ثقل في بداية انطلاق السياره او الدعس على البنزين

[راعي الدتسن]

السلام عليكم

معي سيارة دتسن 2004 ممشاها تقريبا 290 الف

الاحظ أنه اذا صرت واقف ثم دعست على البنزين بقوه تلاحظ فيه تقل في الدعسه ( كأنه فيه ثقل ) وبعدين اذا وصل الضغط 2.25 تقريبا تقوى الدعسه فجأه

بنفس الوقت لم الاحظ تقطيع أو تفتفه في السياره

الثقل الذي أقولكم عنه مثل من يقوم السياره بالترس الثاني مباشره ، سيكون فيه ثقل بالبداية ثم تلاحظ بعدها انطلاق السياره بقوه

لا أدري ماسبب المشكله هذه

اتمنى أني أكون وصلت الصوره

وبانتظار تحليلاتكم

يعطيكم العافيه

[بندرالعتيبي]

وعليكم السلام ورحمة الله وبركاته

انت تقول لاوصل الظغط 2.25 تقوى الدعسه اظن انها بواجي غير بواجي واسلاك بواجي اذا كانت منتهيه وغير صفاية البنزين وبتلاحظ الفرق انشاء الله اي خدمه لك انا حاظر

[راعي الدتسن]

الله لا يهينك أخوي بندر ويعطيك العافيه

بالنسبه للبواجي والصفايه فهن مايحتاج ، وباقي 40000 كم تقريبا لكي أغيرها

فأتوقع ان المشكله لها سبب آخر ، فما رأيك ؟

[عبد الله 99]

يالغالي لا تغير شيء الا و انت متأكد فأن كانت موب البواجي ولا اسلاكها فاوالله العالم انها من صحن الكلتش
كانت عندي حول مشكلتك و هي ان الموتر ثقيل و و حنته عاليه و بعد الفرفره صارة من صحن الكلتش
و قد سبق و غيرت الكلتش ولا لا ؟؟
فيه ثقل بالكلتش هالحين ولا لا ؟؟
بتعشيقك للقير يلقم على طول ولا لا ؟؟
و تأكد قبل لا تغير شي

[راعي الدتسن]

يالغالي لا تغير شيء الا و انت متأكد فأن كانت موب البواجي ولا اسلاكها فاوالله العالم انها من صحن الكلتش
كانت عندي حول مشكلتك و هي ان الموتر ثقيل و و حنته عاليه و بعد الفرفره صارة من صحن الكلتش
و قد سبق و غيرت الكلتش ولا لا ؟؟
فيه ثقل بالكلتش هالحين ولا لا ؟؟
بتعشيقك للقير يلقم على طول ولا لا ؟؟
و تأكد قبل لا تغير شي

الله يجزاك خير

الكلتش خفيف ومامنه أي مشكله ؟

[راعي الدتسن]

ماأقصده أن السياره اذا دست بنزين وهي واقفه تلاحظ أن السياره كأنها مكتومه الين مايوصل الضغط الى 2.25 تقريبا ، بعدها يكون دوران المكينه بنفس قوتها العاديه .

[راعي الدتسن]

للرفع ......

[ابوشاهه]

ماأقصده أن السياره اذا دست بنزين وهي واقفه تلاحظ أن السياره كأنها مكتومه الين مايوصل الضغط الى 2.25 تقريبا ، بعدها يكون دوران المكينه بنفس قوتها العاديه .


يمكن والعلم عند الله ان المشكلة في البخاخات ..جرب اذا بقى ربع البنزين في التانكي تحط علبتين منظف ميتسوبيشي وامسك خط ..الله يستر عليك

[أبو الوليد 14]

بما نا موترك صافي ولا يقطع نستبعد عدة شغلات .....
شيك على بعض الشغلات اللي ممكن تكتم السيارة مثل
فلتر الهواء
الشكمان يمكن متسدد

سؤال كيف عزم الموتر بالخط ؟

يفيدونك الشباب ان شاء الله
الله يوفقك

[يالبى الهلا]

هذا طبع ابو عزيز مع البرد يكمش ابو طبيع مايخلي طبعه

[يالبى الهلا]

ومن الغلط تقوم السياره بالثاني لازم بالتسلسل 12345 حتى لايعدم عليك جنزير المكينه

[عبقري91]

اذا دعست البانزين ثقيله
نظف لهات الثرول. حق الدعسه. تلاقي عليه وصخ ويجيم بالدعسه صارت معي بكامري
واكتب. في قوقل طريقة تمظيف ثرول الددسن
وان شا الله تطلع هي مشكلتك وتنحل
والحركه هذي اذا مانفعتك مراح تظرك
وشكرا

[MSAN]

أخوي شيك على حساس قربة الهواء والفيش الواصل له


بالتوفيق