المساعد الشخصي الرقمي

مشاهدة النسخة كاملة : تقطيع وتفتفه باترول 97 .. اش الحل ؟؟


ابو مؤيد_944
25/08/2011, 06:34 AM
السلام عليكم ورحمة الله وبركاته
كل عام وانتم بألف خير اخواني أعضاء وزوار منتدى مكشات
هاهي العشر الاواخر من هذا الشهر الفضيل ولم يتبقى منها سوى
ايام معدودة أسال العلى القدير ان يجعلنا واياكم من المقبولين.

مشكلة الباترول عندي طول الله اعماركم كالتالي:
1- لا دعسة للموتر بـ 3 او 4 فوق حقه بشوي يبدأ يقطع
وفي الــ 5 الى 140 مايتعداها وبعده يبدا يقطع زي ما ادعس له.
2- وهي اللي ماكله مخي وقروشي اكل!!!:mad::mad:
مع المطبات وانا مسرع او في البر وفيه مطناج ومسرع
بعد مسافة يبدا يتفتف وكأنه شئ من البواجي مفصول
حتى انه مايمشي اكثر من 60 او 80 .
ولكن بعد اطلع على الازفلت دقائق وكأن شيئاً لم يكن تروح التفتفه نهائيا.

رحت لأكثر من ميكانيكي وكلهم خراطين لا يفقهون شئ اللي يقول
وسخ بالتانكي .. كربريتر .. كويل .. دالكو .. اما واحد فيهم دكتور قالي هذا
يبغالك شنبر ليه كذا طيب الزيت ماينقص امشي عليه اكثر من 7 الاف عادي.

فماهو الحل ؟؟؟
علماً اني غيرت كلاً من القطع التاليه : -
بواجي - أسلاك بواجي - ابلاتين - فلتر بنزين - طربة بنزين
كويل - استنص - بوبينه -
وكلها القطع المذكوره تم تغييرها بقطع .. أصلية ... أصلية!!
سعيد القحطاني
26/08/2011, 12:52 AM
وزن ديلكو وتغير البوبينه قبل الوزن اذا انت من اهل الشرقيه رح لكراج صبيا عند سواداني اسمه عبدالمنعم كبير بالسن وفاهم بهيك شغله
والله اعلم
الصامت 2008
26/08/2011, 01:05 AM
السلام عليكم ورحمة الله وبركاته
إذا كان الكلبليتر ليس بخاخ فغير فلتر البنزين الموجود بالكلبليتر حجمه مثل عقلة الأصبع تجده متسخ ولا يمرر البنزين بشكل طبيعي
أما إذا كان بخاخ فلاحظ خرطوم الهواء الذي يصل بين البخاخات وقربة الهواء دائماً ورش غيار الزيت ينفخ الهواء للداخل وهذا قد يصيب المجمع الذي بنص الخرطوم بحبات من الرمل حيث هذا المجمع حساس جداً ويتسبب في تفتفة السيارة 0
هذا ماعندي لعلك تستفيد منه تقبل الله منا ومنكم الصيام والقيام وجعلنا وإياكم من أهل طاعته
ابا الصلابيخ
26/08/2011, 01:22 AM
ابعطيك طريقة سبق وان نزلها واحدن هنا ومجربها على كم سفاري يقول الله يسلمك
خل الموتر يصفر من البنزين يعني تولع اللمبه
وتحط بريال قاز من اللي يباع ببعض المحطات وتصب عليه بنزين اخضر بـ20 ريال

وتمسك خط وبعدها شف موترك يضبط

وسلامتك
ابوالولد
26/08/2011, 01:51 AM
ابعطيك طريقة سبق وان نزلها واحدن هنا ومجربها على كم سفاري يقول الله يسلمك
خل الموتر يصفر من البنزين يعني تولع اللمبه
وتحط بريال قاز من اللي يباع ببعض المحطات وتصب عليه بنزين اخضر بـ20 ريال

