المساعد الشخصي الرقمي

مشاهدة النسخة كاملة : افضل مكان للتخريم في السيارة


جنتلـ
21/01/2006, 09:55 PM
السلام عليكم ورحمة الله وبركاته......... وبعد


اخواني اريد الاستفسار ؟؟؟؟!!! لمن لديه الخبره.


اريد الحل لاريل السيارة ؟؟ بخصوص كيبل الاريل كل فترة ينجرح ويخرب من كثر فتح وصك الباب الخلفي علما ان سيارتي لاندكروزر.

فهل ينفع التخريم للاريل؟؟ وماهو الكيبل المفضل العادي الصغير ام الجي بي 8 ؟ وين افضل مكان للتركيب بالنسبة
للسيارة في الوسط ام الخلف ؟؟ وهل التخريم يسبب تهريب الماء ؟؟ وشكرا.
ولد شقرا
21/01/2006, 11:07 PM
اي والله ياشباب عندي باث فندر وبالش في وضع الانتل
وش الحل الافضل بالنسبه لكم شباب
تحياتي
جنتلـ
22/01/2006, 12:27 AM
غريبة ياشباب ؟؟!!


وين المساعدة والردود ؟ كل هذا بخل الله يهديكم ؟

انا في انتظار مساعدتكم
HZ1FA
22/01/2006, 12:54 AM
وعليكم السلام ورحمة الله وبركاته..


عذرا على التأخير في الرد..
أفضل شي التخريم بلا جدال.. وأنا أتكلم من تجربة 9 سنوات.. ما وجدت إرسال أفضل في وضعية غير التخريم..
والتخريم يكون في منتصف التندة عرض وطول (المنتصف من جميع الجهات)..

طبعا أفضل شي تكون القاعدة أصلية.. 100% وإن بغيت قاعدة أصلية تآمر عليها أمر.. 100% أصلية إن بغيت كبيرة للارسن أو صغيرة للدايموند.. إنت تآمر يالغالي..

وأنا لي الآن مع التخريم 9 سنوات للارسن ولا تهريب ماء ولا يحزنون لأنه يجي معها (القاعدة) ربل خاص يمنع تهريب الماء..

73 عاااطرة
فهد آل فريان
0555104030
HZ1FA
جنتلـ
22/01/2006, 01:25 AM
مشكور اخوي فهد على الرد والتوضيح

طيب وبالنشبة للكيبل نركب الحجم الكبير ولا العادي ؟؟
الخبير
22/01/2006, 10:56 AM
السلام عليكم
اخوي التخريم أفضل طبعا ( انا مع المطرقة ) ولكن للأسف التخريم يحوس سقف السيارة!
لكن تقدر تدخله مع الباب الخلفي ولكن استخدم Rg8 لأن تحمله أقوى وايضاً إرساله أفضل ولكن خذ نوع زين مثل البلدن.
لكن لو تبي نصيحتي ركب اريلين يمين السيارة ويسارها ولكن خلهم متوازيين ( الثاني يكون عاكس للأول ).
جنتلـ
22/01/2006, 11:48 AM
مشكور اخوري الخبير
لكن مشكلة rg8 في الباب الخلفي مايجي ماتقدر تسكر الباب لكبر حجم الكيبل
ان ذكرة الاريلين واحد يمين وواحد يسار السيارة ؟؟ ممكن توضح اكثر ؟؟
الخبير
22/01/2006, 01:46 PM
اخوي انا ركبت كيبل Rg8 على باترول ولاندكروزر ومافيه مشكلة!
انا وغيري من الشباب ( قليلين ) مشبكين اريلين على الآيكوم، اريل على يمين السيارة والثاني على يسارها لأنه أحياناً يكون الإرسال على اليمين أفضل وأحياناً على اليسار أفضل وحاط قسام بين الإثنين. ومع تجربه هذي الطريقة ( نصحني فيها شقران ) صار إرسالي أقوى.
بالتوفيق
HZ1FA
22/01/2006, 01:49 PM
هلا بك أخوي الكشميري..

ركب الأصلي سواء Rg58 أو Rg8 لأن المسافة لا تزيد عن 4 أمتار فما يفرق كثير بين الاثنين.. صح لو كانت المسافة كبيرة 10-15-20 متر صح أقول لك خذ بلدن Rg8 لأن الفقد (Loss) قليل في الـ RG8 ولا يبين الفقد إلا في مسافة أطول من كذا، لكن ما دامت المسافة قصيرة فخذ لك قاعدة أصلية مع كيبل شد بلد وريّح بالك، لأن الأصلي الشيلد فيه ممتاز والنحاس نقي..

