انثلمت الساطوره .........ولايهمك الحل عندي

[شنطة عده]

بسم الله الرحمن الرحيم
السلام عليكم ورحمة الله
اشتريت قبل مده سكين من برق الحياء وارد الرماية بـــ 55 ريال
السكين زينه ما عليها الا انها ما تحب الجور . تنثلم على طول
والمشكله انها انثلمت من ضلع هريفي ما بعد اثنى
السكين جديده وبــــ 55 ريال صعبه ان الواحد يرميها
قلة مايبي لها كلام ......... نستعين بالاتصال بصديق
كلمت احد الاقارب وهو صديق عزيز ويشاركني هواية الاصلاح والتعديل
في اي شي . ولدينا كثير من العدد والادوات المشتركه (نشتريها مناصفه)
وتم تعديلها واصلاحها وكانها ما صار فيها اي شي


والان اليكم قصة السكين المنثلمه بالصور :D
http://www.mekshat.com/pix/upload05/images226/mk92142_1111.jpg



http://www.mekshat.com/pix/upload05/images226/mk92142_222.jpg


صوره مقربه لثلم والسبب رقة السكين عند اطرافها



http://www.mekshat.com/pix/upload05/images226/mk92142_3333.jpg
صاروخ قص الحديد نوع ميكتا ياباني سجله حافل بالانجازات له بالخدمة 13 سنه



http://www.mekshat.com/pix/upload05/images226/mk92142_4444.jpg
بداية عمل نحت السكين لازالة الثلم


http://www.mekshat.com/pix/upload05/images226/mk92142_5555.jpg


الصديق ابو مصعب وعملية اعادة التاهيل


http://www.mekshat.com/pix/upload05/images226/mk92142_6666.jpg


هجوم ارضي مع اسناد جوي وارضي لتنسيق الجهد



http://www.mekshat.com/pix/upload05/images226/mk92142_7777.jpg


هذا شكلها النهائي بعد التعديل
http://www.mekshat.com/pix/upload05/images226/mk92142_1111.jpg


صوره للمقارنه قبل التعديل
http://www.mekshat.com/pix/upload05/images226/mk92142_8888.jpg


الدريل المستخدم في عملية ارزالة وتسوية الحواف بلاك ديكر من الصناعه الاوله انجليزي


http://www.mekshat.com/pix/upload05/images226/mk92142_999.jpg


العمل كان خارج المنزل مع محول (نيوستار) بقوة 1000 وات


http://www.mekshat.com/pix/upload05/images226/mk92142_1010.jpg


صوره للدريل مع راس التنعيم وهو خاص للنحت في البلاط والسيراميك
استخدمنها في التنعيم وسن السكين وتشكيل حد جديد لها
والباقي انك تسنها بالمسن في البيت
ورجعت افضل مما كانت عليه يوم صنعت


انتهى التقرير



حرر
في 22 /9 /1432 هـ
الموافق
ليوم الاثنين

[عصا الترحال]

شغل روعة
بارك الله فيك

[FORD1969]

تصدق اني اذا شفت لك موضوع يضيق صدري قبل لا أقراه لاتك تكود علينا كفـــــــــــــــــــــــــــــى تكفى

تدري ليــــــــــــــــــــــه



لأني اعرف جيداً أنك مبدع واذا اهتويت الشي تصلحه

وانك وبتقهرني في نفسي بعدتك القويه الله يخليها لك ويكفيك شرها

عندي عده يابو عده متناثره وقديمه جدا جدا بعضها ورث

عندي ابو جلمبو وعفريته تمساح ودريل بوش من ضمن حصر الورثه

هالسكين لو انها عندي وانثلمت كان اصبح مكانه الرف للذكرى

شنطه عده ماعاد فينا جلد للشغل للأسف نتعاجز يالله نغير لمبات الصاله ومبارك

تسلم يمناااااك لاعدمنااك

حصلت ماكيتا في الحراج من الاولاااااااات مره كله حديد

بــ180 وتغاليته وتحسفت

[رفيع المقام]

وعليكم السلام ورحمة الله وبركاته
حقيقة أعجبتني بطريقتك في سن السكين من جديد ما شاء الله عليك.
استغرب من بعض الناس إذا خرب أو تعطل عنده شي يقف في محله ولا يحرك ساكناً وإن حرك (جدع الآداه المتعطله)
ومن موضوعك هذا نستفيد ان لا نيأس أبداً.

