ســـــالفتنـــــا مــــــــع عمي والجــــرابيــــــــــع عام 1394

[راعي العجراء]

السلام علاكم ورحمة الله وبركاته
راعي العجراء يحييكم وينقل لكم تحياتي العمه منيفه
اليكم هذه السالفه عمرها مدري كم بس الوكاد عام 1394 احسبوها انت مانيب فاضي ابكتب سالفتي
كنا ساكنين الرياض ذلك الوقت وجونا ضيوف من خارج الرياض والبيت صغير مايشل ضيوفنا خاصه وقت النوم مما نضطر الخروج بالشباب الى البر مع عمي الشايب رحمه الله
وهو ليس من سكان الرياض ولكن يطع معنا مثل ماقالوا يفطن لنا يوميا وكنت انا السواق
للدقسن موديل 70 او 71 اللي وجهه نيكل ماهي اللي وجه اسود وخشته بالارض اللي لامشت تماسح الارض المهم كنا ننام على طريق صلبوخ حول ضهرة عرقه ولانام الشايب شغلت السياره وركبت المبزره وقمنا نجربع ولكن الارض وعره فوق ضلع ولافيها جرابيع
يوم يومين مانلقى شي واذا لقينا مقدرنا نصيده ونرجع للفرش وننام والعم مايدري
وفي اليوم الثالث طلعنا على العاده لنفس المكان وندور جرابيع وماشفنا شي قلت للربع الجرابيع ماهي هنا الجرابيع بالمعيزله اللي هي الحين استاذ الملك فهد بوسطها قالوا نروح يمها تدلها قلت ايه قالو نروح يمها وعمنا نتركه نايم ونرجع له قلت لا بعيده المعيزيله لازم اننا ناخذه معنا اخاف يصحاء ويدور علينا
قالوا طيب وشلون قلت انا خلوه علي انا اصحيه وناخذه معنا وانا اروح لمه وقاول ياعم ياعم قال هه وش فيه قلت الاض كلها سكارى يمرون من عندنا بالسياره بغوا يتوطونا وحنا نايمين بس فكنا الله قم نبي نغير المكان هو سمع قول سكارى ولا يرده الامرتبة الدقسن
وانا ادق سلف وللمعيزيله وصلنا المعيزيله اللي كلها رمل وننزل فرشنا نبي ننام والساعه تقريبا وحده ومن وصلنا ونزلنا منام الشايب وهو يحط راسه وينام وندق سلف ونروح نجربع وهو بفراشه نائم قعدنا ندور حتى الساعه ثلاث الفجر قلنا يالله نرجع للعم يوم بغينا العم وفرشنا والله ماندري وين اختفى ويسار ويمين وتحت فوق ماعندك احد المهم دخلنا الخوف اننا نضيع مكانه ونبلش بالعم ويزعل ابوي لو يدري ان يمصع اذاني ويعطينياها بيدي
وصندوق الدقسن فيه عشره وغادين والوقت صيف ولا فيه سيارات واجد ذاك الحين
المهم البنزين طرف والعم مالقيناه وخذ يامشاوير ويوم الله اراد ونطب بذاك الدركال او خطوط قلابيات ونغرز ذيك التغريزه اللي يحبها قلبك قالت القسن هذا مكاني المهم طلع النور وحنا نحفر وندفن الواحد منا تقول حفار قبور ماتشوف عينه الا اذا اغضا تدري ان له عين
يوم طلع النور الا وعمي نشوفه يبعد عنا يمكن نصف كيلوا قلنا جاب الله عمنا عندنا ونفرح
بس الدقسن ماهي باغية المرواح رحنا وخلينا السياره تعبانين ويوم وصلنا لعمي الا وهو صاحي ويتلفت يدورنا يبنا ندخل والمصيبه عمي راعي قهوه مايصبر عنها ساعه وهذا موعد قهوته يوم انهبل وخذ ياهوش علينا قال وين الدقسن قلنا هناك مغرزه وهو يروح معنا للدتسن ونحاول من جديد مافيه فايده يوم اخذنا شوي الا ونشوفدخنة شكمان شيول من اللي يحملون القلابيات رمل ولكن في وسط حفره مانشوفه ماغار دخان الشكمان وهو يروح عمي له حوالي كيلوين او ازود والشمس بدت تحتر اخذ نا اشوي الا يوم جاء عمي مع الشيول وهو يمسح الارض بالبكت ويدخل البكن تحت وجه الدقسن ويدفنا مامعه حبل
وحنا نطلع من الغراز ولا يردنا الاالبيت ويعلم ابوي بالسالفهبس مايدري انه علشان الجرابيع
اشكركم على سعة صدوركم مع طول السالفه
وان شالله اعجبتكم
بس علموني اذا اعجبتكم ابعطيكم سالفه الدتسن والعرس
نفس العام او قبل ذلك

