ثــــــــلاجــــــــــــــــــــــــــــــــــــــ ة الــــطـــمــــــره [الأرشيف]

نديم الخيال

25/08/2011, 01:18 AM

اخواني انا ناوي اخذ ثلاجة الطمره 40 لتر او 30
اتمنى تفيدوني وش افضل الانواع عنده وكيف استخدامها
واذا احد عنده مستعمله ونظيفه مابعد دخلت صيانه ويضمنها انا شراي

واللي يعرف احداثيات موقع الطمره بالغرابي اكون له ممنون

عااشق الدهناء

25/08/2011, 01:55 AM

اخوي من واقع بحث عن افضل ثلاجة لاني قبل اسبوع ما كنت املك وحده

اتضح لي من آراء الأخوان ان ثلاجة الطمرة تعد من افضل الثلاجات ولكن يعيبها شي واحد بس انها ما تحتفظ بالبرودة بعد ما تطفي الثلاجة لوقت طويل وبالنسبة لي انا اعد هذا اهم شي بالثلاجة انها تحتفظ بالبرودة بعد الاغلاق لكن ممكن فيه ناس تقولك انا مركب بطاريتين ولا يهمني خلها تشتغل ما راح اطفيها

المعذره اني دخلت عرض في الموضوع لكن حبيت افيدك عن السبليه اللي موجوده في الطمره

تحياتي

نديم الخيال

25/08/2011, 02:59 AM

اخوي من واقع بحث عن افضل ثلاجة لاني قبل اسبوع ما كنت املك وحده

اتضح لي من آراء الأخوان ان ثلاجة الطمرة تعد من افضل الثلاجات ولكن يعيبها شي واحد بس انها ما تحتفظ بالبرودة بعد ما تطفي الثلاجة لوقت طويل وبالنسبة لي انا اعد هذا اهم شي بالثلاجة انها تحتفظ بالبرودة بعد الاغلاق لكن ممكن فيه ناس تقولك انا مركب بطاريتين ولا يهمني خلها تشتغل ما راح اطفيها

المعذره اني دخلت عرض في الموضوع لكن حبيت افيدك عن السبليه اللي موجوده في الطمره

تحياتي

والله ونا اخوك انا عاجبتني ثلاجة الرميح مررره لكن انا ابي مقاس 40 الى 30 ولاحصلت عندهم شي اصغر مقاس 50
علمنا وش اخبارها معك وهل ضهر لها عيوب

عااشق الدهناء

26/08/2011, 03:09 AM

والله ونا اخوك انا عاجبتني ثلاجة الرميح مررره لكن انا ابي مقاس 40 الى 30 ولاحصلت عندهم شي اصغر مقاس 50
علمنا وش اخبارها معك وهل ضهر لها عيوب

:D <<< والله وصرت مشهور انك شريت ثلاجه

والله يا الغالي ما شفت ولله الحمد منها شي ويمكن انت قريت الموضوع اللي انا كاتبه وصدقني ما ندم من استخار وما خاب من استشار وانا استشرت ناس خبره بالثلاجات ورشحوا لي الرميح مع اني كنت ناوي ياالثميري يا الرماية وكاتب موضوع بها الخصوص لكن الاستشاره راحت للرميح

وبعدين اخوي شف في احد الردود على احد الاخوان وضعت مقاسات الثلاجة بالكامل ومن خلال مشاهدتي لثلاجة الثميري والرماية الـ 40 لتر ما اشوف انها تفرق واجد عن الـ 50لتر الرميح وترى الرميح فيها ميزة صغر الحجم

والله يكتب لك اللي فيه الصالح وتوفق بثلاجة وصيد يبرد خاطرك .. تحياتي

قناص حائل..

26/08/2011, 03:17 AM

اخواني المكشاتية اسعد الله اوقاتكم وكل عام وانتم بخير

والله انا صارلي مدة وانا ادور ثلاجة واكثر الناس تمدح الطمرة وانجل

واشوف اخوي عاشق الدهنا يمدح الرميح كم سعرها الـ 50 لتر
ولو بغيتها وين احصلها او منهو وكيلها ببريده

اتمنى اخواني تفدوني وجزاكم الله خير