وتمسك خط وبعدها شف موترك يضبط

وسلامتك

اخوي نصيحه لوجه الله لاتتسبب على احد في خراب مكينة سيارة القاز يلعب في جلد البلوف وغير كذا بعد فتره تشنبر المكينة ... الى اخره
طريقتك هذا للسيارات الي حول تخبيط طبعاً
ا تكلم من واقع تجربه على سيارتين
وبل نجد
26/08/2011, 02:21 AM
غير الاصلاح حق الكلبليتر باصلي اصلي اصلي


وتأكد من الديلكو لايكون فيه فضاوه في العمود حقه

وبالتوفيق ان شاء الله
فتاح الجواد
26/08/2011, 02:54 AM
عندي نفس مشكلتك؟
الله يعننا واياكم وكل مسلم
ابو مؤيد_944
26/08/2011, 04:49 AM
وزن ديلكو وتغير البوبينه قبل الوزن اذا انت من اهل الشرقيه رح لكراج صبيا عند سواداني اسمه عبدالمنعم كبير بالسن وفاهم بهيك شغله
والله اعلم
حياك الله اخوي سعيد
ورحم الله والديك
وزنت الديلكو وغيرت بوبينه اكثر من مره ماهنا تغيير

اخوك من جدة
ابو مؤيد_944
26/08/2011, 04:55 AM
السلام عليكم ورحمة الله وبركاته
إذا كان الكلبليتر ليس بخاخ فغير فلتر البنزين الموجود بالكلبليتر حجمه مثل عقلة الأصبع تجده متسخ ولا يمرر البنزين بشكل طبيعي
أما إذا كان بخاخ فلاحظ خرطوم الهواء الذي يصل بين البخاخات وقربة الهواء دائماً ورش غيار الزيت ينفخ الهواء للداخل وهذا قد يصيب المجمع الذي بنص الخرطوم بحبات من الرمل حيث هذا المجمع حساس جداً ويتسبب في تفتفة السيارة 0
هذا ماعندي لعلك تستفيد منه تقبل الله منا ومنكم الصيام والقيام وجعلنا وإياكم من أهل طاعته

هلا بك اخوي الصامت 2008
ومن العايدين قبل الزحمة
بس الميكانيكي شيك على الكلبيتر ويقول نظيف مافيه اي مشكلة لكن
شورك وهداية الله بشيك على ذا الفلتر
وان شاء الله ربنا يحلها.
ابو مؤيد_944
26/08/2011, 04:59 AM
حياك الله يا ابا الصلابيخ

اكثر من واحد قولوا لي نفس كلامك لكن زي ماقال اخونا ابو الولد
القاز ينشف جلد البلوف وجلد الكلبيتر ويحوس الدنيا حوس
قبل فترة قرايت موضوع بالمنتدى عن زين الخلط سافا حق المواتير
افضل واحسن من القاز ومجرب لكن عجزت اطب فيه

جعلكم ووالديكم بالجنه
ابو مؤيد_944
26/08/2011, 05:03 AM
غير الاصلاح حق الكلبليتر باصلي اصلي اصلي


وتأكد من الديلكو لايكون فيه فضاوه في العمود حقه

وبالتوفيق ان شاء الله


مرحبا بك تراحيب المطر يا وبل نجد

الاصلاح ما اعتقد اما الديلكو معقول لانه بصراحة
لك عليه حتى احد الشباب نصحنى باني اخذ من اي
باترول ديلكو اجربه
ماتت الفرحه
26/08/2011, 05:14 AM
وعليكم السلام ورحمه الله وبركاته !!

وكل سنه وانت طيب

من واقع تجربه اخوي >> ( غير البليتين + وزن الديلكو ) <<

اذا ما ضبط الموتر >>>>>( غير منظم البنزين ) موجود داخل الكلبريرتر > اذا كان الموتر كلبريتر !!!

