((( الحر)))
23/08/2011, 02:12 PM
السلام عليكم ورحمة الله
استمراراً وتفاعلا مع قصيدة شاعرنا الكبير بدر الحويفي
اسمحو لي ان اقدم لكم هذه المجارة التي اتمنى ان ترتقي الى اذواقكم
ويقول ابو سلمان في قصيدته
عزي لكم يامدورين الحباري=بارض لواهيب الشموس احرقتها
على الجيوب تقصقصون الاثاري=والارض غبرا والغنم حايستها
مهما تجاوزتوا فجوج الصحاري=رحلاتكم يالربع وش فايدتها
خلوا ولعنا بالحمام الخضاري=ونفرح إلى من الطيور لحقتها
نرقد ضحا ونهد وقت العصاري=خلو مواترنا تطير غبرتها
لون بالسرعه علينا خطاري=الطير يطرد والمواتر تحتها
ومشكور ياللي للقصيده تجاري=علق عليها تنتشر سالفتها
واللي على قولي من الناس زاري=الناس دايم تختلف معرفتها
مع احترامي وتقديري للشاعر الكبير/ بدر الحويفي .. ابو سلمان ..
هذه مجاراتي له
عدلتها يمين والا يساري
يابدر ما والله تزين اعوجتها
وش عاد لو ما للحباري مواري
الله يقطعها ويقطع سنتها
رفعتو اسعار الهدد والسفاري
شهر وتسمع بالسكك قرقعتها
اشغلتوا العالم بكثر الطواري
يوم تصيد وتسعةن قفلتها
اطيوركم بالصيف مثل العذاري
امخفراتن في مقيض اوكرتها
ووقت الهداد متبعين الاثاري
ياويلها وان عرفوا وش جهتها
احدن يجيها شرق حول المحاري
واحدن يجيها غرب حول اشجرتها
وان كانها طارت وقامت اتماري
هدت عليها الروم والفرس جتها
جفلتو العالم بضرب البواري
وهزيتوا البيداء بكثر دبكتها
ومادامك الدكتور والاستشاري
قلي يابو سلمان وش فايدتها
وان كانها قفّت مثل مانت داري
قلع غريسك يالحويفي وفتها
وصلاة ربي عد نبت الذواري
على شفيع الخلق في اخرتها
وسلامتكم
استمراراً وتفاعلا مع قصيدة شاعرنا الكبير بدر الحويفي
اسمحو لي ان اقدم لكم هذه المجارة التي اتمنى ان ترتقي الى اذواقكم
ويقول ابو سلمان في قصيدته
عزي لكم يامدورين الحباري=بارض لواهيب الشموس احرقتها
على الجيوب تقصقصون الاثاري=والارض غبرا والغنم حايستها
مهما تجاوزتوا فجوج الصحاري=رحلاتكم يالربع وش فايدتها
خلوا ولعنا بالحمام الخضاري=ونفرح إلى من الطيور لحقتها
نرقد ضحا ونهد وقت العصاري=خلو مواترنا تطير غبرتها
لون بالسرعه علينا خطاري=الطير يطرد والمواتر تحتها
ومشكور ياللي للقصيده تجاري=علق عليها تنتشر سالفتها
واللي على قولي من الناس زاري=الناس دايم تختلف معرفتها
مع احترامي وتقديري للشاعر الكبير/ بدر الحويفي .. ابو سلمان ..
هذه مجاراتي له
عدلتها يمين والا يساري
يابدر ما والله تزين اعوجتها
وش عاد لو ما للحباري مواري
الله يقطعها ويقطع سنتها
رفعتو اسعار الهدد والسفاري
شهر وتسمع بالسكك قرقعتها
اشغلتوا العالم بكثر الطواري
يوم تصيد وتسعةن قفلتها
اطيوركم بالصيف مثل العذاري
امخفراتن في مقيض اوكرتها
ووقت الهداد متبعين الاثاري
ياويلها وان عرفوا وش جهتها
احدن يجيها شرق حول المحاري
واحدن يجيها غرب حول اشجرتها
وان كانها طارت وقامت اتماري
هدت عليها الروم والفرس جتها
جفلتو العالم بضرب البواري
وهزيتوا البيداء بكثر دبكتها
ومادامك الدكتور والاستشاري
قلي يابو سلمان وش فايدتها
وان كانها قفّت مثل مانت داري
قلع غريسك يالحويفي وفتها
وصلاة ربي عد نبت الذواري
على شفيع الخلق في اخرتها
وسلامتكم