يامرحبا يسهيل ... القرناس المهاجر

[القرناس المهاجر]

اخواني الكرام .. بمنتديات مكشات العالمي

السلام عليكم ورحمة الله وبركاته

هذه الأبيات مجاراه لخوينا مغاليس

لكني لن اهديها لشخص بعينه
حتى لآأجرح المشــاعر .. إنما هي للجميع :)
وهي بمناسبة طلوع نجم اسهيل
وتحوي محاكاة مقرونه بأمنيات
اتمنى ان تحوز على رضاكم واستحسانكم
----------------------------

يامرحبا يسهيل .. يامرحــبا حـيل



.................................................. . يامرحـــبا بك عــدّ بــرقٍ ونـاوي





يهيض فكري من جميل التماثيل



.................................................. . لاشـفت نورك في خلانا الخـلاوي





ماهي عباده .. غير متعوب انا حيل



.......................................... والصيف مايرحم شوا الارض شاوي





ومن بعد مطلاعك يبـرّد لنا الليل



.................................................. . والعُـود يُورِق والمطر له رجـاوي





وتبدا المزون اللي بها سابقاً قيل



.................................................. . عـند العــرب بامثالهم والهقـاوي





لاشـفت نجم اسهيل لاتامن السيل



.................................................. . وان راد ربي يصبح الخـبت راوي





واهل القنص قاموا على الطّير تدهيل



.................................................. . وكـــلاً يـــدوّر للهــوايه حـــراوي





وتـبدا بك الهجرة ويبدا الرجاجيل



.................................................. . اللي نصب مخـيام واللي نحــاوي





وتـبدا الطيور اسراب مثل الهذاليل



.................................................. . هجره جماعــيه ومعها النــداوي





اللي علا شــانه قنصنا مية ميــل



.................................................. . رحـنا وجــينا ماشــكينا العــناوي





نوفي بممسانا وزين المقاييل



.................................................. . ونرتاح لا صاد الرفيق المخــاوي





خمسين ليله ماذكرنا المعاليل



.................................................. . كـلاَ عــلى ليــلاه غــنا ســــلآوي





وابو الحكايا مـنـيتي تالي اسهيل



.................................................. قبل الحجيج اللي على البيت تاوي





الله يجيبه وافي الوصف تكميل



................................................ واللــه يحــقق رغـبتي بالتســـاوي





واختامها يسهيل يامرحـبا حيل



.................................................. . يامرحـــبا بك عــدّ بــرقٍ ونـاوي

اخوكم القرناس المهاجر .. ابوعبدالله :)

[قناص الهدف]

يشرفني ان اكون اول من يرد صح لسانك يابو عبدالله

( نون الطير )

[عبدالرحمن بن ذياب]

صح لسانك و الله يرزقك بالفارسي النادر يا بو عبدالله و ترجع تردد
الفارسي اللي بالضحى حاسنا حوس

[ابو سلطان العتيبي]

وعليكم السلام ورحمة الله وبركاته
صح لسانك يا بو عبدالله
و الله يرزقك بالنادر
تحياتي لك
-

[ذراع الذيب]

السلام عليكم ورحمة الله وبركاته,,
صبحت بالخير يابوعبدالله,,


وياسلااااااام سلم يالمهاجر كتبت وابدعت وصفت ورسمت بهالصور الشعريه الرائعه,,
هذا المهاجر اللي عرفناه بأبياته الجزله السهله الممتنعه لله درك يالقرناس عزالله لاشفت لك قصيده جديده اشوش,,
وكني شايف لي طير ههههه والله يكرمك هالسنه بالنادرين الشاهين والحر ويكرمنا وياك ومن يقرى,,
وتحياتي لك,,

[القرناس المهاجر]

يشرفني ان اكون اول من يرد صح لسانك يابو عبدالله

( نون الطير )


حي الله الغالي قناص الهدف
يسعدني ان تكون اول من ارد عليه
فلك مني كل الشكر والتقدير على الإعجاب
صح بدنك ولاهنت

[القرناس المهاجر]

صح لسانك و الله يرزقك بالفارسي النادر يا بو عبدالله و ترجع تردد
الفارسي اللي بالضحى حاسنا حوس


حي الله الغالي صقار الجنوب
هههههه الله يسلمك ويتقبل منك الأمنيات ويوفقنا وإياكم في

ابو الحكايا اللي بوصفه تمنا
.................... النادر اللي بالضحى حاسنا حوس

صح بدنك ولاهنت :)

[القرناس المهاجر]

وعليكم السلام ورحمة الله وبركاته
صح لسانك يا بو عبدالله
و الله يرزقك بالنادر
تحياتي لك
-





حي الله الغالي عقــاب
الله يجزاك بكل خير
ولك مني كل الشكر والتقدير على الإعجاب
صح بدنك ولاهنت