( انا صار معي نفس موضوعكـ ,, بس زياده على كذا كان الموتر اذا رفعت رجلي عن الدعسه يطفى !! وغيرت المنظم حق البنزين الموجود بالكلبريتر وراحت ,, الطفيه ,, بقى عزم الموتر اذا دعست بالثالث اخر الدعسه يبدا يتفتف ويقطع والعزم ضعيف !! وغيرت البليتين عند واحد متخصص وضبط الموتر الحمد لله )
ابو مؤيد_944
26/08/2011, 05:28 AM
حياك الله وكل عام بالف صحة وعافيه
اخوي ماتت الفرحة
وان شاء الكريم فرحتك ما تموت ابد وتبقى دوم وكل يوم
بجرب وعلى الله بس دعواتك مع اني غيرت بلاتين اصلي 3 مرات
لكن بالنسبه لمنظم البنزين مافكرت فيه نهائيا

نعيد ويصير خير يالباترول
ماتت الفرحه
26/08/2011, 05:43 AM
الله يسهل اموركـ دنيا وآخرهـ وجميع المسلمين

ولي عودهـ لموضوعكـ !! تحياتي لكــ,,
ابو مؤيد_944
28/08/2011, 04:46 AM
وين اهل النيسان !!!
وين الخبرات !!!

وفيه معلومه ياليت احد يفدني عنه وهي ان الباترول
من 97 وتحت .. اي تقطيع بالموتر معناته مشكلة كهرباء
واي احد يقول غير كذا ماعنده سالفة هذا حسب كلام احد الميكانيكيه اصحاب الخبره !!!
ابرق نثيل
28/08/2011, 05:29 AM
اخوي نظف التانكي
يمكن بوه حثاريب خاصه اذا كان الموتر عشر سنين وفوق
لان التانكي مدهون بماده تقشر مع الوقت
حتى لو غيرت الصفايه والطرنبه ماتحل المشكله الا بغسيله
طراه ددسن كان نفس وصف مشكلتك
وضبط
وبل نجد
28/08/2011, 05:38 AM
لي رجعه لموضوعك
بس اهم شيء تعلمنا بالنتايج
تقبل مروري
ابو مؤيد_944
30/08/2011, 10:33 AM
حياك يا ابرق نثيل
اول شئ من العايدن وجعل ربي يسعدك ووالديك قل آآآآمين
والتانكي والله ثم والله اني ناويه بس خلن نعيد
ابو مؤيد_944
30/08/2011, 10:38 AM
ابشر ... يا وبل نجد
النتايج رايح تجيك بالتفصيل الملل بس خلن نشوف رأي الاغلبيه
لاني زقهت من ذا الباترول له شهر وزود مايتحرك
سلاااامات
30/08/2011, 11:00 AM
كل عام وانتم بخير ,,,,,,وعيدكم مباااارك

اخوي انا عندي سفاري وصارت لي نفس المشكله اللي ذكرتها,,,,,,,والبلااااا كله وانا أخوك بالكلبريتر
وطيع شوري ,,,,سوله اصلاح ,,أو شف لك ميكانيكي مظبوط ينظفه لك وعلى فكره تراه حساس بالمره جرب منت خسران يابعدي
سلاااامات
30/08/2011, 11:03 AM
كل عام وانتم بخير ,,,,,,وعيدكم مباااارك

اخوي انا عندي سفاري وصارت لي نفس المشكله اللي ذكرتها,,,,,,,والبلااااا كله وانا أخوك بالكلبريتر
وطيع شوري ,,,,سوله اصلاح ,,أو شف لك ميكانيكي مظبوط ينظفه لك وعلى فكره تراه حساس بالمره جرب منت خسران يابعدي
الحنومي
30/08/2011, 11:31 AM
الكبليتر ياناس يبغى اصلاح بس لازم يكون فاهم اللي يفكة ويغير بوري الكبليتر اي الساعة اللي خلف ويستبدلها بوري تويوتا ويروح التقطيع والتفتفة وفية واحد من الزملاء يفهم بالباترول من 97 وتحت وحسابة كمان 150 واذا ماصلح انا ادفعها عنك
طبعا هذا للخدمة وشكرا
راعي الونيت79
31/08/2011, 01:25 AM
الكبليتر ياناس يبغى اصلاح بس لازم يكون فاهم اللي يفكة ويغير بوري الكبليتر اي الساعة اللي خلف ويستبدلها بوري تويوتا ويروح التقطيع والتفتفة وفية واحد من الزملاء يفهم بالباترول من 97 وتحت وحسابة كمان 150 واذا ماصلح انا ادفعها عنك
طبعا هذا للخدمة وشكرا