[رفيع المقآم]

ههههههههههههههههههههههههههههه

سبحان الله مقومينه ورايحين لتغريزتكم خخخخخخخخخخخخخخخخ

تسلم يمينك ياشايبنا هههههههههههههههههههههههه

والله يبارك فيك

[ذيب شمر2]

اتشرف ان اكون انا اول شخص يرد على موضوعك الشيق من حيث الطرح ويعطيك العافيه ...

[وردة النفل]

:pههههههههه:p حمد لله عدت على خير
سالفه ممتعه وفيها مغامره :p
يعافيك ربي راعي العجراء

[تلميذ]

عطنا سالفه الددسن والعرس والا ماحن بقالين راينا



















غيرت رايي بعد ردود الشباب
قصه روعه
وياحليل الشايب طايحين عليه نصب
رحمه الله واسكنه فسيح جناته

[راعي العجراء]

ههههههههههههههههههههههههههههه

سبحان الله مقومينه ورايحين لتغريزتكم خخخخخخخخخخخخخخخخ

تسلم يمينك ياشايبنا هههههههههههههههههههههههه

والله يبارك فيك

الله يحقق منوتك ياراع الشاص
يازين حضورك الله يحفظك يوسع الصدر

[هبوب العارض]

ههههههههههههههههههههههههههه
سالفه ممتعه ياشايبنا الله يطول في عمرك
واسلوب جذاب تقبل مروري

[راعي العجراء]

اتشرف ان اكون انا اول شخص يرد على موضوعك الشيق من حيث الطرح ويعطيك العافيه ...


هلابك ياذيب شمر وكفو
والشيق حضورك الله يطول بعمرك على الطاعه
تسلم يالغالي

[راعي العجراء]

:pههههههههه:p حمد لله عدت على خير

سالفه ممتعه وفيها مغامره :p

يعافيك ربي راعي العجراء


هلا وغلا بالنفل كله
والمتعه في حضورك لاعدمنا هذا الحضور وصاحبة الحضور
والله يعافيك ويبقيك

[مخاوي دابذريع]

الله يعافيك على هالسولافه وخيي راعي العجرى بس ماقلت لي ماتبي لك شلفى وسلمني على المنيفه الي ماينقطع ذكرها .......

[راعي العجراء]

عطنا سالفه الددسن والعرس والا ماحن بقالين راينا





















غيرت رايي بعد ردود الشباب
قصه روعه
وياحليل الشايب طايحين عليه نصب

رحمه الله واسكنه فسيح جناته


تلميذ لا والله انا التلميذ وانت معلمي
انا من المعجبين في اسلوبك عند الرد والمشاركه بالمواضع
الله لايخلينا منك ومن حضورك وردودك
وابشر بسالفة الدقسن والعرس
بس خلها بوقتها
بس انا سجلتها حتى ما انساها
اذا طلبتوها مني

[النبهاني]

وعليكم السلام ورحمة الله وبركاته
ارررررررررررحب
هلا وغلا ومية مسهلا براعي العجراء وعمته والسوالف كلها
هلا بملهلب الخيمه
بس يوم يحط اذانك بيدك عقب المصع ليه
قريت السالفه يوم قضيت قعد اتجرر
ومن القراده اني قريته قبل الصلاة الله لايواخذن
الله يديمك ويوسع صدرك ويخليك لنا يابناخي منيفه

[صميدع]

قصه مافيها من التشويق اي شي عاديه جدا ومافيها اي حدث العالم كلها تجربع وتغرز وين الاثاره انا والله كنت متحمس احسب بيكون في القصه احداث مثيره بس انصدمت من قصتك الباااااااااارده

[مخاوي دابذريع]

^^^^^

بعض العرب ماودك انها تعلق !!

[راعي العجراء]

ههههههههههههههههههههههههههه
سالفه ممتعه ياشايبنا الله يطول في عمرك
واسلوب جذاب تقبل مروري

هلابك ياهبوب العارض
تشرفت بحضورك
بارك الله فيك

[راعي العجراء]

الله يعافيك على هالسولافه وخيي راعي العجرى بس ماقلت لي ماتبي لك شلفى وسلمني على المنيفه الي ماينقطع ذكرها .......

