سؤال لصقاقير

[امير الصقاقير]

السلام عليكم

ياخوان عندى سؤال

الصقر واحجامه

الربع كم قياسه
والمثلوث كم قياسه
والوافي كم قياسه
وياليت تحددون من كذا الى كذا
يعنى من 14 الى 16 مثلا
لانى بصراحه في ناس تحط طيور وافيه او مثاليث
اتمنى من الجميع المشاركه

[مغاتير]

وعليكم السلام ورحمة الله وبركاته
اخوي الغالي المسميات تختلف من دوله الي دوله
الربع عند اهل الكويت الي هو 15 15
عند اهل السعوديه يسمونه مثلوث والمثلوث عند اهل الكويت من ١٦ ١٦
والوافي عند اهل السعوديه الي يجي ١٦ونص في١٦ونص تجي ارضيته والخ يسمي وافي ولي ١٧ يسما وافي
عند اهل الكويت ١٧ ١٧ الوافي وانت صاعد
وان شاء الله يفيدونك×

[مقناص الكويت]

حياك لله اخوي

الي نعرفه من ايام الشيبان

14ونص ل 15 هذا اربع

ومن 15 ونص ل 16 هذا المثلوث

ومن 16ونص وفوق هذا الوافي ...

[هاوي بر و صيد]

جزاكم الله خير

[أبو فيصل]

الربع اللي ما ينتشاهد من المثاليث هذا تعريفي الخاص

المثلوث أعلى من الربع و حدّه المغلطاني أبو 16 في 16 ولكن يشفع له أحيانآ أرضه و وجهه و منخره والعظام الجلال نسبيآ

و بعض المثاليث ودي به ولا المدابغه اللي ما تسوى خصه لجا و جهه حديد و عينه وسيعه ولها قحف و أنحش من المثلوث اللي عينه نافصه

[امير الصقاقير]

جزاكم الله خير

[ذعذاع نجد]

الربع اللي ما ينتشاهد من المثاليث هذا تعريفي الخاص

المثلوث أعلى من الربع و حدّه المغلطاني أبو 16 في 16 ولكن يشفع له أحيانآ أرضه و وجهه و منخره والعظام الجلال نسبيآ

و بعض المثاليث ودي به ولا المدابغه اللي ما تسوى خصه لجا و جهه حديد و عينه وسيعه ولها قحف و أنحش من المثلوث اللي عينه نافصه

:good::good::good::good:

[سطام ابو سعود]

ما قصرو الاخوان وخاصه صقار الكويت كلامه مظبوط
اشكرك اخوي

[جـرح الشمـال]

مرحباء اخوي امير الصقاقير

كيف انت امير الصقاقير ولا تعرف احجام الطيور هههههههههههههههه

ماقصرو الشباب عطوك الزبده
تقبل مروري

[امير الصقاقير]

مرحباء اخوي امير الصقاقير

كيف انت امير الصقاقير ولا تعرف احجام الطيور هههههههههههههههه

ماقصرو الشباب عطوك الزبده
تقبل مروري

لا انا عارف لكن فيه واحد منزل طير وكاتب شيخ المثاليث

حنا عندنا بالكويت شيخ المثاليث يكون اوفى المثاليث او اكبر المثاليث التامه

ويوم سئلت كم طوله وعرضه قال 15ونص ب15 ونص

فحبيت ان اسئل وطلع كلامى صح لان بالسعوديه طلع 15 ونص مثلوث وعندنا ربع

وبخصوص ان نكى امير الصقاصير فهو مجرد اسم فقط لاغير الله يصلحك

[طير الهقاوي]

