وين تدور طيرك اذا غدى منك

[مكرم الضيف]

بسم الله الرحمن الرحيم

السلام عليكم ورحمة الله وبركاته

كتبت الموضوع هذا لانه علفت الجبليه قبل المغرب فوق السطح وحان وقت الفطور ولابرقعتها وفكت العقدة وغدت.

بعد صلاة الفجر قمت ادورها حول البيت

وهنا وهناك ومافيه فايدة بالرغم انها مدربه على التنقيز فوق الكف.

اخذت معي الدس وجناح وبرقعها لاكن من قلة خبرتي احترت وين ادورها ودربلت على الاعمدة والسيف والسهول والجبال واكوام الشعير لكن الله يعقلها وصيت اهل المنطقة .

وان شاء الله انهم يشوفونها.

نبي رأيكم بالموضوع جزاكم الله خير



لو انك مكاني وش تسوي ووين تدور


تحملونا شوي نبي نستفيد ونفيد

[الشلاعي]

الله يعقلها عليك وحلال المسلم مايضيع

[مكرم الضيف]

الله يعقلها عليك وحلال المسلم مايضيع



جزاك الله خير على دعوتك والله يعقلها ان شاء الله

[ALAMIR]

الله يعقلها عليك

[بن جدعان]

يالله ياكريم يحي يقيوم ياذا العرش المجيد ترد كل طير غادي لهل

[ركن برزان]

انشاءلله ان ماتروح

بس خل معك حمام حي وشبكه وسبب طويل تشوفها حولك ماتبعد ترا

بس لازم حمام حي

والله يعقلها عليك

[خلف الفار]

توكل على الله وحضر الختمه وطلب ربك المغفره لك ولوالديك والمسلمين والله يعقلها لك انشاء الله

[مشبر البران]

اذا كان حولك بيوت اهلها يربون حمام دور حولها وان شاء الله تلقاها

[مكرم الضيف]

ياخوان انا استغربت منها تفك العقد بمنقارها عقده عقده

لكن انا توقعت لاني حطيت مجول من جهة الخيشه فقط عقده وحده ودقني قلبي انها تبي تفكه وانشغلت مع العمال ونسيتها ماجيتها الا قبل السحور بشوي

ولا ماباقي الا الخيشه

[ديوان العرب]

انكانها طارة بعد مغيب الشمس مهي برايحه بعيد اطول عماره حولكم بتلاقاها ولا برج جوال

[مكرم الضيف]

اذا كان حولك بيوت اهلها يربون حمام دور حولها وان شاء الله تلقاها



يارجال كل المنطقه مليانه حمام بلا عدد انا من البيت كل يوم اطرح لها وحده بالهوائيه قبل المغرب (فرش) fresh

[كسير الحظ]

وعليكم السلام ورحمة الله وبركاته


الله يعقله لك

دور عليه واذا حولكم احد يربي حمام يمكن لحقهم
طول بالك ومثل ما قالو لك الاخوان خلك جاهز بالحمامه الحيه و السبب والدس


وان شاء الله تبشرنا بعقلانه

[مكرم الضيف]

بلغت حرس الحدود والمقانيص بالمنطقة ودربلت فوق الاعمده ودورت حاره حاره زنقه زنقه وماخليت احد. عاد وهي جبليه

كيف لو انه حر تلقاني بلغت.......؟؟؟؟؟؟؟؟؟؟؟؟:D:D:D:D:D:D

[مطنوخ قطر]

الله يعقلها انشاءالله, ضيعتها بهالطريقه صعب انك تلقاها, لو انها ضايعه وانت هادها كان امرها هيَن,, بس انت اذكرها للي حولكم في منطقتنكم واوصافها ,وان لقاها ولد حلال بترجع لك, وفي نفس الوقت مر على اللي يبيعون ويشترون في الصقور,يمكن تلقاها..........

[مقناص الكويت]

لله يعقله وان كانه افلوس حلال ترجع باذن لله

[حامد الحنيني]

انشاءلله ان ماتروح



بس خل معك حمام حي وشبكه وسبب طويل تشوفها حولك ماتبعد ترا


بس لازم حمام حي


والله يعقلها عليك


السلام عليكم
عطاك العلم ركن برزان
تحياتي لك.

