مطلوب تتبيلة فروج الطازج

[bandar67]

السلام عليكم إخواني أهل مكشات
وتقبل الله منا ومنكم صالح الأعمال
من يعرف مقادير تتبيلة مشوي فروج مطعم الطازج
يسوي خير ويجيبها ,
لأنها بصراحة معجبتني جدا وعجزت أجيبها ...
وكل عام وأنتم بخير ..........

[ابن هويشل]

اخوي بندر مساك الله بالخير مثل الشركات الكبيره
تكون الطريقة مشفره
ولااحد يستطيع يجيبه
لكن في خيمة الطبخات البريه
عندك مواضيع رعد الصحراء
ودهران
واحمد الشبعان
وغيرهم
تفيدك وشغل نظيف
ماشاء الله

[bandar67]

الله يجزاك خير يا ابن هويشل
كلامك صحيح بس مايمنع يمكن أحد يعرف أو يحاول
وشاكر ومقدر مرورك
وننتظر باقي الشباب إن شاء الله مايقصرون

[عنودالصيد]

لأني أموووت بالطازج رحت مشوااار لقوقل
عشان اجيب الخلطه السريه اللي عذبونا فيها(ماجبتي جديد:p)
وافيدك وافيد نفسي ف يوم من الأيام
وترى مقادير التتبيله منقوله وماجربتها وحده كسلانه:(
بس أقسم أحس بطعمها الحين إنها زيه بالظبطhttp://uaeec.com/newsm/34452.jpg:good:
المقادير:
علبة زبادي وبصلة متوسطة وطماط متوسطة 2 وفصوص ثوم
وعصير ليمونه
ونص كوب خل ونص كوب زيت زيتون وبهارات أهمها
http://www.alriyadh1.com/vb/images/smilies/sm100.gifالبابريكا ( لان هو اللي يعطيها لون الشواء اللذيذ )
وبعد فلفل أسود وكمون ودارسين وكزبرة مطحونة وبهارات مشكلة وملح
....
صوص الطحينه لحاله يم يم خذ برضو مقاديرها
بصلة صغيرة و4 ملاعق طحينية وربع كوب ماء و5ملاعق عصير ليمون و3 ملاعق خل وملح ورشة فلفل أسود بسيطه
!!!!
يااااارب أكون موفقه:good2:

[هاووي]

يعطيك العافيه .. المفروض نهار رمضان تقفلون الموضوع شووي :)

[عبدالمحسن 1]

صدقني لو اعطوك فروج انفسهم الخلطة لفسد طعمها عندك .. لكثرة الاستخدام ..
خلك كذا كل ما اشتهيت مر الطازج وخذلك منهم .. والمتعه تطول اكثر هههه

[هاووي]

الشغله يبغالها نفس ان شاء الله اي اكله اهم شي الطباخ :)

[قصيمية]

علبه لبن زبادي
طماطم صغيرة
بصله صغيرة
ملعقه ثوم مطحون
بهارات ( ربع ملعقه صغيرة فلفل اسود + نص ملعقه صغيرة كمون+ نص ملعقه صغيرة قرفه مطحونه+نص ملعقه صغيرة زنجبيل مطحون+ نص ملعقه بابريكا(بودرة الفلفل الاحمر البارد ))
ملح حسب الرغبه
نص كوب عصير ليمون
ملعقه خل ابيض
ربع كوب زيت زيتون

تخلط بالخلاط وتتبل بها الدجاجة وتترك ساعتين اواكثر

وان حصل يوم افضل

الخلطة منقولة لكني مجربتها وهي اقرب طعم لفروج الطازج

وتشوى بالفرن

[مجازف2010]

سبحان الله اختلاف الاذواق
انا جربته مره والله يديم النعمه احس حاطين في الخلطه ( كلونيا ) فيها ريحه عطر واعتقد من قشر البرتقال الي حاطينه في التتبيله او حاجه ثانيه

[ال عيسى]

سبحان الله اختلاف الاذواق
انا جربته مره والله يديم النعمه احس حاطين في الخلطه ( كلونيا ) فيها ريحه عطر واعتقد من قشر البرتقال الي حاطينه في التتبيله او حاجه ثانيه

والله العظيم انك صادق احس طعم كلونيا لكن مدري وش هو بالضبط يمكن ليمون

[bandar67]

أشكرك أختي عنود الصيد على المشوار
والمقادير وجاري التطبيق بعد العيد
وكل عام وأنتم بخير

[bandar67]

هاوي وعبدالمحسن شكرا للمروركم

وكل عام وأنتم بخير

[bandar67]

شكرا لك أختي قصيمية والتجربة بعد العيد
وكل عام وأنتم بخير

[bandar67]

مجازف وال عيسى
صادقين وكل له ذوق
وكل عام وأنتم بخير