للتحدي أضغط هنا ؟؟؟ ........................... حله ( صاحب الذئب ) .. الحل ( النخله )

[غزال الصمد]

أنشدك عن عذراء لها شان في السابق ..
توصف بحلاها وجمالها الزين ..
واليوم من فراقها العاشق...
يصيح ويبكي عليها بدمع العين .

[أميرالعشاق]

صح لسانك..والجواب واضح من التوقيع/الغزال:)صح؟؟

[الحناوي]

صح لسانك ملايين ياخوي الغالي /غزال الصمد،،،

مبدع ماشاء الله،،،

ايييييييييييييييه ،ياكثر الاشياء الحلوة اللي فقدناها،،،

لنا عودة

[صياد العقير.]

صح لسانك وجواب الغزال

[صاحب الذئب]

صح لسانك ياالغالي
ماهي
ايام الطفوله والبراءه
او ايام الشباب والهجوله

[غزال الصمد]

صح لسانك..والجواب واضح من التوقيع/الغزال:)صح؟؟



الأخ الغالي/ امير العشاق / للأسف الحل غلط حاول مره آخرى وشكرا

[غزال الصمد]

صح لسانك ياالغالي
ماهي
ايام الطفوله والبراءه
او ايام الشباب والهجوله
الأخ الغالي/ صاحب الذئب / للأسف الحل غلط حاول مره آخرى وشكرا

[غزال الصمد]

صح لسانك وجواب الغزال
الأخ الغالي/ صياد / للأسف الحل غلط حاول مره آخرى وشكرا

[إلقناصه]

صح لسانك
غزال الصمد
نقول المعشوقه ايًن كانت او مصر او العراق

[غزال الصمد]

صح لسانك
غزال الصمد
نقول المعشوقه ايًن كانت او مصر او العراق
الأخت الغالية / القناصة / للأسف الحل غلط حاولي مره آخرى وشكرا

[عساف الضاري]

صح لسانك اخوي
وش رايك بالاندلس

[غزال الصمد]

صح لسانك اخوي
وش رايك بالاندلس

الأخ الغالي/ عساف/ للأسف الحل غلط حاول مره آخرى وشكرا

[صاحب الذئب]

طيب ياطويل العمر نقول
صلة الرحم

[قناص الوهط]

صح لسانك
وش رايك في الربابة

[غزال الصمد]

طيب ياطويل العمر نقول
صلة الرحم
الأخ الغالي/ صاحب الذئب/ للأسف الحل غلط حاول مره آخرى وشكرا
ورمعاتكم ياشباب أغلبها بعيدة بالحيل- والغبوة ماهي دينية
وشكككككككككككككككككككرا

[صاحب الذئب]

طيب نقول
ماهي الجمعه بين الجيران ونحن نسميها الشبه وهي التجمع على القهوه كل ليله عند واحد
او
المعاميل واغراضها
من دله او محماس او ..........الخ

[مواطن]

نقول فلسطين

[إلقناصه]

طيب نقول ددسن عراوي او الالعاب الشعبيه مثل الحبشه وعظيم ساري

[غزال الصمد]

نقول فلسطين
الأخ الغالي/ مواطن/ للأسف الحل غلط حاول مره آخرى وشكرا
رمعتك مررره بعيده ...

[غزال الصمد]

طيب نقول
ماهي الجمعه بين الجيران ونحن نسميها الشبه وهي التجمع على القهوه كل ليله عند واحد
او
المعاميل واغراضها
من دله او محماس او ..........الخ
الأخ الغالي/ صاحب الذئب/ للأسف الحل غلط حاول مره آخرى وشكرا
رمعتك مررره بعيده ...

[غزال الصمد]

طيب نقول ددسن عراوي او الالعاب الشعبيه مثل الحبشه وعظيم ساري
الأخت الغالية/ القناصة/ للأسف الحل غلط حاولي مره آخرى وشكرا
رمعتك مررره بعيده ...

[إلقناصه]

طيب نقول الحبارى

[نافع المظيبري]

صح لسانك

انا اقول الخيل

[الحناوي]

طيب ياطيب،،

ممكن نقول "سنوات الشباب" احم احم!

[ناصر العلي]

سلمت أخي غزال الصمد
ماتصير إحدى السيارات القديمة وأنقطع نوعها أو توقف إستيرادها
مثل
الكراون

[الكنور]

صح لسانك اخوى غزال ولغزك جميل وياليت تضيف بيت زياده ليتضح المطلوب بالتحديد

تحياتى

[غزال الصمد]

الأخوة الأعزاء/ للأسف مالكم لوا_ للتوضيح أكثر
لاتروح مرامعكم بعيدة/ خلوكم حول نوع من انواع النباتات
وشككككككككككككككككككرا

[ناصر العلي]

سلمت أخي غزال الصمد
ويش قولك بـ
الخيزران
أو
البان

[تلاقيط]

الله يعافيك وتسلم طال عمرك
واسمحلي اقول رمعتين
اجل الله واعلم انه شجرة الموز او نقول غصن الموز
او نبات الريحان

[إلقناصه]

اذا ماحلوه الاخوان
نقول نبتة الشيح
او الزبيدي (الفقع)

[صاحب الذئب]

مدام نبات
نقول
نبات ست االحسن
او
نبات السعد

[قناص الوهط]

نقول الخزامى

[غزال الصمد]

الأخوة الأعزاء/ للأسف مالكم لوا

[نافع المظيبري]

غزال ماهي الوردة

وانتهت محاولاتي

[ناصر العلي]

محاولة أخرى يالغالي
ماتصير
شجرة
الأثل
أو
الطرفا

[صاحب الذئب]

طيب
نقول
النخله

[الحناوي]

طيب ياطيب ،،،

ممكن القحويانة أو الاقحوانه

[غزال الصمد]

الأخوة الأعزاء/ أشكركم جميعا على تفاعلكم معي في حل هالغبوة/
الأخ الغالي/ صـاحب الذئــب/ بيض الله وجهك / وصح بدنك، نعم الحل هو النخلة
ولكم مني جزيل الشكر والتقدير

[صاحب الذئب]

الأخوة الأعزاء/ أشكركم جميعا على تفاعلكم معي في حل هالغبوة/

الأخ الغالي/ صـاحب الذئــب/ بيض الله وجهك / وصح بدنك، نعم الحل هو النخلة
ولكم مني جزيل الشكر والتقدير

حياك الله ياغزال الصمد
الحمدالله انني كسبت التحدي
الله يرفع قدرك ياالغالي ويحفظك

[القناص سالم]

اللغز محلول سابقا بمنتدي اخر

اتمنى وضع امام لغز منقول حسب نظام وشروط الالغاز

[صاحب الذئب]

اللغز محلول سابقا بمنتدي اخر

اتمنى وضع امام لغز منقول حسب نظام وشروط الالغاز
حياك الله ياالقناص
تصدق بالله ولا لا
والله العظيم انني لم اطلع على اي حل من قوقل حليته بنفسي
وبعدين بحثت مثل ماتفضلت ولقيت نفس اللغز بثلاث مواقع كلها بنفس المعرف لاخونا غزال الصمد وبنفس اليوم منزلها بجميع المواقع وحتى لم يحل اللغز الا هنا في مكشات
يعني الذي انته تقصد لغز اخر وراجع البحث على مااعتقد