[مكرم الضيف]

جزاكم الله خير وماقصرتم

لكم تحياتي

[اقدم صقار]

السلام عليكم ورحمه الله وبركاته
هلا بك اخوي مكرم وابشر بالعوض
وللمعلوميه الطير في ذا الوقت ينطح الهوا وخاصة بعد العشاء والجو حار يا ليتك رحت جهت الهواء ولزق حمام اذا هي تعرفه وطيره وبيرتفع الحمام بالحيل لين ينقط في السماء واذا هي حولك بتجي على طول
الك رساله على الخاص
تقبل مروري

[اسلي نفسي]

الله يعقلها

[ابورغودة]

الله يعقلهاء

[راعي الاحمر]

السلام عليكم اخوي تراني شايفها في ام الحمام شيهانة جبلية والله يعقلها ان شاءلله

[راعي الاحمر]

حي ام الحمام بي الرياض يمكن هي ولا غيرها مدري

[@السيف@]

ونا اخوك في ثلث اليل الاخير صل لك ركعتين وطلب اللي خلقها
وادعيه اذا انه فيها خير لك يعقلها واذا انها شر لك يصرفها عنك
واطلبه اللح بالدعاء والله ونا اخوك في اشياء كثير دعيت ربي وحققها
وكانت مثل الحلم يعني مافي مجال اسويها او انجزها بنفسي
والمهم ادعي انت متيقن الاستجابه اضربلك مثال
الولد وحيد ابويه لو طلب اي شي يكون متاكد ان والدينه بيلبون طلبه
ولله المثل الاعلي

[الطبشي]

الله يعقلها ان شاء الله
لاكن لاتخلي المحلات الي فيها الحمام مثل اكوام الشعير
دور عندها
وبيجيبها الله ان شاءالله

[جـرح الشمـال]

مرحبا مكرم الضيف
ماتروح بعيد بس عليك البحث زين بما حولك من عماير وابراج جوال وابراج ماء واتبع اتجاه الهواء
ومزارع والمكان الي فيه ارض فضاء لوح لها بحمامه حيه وفكاها بعد ماتقص من
جناحها واذا هي مهي مطروحه انشاءالله تلقاها
الله يعقلها لك

[**عاشق الشواهين**]

الله يعقلها وان شاالله ان الحلال مايضيع بمشيئة الرحمن

[هاوي بر و صيد]

اخوي مكرم الضيف
صلي ركعتين وعليك بدعاء الضاله وان شاء الله ربي يعقله لك
دعاء الضالة

سئل ابن عمر رضي الله عنه عن الضالة فقال : يتوضأ ويصلي ركعتين ، ثم يتشهد ، ثم يقول : اللهم راد الضالة ، هادي الضلالة ، تهدي من الضلال رد علي ضالتي بعزك وسلطانك ، فإنها من فضلك وعطائك

الراوي: - - خلاصة الدرجة: حسن - المحدث: ابن القيم - المصدر: الوابل الصيب - الصفحة أو الرقم: 191


وان شاء الله ربي يعقلها لك

[الحربي أبوذيب]

الله يعقلها لك وادع ربك وانا اخوك

[أبو أيوب99]

بلغت حرس الحدود والمقانيص بالمنطقة ودربلت فوق الاعمده ودورت حاره حاره زنقه زنقه وماخليت احد. عاد وهي جبليه

كيف لو انه حر تلقاني بلغت.......؟؟؟؟؟؟؟؟؟؟؟؟:D:D:D:D:D:D



يا طيب نفسك ويا زين علومك غير هالغدوه
قطعت بطني من الضحك
لكن الله يرزقك بطرح النادر
اللي ينسيك هالجبليه

[مكرم الضيف]

مشكورين وحياكم الله جميع وبارك الله فيكم وغفر الله لنا ولكم

[مكرم الضيف]

يا طيب نفسك ويا زين علومك غير هالغدوه
قطعت بطني من الضحك
لكن الله يرزقك بطرح النادر
اللي ينسيك هالجبليه



حياك الله اخوي ومادام انك مستانس عندي بمليون جبليه الله يجعل وناستك دايمه

[مكرم الضيف]

ابقولكم موقف يضحك عن الجبليه اللي غدت.مره من المرات نسيت الدس بالاستراحه ولقيت بالبيت دس لكن باليمين وانا اعطيها السمانه باليسار وانسى احسب الدس على يدي . وماشاء الله عليها ياعليها ارضيه واطبقي العلفه ويدي :mad:وعيونكم ماتشوف الا النور:looney: . لكن ازين اني بلحالي على السطح والله مافكيت يدي منها الا بطلاع الروح. وهاذي الغشامه وماتسوي