الحنومي
الله يجزاك خير وكل عام وانت بخير شكلك فاهم في الباترول
ياخوي عندي ربع باترول 90 نص التانكي يمشي 130 كيلو اخاف واعبي ماكمل النص الثاني هل ممشاه زين والا يصرف؟
وابي الحل والعذر والسموحه ماقدر اكتب خاص مابعد كملت خمسين مشاركه والا كان جيتك خاص بعد اذن صاحب الموضوع تحياتي لكم
سكان الرياض
ابوعبدالله
ابو مؤيد_944
02/09/2011, 07:59 AM
...........up
ابو مؤيد_944
03/09/2011, 10:44 AM
up
up
up
up
up
ابو مؤيد_944
04/09/2011, 04:26 AM
فيه ميكانيكي شاف الموتر ووصفة له المشكلة وقال عندك سلك كهرباء احياناً مايوصل
كهرباء مع المطناج عشان كذا الموتر يتفتف .. يقول الكلبريتر مافيه اي مشكلة

شغله محيره!!!!
فتاح الجواد
06/09/2011, 06:11 AM
شاف موتري خبير الكابريتر قالي سليم وقال المشكلة في الغالب من الديلكو
أحمد محمد1429
06/09/2011, 10:53 AM
أنا ماني رايح أقولك غير وغير أنا اقول لك شيك على عمود الديلكو فقط هل هو يرقل ولا لا أي فيه فضاوه ورد لي بعد ماتشيك عليه
كـاشت
07/09/2011, 10:22 PM
قد تكون التفتفة من احد البلوف قافل او مسامير الثلاجة طايحة او مرتخية وتاكد من حساس الهواء
ابو مؤيد_944
11/09/2011, 12:57 AM
أنا ماني رايح أقولك غير وغير أنا اقول لك شيك على عمود الديلكو فقط هل هو يرقل ولا لا أي فيه فضاوه ورد لي بعد ماتشيك عليه

حياك الله يابو محمد
ورحم الله والديك
بالنسبه لعمود الديلكو ابد مايرقل
وموزون 100%

بس ودي اسألك بما انك سألت عند الديلكو .. لو بغيت اغير ديلكو اكتروني مع الكويل
كم افضل موديل من الباترول اللي يركب ديلكوه على الــ 97 بدون مشاكل
ابو مؤيد_944
11/09/2011, 01:07 AM
قد تكون التفتفة من احد البلوف قافل او مسامير الثلاجة طايحة او مرتخية وتاكد من حساس الهواء

كااااااااااشت
يامرحبا بك
وجعلك بالجنه ووالديك
انا قريت موضوعك وكلنا في الهواء سوى والله يعينك ويعينا بعد

مره رحت لميكانيكي ووصفة له المشكلة قالي وقف الموتر ورح وانا اتصل عليك
ثاني يوم دق علي .. رحت له هااا بشر قال شوف موترك فيه شئ من الاثنين
قلت هات سمعني .. قال يا انه يحتاج شنبر .. قلت قول خير يارجل قال ينقص الزيت
قلت لا امشي عليه احياناً 8000 كم مافي اي نقص .. قال اذن موترك مشكلتة في البلوف
شئ منها يقفل مع المشي لان الموتر على ما اعتقد واقف كثير.

والله تركته مشيت خايف يلعب لي في المكينه علماً بان الموتر كان واقف لفترة مو بسيطة قبل ما اشريه على كلام صاحبه الاول

فكلامك هذه طابق كلامه لكن بأخليه اخر شئ على قولتهم ... الكي اخر الطب.