هلابك يامخاوي دابذريع
الله يعافيك يااخي الغالي
حضورك وسام على صدري
والشلفى بهالوقت ماتنفع عمتي منيفه معها رشاش ومسدس 9 متر

[راعي العجراء]

وعليكم السلام ورحمة الله وبركاته

ارررررررررررحب
هلا وغلا ومية مسهلا براعي العجراء وعمته والسوالف كلها
هلا بملهلب الخيمه
بس يوم يحط اذانك بيدك عقب المصع ليه
قريت السالفه يوم قضيت قعد اتجرر
ومن القراده اني قريته قبل الصلاة الله لايواخذن
الله يديمك ويوسع صدرك ويخليك لنا يابناخي منيفه


هلابك يالنبهاني
حضورك شرف كبير لي وكلماتك دافع كبير للكتابه بكل المواضيع ليس قط
على السوالف
اشكرك على لطافتك وسعة صدرك
حفظك الله يااخي الغالي

[رفيع المقآم]

قصه مافيها من التشويق اي شي عاديه جدا ومافيها اي حدث العالم كلها تجربع وتغرز وين الاثاره انا والله كنت متحمس احسب بيكون في القصه احداث مثيره بس انصدمت من قصتك الباااااااااارده



معليش اخوي راعي العجرا

انا برد عنك لاهنت

بقول للرجال

بعض العرب لافارقك كنه المي
وبعض العرب كنه غبار تهفه

ودك يطول في غيبته لوه شوي
وترتاح في غيبته ومنه فكه

معليش اخوي اذا ماعجبتك القصه اطلع من دون رد

يعني فارق

[راعي العجراء]

قصه مافيها من التشويق اي شي عاديه جدا ومافيها اي حدث العالم كلها تجربع وتغرز وين الاثاره انا والله كنت متحمس احسب بيكون في القصه احداث مثيره بس انصدمت من قصتك الباااااااااارده

هلابك يااخي الغالي الصميدع
تعجبني صراحتك وانا ياخوك مجتهد
ولايلام المرء بعد اجتهاده
وانا اعرف ان ماكل بيضه شحمه
والاستمرار على النجاح في كل شي من سابع المستحيلات لابد مره تصيب ومره تخيب
فالمعذره منك ومن الاخوان ان كانت سالفتي هذه خابت فالمرات القادمه تكون افضل
باذن الله
اهم شي استمرارك معنا واعطانا من سواليفك فانا احب ان اسمع منك
فلا تبطي علينا
شاكر افضالك يااخي الفاضل

[صميدع]

معليش اخوي راعي العجرا

انا برد عنك لاهنت

بقول للرجال

بعض العرب لافارقك كنه المي
وبعض العرب كنه غبار تهفه

ودك يطول في غيبته لوه شوي
وترتاح في غيبته ومنه فكه

معليش اخوي اذا ماعجبتك القصه اطلع من دون رد

يعني فارق


انا قلت رئيي في القصه بكل صراحه وش الي مزعلك يعني تبيني اكذب واقول يا الله وش ها القصه الرهيبه والمغامرات الي صارت فيها عشان ارضيكم
المثل يقول ( صديقك من صدقك وليس من صدقك ) بتشديد الدال
انا متأكد انك انت بعد تشوف القصه عاديه جدا ولا فيها شي مثير بس لابد من المجامله الي مالها اي داعي خلك صريح عشان اخونا المرات القادمه يقدم لنا قصص افضل بأحداثها وبطريقة السرد

:good::good::good::good::good::good:

[راعي العجراء]

^^^^^

بعض العرب ماودك انها تعلق !!

بالعكس يااخي هذا رائه وانا احترم ذالك الرأي

[راعي العجراء]

معليش اخوي راعي العجرا

انا برد عنك لاهنت

بقول للرجال

بعض العرب لافارقك كنه المي
وبعض العرب كنه غبار تهفه

ودك يطول في غيبته لوه شوي
وترتاح في غيبته ومنه فكه

معليش اخوي اذا ماعجبتك القصه اطلع من دون رد

يعني فارق

معاليش يااخي الفاضل الدنيا يبي لها صبر وسعة صدرك لاتستعجل بالرد
قد يكون لديه سوالف افضل من ذلك

[ABU HAIBAH]

صح لسانك ياراع العجراء عساك ماتضرب فيها يابو شنب

[محمد الظاهري]