[عسااااف]

الله يعطيك العافيه وصح لسانك والله يرزقك بالنادر

[القرناس المهاجر]

السلام عليكم ورحمة الله وبركاته,,
صبحت بالخير يابوعبدالله,,


وياسلااااااام سلم يالمهاجر كتبت وابدعت وصفت ورسمت بهالصور الشعريه الرائعه,,
هذا المهاجر اللي عرفناه بأبياته الجزله السهله الممتنعه لله درك يالقرناس عزالله لاشفت لك قصيده جديده اشوش,,
وكني شايف لي طير ههههه والله يكرمك هالسنه بالنادرين الشاهين والحر ويكرمنا وياك ومن يقرى,,
وتحياتي لك,,




حي الله مشرفنا الغالي ذراع الذيب
ياصباح الخير وعلوم الطير ههههه
يالله تحييه .. الساعة المباركه اللي جيت فيها
كنت ابرسلها لك على الخاص هههه
لأنك من ابرز الجماهير المتحمسين لما نكتب
لك مني كل الشكر والتقدير على الإعجاب
صح بدنك ولاهنت :)

[القرناس المهاجر]

الله يعطيك العافيه وصح لسانك والله يرزقك بالنادر


حي الله الغالي عســـااااف
الله يعافيك ويرزقنا وإياكم من فضله
صح بدنك ولاهنت :)

[صقار مبتدئ]

حيا الله مشرفنا الغالي حيا الله شاعر الطير و المقناص
صح الله لسانك يابو عبد الله ابيات جميله و شاعر اجمل

[مكرم الضيف]

صح لسانك يابوعبدالله وكل عام والجميع بخير. وبقصيدتك عن سهيل هيضتنا للمقناص الله يجيبه وحنا وياكم والمسلمين باحسن حال.لكن لي عتب ليه تحرمنا من قصايدك دامها بهذا المستوى وهذا الرقي.دام فكرك.
ولك تحياتي

[المسرع]

وين انت ياللي غايب(ن)عننا حيل
وين انت يالقرناس وين انت ناوي
الله يعطيك العافيه على هالجزله يبوعبدالله
ان شاء الله اني اكملها ليا طرحته يبو عبدالله
اخوك شهاب الشريف

[ahmad6040]

صح لسانك .. قصيده رائعة يعطيك العافية

[حامد الحنيني]

السلام عليكم ورحمة الله وبركاته
الله الله الله
صح لساااانك قصيدة جزله من شاعر جزل
الله يبيض وجهك كذا القصيد ولى بلاش
الله يرزقك بالنادر اللي تردد قصيدك فيه
تحياتي لك.

[مازن الصعب]

صح لسانك يابو عبدالله

جزله من شاعر جزل

قرأت لك اكثر من قصيده في مواضيع المشرف المميز ذراع الذيب

اسجل اعجابي بجميع ماقرأت

اتمنى لك التوفيق

[راع الشماليه]

صــح لــســان الــشــاعــر

بارك الله فيك

[@السيف@]

بيض الله وجهك صح لسانك لا عدمناك لو يدري نجم سهيل انك تهليبه كان كل شهر وهو طالعلك تقول راتب هههههه
لا عدمناك شاعر المقناص

[alrshedi]

وعليكم السلام ورحمة الله وبركاته
صح لسانك ياخوي القرناس المهاجر
قصيد جزله وهذي عوايدك عزالله
والله يرزقك بنادر ان شاء الله ومن يقرا

[صقار أبوظبي]

وعليكم السلام ورحمة الله وبركاته
صح لسانك يابوعبدالله
قصيد جزلة من شاعر جزل
والله يرزقك بنادر ان شاء الله

[هاوي بر و صيد]

اللي علا شــانه قنصنا مية ميــل


.................................................. . رحـنا وجــينا ماشــكينا العــناوي




نوفي بممسانا وزين المقاييل


.................................................. . ونرتاح لا صاد الرفيق المخــاوي




خمسين ليله ماذكرنا المعاليل


.................................................. . كـلاَ عــلى ليــلاه غــنا ســــلآوي


صح لسانك يا بو عبدالله
صور شعرية رائعة وقصيدة امتعتنا فيه جدا
وجزاك الله خير على الاهداء لنا جميع
فالك الطيب والعز
وفالك النادر
وفالك راحة البال
تقديري لك

[القرناس المهاجر]

حيا الله مشرفنا الغالي حيا الله شاعر الطير و المقناص
صح الله لسانك يابو عبد الله ابيات جميله و شاعر اجمل


حي الله الغالي صقار مبتدئ
تحيا وتدوم والله يرزقنا وإياكم من فضله
صح بدنك .. والجمال اكتمل بتواجدك :)

[القرناس المهاجر]