هذا رأيي واللي أنا أعمل به الآن والقرار لك يالغالي،،
http://www.mekshat.com/pix/upload/images13/mk7746_mekshat.jpg



لا حظ إن الموديل رقم 8259 والموديل رقم 8262 هذولا للـRG58 (الصغير) وشف الفقد في 100 قدم 5.4 دي بي
ولا حظ إن الموديل رقم 9913 والموديل رقم 9913F7 هذولا للـ RG8 ( الكبير ) وشف الفقد في 100 قدم 1.3 دي بي من قوة الأنتينا

ملا حظة هامة 100 قدم = 30.48 متر !!!!!

يعني في 4 متر وكيبل RG58 تفقد 0.71 دي بي من قوة كسب الأنتينا
أما بكيبل RG8 تفقد في 4 متر : 0.17 دي بي من قوة كسب الأنتينا


أعتقد الفرق واضح الآن..http://mekshat.com/vb/images/smilies/smile.gif




أخوك فهد آل فريان

HZ1FA

0555104030
جنتلـ
22/01/2006, 05:50 PM
الله يعطيكم العافيه اخواني على المساعدة


طيب اخوي الخبير سؤال اخر واسف على الازعاج لكن انا صار لي فترة افكرة في القسام وسالت عنه في اكثر من محل
لكن ماحصلت عندهم ممكن اخوي تقولي من اي محل اقدر اشتريه خصوصا اني من سكان بريدة؟ وايضا هل يجي جاهز ام يحتاج للتفصيل ؟
واذا امكن صورة للقسام او شرح شكله ولا عليك امر.

اما اخوي المطرقة الف شكر لك كلامك صحيح وانا سجلت رقم جوالك ان شاء الله يصير خير.
الخبير
22/01/2006, 07:54 PM
اسم القسام دايموند وتلقه عند دار البوصلة، لكن انا افضل انك تقيس الراجع في جهازك من فترة لفترة عشان يكون ارسالك صح.
صح انه في السوق قسامات اشكال والوان ولكن للاسف تتسبب في فقد الكثير من الإشارة.
صورة القسام عطني يوم ولا اثنين وتبي تلقاها هنا بإذن الله
جنتلـ
22/01/2006, 10:10 PM
مشكور اخوي الخبير
طيب ماتعرف كم سعرها؟

اخوي المطرررقة بسالك عن قاعدة التخريم الاصلية الي تتكلم عنها هل يجي معاها جلب ؟ كم جلبه ؟ واذا امكن السعر
HZ1FA
22/01/2006, 10:24 PM
أخوي الكشميري..

حياك الله وترانا في الخدمة يالغالي..
وقاعدة التخريم يجي معها جلبة تجي فوق التندة..

وبعد إذن مشرفنا الغالي ( الخبير) هذي صورة القسام الأصلي وقد يصل الفقد فيه إلى 0.05 دي بي (قليلة جدا)..
http://www.mekshat.com/pix/upload/images13/mk7746_cx210a.jpg


لمزيد من المعلومات http://www.rfparts.com/diamond/cx210a.html (http://www.rfparts.com/diamond/cx210a.html)






73 للجميع

أخوك فهد آل فريان
HZ1FA
0555104030
جنتلـ
23/01/2006, 11:34 AM
مشكور اخوي المطرقة على التوضيح
طيب ماحصل القطعه نفسها في المحلات ؟ واذا امكن السعر ؟
جنتلـ
25/01/2006, 12:59 PM
اخواني هل تعرفون احد متخصص في التخريم ؟؟

يكون في منطقة القصيم ؟
M.GT
28/01/2006, 01:57 AM
يسلموووووووووووووووووووووو يا غالي على الموضوع الاكثر من رائع والله لا يحرمنا لا منك ولا من جديدك يا رب
ابوخالد
28/01/2006, 11:15 PM
:( تسلمون بس الى خايف يخرم في موتره وش يسوي
وسيارته جمس وده يحط اريلين وبعد معهم لاقط الجارمن وش ريايك يا الخبير حله الله يسلمك :rolleyes: