اول مره اشتري هذا (الفشق) << عسى ماتورطنا بس .؟؟؟

[قدها ونص]

السلام عليكم ورحمه الله وبركاته .,,

مسائكم - صباحكم .., خير ان شاء الله ورمضان كريم تقبل الله منا ومنكم صالح الاعمال وجعلنا وياكم من عتقاء النار,, (اللهم آمين ) وكل عام ونتم بصحه وسلامه ..!!

تعرفون هذي السنه كلن جهز له فشق للكرك ونا بصراحه مالقيت متوفر الا هذا النوع وشتريت صندوق - السؤال انا جربت كاكا الازرق العام رقم 6- 36 فاشل بمعنا الكلمه وبارد جداااا.., وبعدها كرهت اسم كاكا العريق ..!!

وسنه ذي اضطريت وشتريت للكرك (الرهو) فشق كاكا لاكن نوع اول مره اجربه وحملت لكم صور ( كاكا - لون بني - ضغط 38 - رقم 0 )

اتركم مع الصور
vvv

vv

v


v
http://www.mekshat.com/pix/upload05/images226/mk130946_25082011224.jpg
http://www.mekshat.com/pix/upload05/images226/mk130946_25082011226.jpg
http://www.mekshat.com/pix/upload05/images226/mk130946_25082011227.jpg
http://www.mekshat.com/pix/upload05/images226/mk130946_25082011222.jpg
http://www.mekshat.com/pix/upload05/images226/mk130946_25082011220.jpg
http://www.mekshat.com/pix/upload05/images226/mk130946_25082011219.jpg

ياليت من جربه يفيدنا وخاصه للطيور الكبار هل ينفع بجداره ولا اغيره

(( والله يعطيكم العافيه ))

[مشبر البران]

ترا فيه كاكا مقلد ويمكن هو الي استعملته انت قبل
اما الأصلي لا تدور غيرة اما الي انت حاطة يفيدونك فيه الأخوان

[ابا الصلابيخ]

بشر عسى مهوب غالي با الله عليك بكم صندوقة

[قدها ونص]

ابا الصلابيخ اشتراه ولد عمي وتقسمناه اضاهر ونا ماني متاكد 2600 لاني اخذت عشر وعطيته 1300 الا كان بن عمي ضاحك علي هههههههههههههه والله مدري .

الله يعطيكم العافيه على تفاعلكم السريع .!!

[قدها ونص]

مشبر الوبران والله انا قلت كذا بس مدري < والله منساه يذاك الفشق هو وجزال البرتقالي ندمت على كل ريال دفعته < لو اشتريت رشاش ماء اصرف << فشلني ..!!

[ابا الصلابيخ]

ابا الصلابيخ اشتراه ولد عمي وتقسمناه اضاهر ونا ماني متاكد 2600 لاني اخذت عشر وعطيته 1300 الا كان بن عمي ضاحك علي هههههههههههههه والله مدري .

الله يعطيكم العافيه على تفاعلكم السريع .!!
قدها ونص الله يوفقك بصيد يبرد خاطرك ويكفيك شر السلاح ومن يقراء

مهوب غالي بها القيمة وانا اخوك

[قدها ونص]

الا والله غالي بس تعرف موسم والقصيم مشوار علي << ولد عمي مو ذيك الخبره وشتراه على البركه يوم شفت معه صندوق قلت عطني نص كم نصها قال 1300 < ماحبيت احطمه قلت هاته ..,
مفرد يبعونه بهلقيمه مو صندوق
ولا ماعمري اشتريت اكثر من 1900 لصندوق..!!

[أبو نور]

سلام عليكم أخوي هذا من أطيب الفشق الي رميت فيه وماغيرته من سنين أرمي فيه البط والوز والكرك فشق صلف وحار ونشيط بس تراهو ماهو سريع يعني الصيده أذا طايره قلطلها شوي والله يعين شوزنك عليه وكتفك وهذا فشق شركه الرماي عندنا بلكويت أسمه سوبر كاسيا أيطالي وتقبل تحياتي

[هدااج 2008]

اخوي قدهاا
شوزلك وشهي اذا هي ام حبه
فــ الفشق هذا قوي عليهاا وبيكسرهاا
واذ ام خمس ماعندك مشكله
وتراه للشي الكبير يعني الحمام ماهو زين لهاا

[قدها ونص]

يالله تحيي من رد وبردو كبدي < طال عمركم الشوزن بيكال - تشوك 690

ونا مالي لا بلحمام ولا بطيور الصغار ياكرك ياقفل على الشوزن .,؟ يعني بتاع مواسم بس .

طيب كيف رميه بلهواء يعني اقدم للكرك نص متر ولا اقل او اكثر ... طبعن اذا طاير على جنب .؟؟

وترا انا ارمي بعيد مالي برمي القريب .

الله يعطيكم العافيه وربي ماقصرتم ياجعل اليدين الي ردو ماتمس النار ..!!