[مكرم الضيف]

السلام عليكم ورحمه الله وبركاته
هلا بك اخوي مكرم وابشر بالعوض
وللمعلوميه الطير في ذا الوقت ينطح الهوا وخاصة بعد العشاء والجو حار يا ليتك رحت جهت الهواء ولزق حمام اذا هي تعرفه وطيره وبيرتفع الحمام بالحيل لين ينقط في السماء واذا هي حولك بتجي على طول
الك رساله على الخاص
تقبل مروري



قريت الرسالة وبيض الله وجهك يابو منصور وهذا يدل على معدنك وأصلك الطيب

[falcon12]

الله يعقلهالك وعليك بلأستغفار

نصيحه لوجه الله لاتصيد حمام الجيران منغير ما تستاذن

[مكرم الضيف]

الله يعقلهالك وعليك بلأستغفار

نصيحه لوجه الله لاتصيد حمام الجيران منغير ما تستاذن


جزاك الله خير وهذا اللي على البيوت حمام بري. والحمد لله ماصيد الا من بيتي

[ولد السبع]

الله يعقلها بس ونا اخوك الحين الحجل بمثابة الوسم يعني الي فيه خير بيتصل عليك

وبنسبه وين تعينها الحلال مايضيع يمكن تهد على شي من الحمام وتبعد منك بس ماقول الا الله يعقل كل ضايع على هله

[هواجيس 0]

الله يعقله ان شالله لو انه حر كااان بلغت كل اقسام ادوار الحكوميه هههههههههه
الطير ماهما كان غالي علي راعيه

[ب ط ل 001]

الله يعقلها

[العرندس909]

الله يعقلها

ماشاء الله عليك وسيع صدر انت وهالجبلية صرتوا قصة

يارب تعقلها عليه ياحي ياقيوم

[صالح الحنيان]

الله يعلقه والحلال مايضيع في عشره الاواخر والشهر الفاضل

[طيرالحمــــاد]

الله يعقله لك

[مكرم الضيف]

ياخواني صبحكم الله بالخير وانا اعجبني رد هواجيس o ولا هو قصور فيكم يوم قال الطير غالي على راعيه ماهو بقيمته لكن انا اكثر خوفي انه تنشب الطيره بشجرة ولا عامود لجل بطرف السبب فيه مجول ثقيل وان الطير يموت.ولا اشياء واجد غدت والحمد لله على كل حال.

[مكرم الضيف]

هههههههههههههههه

والله ماباقي غير أسأل حلف الناتو والاطلسي يمكن مرت عليهم

اقول لكم قريب انزل صورة الجبليه

لجل عيون SKY NEWS & CNN

[مكرم الضيف]

صورة الجبليه


http://www.mekshat.com/pix/upload05/images227/mk138009_kjhfd.jpg

[ابو نايف الساري]

الله يعقلها ان شاء الله

[ذراع الذيب]

الله يعقلها وراح اتصل على خويانا بالحنو,,

ان كنت من هل الديره..

[عبدالرحمن بن ذياب]

الله يعقلها و الحلال ما يضيع ونا خوك

[مكرم الضيف]

الله يعقلها وراح اتصل على خويانا بالحنو,,

ان كنت من هل الديره..



حياك الله يابو ناصر وخوياكم جيراننا وبعيوننا والنعم فيكم وفيهم والديرة ديرتهم

[مكرم الضيف]

الله يعقلها و الحلال ما يضيع ونا خوك



حياك الله ياصقار الجنوب وجزاك الله خير

[عبدالرحمن بن ذياب]

بشرنا عن الطير و عن اخوك ان شاء الله اخوك بخير

[مكرم الضيف]

بشرنا عن الطير و عن اخوك ان شاء الله اخوك بخير



السلام عليكم ورحمة الله وبركاته
وكل عام وانتم بخير
مشكور ياصقار الجنوب على سؤالك. الطير الله يعقله وذكروه ماهو بعيد واخوي ابشرك انه احسن من اول بفضل الله. والحمد لله على كل حال. وجزاك الله خير وكثر الله من امثالك يالوافي