لا انا عارف لكن فيه واحد منزل طير وكاتب شيخ المثاليث

حنا عندنا بالكويت شيخ المثاليث يكون اوفى المثاليث او اكبر المثاليث التامه

ويوم سئلت كم طوله وعرضه قال 15ونص ب15 ونص

فحبيت ان اسئل وطلع كلامى صح لان بالسعوديه طلع 15 ونص مثلوث وعندنا ربع

وبخصوص ان نكى امير الصقاصير فهو مجرد اسم فقط لاغير الله يصلحك

السلام عليكم ورحمة الله وبركاته
مايعتاز تقول في واحد قل طير الهقاوي انا معروف في هذا المنتدى الكبير
واحب اني اقولك انه شيخ وشيخ وشيخ
وشيخة الطيور عندنا ليس في احجامها بل في وسرتها والوانها وافعالها
شيخ فعل شيخ لون شيخ وسره
ولا بعد مر علي لافي الكويت ولا الامارات ولا البحرين ولا قطر ولا السعوديه الي هي ديرتي
احد قال كلمة شيخ عشان وفا الطير يستخدمون كلمه غير هذي
اما يقولون مدبغ او يقولون اصغر التامات او يقولون اكبر المثاليث او يقولون مغلطاني
ومن المسميات بالاحجام الطير
اما لاقالولك شيخ ادر وخبر انهم يقصدون اللون او الفعل او الوسره
تحياتي لك وتقبل مروري يا امير الصقاقير

[ذراع الذيب]

السلام عليكم ورحمة الله وبركاته,,
صبحتم بالخير جميعاً,,

دايم تختلف المسميات من منطقه الى منطقه في كل شي,,
والمثلوث عندنا مثل ماقالو الاخوان يصل الى مقاس الـ16 وهذا مغالطي ولاكن يتممه بوزه وارضه,,
وبالنسبه للمثلوث اللي مقاسه 15 ونص طول وعرض ومثايله وافيه اسميه شيخ الطيور,,
وتحياتي لكم,,

[امير الصقاقير]

السلام عليكم ورحمة الله وبركاته

مايعتاز تقول في واحد قل طير الهقاوي انا معروف في هذا المنتدى الكبير
واحب اني اقولك انه شيخ وشيخ وشيخ
وشيخة الطيور عندنا ليس في احجامها بل في وسرتها والوانها وافعالها
شيخ فعل شيخ لون شيخ وسره
ولا بعد مر علي لافي الكويت ولا الامارات ولا البحرين ولا قطر ولا السعوديه الي هي ديرتي
احد قال كلمة شيخ عشان وفا الطير يستخدمون كلمه غير هذي
اما يقولون مدبغ او يقولون اصغر التامات او يقولون اكبر المثاليث او يقولون مغلطاني
ومن المسميات بالاحجام الطير
اما لاقالولك شيخ ادر وخبر انهم يقصدون اللون او الفعل او الوسره
تحياتي لك وتقبل مروري يا امير الصقاقير



تسلم يالغالى والله يبارك لك في طيرك
بس الشيخ شيخ بكل شي ماهو 15 ونص

[امير الصقاقير]

السلام عليكم ورحمة الله وبركاته,,

صبحتم بالخير جميعاً,,


دايم تختلف المسميات من منطقه الى منطقه في كل شي,,
والمثلوث عندنا مثل ماقالو الاخوان يصل الى مقاس الـ16 وهذا مغالطي ولاكن يتممه بوزه وارضه,,
وبالنسبه للمثلوث اللي مقاسه 15 ونص طول وعرض ومثايله وافيه اسميه شيخ الطيور,,

وتحياتي لكم,,


احترم رايك بس كلمه شيخ ماتنطق على 15 ونص حييل قويه والله

[alrshedi]

احترم رايك بس كلمه شيخ ماتنطق على 15 ونص حييل قويه والله

وعليكم السلام ورحمة الله وبركاته
اخوي الغالي كل دوله او لها مسمياتها
وكلمة شيخ تنقال لطير الي يستاهله
سواء مثلوث ولا وافي ولا محقور
الفعل هو الي يخليك تمسي ماتبي
تقبل مروري

[مقناص الكويت]

وياربع اذكرو لله وكلمه شيخ ماتنطق لاهي علي الريشه ولا علي الطول والعرض

تنطقع علي الفعـــــــــــــــــــــــــل اذ كان وافي ولا مثلوث ولا تبع اهم شي فعل

[فهد الدقباسي]

