استفسار عن الدهناء والصمان

[رااعي الوكري]

سلام عليكم

كيف لحال

ياربع انا بطلع ان شاء الله ثاني ايام العيد

يم الدهناء وعلى ماقالو الاخوان اني متحمس شوي :D لاكن عندنا مراح ثاني بعد عيد الاضحى

ياربع الي يعرف الاماكن الزينه في الدهناء والصمان لا يبخل علينا

انا بقنص في العروق الدهناء وفياض الصمان الي يعرف العروق الزينه او الفياض الي يتوفر فيها الصيد لا يبخل علينا


وبيض الله وجيهكم

وشكراً

[حامد الحنيني]

وعليكم السلام ورحمة الله وبركاته
اخوي وش تبي تقنص؟؟؟ الحبارى
ومافيه باقي لها بقمرى شهر 11 هجري
وانت بأول شهر عشره تبي تطلع يعني ما فيه
قمرى عبور ..

وانت بكيفك ويفيدونك الاخوان بالمواقع
الله يرزقك بالصيد هالسنه
تحياتي لك.

[راعي انذار]

السلام عليكم
لا تتعب نفسك مابه عبور

[طير الهقاوي]

وعليكم السلام ورحمة الله وبركاته
مستعجل شوي عليك مستعجل
الدهناء محميه ونتبه لاتروح مابين هاته ووده
واما الصمان عندي لك مكان ان شاء الله انه بيعجبك
خلك على حد الصمان من الدبدبه حج وحاجه
اما صيده او شبكة طير
تحياتي لك

[ابوبندر2012]

روح وسع صدرك اي مكان يعجبك ;)

[الكاظم1]

السلام
الصمان احسن شي الفياض جنوب ام قليب خمسه وعشرون كم ويكشر فيها السدر وهي فياض الحاصبيات ثلاث والسبق وم غار وموجوده بالقارمن اما الدهنا لايوجد فيها سوى مزرعة ام سوس شمال الدهناء تبعد سبعين كيلو شرق المزاين والطيور توافق10/10/1432 وعليك بم عشر غرب القاعده والسلام

[رااعي الوكري]

الله لايهينك وبيض الله وجيهكم

[راعي - عديم]

مثل ماتفضل اخوي طير الهقاوي
الدهناء محميه اما الصمان مافيه
الافياض سدر مابها الا الظلال
اجلها لعيد ضحيه
وتقبل مروري

[راعي غضبان]

ماقصرو الشباب افادوك والله يوفققك