الله الله عليك يا راعي العجراء
يشدني الاعجاااب في طريقت سردك الرائع
هاذا مكاان او ما يكون الاعجااب لابد لئن شخص
تعشق الابدااع او الابداااع يعشك
واضحك الله سنك مشتهي الجراابيع
لا اعرف بمااذا اقول
لكن اسئل الله ان يوفقك
واشكرك على حسن التعاامل من بعض الردود
وهاذا ما يدل على طيبتك ياغالي
الله لا يحرمنا منك وسلم على نيوفه
تحيااتي
محبك

[ابو صفوق]

المعيزيله والله انك حبيب وين هاك الايام ياغالي الحين تاصل القصيم عشان تلاقي جربوع ما انوكل من كثر المسلمين اللهم زد وبارك
اشكرك ذكرتني بما مضى
ابو صفوق الثنيان

[النبهاني]

انا قلت رئيي في القصه بكل صراحه وش الي مزعلك يعني تبيني اكذب واقول يا الله وش ها القصه الرهيبه والمغامرات الي صارت فيها عشان ارضيكم
المثل يقول ( صديقك من صدقك وليس من صدقك ) بتشديد الدال
انا متأكد انك انت بعد تشوف القصه عاديه جدا ولا فيها شي مثير بس لابد من المجامله الي مالها اي داعي خلك صريح عشان اخونا المرات القادمه يقدم لنا قصص افضل بأحداثها وبطريقة السرد

:good::good::good::good::good::good:

اسمح لي صاحب الموضوع اخي راعي العجراء واسمحولي ياخواني
اخ صميدع انت اخطات على الجميع
اولا : اما انك لم تفهم الموضوع او ان الاخوه الذين ردو عليه كلهم لم يفهموه والاخير مستحيل
ثانيا : الاخوه الذين ردو على الموضوع كلهم يجاملون بعد هذا مستحيل
ثالثا : لنفرض ان هذا الموضوع لراعي العجراء كما تدعي وانه غير مواضيعه الاخرى فلن يكون هذا ردك ومستحيل يكون هذا ردك
اذن انت اخطأت واتضح لك هذا
ننتظر ردك ياصميدع ياشجاع

[رفيع المقآم]

انا قلت رئيي في القصه بكل صراحه وش الي مزعلك يعني تبيني اكذب واقول يا الله وش ها القصه الرهيبه والمغامرات الي صارت فيها عشان ارضيكم
المثل يقول ( صديقك من صدقك وليس من صدقك ) بتشديد الدال
انا متأكد انك انت بعد تشوف القصه عاديه جدا ولا فيها شي مثير بس لابد من المجامله الي مالها اي داعي خلك صريح عشان اخونا المرات القادمه يقدم لنا قصص افضل بأحداثها وبطريقة السرد

:good::good::good::good::good::good:


يابعد تسبدي ياصميدع

تسانها مو معجبتك فصدقت المقوله مايعجبه العجب ولا الصيام برجب

هذا اولا ثانيا اذا كنت تنقد اخينا الغالي راعي العجراء فانقده نقد بناء وهادف لاهدام

ووالله العلي العظيم انا اعجبتني وضحكت واستاسع صدري اذا انت ضيق هذي مشكلتك يابعدهم

يعني انا مافهم واجامل طيب الموضوع برابع ساعه له وصل صفحتين هذا ان دل دل على طيب السالفه

واخر حاجه ان تسانك مش ولا بد بتنقد بهالطريقه ياخي في رسائل خاصه

واشهد بالله ان اخونا راعي العجراء وسيع صدر وطويل بال ولا تسان تقاضبتو الشوش ههههههههه >> يبيلها قاموس لحاله

[ابو ماجد 2]

صح لسانك ياراع العجراء
لك اسلوب بالسرد شيّق الله يزيدك
اثرك شقي وانا اقول ليش اذانك طوال اثرهن من تمصيع المرحوم

[ابو ماجد 2]

الاخوة الافاضل
انا صحيح مالي بالقصص الا زيارات خفيفه
وانتم كثر خيركم بالدفاع عن راع العجراء
وراع العجراء انا اعرفه يدرك تماما انه مستحيل في قصة او في موضوع ان يرضي الجميع
فأنا قد ارى الموضوع من زاويه والآخر قد يراه من زاويه اخرى
لذلك مكامن الجمال بالقصه تختلف من شخص لآخر
واخونا صميدع ابدى مايراه في هذه القصه وانا متأكد ان رايه سيكون على النقيض في قصص اخرى لراع العجراء
ماعليش اخواني الافاضل كان الهدف من مداخلتي من شان ماياخذ الموضوع اكثر من حجمه
والعذر منكم ان كنت تطفلت

[حمد69]

وعليكم السلام ورحمة الله وبركاته
أسعد الله صباحك بالخير ياراعي العجراء وكل من مر على موضوعك إلي يسر الخاطر ... والله يحيي عمتنا منيفة وعساها عالقوة
وكل يوم يزيد عدد المعجبين بسواليفها الزينة ..كل هذا العدد في هذا الوقت القياسي.. أخاف الشركات بعد هذه الشهرة تتسابق عليها لجل الإعلانات هههه

أعجبتني هذه المقاطع المضحكة كان عندي اربع ضريسات وبقى 3 :D من الضخك هههه
سمع قول سكارى ولا يرده الامرتبة الدقسن هههههه...


