أستشـــارة بخصــوص الفتــك

[برق المملكة]

السلام عليكم ورحمة الله وبركاتة

أخواني أعضاء منتدى مكشات الموضوع وبكل أختصار أنا نويت على فتك من موديل 2005 إلى 2009 فل كامل سوبر سفاري وبصراحة مأعرف شي عن الموديلات هذي وأغلب السيارات الي شريتها لاندكروزر فأبي رأيكم بالسيارة من جميع النواحي مع العلم بأني راعي سفريات يعني تقريبا بالأسبوع من الف إلى الألفين كيلو يعنـي :-

هل السيارة فيها مشاكل مصنعيه؟

التكيف بالسيارة كم تقييمك له من 10/1

رساوة السيارة بالخطوط الطويلة من 10/1

أسعار القطع الأستهلاكية وإذا فيه ذكر بعض الأسعار للقطع

وإذا فيه شي غايب ماذكرته ارجو منكم ذكرة .

أتمنى التفاعل مع موضوعي والرد دون تحيز ولكم مني جزيل الشكر.

[برق المملكة]

يأخوان أكثر من عشر مشاهدات ولا رد وآحد...!

[الفارس 2010]

اخي انا توي مشتري سوبر سفاري فتك 2008مكيفة فوق الممتاز ومع الطريق شيخ وقطع غيارة ارى انها عادية بس تبي رايى خذ سوبر ولا تشاور احد

[جابر1]

مرحبا اخوي برق المملكه

انا فكيته من الوكاله في 2008 ولايزال معاي
الموتر صابونه مع الخط خصوصا بعد130 كم
قومته شوي لك عليها
البودي رهيف مره يعني اي حكه تبين --احس ان صبغه اقل من ربع مل
رساوته على الخط عجيبه
بريكه زفت
محركاته قويه جدا يعني ماهو كثير عطال
صرفيته للبنزين زينه
سعره وكما تعرف يعتبر منافس جدا خصوصا مع اللاندكروزر
هذا اللي اتذكره والله يوفقك

[وارد منصور]

تويوتا 10|10

[sgl2002]

^^^

دعاية واكبر نصبة

[اللهيب ssss]

السلام عليكم معي فتك 2007
ماشاء الله راحه في الخط وقوه في البر
ولم يصادفني مشاكل الى يتكلمون عنها
ماعدا الكتاوت الطرنبه البنزين وركبت
كتاوت لومينا ومعى لي ثلاث سنوات
وماشي 170 الف والمكيف ثلج والحراره اربع
ولاكن بعض الشباب يجعل الموضوع تايوتا او نيسان
امر شخصى لدرجه انه يغار وينزعج اذا احد تكلم على توعيه سيارته
انصح الى معه تايوتا لايستخدم الى هو ومثله الى معه نيسان لايستخدم الى نيسان وبس تحياتي لك

[برق المملكة]

الف الف شكر لكل من تعاون معي ورد على موضوعي .


عيدكم مبارك

[ابرق نثيل]

هل السيارة فيها مشاكل مصنعيه؟

1- السوبر سفاري طلبلون الليزر هناك مشكله بسيطه في عداد التانكي وحلها بسيط ومعروف بالمنتدى (يصلح)
2- يلزم تربيط رمانات العكس اجباري كل 50 الف علشان الرجه (هذا طبيعة الدفرنسات)
3- كتاوت طرمبة البنزين (في الشتاء بعض الاحيان) اذا درجه الحرارة حول الصفر
4- الفرامل تعيش ولكن الموتر نفسه ينسى نفسه شوي مايستوعب الفرمله في قاب او تاخير بسيط:D
5- اديتر الماء ضعيف المونيوم ومرتبط به مبرد الزيت
انا حول مامشيت بوه 100 الف بدلته جديد
6- يجب فك او تلحيم لهات الثلاجه ومعروف حلها
٧- بعد ثلاث سنوات بالضبط سوف ينشعر عليك القزوز بسبب وجود دبة التلوث لانها تحبس حراره وترجع للمكينه

التكيف بالسيارة كم تقييمك له من 10/1
ممتاز مكيفين وثلاجه

رساوة السيارة بالخطوط الطويلة من 10/1
مممتاز

أسعار القطع الأستهلاكية وإذا فيه ذكر بعض الأسعار للقطع

فلتر الهواء 120 ريال
صفايه بنزين 40 او حولها
فلتر زيت 25 ريال
بواجي 240 او حولها وتبدل كل 180 الف حسب استخدامك
زيت القير يبدل كل 80 الف او حولها اقل او اكثر حسب الكرف


وإذا فيه شي غايب ماذكرته ارجو منكم ذكرة .
الموتر شيخ وانا حول مشيت به 180 الف ماغيرت قمشات وباقي بها عمر طويل
ماهو مثل التايوتا كل 25 الف

لي اربع سنين اكرفه كرف الويل مع الحشمه اخوك شايب بس اغير استهلاكيات وماذكر في الفقرات من 1-6
مشاء الله تبارك الله
مشاء الله تبارك الله
مشاء الله تبارك الله
والله يوفقك

[العميد430]

ياهلا وياغلا فيك يابعدي ويامرحبا بك

ماقصروا الاخوان اوفو بالردود والله يعافيهم

طبعا معي فتك 2005 يالله لك الحمد والله يستر عليه مع الخط عسل واريح من التويوتا

ولكن لي عليه ملاحظتين اللي هي

اول شي صرفيه البنزين وخاصه انك تقول راعي سفريات فالتانكين تقريبا 550 كيلو او تزيد شي بسيط

ثاني سعر القطع الاستهلاكيه عاليه شوي مثل فلتر الهواء اخذته قبل فتره 140 الفحمات الاربع 560 تقريبا

ولكن مع الخط الله يستر عليه ماتمل من سواقته

ولكن انصحك يابعدي بصلاة الاستخاره قبل كل شي والله يكتب اللي فيه خيره