صح لسانك يابوعبدالله وكل عام والجميع بخير. وبقصيدتك عن سهيل هيضتنا للمقناص الله يجيبه وحنا وياكم والمسلمين باحسن حال.لكن لي عتب ليه تحرمنا من قصايدك دامها بهذا المستوى وهذا الرقي.دام فكرك.
ولك تحياتي




حي الله الغالي مكرم الضيف
اشهد انك اكرمتنا بها العبارات الطيبة
ابشر باللي يسرك .. والجميع يستاهل الطيب
صح بدنك .. ولاهنت :)

[القرناس المهاجر]

وين انت ياللي غايب(ن)عننا حيل
وين انت يالقرناس وين انت ناوي
الله يعطيك العافيه على هالجزله يبوعبدالله
ان شاء الله اني اكملها ليا طرحته يبو عبدالله
اخوك شهاب الشريف

حي الله الغالي المسرع
وش ذالبداية الرائعه .. الله يجعلها تصدق الأماني
ودي اشوفها مكتمله .. وازيد اجاريك فيها ههههه
صح بدنك يالشريف.. ولاهنت :)

[القرناس المهاجر]

صح لسانك .. قصيده رائعة يعطيك العافية

حي الله الغالي ahmad6040

صح بدنك .. والروعه في تواجدك :)

[القرناس المهاجر]

السلام عليكم ورحمة الله وبركاته
الله الله الله
صح لساااانك قصيدة جزله من شاعر جزل
الله يبيض وجهك كذا القصيد ولى بلاش
الله يرزقك بالنادر اللي تردد قصيدك فيه
تحياتي لك.



حي الله الغالي حامد الحنيني
صح بدنك والله يرزقنا وإياكم من فضله
حباري وطيور .. وكلاً يمارس هواه ههههه
والله يحقق الأماني وابشر بالقصيد
تسلم ياغالي .. ولاهنت :)

[القرناس المهاجر]

صح لسانك يابو عبدالله

جزله من شاعر جزل

قرأت لك اكثر من قصيده في مواضيع المشرف المميز ذراع الذيب

اسجل اعجابي بجميع ماقرأت

اتمنى لك التوفيق

حي الله الغالي مازن الصعب
شكراً على الإشادة والإعجاب
ولو حبيت الإطلاع اكثر اذهب لخيمة الموروث الشعبي
قسم دواوين الشعراء .. تجد ديوان القرناس المهاجر
القصائد كلها قديمه لان جمع قصائدي توقف منذ 5 سنين
وانا اسجل محبتي وتقديري لك .. شكراً ولاهنت :)

[القرناس المهاجر]

صــح لــســان الــشــاعــر

بارك الله فيك




حي الله الغالي راع الشماليه

صح بدنك .. شكراً ولاهنت :)

[القرناس المهاجر]

بيض الله وجهك صح لسانك لا عدمناك لو يدري نجم سهيل انك تهليبه كان كل شهر وهو طالعلك تقول راتب هههههه
لا عدمناك شاعر المقناص



حي الله الغالي السيف
وجهك ابيض ياشيخنا الوقور
وترى محبة سهيل تمشي في عروق اهل البر والصيد
وهو نجم لاينفع ولايضر لكنه علامة وأية من آيات الله
التي نستدل بها في تغير الزمان .. وكثيراً مايتغنى به الشعراء
سرني تواجدك .. صح بدنك ولاهنت :)

[القرناس المهاجر]

وعليكم السلام ورحمة الله وبركاته
صح لسانك ياخوي القرناس المهاجر
قصيد جزله وهذي عوايدك عزالله
والله يرزقك بنادر ان شاء الله ومن يقرا




حي الله الغالي الرشيدي
صح بدنك .. والله لايهينك
ونسأل لنا ولكم الرزق العميم :)

[القرناس المهاجر]

وعليكم السلام ورحمة الله وبركاته
صح لسانك يابوعبدالله
قصيد جزلة من شاعر جزل
والله يرزقك بنادر ان شاء الله



حي الله الغالي صقار ابوظبي
مرحباً بالرحالة والصقار المغامر
شرفني تواجدك وإطرائك .. صح بدنك ولاهنت :)

[يوسف الخليفة1]

وعليكم السلام ورحمة الله وبركاته

حياك الله أخي العزيز القرناس المهاجر

[براق الغداري]

صح لسانك مليون

الينك شاعر

وتقبل مروري المتواضع

[راعي مرعوب]

السلام عليكم ورحمة الله وبركاته عسى العيد عليكم يعيد
صح لسانك ياشاعرنا ومشرفنا العزيز
والله يرزقك بالنادر الي دايمن في خيالك

[القرناس المهاجر]

حي الله الجميع .. كلا باسمه
سرني وشرفني تواجدكم