.... وحنا نحفر وندفن الواحد منا تقول حفار قبور ماتشوف عينه الا اذا اغضا تدري ان له عين ...
إلا ذكرتني بسالفة الدقسن كان عندنا واحد ولما يكون اخوي ما موجود أسرقه وخذ لف وحواسة المكان بارح مو مثل اليوم ما تعرف رجلك وين تخلها المهم عندنا قدام البيت مظلة له عشان يتظلل بها من الشمس ولما جات ساعة الفضيحة وانا اتفشر قدام بعض الناس عندنا بالبيت حتى يقولون حمد شاطر بالسواقة وخبير لا يشق له غبار .. وانا يا دوب الحق دواسة البنزين برجيلاتي:p ورويسي طالع من الطابلون صغيّر.. إلا واجيك داخل عرض بالمسكين تحت المظلة واصدم العمود وانسف المظلة فوق راسه ويا الله يا فضيحة ببلاش .. وشردة:burnout2: وراها قشر ظهر .. والسموحة طولت عليكم..
وتعجبني طولة البال .. وطولة البال سر النجاح والناس أذواق ولا بد من النقد لأن النقد يؤدي إلى الأبداع..
وننتظر بشوق عارم قصة الددسن والعرس
وحياك الله تقبل تحيات اخوك بوحميد.

[ابو الشبرميات]

راعي العجراء
انا احسبك ما خذ العجراء للمطاق والغثا
واثرك شويّبٍ طايحةٍ سنيناته ما خذها تعكّز عليها
يالله حسن الخاتمة وانا اخوك
سلملي على خطيبة النبهاني
وترانا حجزنا لهم الخيام والذبايح للعرس
همتكم ياشباب نبي النبهاني يزود عوالها لدرزن بدال السبعة
تقبل مروري
وبانتظار روائعك الادبية
,,,

[الدافور 1430]

سمع قول سكارى ولا يرده الامرتبة الدقسن
.... وحنا نحفر وندفن الواحد منا تقول حفار قبور ماتشوف عينه الا اذا اغضا تدري ان له عين ...


هههههههههههههه
صح لسانك ياراع العجراء
لك اسلوب بالسرد شيّق الله يسعدك

[ابومحمد50]

ههههههههههههههههههههههه سالفة ممتعة بارك الله فيك ,,,

[راعي العجراء]

السلام عليكم ورحمه الله وبركاته
اشكركم على تواجدكم وحسن ردوكم
التي تثلج الصدر
والحمدلله ان السالفه لم يستعيبها الا شخص واحد
من المجموعه وقد يكون هناك اشخاص لم تعجبهم ولكن لم يكتبون حرف واحد
كذلك قد يكون اشخاص اعجبتهم السالفه ولم يكتبون حرف واحد
والصميدع قال الصراحه والصراحه يااخون زينه وقد يكون اول مره يدخل خيمة السوالف الشعبيه
وصار دخوله على هذه السالفه ولم تعجبه وبدا رائيه
وانا احترم هذا الرأي
والله يعطيكم العافيه والقادم احلا

[راعي وضحى]

بيض الله وجهك على السالفة

[دواك عندي]

انا استغرب من الأخوان اللي نقزو بحلق الأخ صميدع علشانه قال رايه بصراحه
وهالشي مايعتبر اهانه لصاحب الموضوع حتى انا صاحب القصه تقبل رأي الأخ برحابة صدر

[محمد الدوسري ٢٠٥]

عافاك الله على اختيار القصه الشيقه

[Al3rands]

هههههههههههه وش قصتك مع الجرابيع

[فارس الحربي1]

الله اللحين المعيزيله فل عالم
رحتلها ذاك اليوم اسلم على عمي

[سليمان الربيعان]

ههههههههههههههههه احمد ربك ما ضيعت عمك وانك غرزت بعيد عنه كان تصير مدفون
ونتظر جديدك من الابداع والتميز...
تقبل تحياتي...