[ع العمرو]

بارك الله لك بعدتك ونفعك ونفع بك.

[بن جعيثن]

عز الله شغل صح ومرتب
ودليل حملك لعده حتى الصاروخ معك
اه من بعض الناس حتى الماء يحرشك عنده
الله يخلف علينا من بعض ناس
الله يعطيك العافيه
تصدق من اليوم طلع بقولهم كل واحد بسياره ههههه

[مانع767]

ياسلام هذىالسنع وهذي العلوم والله نشاماوالشرح جداممتاز
تقبل الله منا ومنكم الصيام والقيام

[cooc]

ماشاء الله تبارك الله
والله شغل نظيف
الله يعطيك العافية

[swead]

ما شاء الله .. في جهاز اشتريتته قبل فترة .. تشوفه زمان يسنون به السكاكين في المحلات يجي ريشتين خشن وناعم وريشه نفس المسن الحجر والجهاز يشتغل عالكهرب .. خذ لك واحد وارتاح وخله للحالات الخاصة للسواطير وغيرها وسعره بحدود 100 ريال ..

والسكاكين من نفس هذي الشركة حديدها كويس لكن مشكلتها ما هي حقت ظرب بقوة يعني ذبح تقطيع وينسن بسرعة وفيه منها سكين مايلة للسلاخة سعرها 25 ريال ممسكها اصفر انصحكم فيها .. وأرى أنها نفس سكين السلاخة وينجر اللي بـ 70 ريال ..

[الحصان 1]

ما شاء الله

[محلات الكشاتة]

كفيت ووفيت

[wafi4sa]

ما شاء الله عليك
حليت مشكلة السكين بطريقة إحترافية
بارك الله فيك على التقرير المفيد للجميع

[تلاقيط]

ماشاءالله عليك شغل عدل وعال العال الله يعطيك العافيه

[طلااالي]

شغل محترف ماشاء الله عليكم

[شنطة عده]

شغل روعة
بارك الله فيك


وفيك اخي الكريم

[رسيس نجد]

شغل عدل مئه في مئه0000
الحاجه تفتق الحيله 0

[دغيم1]

السلام عليكم ورحمة الله وبركاته
يعطيك العافية اخوي
شغل جيد والاستمرار في إيجاد الحلول بدلا من التوقف
اسأل الله لك التوفيق وأن يحفظك الله
شاكرا لك الجهد
تقبل تحياتي

[sari961]

وعليكم السلام

مشاء الله يابو حاتم شغلك عدل
والحلول دايم جاهزه عندك

وشكرا لك على الموضوع

اخوك ساري

[قناص*07]

شغل عدل والله يعطيك العافيه
بس عندي ملاحظات وبدون زعل
1- هذا النوع من الصواريخ يستخدم لجلخ الاشياء الثابته وليس المتحركه
2- لابد من اتخاذ اجرائات السلامه مثل القفازات الخاصه بلحام و جلخ الحديد وغطاء الوجه البلاستيكي الكامل وليس بنظارات لحام

أتمني ان اكون نقلت لك الصوره الصحيحه و المفيده لك ولاخوانا

[القنصل,,,]

انا من الناس اللي يحبون تصليح الاشياء
لو مثلا تخرب ماعاد تصلح مره ثانيه اهم شي اني حاولت طبعا الشيئ البسيط اللي مايكلف

[النادر12]

شغل مبدع اشكرك

[اصيل نجد]

هلا باخوي الله يطول بعمرك شنطه عده ومشكور على هالتقرير المفيد والله ياخوي جاى بوقته والله عندي مقص شجر كبير انثلم وعلى قولك تحسفت ارميه انثلم من واير حديد مربوط بالشجره وانا اقص مانتبهتله وقصيته وانثلم المقص لكن عزالله انك جبت الحل بس ودي كيف اسوي بالثلم كيف يختفي ربي يوفقك ويسعدك