[Red falcon]

الفشق ممتاز ماعليه دواء الكرك والنحم

[عاشق الخشب]

الله يكون بعونك0000000000000000000000000000000؟

[قدها ونص]

الله يعطيكم العافيه ماقصرتم < وبنتضار اراء بقيه الاخوان ان وجد ..

دمتم بصحه وسلامه ..,,

[عقيد حرب]

والله تبي الجد انا جربتة ماجاز لي ابد وسلاحي بيكال الله يطرح فية البركة فصل منة كاكا 0/3

[البطاحي]

الفشق نوعيته ممتاز ويطربك على البيكال بتشوك 690

بس لو أخذت فشق 4 أو 5 تحت الصفر ضغط 38 أو40 للكرك كان احسن وعلاج

عموما ان شاء الله فشقك راح يبيض وجهك

[راعي عدلى]

ما جربته لكن الي معروف ان الكاكا يوصخ البندق

[ابو مشك]

حياك اخوي والله يعطيك خير البندق والفشق

وفالك الشحم

انا معي ام سيلان وارمي بالكاكا ممتاز ويبرد القلب ولا يكسر البندق مثل ما قال احد الاخوان وابشرك ارمي منه ضغط 38 وضغط 36 ومقاس الحلبي 1 وصفر
توكل على الله وفالك الصيد الجزل

[قدها ونص]

والله تبي الجد انا جربتة ماجاز لي ابد وسلاحي بيكال الله يطرح فية البركة فصل منة كاكا 0/3


هلا والله فيك اخوي عقيد < والله شوف انت صادق جربت رقم واحد ار سي بتشوك 660 يولد يتفرق ماعجني وجربته بتشوك الوكاله فل برضوه ماينفع < لاكن شوك 690 الله يستر ان شاء الله يضبط بحط ورقه بصخره بلجبل وبرمي بشوف هو يشت ولا يلم < وراح يبان باذن الله << اشكرك انت والاخوان على الردود الطيبه

اخوي العقيد << ماهو التشوك المستخدم لديك ..؟؟

عسى الله ينفع بي كما نفع بكم ..,,

[قدها ونص]

ياخوان طيب هل هذا الفشق كاكا الاصلي <<< وكيف اعرف .؟؟؟

[ياحبي للغطاط]

اول شي اخوي معليش الكاكا ال36 مايصلح ؟؟؟لاتعليق حتى المقلد منه اطيب من بعض الانواع اما بالنسبه ل38 صفر ماقول الا حلال كل ريال حطيته فيه اشهد بالله انه فشق عظم ماهو لحم وفلك الاجوال

[قدها ونص]

الله يبيض وجهك انا اشهد بالله ردك شافي << لاني جربت 6 مره فاشل وهو سبب تنزيلي للموضوع خفت انه زيه بس اشوا انك طمنتي << الله يجزاك خير

[همتارو]

.. كـــل عــام وانــتم بخير ...
وصراحة ان افضل الموجود بالسووق حاليا كاكا الأيطالي ويجي المقلد لبناني ومايسوى ريال .. انتبهو..
وكاكا ضغط 40 دواء للكرك ..

كخبره .. ورائي قابل للصواب والخطأ ...

[سطام F15]

عزالله يالغالي ليتك ماشريته والله إنه ورطة بما تعنيه الكلمة يفرش ويشت بأقل من 40 متر وكلامي ذا من واقع تجربة وورطة مثلك الآن .نصيحة غيره بأي شيء .

تحيتي وتقديري

[قدها ونص]

هلا فيكم جميع

سطام انت مجرب نفس النوعيه وضغط بضبط ولا .؟؟؟
وايش شوزنك وشوك حقها .؟؟

<< غيرت نضرتي له _ الله يحفضك

[سطام F15]

هلا فيكم جميع

سطام انت مجرب نفس النوعيه وضغط بضبط ولا .؟؟؟
وايش شوزنك وشوك حقها .؟؟

<< غيرت نضرتي له _ الله يحفضك


هلابك قدها ونص ويامرحبا الله الله نفس فشقك هذا وأنا جربته الموسم الماضي بالونشستر sx3 وعزالله وهقني وورطني ورطة ما أنساها في حياتي وهذا الموسم شراه واحد من الربع وسوينا مقارنة بينه وبين رقم واحد والنتيجة فتاكة لصالح رقم واحد الكاكا الأزرق . عيب هذا النوع من الفشق سرعة فرشه للحلبي يفرش بأقل من 40 متر وكذا منت مستفيد شيء إذا كانت الطيور من 45 وأكثر .

أتمنى إني أفدتك وأي إستفسار تحت أمرك .

[قدها ونص]

والله كلامك مقنع يسطام
ا بجربه على جبل مرتفع بكره بكثر من 70 متر وشوف كيف شته وردلك خير .؟
مع ان هذا الي انا خايف منه ...!!

الله يعافيك..!!

