المساعد الشخصي الرقمي

مشاهدة النسخة كاملة : عندي آيكوم شسوي به


دسم الشوارب
21/01/2006, 07:02 PM
انا يا اخوان عندي آيكوم يدوي IC-v8 ويستقبل زين
لكن اذا ماكان فيه احد يراسل حولي يصير يشوش علطول
حتى على العامه يشوش مادام مافيه احد حولي يراسل
تكفون وش علته وتراني تعبت وانا ادنفس فيه علماً ان له سنتين على هالحال يعني من يم شريته وشاريه مستعمل
ولكم الشكر
المراتب
22/01/2006, 07:21 AM
من ياخذ يدوي هالايام

نصيحه حطه تحت الكفر ودوس عليه

أناصارت لي نفس المشكله وتبهذلت وبالنهايه رميته

والله مايصلح أبد

لأنه حق شغل خفيف مثل (( رجل أمن بالسوق _ الي ينظمون الحركة عند مسجد ياسر الدوسري برمضان ..... وغيره ))
بو خليفه
22/01/2006, 08:54 PM
يوجد حبه تحت الكبس اضغط و خفف الهواء من صفر إلى 10 حتى يكون أفضل
دسم الشوارب
22/01/2006, 10:39 PM
اخوي المراتب : اللي معي لاقيه طايح يمكنه اللي انت رميته
امزححح :D
والله انا أحتاجه لصيد الوعول
أنا في الجبل اشيله معي واللي في السياره معهم آيكوم عادي ويوجهوني وين راح يمين ولا يسار
امزح لاتصدق ترى اكبر ما صدت جربوع واخاف منه بعد
الله يحييك يالغالي وتشرفت بمرورك واحترم رأيك
اخوي بو خليفه : ياريت تشرح لي وين الحبه والكبس بالضبط مع التفصيل الله لايهينك
ماعليش ثقلت عليك تحملني
وشرفتني بمرورك واشكرك لنصيحتك
بو خليفه
23/01/2006, 07:45 AM
حبة الكبس التي ترسل يوجد تحتها حبه صغيره اضغط عليها بشكل دائم ثم اتجه إلى الأسهم فوق و تحت من صفر إلى عشره وكلما نزلت و قربت عند الصفر سيكون تسمع المدخلات البعيده و العكس كلما قربت عند العشرة لن تسمع إلا القريب فقط والارسال القوي
والجهاز يشوش احتمال يكون عند الصفر فالضبط الجهاز عند 5 أو 4 يكون أفضل
دسم الشوارب
24/01/2006, 01:33 AM
اخوي بو خليفه : والله مادري وش اقول لك

الله يثيبك حليت مشكله سنتين وانا أعاني منها وجيت انت يالذيب وكشفت العله
والله لو انك عندي ان اطيح فيك تبويس الى الصبح
مشكووووور