استفسار لاهنتوا

[هلالي حبوب]

السلام عليكم

يا اخوان انا معي هايلكس موديل 2001

طلع فيه صوت في الدينمو واروح للكهربائي ويفكه طلع الفحمه والرمان حقت الدينمو.. المهم واغيرهم . حدود الساعه وحده في الليل
المهم امشي على الموتر الحمد لله راح الصوت مافيه صوت
جيت للبيت وجلست واشغل واروح اصلي الفجر الموتر مثل ماهو الحمد لله زين
يوم طلعت من المسجدواشغل واشوف الموتر الا والله نور البطاريه مولع .
اللي عنده خبره في هالشي يفيدني لاهنتوا عشان اعرف وش المشكله

وبيض الله وجيهكم ..

[abdull_ah]

نور البطاريه
يدل ان البطارية ضعيفة او الدينمو مايشحن ...

تاكد من ان الدينمو يشحن .. افصل الخط السالب عن البطارية والسيارة شغاله شوفها بتطفي ولا..
اذا طفت الدينمو مايشحن او فية شئ اذا ماطفت الدينمو يشحن
بس في احتمال ان شحن الدينمو يكون ضعيف

والله اعلم
وان شاء الله الاخوان ومن لديه خبرة يفيدك اكثر مني

[بندرالعتيبي]

وعليكم السلام

شغل السياره وافصل اصبع البطاريه اذا طفت البلا من الدينمو واذا ماطفت البلا من البطاريه

اتمنى اني وصلتلك المعلومه يفيدونك باقي الاعضاء

[وبل نجد]

الكلام اللي قالوه الاخون صحيح

لكن تاكد فيه فيش يركب في الدينمو قد يكون ماركب بشكل صحيح فتولع لمبة البطاريه

وبالتوفيق

[أبو فروة]

الكلام اللي قالوه الاخون صحيح

لكن تاكد فيه فيش يركب في الدينمو قد يكون ماركب بشكل صحيح فتولع لمبة البطاريه

وبالتوفيق
اوافق اخوي بكلامه يمكن الكهربائي ما ربطه زين

[يالبى الهلا]

البطاريه على وشك الانتهاء دلاله على اضاءة البطاريه والدينمو شغلك فيه تمام100%"100

[هلالي حبوب]

يعطيكم العافيه تم اكتشاف العطل

[وبل نجد]

يعطيكم العافيه تم اكتشاف العطل


طيب وش صار العطل ؟؟؟؟؟؟؟؟؟؟؟؟؟؟؟؟

لازم تعلمنا ;);)