ودعواتكم ...
وبل نجد
11/09/2011, 01:29 AM
البلف مافيع اي مشكله ابدا

تاكد من :

-التانكي لايكون به وصخ
-الديلكو لايكون العمود يرقل
-البليتين يكون مع الجور على الموتر يلذع فيحتاج صنفره ووزن من جديد
-البوبينه اللي داخل الديلكو تاكد منها
-احيانا يكون غطاء الديلكو فيه شعر غير واضح فيتفتف بالموتر ويقطع فتاكد منه
-صفاية البنزين لاتكون من زمان ماغيرتها ويكون بها وصخ
-الكويل يكون به مشكله (اذا احتمى يكون يقطع الموتر) او يكون فيه زيت سايح
وكذلك القطعه المستطيله اللي بجنب الكويل تاكد منها لاتكون تحتمي ويكون بها حراره غير طبيعيه
-السلك الموصل بين الديلكو والكويل تاكد لايكون يرتخي فيطيح مع المطبات والبطناج حتى لو كان الارتخاء بسيط
واذا كان خربان فغير بواحد اصلي
-اصلاح الكلبليتر تاكد منه حتى لو قالك مكانيكي ممتاز رح لاكثر من واحد


تقبل مروري
ابو مؤيد_944
11/09/2011, 01:59 PM
حياك الله ياوبل نجد
كل اللي ذكرته تم التشيك عليه ماعدا تغيير اصلاح الكلبريتر
وتنظيف التانكي
أحمد محمد1429
11/09/2011, 10:56 PM
أخوي ابو مؤيد أنا مستغرب من ديلكو سيارتك إنه عادي لأني سبق أن حصلت نفس موديل سيارتك في التشلبح الديلكو الكتروني . سؤالي سيارتك سفاري ولا عايدي وبالنسبه للموديل ركب نفس حجم المكينه الموديل غير مهم
ابو مؤيد_944
12/09/2011, 12:59 AM
حياك الله يابو محمد
موتري يامرحوم الوالدين عايدي سلق
وحجم المكينه بصراحة ماعندي علم كم هو ؟
وياليت اللي يعرف من الاخوان حجم مكينة الباترول الــ 97
يفيدني لاني ناوي اغير الديلكو + الكويل ( الكتروني ) جديد مالقيت في التشاليح عندنا بجده
وفي الوكالة اصلي بحوالي 2000 ريال
وبغيير الدينمو 120 امبير + مرواح السوبارو
والله يجزاكم بالخير اجمعين
كـاشت
12/09/2011, 03:25 AM
اخوي ابو مؤيد جرب تروح للفني امير اللي اكتشف مشكلتي في صناعية ام الحمام ورشة 22 في الجهة الخلفية (الجنوبية) وليست ورشة 22 السمكرة اللي في الجهة الشمالية لعله ان شاء الله يعرف مشكلة موترك وترتاح
أحمد محمد1429
12/09/2011, 08:23 AM
أخوي كاشت الرجال في جده ماهو في الرياض
أحمد محمد1429
12/09/2011, 08:27 AM
أخوي أبو مؤيد أعتقد نفس حجم مكينة السفاري ولاتستعجل في الجديد يمكن أحد الأخوان يحصل لك ولو من خارج جده
م/عبدالله
12/09/2011, 12:04 PM
اخي الكريم .... حسب وصفك وشرحك للعطل

قم باستبدال .... الديلكو .... لان العمود في اهتزاز
ودورانه غير سليم ...
. ذيب ساحوق
12/09/2011, 01:16 PM
الله يفرج كربتك يابعدي
ابو مؤيد_944
12/09/2011, 01:40 PM
اخوي ابو مؤيد جرب تروح للفني امير اللي اكتشف مشكلتي في صناعية ام الحمام ورشة 22 في الجهة الخلفية (الجنوبية) وليست ورشة 22 السمكرة اللي في الجهة الشمالية لعله ان شاء الله يعرف مشكلة موترك وترتاح

انا بجدة ياكاشت
دعواتك
ابو مؤيد_944
12/09/2011, 01:42 PM
أخوي أبو مؤيد أعتقد نفس حجم مكينة السفاري ولاتستعجل في الجديد يمكن أحد الأخوان يحصل لك ولو من خارج جده

الله يصلحلك ذريتك يابو محمد
ماتقصر وبيض الله وجهك
ابو مؤيد_944
12/09/2011, 01:46 PM
اخي الكريم .... حسب وصفك وشرحك للعطل

قم باستبدال .... الديلكو .... لان العمود في اهتزاز
ودورانه غير سليم ...

