رعشه بالموتر عند التوقف

[ن ا د ر]

كل عام وانتم بخير
اخواني سيارتي كابريس ال اس 2006
لما تكون السياره واقفه تهتز والاحظ مؤشر ضغط المكينه منخفض كيف ازوده
وهذي الصوره

http://www13.0zz0.com/thumbs/2011/08/22/15/953376551.jpg

[فتى الوادي]

غير كراسي المكينة ...
واضبط وزينية الضغط ..

[معشوقي الصمان]

وأنت بصحة وخير ..
شيك على البواجي والأسلاك البواجي وصفاي البنزين .

[ن ا د ر]

وأنت بصحة وخير ..
شيك على البواجي والأسلاك البواجي وصفاي البنزين .
غيرت البواجي وصفاية البنزين
وباقي
وغيرت كويلين

[ضاري الشمري]

انا كان معي فورد f150 حوض . كان فيه رعشه ورجه خفيفه لكني ساحب عليه وجلس معي سنتين وما شكيت من شي ؟

[WWS]

هل نظفت الثرؤتل بؤدي ..؟؟
اغلب الاميريكي رعشته .. من اتساااخ الثررؤتل ..

[الباثفندر 3.5]

صاحبي عنده نفس موترك بالضبط و غير كل شي و لا راحت الرعشه عند الوقوف و مرات شوي و تطفي من نزول عداد الضغط
الحل تنظيف حساس الدعسه بعدها تعبي قاز بريالين و تعبي نص التانكي بنزين اخضر و تمسك خط ٩٠ كيلو و السرعه تكون ١٤٠ و بعدها صفا موتره و صار يشتغل من اول دقة سلف و زاد العزم و راحت الرجفه و الرعشه

[ن ا د ر]

يعني انظف حساس الدعسه
شلون تنظيفه يعني اروح لكهربائي او ميكانيكي
تكفوووووون

[AL-LUCKY]

اخي العزيز وانت واقف يكون الجير على D في رعشه ؟ واذا خليته على N ومافي رعشه

هذا مليون بلميون ياكرسي المكينه او كرسي الجير
وتقبل مروري

[sa-z71]

أخوي عندنا كابرس 2002 V8
إذا وقفت تهتز بقوه رحت لميكانيكي فاهم
شاف كراسي المكينه قال يبن تغيير وقال لازم نفحص كمبيوتر بعد الفحص طلع تحتاج أسلاك بواجي

والله طلعت وكاله بس مابطت

وحصل لها حادث قضى عليها

والله يافيها مكينه طرررررررررب

قدر الله وماشاء فعل

[DeltaMax]

افادوك الاخوان

[WWS]

هل نظفت الثرؤتل بؤدي ..؟؟
اغلب الاميريكي رعشته .. من اتساااخ الثررؤتل ..


http://mekshat.com/vb/showthread.php?t=133113



ان شاءالله هالرابط تستفيد منه
تقدر تسؤؤيه بنفسك ... اذا عجزانااا عنه :(شؤؤف مراكز اي سي ديلكؤ يسؤؤؤنه ب 50 ريال ان ماا خااب ظني
ؤ احذر احذر استخدام القاااز مع البنززين ..
لانه عدؤ البلؤؤف
ؤ الله يؤفقك لما يحب ؤ يرضى

[ن ا د ر]

مشكووووووووووووووووورين بيض الله وجيهكم