هدد 94 وبعض المشاكل الميكانيكيه

[Messerschmitt]

السلام عليكم ورحمة الله وبركاته

اخواني واخواتي اعضاء هذا المنتدى الكريم

عندي لاندكروزر هدد موديله 94 ويعاني من مشكلتين وهي :

1- ارتفاع حرارة المحرك عند تشغيل المكيف ( توصل للنص ) مع ان الراديتر جديد ونظيف

ومعبيه موية تويوتا الاصليه.

2- احس بنتعات خفيفه جداً عند المشي ببطئ ويكتم بشكل خفيف واذا وصل الكمبرشن (RPM)

للـ 3 يصفي الموتر وينطلق. يقول بعض الخبراء ان الكبليتر يبي له وزن هوا مع ان الكبليتر جديد ايضاً.

وش الحل يا اخوان ؟

ومن يعرف ورشه مضبوطه لحل المشكلتين ؟

وجزاكم الله خير .

[S3llo]

بالنسبه للحراره شف غطى الاديتر لا يكون تجاري لانها حصلتلي هالمشكله على في اكس 96 وصارة الحراره على النص وتزود شوي وغير الغطى من الوكاله وضبطت الحراره وركب بلف نيسان تراه زين على هالمواتر

[ابو عاذر]

غير بواجي واسلاكها وغير البلتين واوزن هذا بالنسبة لنتعة ،،،،،،،،،، اما بالنسبة لحرارة اذا كانت ترتفع مع المكيف اولاً شيك على مروحة المكيف وتأكد هل هي تعمل اولا ( ان كانت لا توجد فركب افضل ) ثانياً نفخ الردتير ورديتر المكيف من الخارج بهواء قوي لأزالة الغبار والتراب وبقايا الحشرات ومن ثم بماء تحت ضغط متوسط حتى يتظف .
مع تحيات اخوك ابو عاذر

[Messerschmitt]

حياك اخوي S3llo

كلامك على عيني وراسي , بس المشكله ان الاديتر ما ينقّص, يعني ما شاء الله المويه ما تتبخر.

تعتقد ان الحل هو بتغيير الغطا ؟؟

شاكر لك مرورك وردّك

الله يغنيك ويرزقك من واسع فضله.

مرحبتين يابو عاذر

المشكله ما طلعت لي إلا يو غيرت الكبليتر , الموتر بالكبليتر القديم كان يمشي بدون نتعه

ولا بوه اي خلاف . وبالنسبه للاديتر فهو جديد الحمدلله وما تعلق فيه اي شي . اما بالنسبه لمروحة

المكيف فأنا ما اعتقد ان الدينمو يتحمل .

شرفتنا بردّك يابو عاذر , الله يجزاك خير ويوفقك دنيا واخره.

[Vortech]

اذا الموتر مكيفين ثلاجه... لازم يكون فيه مروحة مكيف... والدينمو يتحمل ما عليك... واذا بغيت خلها على زر عندك... تشغلها وقت النهار الحآآآر.

[Messerschmitt]

اذا الموتر مكيفين ثلاجه... لازم يكون فيه مروحة مكيف... والدينمو يتحمل ما عليك... واذا بغيت خلها على زر عندك... تشغلها وقت النهار الحآآآر.

اخوي , الموتر مكيف واحد والحمدلله شغال زي الحلاوه ويبرّد ما شاء الله تبارك الله

لكن المشكله في حرارة المكينه نفسها . شرفتنا يالغالي واشكرك ن الاعماق على تجاوبك.

تم شراء غطاء راديتر أصلي وسيتم تجربته

كما سيتم بإذن الله زيارة الصناعيه ووزن هواء الكبليتر

وسيتم اطلاعكم على النتائج بإذن الله .

تقبلوا فائق الاحترام والتقدير.

[Messerschmitt]

الحمدلله تم حل مشكلة الحراره وذلك بتغيير غطاء الرديتر

وهذا كله بفضل الله ثم بفضل اخونا S3llo الله يوفقه دنيا وآخره .

باقي الآن النتعه الخفيفه , وأخذت موعد مع احد الميكانيكيين

وان شاء الله راح ازوره بكرى السبت واخليه يشيّك على الكبليتر .

[Vortech]

الحمدلله تم حل مشكلة الحراره وذلك بتغيير غطاء الرديتر




وهذا كله بفضل الله ثم بفضل اخونا S3llo الله يوفقه دنيا وآخره .


باقي الآن النتعه الخفيفه , وأخذت موعد مع احد الميكانيكيين



وان شاء الله راح ازوره بكرى السبت واخليه يشيّك على الكبليتر .


الحمدلله على اصلاح المشكله.....

انا كان قصدي انه اذا الموتر مكيفين وثلاجه ... بتكون فيه مروحه صغيره في وجه الموتر... حتى تنزل من حراره المكينه...

لكن بغيت انشدك... الغطا الاول ربلته كشقوقه ولا خربانه...؟ ولا كانت زينه...؟

في الانتظآر

[Messerschmitt]

هلا بك اخوي فورتك

كلامك على العين والراس , لو ما حليت المشكله كان إلتفت لطريقتك وسويتها

الله يرزقك من واسع فضله.

بالنسبه للغطا الاول ما لاحظت اي شي عليه , الربله متماسكه وجديده

لكن الغطا نفسه صيني وجاي مع الراديتر.

[Messerschmitt]

حياكم الله يا اخوان

تم حل مشكلة الحرارة وذلك باستبدال غطاء الراديتر .

اما النتعه الخفيف فلم يتم اصلاحها , فبعد ان تم فحص الكبليتر تبيّن بأنه

يعمل بشكل جيّد وان الخطأ حسب كلام الخبراء ( الوالد وبعض الجماعه ) قد يكون

من الديلكو او أسلاك البواجي .

عموماً تم تجاهل المشكله لانها بسيطه ولا تسبب اي أذى .

الشكر الجزيل لاخواني

S3llo

ابو عاذر

Vortech

وجميع من قام بزيارة الموضوع .

ملاحظه:

بعض الاخوان الله يهديه يحط موضوع عن مشكلة بسيارته ويذكرها بالمنتدى

وبعدها يتجاهل الموضوع بحيث لا يذكر الورش اللي زارها او تكلفة التصليح

او حتى ما يذكر سبب الخراب والحل.

شاكر لكم ومقدر اهتمامكم .

[وبل نجد]

مشكووووووووووووررررررررررر وماقصرت جعل كل ايامك عيد

لو كل عضو يضع مشكلته ويعلم وش لون صلحها

كان فعلا طلعت خيمة (اعطال السيارات واصلاحها)
اسم على مسمى
لكنها الان صارت خيمة (اعطال السيارت بس)



تقبل مروري

[قناص*07]

بارك الله فيك وفي الاخوان
نعم انا مع اخوي وبل نجد ومؤيد لكلامه

و يا اخوي Messerschmitt (http://www.mekshat.com/vb/member.php?u=206761) ترى الكربريترات التاليه و في السنين الاخيره سار يوردها ابوجميل من الانواع الرديئه جدا جدا
انا اعرف متخصص في الكربريترات شاب سعودي نصوح و امين والله تنه يوضب ويفك كربيرترات مركبه من يوم ويومين ويعيد تجديدها.

القديم لا تفرط فيه وحاول انك تجدده عند واحد متخصص فيها وفاهم شغله عدل