حياك الله يا م/عبدالله
اكثر من ميكانيكي فحصوا الديلكو
يقولوا سليم !
لكن بغيره والله يفرجها
لنا ولجميع المسلمين
فتاح الجواد
12/09/2011, 10:07 PM
انا موتري 97 باترول كلبليتر وتجيه تفتفة اذا صار الضغط على 3 ولا تبين في الغالب الى في الثالث وتزيد في الرابع وتغث في الخامس ولا يتعدى ال 140
وان وصلت الضغط الى 4 تعديت المشكلة؟
فتاح الجواد
12/09/2011, 10:08 PM
وانا اجزم ان المشكلة كهرب وهل هي نفس المشكلة الي عندك؟
ابو مؤيد_944
14/09/2011, 10:59 PM
نفس المشكلة بس انا عندي مايتعدى 150 ابد
وانا كمان متأكد 100% انها مشكلة كهرباء
بس اش الحل الله اعلم !!!
ابو مؤيد_944
27/09/2011, 12:10 AM
للررررررررررررفع !!!
فتاح الجواد
29/09/2011, 04:45 PM
انل عندي مداخلة
احتمال كبير وزن بلوف
السبب لانه وهو بارد ما يقطع؟ وايضا السيارة\او المكينة في حالة وقوف السيارة صافية جدا
ابو مؤيد_944
01/10/2011, 11:08 PM
للرررررررررررررفع
نآآآصر
03/10/2011, 06:56 AM
http://www.mekshat.com/vb/showthread.php?p=7358751#post7358751
يمكن يفيدك
ابو مؤيد_944
04/10/2011, 08:48 PM
اشكر كل من تجاوب معي في مشكلتي
والله يرحم والديكم جميع
وعن قريب ان شاء الله اذا جد جديد راح اوافيكم فيه بالتفصيل
لاني الآن مريح راسي شوي
بسبب ان المشكلة خفت بالحيل ولكن ما انتهت
صبركم بس ,,,, اعطيكم الاخبار بالتفصيل
هذ الموجز .....
ههههههههههه ....
abo-lma
04/10/2011, 11:39 PM
أذا كنت تعبي بانزين 95 غيره بــ 91 وجرب بس بعد مايفضى التانكي والعكس اذا 91 غيره بــ 95

وبالنسبة للكلبليتر مر على ( لورنس ) تخصص كلبليتر في الصناعية اليي خلف أسكان الحرس الوطني

اليي في شارع فلسطين

واذا أحتجت خدمة عندك الخاص بالتوفيق
ماجد الشامان
19/10/2011, 07:53 PM
حياك ياابو مؤيد

احببت ان ادلك على ورشة خااااااصة بمشاكل الكربريتر اذا كانة المشكلة منة موجودة في جدة في شارع بني مالك العامل الموجود في الورشة اسمة ( لورنس ) خبير في مشاكل الكربريترات لة مايقارب 25 سنة في هذة المهنة كربريترات فقط
محمد 1122
07/11/2011, 02:34 PM
السلام عليكم
دق على جوالي وان شاء الله افيدك ونفسي
فتاح الجواد
20/02/2012, 05:16 PM
انا لقيت المشكلة من الديلكو حصلت فيه فضاوة ولله الحمد والمنة
أحمد محمد1429
20/02/2012, 09:03 PM
الحمدلله على حل المشكله
إنتبه لاتغير الديلكو غير الرمان فقط ويضبط انا حصل معي فضاوه العمود يرقل وغيرت الرمان بنفسي بس الرمان مايطلع ويركب إلا في المخرطه والآن سالك ولله الحمد