استفسار يا جماعة الخير

[راعي الاحمر]

السلام عليكم ورحمة الله وبركاته يا جماعة الخير عندي استفسار بسيط عن طأر الدرج هل الطير يرغبة و يهد عليه ولا لا و شكرا

[جـرح الشمـال]

مرحبا اخوي الغالي
بالنسيه اذا تقصد القيروان اوالدرج مثل ماتفضلت
مايرغبه الطير واذا ارغبه مايقدر يلحقه
النصيحه لا تهد طيرك الى على الحباري والكرواين حتى مايخرب طبع طيرك
وانت عارف وقت المقناص يكثر الدرج وكل شوي وطيرك تال اسبوقه
وخاصه اذا هوراكد وطلاع
تقبل مروري
اخوك ابو فهد

[ولد مساكن]

السلام عليكم و رحمة الله و بركاته

الدرج هو القليل عندنا , عمرك ما تهد عليه لأنه سرييييييييييع و ممكن طيرك يضيع وراه

هاذي صورته

http://www.mekshat.com/pix/upload04/images191/mk18662_cream-colored-courser%202010.jpg

[aBu_aBdAlSlaM]

القيروان ماتبيه الطيور مادري وش الحكمه .. بس اذكر شيبان من ها السنين وكنا بمخيم بالحماد ويسولفون عنهن وان الطيور ماتبيهن طبعاً اتكلم عن الوحوش المهاجره خاصة ببداية ونصف الهجرة لان الارض تكون مليانه صيد اخر القميري والسمان اما اخر الوقت وخاصه لابرد الجو تخلو من الصيد وتكون غالبا هجرة القرانيس مايبقى بالارض الا القيروان فتكون غالبا الوجبه المتوفره اثناء هجرتهن وهي روايه عن احدهم شوف العين ، والعلم عند الله

تقبل تحيتي
-----
هههههههههههههه لكن هاللي يدخل ويكتب لي يفيدونك الاخوان يعني انت هالحين اثريت الموضوع بمشاركتك زي مواضيع البيع والشراء اللي يكتب الله يرزقك تلقى الموضوع 5 صفحات الله يرزقك يا اخوان الله موزع ارزاقه على خلقه ، مالها داعي المشاركات اللي مالها فائده واللي الغرض منها زيادة عدد المشاركات

يفيدونك الاخوان

[قناص 606]

آفــآدك آأخوي جرح الشمال مآقصر الله يعطيه العافيه

[صقار الاحمدية]

انتبه تهد عليه طيرك ...اذا ماتبي يخرب طبعه عليك ..

الدرج او القيروان طائر سريع جداً ممكن الشياهين ماتقدر عليه ...


بعدين يغثك الطير كل شوي وهو كافخ لو يشوف طير صغير لانه تعود على هدد الطيور الصغيرة ...

ومثل ماتفضل اخونا جرح الشمال لاتهد الا على حبارى او كراون لانها اكثر وناسة وازين لحم من الدرج وتحس انك صايد شئ عليه القيمة ..

[الجراح11]

بعض الطيور تهد لكن تتركه لانها عارفه ان مالها قدره عليه واتوقع اذا طلع عليه مره ومرتين يعرفه ولا يهد عليه

[حامد الحنيني]

السلام عليكم ورحمة الله وبركاته
صباح الخير
الشيهان يهد على الدرج بعض الاحيان
والجير ايضا اذكر به قبل العام مع واحد من اخوينا جير حر 18 بمثلها سبووووق
دعاه من كيلو على الشلو ويوم قطع نصف المسافه وتعترض هكالدرجه
ويلحقها ويرددها يبيها لاكن طرح الطير تعب وروحت تمزع
اما اغلب الحرار يفكربها وكنه ماشاف شئ.