الربع 14 في 14

والمثلوث 15ونص في 15ونص

والوافي 17 في 17

ولايغرك الطول واعطيك مثال تقريبا في سنه 95 طرح خويي ربع صافي كاشف وكان عنده وافي كاشف شاريه
مبلغ موهين وحنا بالمقناص لقينه حباره ومامعنه الا الربع عشان نهد ع الزواجل وهدينه الربع وصادها وللعلم
كان خرب موهين هذا الربع والوافي الي عنده ماهد على الحباره ولايهمك طول والشيخ شيخ فعل

[امير الصقاقير]

الله يعطيكم العافيه على المشاركه والمناقشه الجميله

[راعي جالود]

السـلام عليكم ورحمة الله وبركاته

الله يعطيكم العافيه على النقاش الجميل

أنا افضل أن أقف بـ الموقف الحيادي , وأقول كلمة الحق من وجهة نظري والله يعلم إنني لا أعرف أحد الاطراف المختلفين لكّن كل ٍ يدلي بـ دلوّه


كل طير غالي عنّد أهله , وأولا وأخيراً الطير كومة ريش ولا ينقص من قدر أهله مثقال ذرّه وكلمة الحق ما تزعل , والاختلاف بـ الراي لا يفسد لـ الود قضيّـه

وبعد هـا لمقدمه

أحب أقول أن الشيخ ما تطلق , على الطير الصايد فقط :- كل ٍ يكمل شي ّ ,يعني لو يخيّرونك بين طيرين صايدات , والاول شمالي وطوله 16 والثاني فارسي وطوله 16 ونص مثلا .. بديهيا ً تختار الفارسي لأنه شايخ بـ الطول وبـا لريشه لـ ذلك يسمى شيخ

اما مسمى شيخ < كـ فعل عند أهله ويعرض ويكتب شيخ من غلاه وفعله هذا شي عادي

أما طير طوله 15.5 وأقول شيخ المثاليث بـ المثايل هذا كلام غير صحيح لا بـ الفعل

المعروف أن الطير لا جا طوله 16 وعليها ( مثلوث ) وأرضيته طيبه وراسه طيب تقول أنه وافي وتعده من الوافيات نسبه لـ راسه وأرضيته والبعض ! يقوله محقور لأنك لا شفته أتحقاره لاهو مع المثاليث ولا هو مع الوافيات

أما يجي طير 15.5 ( ربع ) وأرضيته طيبه وراسه طيّب فـ تقول . من المثاليث وأتحاقره بينهم ولاني خابر أن الطير وهوّ ربع واللي يخليه ينقال عليه مثلوث راسه وأرضيته .. ويقال شيخ المثاليث هذي ما تجي

بـ النسبه لـ الطول والمتعارف لدى الصقاقير


أما أذا قيل أنه شيخ نسبة لـ غلاه ولـ فعله هذا باب وله جواب ,


والدعوه طيّبه .. والله أعلم كان أنا مخطي ومعلوماتي خطا , ما أحد طلع عالم

وما تجمعنا الا نفيد ونستفيد

وسامحونا ع الازعاج

[راعي هواش]

لاهنتوواا على المشاركااااات


وانا من يوووووووم شفت بعض الصقااااقير يقوول كلمه ربع

وانا غااااااااااااااااااسلن يدي من صقاارتهم

عندي طير نص اللي يخبر احد يشتريه

وعند واحد من الربع طير 2 الا ربع

اللي يبي يعطيني خبر

اجل طيوور قامت تسمى ربع

عشنا وشفنا

[امير الصقاقير]

اشكر كل من شارك معنا بالموضوع هذا

والاهم من هذا كله ان جميع الصقاقير الجدد تستفيد من كلمنا على الالقل

وتعرف احجام الطيور والقابها ومسمياتها والنقاش الهادى بالعكس فيه فائده

واخيرا راح نوصل لنقاط الاختلاف ويستفيد منه الجميع

وانا وجه نظري ان اذا قلت كلمة شيخ او افلان عنده طيرن شيخ

راح اعتقد ان هالطير وافي ومزيون ومثايله طيبه وكل شي فيه كامل والكامل وجه

واحترم جميع وجهات النظر واتمنى من الجميع احترام رايي

واترك المجال لخوانى الصقاقير بأبداء الراي لتعم الفائده للجميع