[المميـز]

السلام عليكم ورحمة الله وبركاته

كل عام وأنت والجميع بخير

الفشق الي أنت شريت من أفضل أنواع الفشق بالسوق الي عندنا وعلى ماقريت انك ماترمي الا الكرك هذا طول الله عمرك علاااااااااج الكرك :good2:
رقم صفر تكسيررر جنحان على كيفك الله يباركلك

أنا رديت وعلقت بخصوص الي يقول أنه اصبح يجي منه مغشوش

عذ الي بالصوره اصلي اب عن جد وذا تبي تفرق بينه وبين المغشوش عندك الصفره (الحديه الي بنفس الفشقه محل ضرب الابره مكتوب نوبل سبورت) المغشوش يكتب عليك فقط علامات نجوم أو ماشابه

تقبل مروري

[أيام العبور]

والله يالغالي الفشق هذا بالظبط فشقي المفضل العام الماضي وجربته وهذي خلاصة التجربه

طبعا رمي بط

او شيئ رميت فيه جول بلبول ابو سنبله فيه حول ال 60 بطه ومرني طاير على بعد ازود من السبعين متر والجول لام والرمي بدون تسبيق تقليط . ولا طاح منه شي ابد . وقمت اطالع بالشوزن واقلبها وادورلها عذر ولا لقيت إلا ان الرمي كان يحتاج لتقليط .الشوزن اكستريما2 . بعدها غيرت نظرتي للفشق وحسبت حساب التقليط على حسب طيران الصيده . ورزقني الله بجول بط بعد فتره من التجربه طويله . البط شهرمان فيه حول ال30 والمسافه حول ال60 خطوه . ونفس الشوزن والتشك اكسترا فل 2 انش . الجول لف لفه من ورا اللبده وكمل دربه على جنب وكان وقتها آخر النهار قبل الغروب بقليل ويوم ان الجول عزم وطياره راكد وانا امدها عليها في بطنها 12 فشقه وانا اسمي بالرحمن واول رميه طاح اكثر من وحده وبعدها الجول قام يشهر فوق وتفرق والله واكمل رميي والقطهن تلقيط على نفس المسافه مع بعض الارتفاع والله ان اللي امدها عليها انها تنزل ياسبه من كبد السما . وتبقا وحده في مجال حد المرمى والجول تكسر وتفرق وانا امدها عليها مع العلم انها فوق فوق وانا ارميها بطلقه وتجيك من فوق مع كسر براس الجناح . بعدها غيرت نظرتي للفشق هذا وخليته معتمد عندي . طبعا الشهرمان معروف بقوته وتحمله للاصابه . وكان الحصيله سبع شهرمانات مافيهن الحيه الا اللي جت من فوق . والباقي ميت قبل يطيح . والرامي الله سبحانه والتوفيق من الله وحده . والحمدلله والصلاة والسلام على رسول الله

السموحه على الاطاله

[أيام العبور]

تجربه ثانيه لنفس الفشق نسيت اذكرها

كان في احد الخباري ثلاث بطوط خضاري والمسافه حول مية خطوه والبط على الماء اول طلقه وحده ماتحركت من محلها ميته و طارن ثنتين وكملة عليهن وصوبت الثانيه طبعا المسافه زادت مع طيران البط وحسبت المسافه وانا امشي طبعا الماي نقع بسيط مافيه عمق والمسافه فوق التسعين وحولها يعني تقدر تقول ميه الا شيئ بسيط والخضاري معروف بقوته في مثل هذي الماسافات

وسلامتك

[قانوص قديم]

السلام عليكم فشقه صلفه وخووووش فشقه عسى فالها الشحم يارب

[ابوحمد 845]

والله مدري عن الفشق ذا بس تبي رايي
خذ لك ار سي 7ونص ضغط 36 للقميري والصفاار اما الكرك مدري عنه

[قارمل]

صبحك الله بلخير او الله يمسيك بلخير
نبي نفيدك انشالله في الفشق
كاكا يبن الحلال نوعين نوع ضغط 65 وهذاء فاشل ونوع نفس فشقق الي حاط صورته 70 وهو ممتاز ويبيض الوجه وهو عدت الوان سوان رقم 1 او 0 اهم شي ضغط 70
ولك تحياتي

[س.س.التميمي]

الله يوفقك كل الفشق زين بس يالله التوفيق

[ولد الجنوب]

الفشق طيب بالحيل و ماعليه كلام

[نحال الجبال]

السلام عليكم وعز الله هاذا افضل الفشق الي جربته والمقلد يجي عليه نجوم والله يرزقك با الاجوال الطيبه

[الفهد-08]

السلام عليكم وحمة الله وبركاته ..
الفشق طيب بالحيل و ماعليه كلام وموفق خير وفالك الصيد ان شاء الله .

[النجم السيار]

واهم شئ استمر في التدبيل عليه حتى يطيح شئ ولا تقول ابعد