحمه الله وبركاته
طيب هل المنطقه اللي صاد الطير الحبارى فيها قريبه من
مكان اطلاق حباري مفرخه او بدوله ثانيه
اذا بدوله بعيده والحبارى هاجرت انا اقول انها تنحسب لطير صيده
هذا راي
ونشوف الاخوان

:good2:
خلص من ناحيتي الكلام بقول جو الشيخ
كلام مابعده كلام ولا مهونه لشباب اجمعين
تقبل مروري

[سرهاب]

السلام عليكم ،،
انا مع الاخوان اعتبرها قفريه وفاله الصيد ،،

[بواحمد2008]

انا مع جو الشيخ , ويا اخوان المشكله الحين كثير من الصقاقير يحسب رصيد للطير وانا اقول الطير اذا صاد حباري وتمرس في الصيد فهذا يكفي واذا كان وحش واصلي ترى لو بيشوفها بعد سنين يهد ان شاء الله

[alrshedi]

جزاكم الله الف خير علي المرور والمشاركات الطيبه
كلامكم علي العين والراس عزالله ماقصرتو
وصلت المعلومه لراعيه ويشكركم جميعا
والله يجزاكم الله خير

[رعد البوادي]

السلام عليكم ورحمة الله وبركاته
انا مع الاخوان الي قالو اذا الحبارى من بلاد ونصادت في بلاد ثانيه تعتبر مهاجره وبعض الحباري التفريخ تعجز الطيور عن صيدها وانا بنفسي حاضر على هدد حبارى تفريخ والله انه غير الطير السبوق السبوق ما يلحقها

[alrshedi]

وعليكم السلام ورحمة الله وبركاته
صدقت عزالله ياخوي رعد البوادي
والله انها فيه سبق ماهو طبيعي
او ماتهاب نفس المهاجره
اشكرك علي المشاركه الطيبه

[الطبشي]

الا تنحسب له ونص
دامها في الخلا والطير فرخ واول مره يتشجع على الحبارى
عز الله مافيها كلام محسوبه للطير

[سطام ابو سعود]

تنحسب للطير ما زالها في الخلاء ومهي معزوله لو كانت تفريخ

[أبو أمين]

السلام عليكم ورحمة الله وبركاته
انا مع الاخوان الي قالو اذا الحبارى من بلاد ونصادت في بلاد ثانيه تعتبر مهاجره وبعض الحباري التفريخ تعجز الطيور عن صيدها وانا بنفسي حاضر على هدد حبارى تفريخ والله انه غير الطير السبوق السبوق ما يلحقها

اشهد بالله ما كذبت

معاك قلباً وقالباً

ــــــــــــــــــــــــــــــــــــــــــــــــــ ــــــــــــــــ


خالد الرشيدي

عزالله ما تجيب الا المواضيع الطيبه

تحياتي

[alrshedi]

اخوي الطبشي
اخوي سطام ابو سعود
جزاكم الله الف خير علي المرور والمشاركه هذا كان رائي
الصراحه ووالحين الحمدالله وصلت المعلومه لراعيه وهو كان كذلك لاكن فيه ناس اختلوف عليه
جزاكم الله الف خير

[alrshedi]

اشهد بالله ما كذبت

معاك قلباً وقالباً

ــــــــــــــــــــــــــــــــــــــــــــــــــ ــــــــــــــــ


خالد الرشيدي

عزالله ما تجيب الا المواضيع الطيبه

تحياتي

يامرحبا يابو امين ياخوي والله كل ماشوف صورت توقيعك اقول الله يصبره ان شاء الله
ويعقل طيرك بأذن الله@@
ماعليك زود يابو امين واشكرك علي المرور
والمشاركه العطره

[مقناص الكويت]

ابو وليد لاهنت علي الموضوع يوسع صدرى من يقراء

وعز لله اكيد مي بالميه من رصيد مدام ماهي من الكرتون ولا معزوله

من رصيد وعلمنه وين المكان نبي ندور حبارى المحميه ههههههههههههههههه

[الجراح11]

على حسب ما قرات تحسب لطير ما فيها شك

[اقدم صقار]

السلام عليكم
هلا بك اخوي خالد
بدون نقاش الطير يعتبر صايد وتنحسب في رصيده ومن وجهت نظري انا اقول الطير اللي يصيد الحبارى لو من الكرتون بشرط ماهي مدميه !!! انا اعتبره صايد تدرون ليش ؟
لانه دبسها وما خاف منها وعلى فكره فيه طيور تصيد وما معها معشا ولاكن في بعض الاحيان يشوف الحبارى وما يبيها او يطلع عليها ويظايفها وهذا شي طبيعي
مثل ما قالو الاولين الطير ابو مختار ـ والطير مكذب راعيه
وبصراحه موظوعك له فروع وينحدر تحته كثير من النقاشات والاسئله
تقبل مروري اخوي خالد

[ابوعزيز2007]

وعليك السلام ورحمة الله وبركاته

الحبارى هذي ان كانت مفرخه في الاسر ؟ فهي تعتبر تفريخ
ولكن
ان كانها مبطي فلويه وخارج الشبك ! فهي حبارى قفريه وتحسب للطير بما انها استاحشت .
ياخوي القرناس البيتي واللي مضت عليه السنين وهو عندك ! لو يضيع اسبوع ، ماعاد تصيده الا بشبكه ،
فكيف على حبارى لانقلت ولا تروضت .
تقبل مروري


ماعقبك كلام يابوسيف ماشاء الله

[أبو أمين]

يامرحبا يابو امين ياخوي والله كل ماشوف صورت توقيعك اقول الله يصبره ان شاء الله
ويعقل طيرك بأذن الله@@
ماعليك زود يابو امين واشكرك علي المرور
والمشاركه العطره



الله يجيبه يا خالد وان ما كتب له رجعه جعله يمحى من الذاكره


وغيرت التوقيع عشان لا اتذكر ولا اذكر هههههه


شاكر لك حرصك .

[ســـبــار ربــعـــه]

الله يعين بس.

[قرناس شماالي]

السلام عليكم ورحمة الله وبركاته

صباح الخير
اخوي اقصر المسافه عليك الموضوع مافيه
تفصيل دامك ماهديتها من كرتون او مخلصها من طير
تحسب للطير لو بها عشرين حجل
يعني الطير يبي يفحص الحبارى ويهد على اللي فيها حجل فقط

ومبروك الصيد .


ليبالله مثل ماتكرم اخوي حامد

اهم شئ ماهي معزول ولاهي مطلعه من قفص